ءبىر نيەتپەن كۇش بىرىكتىرىپ، جىگەرلەنە العا ىلگەرىلەپ، كورىكتى شينجياڭدى بىرگە قۇرامىز

− باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزى قىزۋ اڭىس قوزعادى

□ شينحۋا اگەنتتىگىنىڭ ءتىلشىسى

　　”شينجياڭداعى ءار ۇلت − جۇڭحۋا ۇلتى ۇلى شاڭىراعىنىڭ بولىنبەس مۇشەسى“.

　　”56 ۇلت جۇدىرىقتاي جۇمىلىپ، تاباندىلىقتى ساقتاپ، قۇنتتى دا ۇقىپتى بولىپ، ءبىر نيەتپەن كۇش بىرىكتىرىپ، اسقاق جىگەرمەن قايراتتانا ۇمتىلىپ، پارتيانىڭ باسشىلىعىندا ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن جالعاستىرا كۇرەس جۇرگىزۋ كەرەك“.

　　جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ جاقىندا شينجياڭدا قىزمەت تەكسەرگەن كەزدە سويلەگەن ماڭىزدى ءسوزى شينجياڭداعى قالىڭ كادر - بۇقارا اراسىندا قىزۋ اڭىس قوزعادى. كوپشىلىك مىنالاردى ءبىلدىردى: باس شۋجي شي جينپيڭنىڭ تاپسىرماسىن، ءسوز جوق، ەستە بەرىك ساقتاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، بىرگە ىنتىماقتاسا كۇرەس جۇرگىزىپ، بىرگە گۇلدەنىپ - دامىپ، ءبىر نيەتپەن كۇش بىرىكتىرىپ، جىگەرلەنە العا ىلگەرىلەپ، كورىكتى شينجياڭدى بىرگە قۇرامىز.

ۇلتتار ءبىر ءۇيلى جانداي ىنتىماقتاسامىز

شينجياڭدى مادەنيەتپەن نارلەندىرىپ جۇرت جۇرەگىن مەيىرگە بولەيمىز

　　”باس شۋجي، گۋيۋانشياڭ الەۋمەتتىك اۋماعىنا قوش كەلدىڭىز، ءبىزدىڭ الەۋمەتتىك اۋماق كوپ ۇلت شوعىرلى قونىستانعان ۇلتتار ىنتىماعىنىڭ ۇلكەن شاڭىراعى...“ باس شۋجي شي جينپيڭ ءۇرىمجى قالاسى تيانشان رايونى گۋيۋانشياڭ الەۋمەتتىك اۋماعىندا قىزمەت تەكسەرگەن كەزدە الەۋمەتتىك اۋماق پارتيا باس ياچەيكاسىنىڭ شۋجيى ارزىگۇل كەرىم باس شۋجي شي جينپيڭگە الەۋمەتتىك اۋماقتىڭ احۋالىن ەگجەي - تەگجەيلى تانىستىردى.

　　”باس شۋجي شي جينپيڭ بىلاي دەپ اتاپ كورسەتتى: ءار ۇلت بۇقاراسىنىڭ تۋىسقانداي ەتەنە بولۋىن، ءوزارا قارايلاسۋىن جەبەپ، كورىكتى مەكەندى بىرگە قۇرىپ، تاماشا بولاشاققا بىرگە جول اشۋ كەرەك“. ارزىگۇل كەرىم بىلاي دەدى: سوڭعى جىلدارى الەۋمەتتىك اۋماق الۋان ءتۇرلى ”ۇلتتار ىنتىماعىنىڭ بەرەكەلى شاڭىراعى“ قيمىلىن ۇزبەي ورىستەتىپ كەلەدى، ءار جىلى ءبىر رەت وتكىزىلەتىن ”وتباسىلار قوناعاسى“ قيمىلىندا، ءار ۇلت وتباسىلارى وزدەرىنىڭ ەڭ ءدامدى تاعامدارىن دايىنداپ، تۇرعىندار كوميتەتىندە باسقا وتباسىلارمەن بىرگە ءدام تاتىپ، ءوزارا ءتۇسىنىسۋدى جەبەپ، كورشىلەر ارا سۇيىسپەنشىلىكتى كۇشەيتەدى. الەۋمەتتىك اۋماق تاعى مەرزىم سايىن ”بىرگە ءان شىرقايمىز“ قيمىلىن وتكىزىپ، ءار ۇلت تۇرعىندارىنىڭ پارتيانىڭ قامقورلىعىن ەستە بەرىك ساقتاۋىنا، ۇلتتار ىنتىماعىن قورعاۋىنا جاعداي جاسايدى. الەۋمەتتىك اۋماق باس شۋجي شي جينپيڭنىڭ ماڭىزدى نۇسقاۋىنىڭ رۋحىن ويداعىداي دايەكتىلەندىرىپ، ۇلتتار ىنتىماعى سىندى وسى جان تامىردى ويداعىداي قورعاپ، تۇرعىنداردىڭ تۇرمىسىن اناعۇرلىم جاراسىمدى، اناعۇرلىم باقىتتى ەتەدى.

　　بۇراتالا موڭعۇل اۆتونوميالى وبلىسى بۇراتالا قالاسى بەيجيڭ وڭتۇستىك جولى الەۋمەتتىك اۋماعىنداعى ساقا پارتيا مۇشەسى دورىك تەلحان بىلاي دەدى: شينجياڭداعى ءار ۇلت بۇقاراسى ءبىر نيەتپەن ىنتىماقتاسىپ، جاراسىمدى، شىعىسىمدى بولۋدا، بۇقارانىڭ تۇرمىسى بارعان سايىن جاقسارۋدا. ساقا پارتيا مۇشەسى رەتىندە، شينجياڭدا پارتيا ورتالىق كوميتەتىنىڭ دۇرىس جەتەكشىلىگىندە تۋىلعان عالامات وزگەرىستەردى تەرەڭ سەزىندىم، ساقا پارتيا مۇشەسىندىك رولىمدى ۇزدىكسىز ساۋلەلەندىرىپ، كۇش - قۋاتىمدى ارنايمىن.

　　مادەنيەتتى شىنايى مويىنداۋ − ەڭ تەرەڭ قاباتتاعى شىنايى مويىنداۋ، شينجياڭدى مادەنيەتپەن نارلەندىرۋدى ىشكەرىلەي ورىستەتۋدىڭ ماڭىزى زور.

　　باس شۋجي شي جينپيڭ اۆتونوميالى رايوندىق مۇراجايدا قىزمەت تەكسەرگەندە، مۇراجايدىڭ باستىعى يۇي جىيۇڭ ەكسكۋرسيالىق ءتۇسىندىرۋ جاسادى. يۇي جىيۇڭ بىلاي دەدى: ”باس شۋجي شي جينپيڭ وتە باۋىرمال ەكەن، بىزبەن ىقىلاستى پىكىرلەسىپ ىقپالداستى. باس شۋجيدىڭ مۇراجايدا قىزمەت تەكسەرۋى ءبىز جونىنەن اسا زور جىگەرلەندىرۋ بولىپ تابىلادى. ءبىز قاتىستى نەگىزدىك زەرتتەۋلەر مەن تاريحي مادەني ەسكەرتكىشتەردىڭ قۇنىن اشۋدى مۇقياتتىلىقپەن ويداعىداي ىستەپ، جۇڭحۋا ۇلتى ورتاق تۇلعا تانىمىن بەرىك ورناتۋ سىندى داڭقتى بورىشتى ويداعىداي ورىنداپ، مادەني ەسكەرتكىشتەرگە جان ءبىتىرىپ، حالىقارالىق تاراتۋدىڭ تانىسقىسىنا اينالدىرۋىمىز كەرەك.

　　مۇراجايدا «ماناس» ايتۋ ونەرىنە قاتىناسقان سۇلايقا اسەنباي تەبىرەنىپ بىلاي دەدى: مەملەكەتتىڭ ساياساتى بارعان سايىن جاقساردى، قازىر «ماناس» ايتۋدى ۇيرەنۋشىلەر كوبەيىپ كەلەدى، كوپتەگەن ادام ايتۋدى، تىڭداۋدى جاقسى كورەدى. قايتىپ بارعاننان كەيىن وسى بەيزاتتىق مادەنيەت مۇرانى ويداعىداي جالعاستىرىپ، تاڭداۋلى ءداستۇرلى مادەنيەتتى اسقاقتاتا تۇسەمىز.

اۋىل - قىستاقتى گۇلدەندىرىپ بۇقارانى بايىتامىز

سىرتقا ەسىك اشۋدىڭ جاڭا تاراۋىن جازامىز

　　تۇرپاندا قىزمەت تەكسەرگەندە، باس شۋجي شي جينپيڭ تۇرپاننىڭ ەرەكشە جەمىستەرى كورسەتىلىمىن ەگجەي - تەگجەيلى كورىپ، جەرگىلىكتى ورىننىڭ ءجۇزىم ەرەكشە كاسىپ سالاسىن دامىتۋ، مادەنيەت پەن ساياحاتتى توعىستىرا دامىتۋ سياقتى احۋالدارىن ۇعىستى.

　　”باس شۋجي شي جينپيڭ اۋىلىما كەلىپ، اۋىلىمىزدىڭ ەرەكشە كاسىپ سالاسىن ۇعىستى، مەن ەرەكشە ماقتانىش ەتەمىن“. تۇرپان قالاسى ءجۇزىم كاسىپ سالاسىنىڭ دامۋىن جەبەۋ ورتالىعىنىڭ ورىنباسار مەڭگەرۋشىسى ليۋ لييۋان بىلاي دەپ تانىستىردى: تۇرپان مادەنيەت پەن ساياحاتتىڭ توعىسۋىن، ورمان مەن ساياحاتتىڭ توعىسۋىن بەلسەنە ىلگەرىلەتىپ، جەمىس ورمانى ونىمدەرىنىڭ سارا ماركا اسەرىن ءونىمدى جوعارىلاتتى. الداعى جەردە، باس شۋجي شي جينپيڭنىڭ تالابىن ويداعىداي دايەكتىلەندىرىپ، كاسىپ سالاسىن دامىتۋمەن بىرگە ەكولوگيالىق ورتانى ويداعىداي قورعاپ، بۇقارانى اناعۇرلىم ويداعىداي باقىتقا كەنەلتەمىز.

　　جاپپاي سوتسياليستىك وسىزاماندانعان مەملەكەت قۇرۋدا بىردە - ءبىر ۇلتتىڭ قاعىس قالۋىنا بولمايدى.

　　سوڭعى جىلدارى قىزىلسۋ قىرعىز اۆتونوميالى وبلىسى اقتاۋ اۋدانى بارىن اۋىلىنىڭ گۇلباق قىستاعىنىڭ بارىن ورىگى كاسىپ سالاسىنىڭ دامۋى العاشقى كولەم قالىپتاستىردى. قىستاق كادرى ماينۇر ابەيدوللا بىلاي دەدى: ”ءبىز سارا ماركا مەن ەلەكتروندى ساۋدانىڭ اسەرىن ساۋلەلەندىرىپ، بارىن ورىگى ەرەكشە ماركاسىن تۇلعالاپ، ەرەكشە كاسىپ سالاسىن كولەمدەنىپ دامۋعا جەتەكتەپ، تابيعات كورىنىسى مەن ەكونوميكالىق ونىمدىلىكتىڭ بىرلىگىن جۇزەگە اسىرىپ، اۋىل - قىستاقتىڭ گۇلدەنۋىن جەبەيمىز“.

　　”ءبىر بەلدەۋ، ءبىر جولدى“ بىرگە قۇرۋدىڭ ىشكەرىلەي ىلگەرىلەتىلۋىنە ىلەسە، شينجياڭ جاڭا دامۋ ورايىن قارسى الدى. قىزمەت تەكسەرۋ بارىسىندا باس شۋجي شي جينپيڭ اشىق ەكونوميكالىق تۇزىلىستە جاڭالىق اشىپ، سىرتقا ەسىك اشۋدىڭ ۇلكەن ارناسىن جەدەل ورناتىپ، حالىقارا، ەل ءىشى سىندى ەكى بازاردان، ەكى ءتۇرلى بايلىقتان اناعۇرلىم ويداعىداي پايدالانىپ، جاڭا دامۋ ارناسىنا بەلسەنە قىزمەت ەتۋ جانە ونىمەن توعىسۋ كەرەكتىگىن تالاپ ەتتى.

　　شينجياڭ حالىقارالىق قۇرلىقتىق پورت (توبى) شەكتى جاۋاپكەرشىلىك سەرىكتەستىگى پارتكومىنىڭ شۋجيى، القا باستىعى ما چۋنلەي مىنانى ءبىلدىردى: كاسىپورىن باس شۋجي شي جينپيڭنىڭ قىزمەت تەكسەرگەن كەزدە العا قويعان ماڭىزدى تالاپتارىن دايەكتىلەندىرىپ، كاسىپ سالاسىن دامىتۋ، ەرەكشە بايلىقتى وڭدەۋ، يمپورت - ەكسپورتتى كەڭەيتۋ سياقتى جاقتاردا ۇزدىكسىز كۇش سالىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن تۇلعالاۋدى ىلگەرىلەتۋ جاعىنا كۇش سالىپ، جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋگە كۇش قوسادى.

نەگىزگى ساتىنى كۇشەيتىپ، ناقتى ءىس ىستەيمىز

بيڭتۋان رۋحىن زور كۇشپەن اسقاقتاتامىز

　　الەۋمەتتىك اۋماق قىزمەتى بارشا وتباسىلارمەن بايلانىسىپ جاتادى. باس شۋجي شي جينپيڭ بىلاي دەپ باسا دارىپتەدى: الەۋمەتتىك اۋماقتاعى نەگىزگى ساتى پارتيا ۇيىمىنىڭ جاۋىنگەر قورعاندىق رولىن تولىق ساۋلەلەندىرىپ، قىزمەتتىڭ سالماق ءتۇيىنىن تومەنگە اۋدارىپ، ءار ۇلت تۇرعىندارىنىڭ ويلاعانىنا، ارمانداعانىنا، كۇتكەنىنە تىعىز جاناستىرىپ، كوپشىلىككە كومەكتەسىپ جاقسى ءىس ىستەپ، ناقتى ءىس ىستەپ، قيىن ماسەلەلەردى شەشىپ، ءار ۇلت بۇقاراسىنىڭ تۋىسقانداي ەتەنە بولۋىن، ءوزارا قارايلاسۋىن جەبەپ، كورىكتى مەكەندى بىرگە قۇرىپ، تاماشا بولاشاققا بىرگە جول اشۋ كەرەك.

　　تۇرپان قالاسى گاۋچاڭ رايونى يار قالاشىعى جاڭا قالا اۋماعى شينچىڭ شيمىن قىستاعىنىڭ كادرى قالبىنۇر ياسىن بىلاي دەدى: وسى بىرنەشە جىلدا اۋىل - قىستاقتىڭ گۇلدەنۋىن ىلگەرىلەتۋ ءۇشىن، قىستاق 2 -، 3 - كاسىپتى ۇزدىكسىز كەڭەيتىپ، قىزىل انار مادەنيەت الاڭىن، قىزىل انار كەشكى بازارىن تۇلعالاپ، بۇقارانىڭ زاتتىق جانە مادەنيەت قاجەتىن اناعۇرلىم ويداعىداي قاناعاتتاندىردى، سونداي - اق جەرگىلىكتى بۇقارانىڭ جۇمىستانۋ ماسەلەسىن شەشتى. ەندىگى جەردە قىزمەتتەستەرىممەن بىرگە باس شۋجي شي جينپيڭنىڭ ماڭىزدى نۇسقاۋى بويىنشا، بۇقارانىڭ تالاپتارىن بەتپە - بەت ۇعىسۋ، بۇقارانىڭ قيىن ىستەرىن كۇش سالا شەشۋ ارقىلى بۇقارانىڭ رازىلىعىن جوعارىلاتامىن.

　　شينجياڭ بيڭتۋان اسكەري تىڭ يگەرۋ مۇراجايىندا، باس شۋجي شي جينپيڭ بىلاي دەپ اتاپ كورسەتتى: بيڭتۋاندىقتار وتاندى قىزۋ سۇيەتىن، قالتقىسىز ۇلەس قوساتىن، قاجىرلىلىقپەن شارۋاشىلىق قۇراتىن، ءورىس اشا العا ىلگەرىلەيتىن بيڭتۋان رۋحىن سومدادى، بۇل جۇڭگو كوممۋنيستەرىنىڭ رۋحاني شەجىرەسىنىڭ ماڭىزدى قۇرامداس بولىگى، وسى باعالى بايلىقتان ويداعىداي پايدالانۋ كەرەك.

　　”باس شۋجي شي جينپيڭنىڭ تۇراقتاندىرۋى بىزگە بيڭتۋانعا تامىر تارتۋدىڭ بورىشى تاۋداي، جاۋاپكەرشىلىگى اۋىر ەكەندىگىن تەرەڭ سەزىندىردى“. شينجياڭ ءورت ءسوندىرۋ، ورتتەن ساقتانۋ، قۇتقارۋ باس اترەتى شىحىزى قالاسى نانزى - ۋ جولى ءورت ءسوندىرۋ، ورتتەن ساقتانۋ، قۇتقارۋ پۋنكتىنىڭ ساياسي جەتەكشىسى ديڭ يالي مىنانى ءبىلدىردى: وسىناۋ بيڭتۋاننىڭ ىرىستى توپىراعىنا تەرەڭ تامىر تارتىپ، سانالىلىقپەن اعا بۋىن بيڭتۋاندىقتاردىڭ اسقاق رۋحى مەن قۇن تالپىنىسىن ۇرپاقتان - ۇرپاققا جالعاستىرىپ، قاجىماي - تالماي كۇرەس جۇرگىزۋ، تاباندىلىقپەن مىزعىماي تۇرۋ ارقىلى بيڭتۋانعا تامىر تارتۋدىڭ، شەكارا وڭىرگە ۇلەس قوسۋدىڭ جاستىق كوكتەم حيكايالارىن جازا بەرەمىز.

　　جاڭا داۋىردە بيڭتۋان شەكارانى ورنىقتىرىپ - بەكەمدەيتىن ورنىقتىرعىشىتىق، ءار ۇلت بۇقاراسىن ۇيىستىراتىن دومنا پەشتىك، وزىق وندىرگىش كۇش پەن وزىق مادەنيەتتى دامىتۋدان ۇلگى كورسەتۋشى رايوندىق ماڭىزدى رولىن ساۋلەلەندىردى.

　　8 - شى 143 - تۋان اۋىل شارۋاشىلىعى 1 - ليانىنىڭ جەتەكشىسى جاڭ بەيجان بىلاي دەدى: بۇدان كەيىن ”بيڭتۋان مەن جەرگىلىكتى ورىن ءبىر تۇتاس جۇيە“ يدەياسىن ونان ارى بەرىك ورناتىپ، بيڭتۋان مەن جەرگىلىكتى ورىن ءبىر ءۇيلى جان، بيڭتۋان مەن جەرگىلىكتى ورىن نيەتتەس ەكەندىگىنە تاباندى بولىپ، بيڭتۋان مەن جەرگىلىكتى ورىندى توعىستىرۋ، ۇلتتار ىنتىماعى قىزمەتىن ويداعىداي ىستەپ، باس شۋجي شي جينپيڭنىڭ ىقىلاستى تاپسىرماسىن ورىندايمىز.

(شينحۋا اگەنتتىگىنىڭ 7 - ايدىڭ 16 - كۇنى ۇرىمجىدەن بەرگەن حابارى)