− باس شۋجي شي جينپيڭنىڭ شىحىزى قالاسىندا قىزمەت تەكسەرۋىنە قايتالاي تىلشىلىك
بيڭتۋاندىقتار وتاندى قىزۋ سۇيەتىن، قالتقىسىز ۇلەس قوساتىن، قاجىرلىلىقپەن شارۋاشىلىق قۇراتىن، ءورىس اشا العا ىلگەرىلەيتىن بيڭتۋان رۋحىن سومدادى، بۇل جۇڭگو كوممۋنيستەرىنىڭ رۋحاني شەجىرەسىنىڭ ماڭىزدى قۇرامداس بولىگى، وسى باعالى بايلىقتان ويداعىداي پايدالانۋ كەرەك.
− شي جينپيڭ
7 - ايدىڭ 15 - كۇنى شينجياڭ ءوندىرىس - قۇرىلىس بيڭتۋانى 8 - شى شىحىزى قالاسى 143 - تۋان 9 - ليانىندا قىزمەتشى ني زىحان مەن جۇبايى شابدالى جيناۋدا.
□ سۋرەتتى انار بۇلت \ شينجياڭ گازەتىنىڭ ءتىلشىسى جوۋ پىڭ تۇسىرگەن
قىزمەت تەكسەرگەن ورىن
شينجياڭ ءوندىرىس - قۇرىلىس بيڭتۋانى 8 - شى شىحىزى قالاسى
8 - شى شىحىزى قالاسى تيانشاننىڭ سولتۇستىك باۋرايىنىڭ ورتا بولىگىنە، قۇربانتۇڭعۇت ءشولىنىڭ وڭتۇستىك جيەگىنە ورنالاسقان، جالپى اۋدانى 6007 شارشى كيلومەتر. شىحىزى قالاسى − اسكەرلەر ورىن تاڭداپ، اسكەرلەر جوبالاعان، اسكەرلەر قۇرعان ”رەسپۋبليكانىڭ اسكەري تىڭ اشۋداعى ءبىرىنشى قالاسى“. 70 نەشە جىلدان بەرى، نەشە ۇرپاق بيڭتۋاندىقتار قىزىل گەنگە مۇراگەرلىك ەتىپ، قىزىل قان تامىردى جالعاستىرىپ، ”قۋاڭ دالانى جاسىل القاپقا اينالدىرعان، قۇبا تۇزدە جاڭا قالا قۇرعان“ دۇنيە كەرەمەتىن جاراتىپ، ”قۇبا تۇزدەگى مەرۋەرت“ سىندى تاماشا اتقا يە بولدى. شىحىزى قالاسى ىلگەرىندى - كەيىندى ”مەملەكەتتىك وركەنيەتتى قالا“، ”مەملەكەت دارەجەلى تازا قالا“، ”مەملەكەت دارەجەلى باۋ - باقشالى قالا“، ”مەملەكەت دارەجەلى ورمانمەن كومكەرىلگەن قالا“ اتاعىن العان، تۇڭعىش كەزەكتى ”جۇڭگو قونىس ورتاسى سيلىعىنا“ يە بولعان.
□ انار بۇلت \ شينجياڭ گازەتىنىڭ تىلشىلەرى سۇي يۇنيان، ميھىرگۇل عوپۇر
جاسىل القاپ جاقۇتتاي جارقىراپ، جاڭا قالا مەرۋەرتتەي كوز تارتتى. شينجياڭ ءوندىرىس - قۇرىلىس بيڭتۋانى 8 - شىسى شىحىزى قالاسى تيانشاننىڭ سولتۇستىك بوكتەرىنە، قۇربانتۇڭعۇت قۇمدى ءشولىنىڭ وڭتۇستىك جيەگىنە ورنالاسقان، 70 نەشە جىلدان بەرى نەشە ۇرپاق بيڭتۋاندىقتار وسى ارادا ۇزدىكسىز كۇرەس جاساپ، ”قۇمدى ءشولدى جاسىل القاپقا اينالدىرىپ، قۇبا تۇزدە جاڭا قالا قۇرۋ“ سىندى ايدىندى تاراۋ جازدى.
7 - ايدىڭ 13 - كۇنى تۇستەن كەيىن باس شۋجي شي جينپيڭ شينجياڭ ءوندىرىس - قۇرىلىس بيڭتۋانى 8 - شىسى شىحىزى قالاسىنا كەلىپ، ىلگەرىندى - كەيىندى شينجياڭ بيڭتۋان اسكەري تىڭ يگەرۋ مۇراجايىن ەكسكۋرسيالادى، 8 - شى 143 - تۋانىندا قىزمەت تەكسەرىپ، تەكسەرۋ - زەرتتەۋ جۇرگىزىپ، بيڭتۋاننىڭ تىڭ يگەرىپ، شەكارا قورعاۋ تاريحىن، سونداي - اق بيڭتۋاننىڭ نەگىزگى ساتى ۇيىمدىق قۇرىلىسىن كۇشەيتۋ، ەرەكشە اۋىل شارۋاشىلىعىن دامىتۋ، بيڭتۋان مەن جەرگىلىكتى ورىننىڭ توعىسا دامۋىن جەبەۋ سياقتى احۋالداردى ۇعىستى.
باس شۋجيدىڭ كەلۋى كادر - بۇقارانى قاتتى اسەرلەندىردى. كوپشىلىك جابال مىنالاردى ءبىلدىردى: بيڭتۋان رۋحىن ويداعىداي جالعاستىرىپ، قۇلشىنا كۇرەس جاساپ، شينجياڭ قىزمەتىنىڭ باس نىساناسىن جۇزەگە اسىرۋ بارىسىندا اناعۇرلىم زور رول ساۋلەلەندىرەمىز.
باس شۋجي بيڭتۋانعا وتە قانىق
شىحىزى − اسكەري تىڭ يگەرۋدەن شىققان قالا، بيڭتۋاننىڭ كۇرەس بارىسىنا كۋا بولدى، قالا ورتالىعىنا ورنالاسقان اسكەري تىڭ يگەرۋ مۇراجايى جاڭا جۇڭگونىڭ تىڭ يگەرىپ، شەكارانى قورعاۋ سىندى توڭكەرىستىك تاريحىنا دەمەۋ بولدى.
اسكەري تىڭ يگەرۋ مۇراجايىنىڭ كورسەتكەنى مادەني ەسكەرتكىشتەر ناقتى زاتى، جالعاستىرعانى بيڭتۋان رۋحى. باس شۋجي ”وتاندى قىزۋ ءسۇيۋدى، قالتقىسىز ۇلەس قوسۋدى، قاجىرلىلىقپەن شارۋاشىلىق قۇرۋدى، ءورىس اشا العا ىلگەرىلەۋدى“ نەگىزگى مازمۇن ەتكەن بيڭتۋان رۋحىن كوپ رەت تىلگە تيەك ەتكەن ەدى.
”باس شۋجي بيڭتۋانعا ەرەكشە كوڭىل بولەدى، سونداي - اق بيڭتۋاننىڭ تاريحىنا دا ەرەكشە قانىق“. اسكەري تىڭ يگەرۋ مۇراجايىنىڭ باستىعى گان لين بىلاي دەدى: ەكسكۋرسيالاۋ بارىسىندا باس شۋجي دەن قويا كورىپ، مۇقيات تىڭدادى، تاعى ءالسىن - ءالسىن سۇراۋ قويدى.
گان ليندى ايرىقشا اسەرلەندىرگەن تۇستار وتە كوپ بولدى. ”باس شۋجي قۇمدى القاپتاعى ساقا جاۋىنگەرلەردىڭ تاريحىنا وتە قانىق ەكەن، مەن ول كىسىنىڭ اعا بۋىن اسكەري تىڭ يگەرۋشىلەردى كوكەيىندە ساقتاپ جۇرگەندىگىن سەزىندىم“.
گان لين الاڭ - سارايعا ەرتەدەن ابدەن قانىق بولعانىمەن، باس شۋجيگە سەرىك بولىپ تاعى ءبىر ايلانىپ شىققاندا العان اسەرىنىڭ وزگەشە بولعانىن، تەبىرەنۋمەن بىرگە اسەرلەنگەنىن، ىشتەي قاتتى مەيىرلەنگەنىن ايتتى. ”بيڭتۋان رۋحى جۇڭگو كوممۋنيستەرىنىڭ رۋحاني شەجىرەسىنىڭ ماڭىزدى قۇرامداس بولىگى. باس شۋجي وسى قىمباتتى بايلىقتان ويداعىداي پايدالانۋ كەرەكتىگىن ايتتى. ءبىز مۇراجايداعى مادەني ەسكەرتكىشتەردى ويداعىداي قورعاپ، بيڭتۋاننىڭ حيكايالارىن ويداعىداي بايانداپ، بيڭتۋان رۋحىن ۇرپاقتان - ۇرپاققا جالعاستىرامىز“، - دەدى ول.
اسكەري تىڭ يگەرۋ مۇراجايىنىڭ ءتۇسىندىرۋشىسى گۋ چىنيە بيڭتۋاننىڭ ءۇشىنشى ۇرپاعى، شىحىزى قالاسىندا تۋىپ - وسكەن، بۇل ارادا 15 جىل ءتۇسىندىرۋشى بولدى. ”باس شۋجي كەلگەندە قاتتى اسەرلەندىم ءارى ءبىراز ساسقالاقتادىم“. ونىڭ ويىنا كىرمەگەنى مۇنىڭ ءبىر رەتكى ويىنداعىداي ءتۇسىندىرۋ عانا ەمەس، وتە - موتە، ءبىر رەتكى پىكىرلەسۋ، ىقپالداسۋ بولعانى بولدى، باس شۋجيدىڭ باۋىرمال سوزدەرى ونىڭ كوڭىلىن بىردەن سەرگىتىپ جىبەردى.
”باس شۋجيدىڭ اسكەري تىڭ يگەرۋ جاۋىنگەرلەرىنىڭ ءوندىرىسىنىڭ، تۇرمىسىنىڭ جاي - جاپسارى جانە مادەنيەت قۇرىلىسى سياقتىلارعا بارىنشا كوڭىل ءبولىپ، كوپ رەت سۇراۋ قويۋى ماعان ول كىسىنىڭ بويىنداعى حالىققا بولعان قويۋ ىنتا - ىقىلاسىن سەزىندىردى“، - دەدى گۋ چىنيە.
ەكسكۋرسيالاۋ اياقتاعاننان كەيىن، باس شۋجي شي جينپيڭ زالدا بيڭتۋاننىڭ قارت، ورتا جاس، جاس ءۇش بۋىن قۇرىلىسشىلارىنىڭ ۋاكىلدەرىنە كەزدەستى.
ولار تۇس - تۇستان باس شۋجيگە وزدەرىن تانىستىردى. بيىل 85 جاستاعى سۇن بىنشيا ساڭقىلداي سويلەپ: ”مەن شاندۇڭنان كەلدىم، 1954 - جىلى وتانىمىزدىڭ شەكاراسىن گۇلدەندىرۋ ۇندەۋىنە ءۇن قوسىپ، پارتيا نەگە بۇيىرسا سونى ىستەدىم، وكىنبەيمىن“! - دەدى. گۋ چىنيە: ءبىرىنشى ۇرپاق اسكەري تىڭ يگەرۋشىلەردىڭ ەڭ شىنايى جانە ادال سوزدەرىنە كوپشىلىك شاپالاق سوقتى، - دەدى.
باس شۋجي بىلاي دەدى: شينجياڭ ءوندىرىس - قۇرىلىس بيڭتۋانى شينجياڭنىڭ دامۋىن ىلگەرىلەتۋگە، ۇلتتار ىنتىماعىن كۇشەيتۋگە، قوعام ورنىقتىلىعىن قورعاۋعا، مەملەكەتتىڭ شەكارا قورعانىسىن بەكەمدەۋگە وشپەس ۇلەس قوستى.
باس شۋجيدىڭ بيڭتۋاننىڭ قىزمەتىن تۇراقتاندىرۋى مەن كوپشىلىككە ارتقان تىلەگىن ەستىگەن سوڭ، 80 نەشە جاستاعى ەرلى - زايىپتى ساۋ يۇنميڭ مەن زوۋ مەييۇي قاتتى اسەرلەندى. ”بۇرىنعى كۇرەس جاساۋىمىز قازىرگى باقىتىمىز ءۇشىن. جاس كەزىمىزدە كوپ جاپا شەكتىك، قازىر ءومىرىمىزدىڭ سوڭىنداعى تۇرمىسىمىز تىنىش تا كوڭىلدى ءوتىپ جاتىر، دەنساۋلىعىمىز دا جاقسى، تاعى باس شۋجيدى كوردىك، باقىتتى، تاتىمدى عۇمىر كەشتىك دەپ ويلايمىز“، - دەدى ساۋ يۇنميڭ.
پارتيا 18 - قۇرىلتايىنان بەرى، باس شۋجي شي جينپيڭ تالاي رەت ”قىزىل بايلىقتان ويداعىداي پايدالانۋ، قىزىل ءداستۇردى ويداعىداي اسقاقتاتۋ، قىزىل گەندى ويداعىداي جالعاستىرۋ كەرەك“ دەپ باسا دارىپتەدى. پىكىرلەسۋ بارىسىندا بيڭتۋاننىڭ قارت، ورتا جاس، جاس ءۇش بۋىن قۇرىلىسشىلاردىڭ ۋاكىلدەرى باس شۋجيگە بيڭتۋان رۋحىنىڭ جالعاسقاندىعىن كورسەتتى.
كەزدەسۋدە ”90 - جىلداردىڭ تۇلەگى“ 8 - شى شىحىزى باس الاڭى چۋانشۇيدي 5 - ليانى پارتيا ياچەيكاسىنىڭ شۋجيى، جەتەكشى كاڭ يالۇڭ اسقاق داۋىسپەن بىلاي دەدى: ”مەن بيڭتۋاننىڭ جوعارى مەكتەپ بىتىرگەن ليان - دۇي كادرىمىن، مەنىڭ اتىم كاڭ يالۇڭ“.
كاڭ يالۇڭ بىلاي دەدى: مەن بار كۇش - قايراتىممەن كەۋدەمدى تىك ۇستاپ، باس شۋجيگە جاڭا ءبىر بۋىن بيڭتۋاندىقتاردىڭ رۋحاني بەينەسىن كورسەتكىم كەلدى. ”مەن بيڭتۋان رۋحىن ويداعىداي جالعاستىرىپ، اسقاقتاتىپ، جاڭا داۋىردە شەكارا وڭىرگە تامىر تارتىپ، شەكارا وڭىرگە ۇلەس قوسىپ، مەكەنىمدى اناعۇرلىم باقىتتى دا تاماشا ەتىپ قۇرىپ شىعامىن“، - دەدى ول.
شىجىعان ىستىقتا باس شۋجي ماقتا اتىزىنا ۇڭىلە كوز تاستادى
”7 - ايدىڭ 13 - كۇنى تۇستەن كەيىن، قاپىرىق ىستىقتا باس شۋجي ءبىزدىڭ لياننىڭ ماقتا ءوسىرۋ بازاسىنا كەلىپ، ماقتانىڭ قاۋاشاقتانۋ جاعدايىن ۇڭىلە تەكسەردى“. 8 - شى 143 - تۋان اۋىل شارۋاشىلىعى 1 - ليانىنىڭ تەحنيگى شيە يۇڭ اسەرلەنە بىلاي دەدى: باس شۋجيدىڭ حالىقپەن سونداي ەتەنە ەكەنىن كوردىم.
بۇل ماقتا اتىزىنىڭ اۋدانى 320 مۋ، جاسىل القاپ ۇزىننان - ۇزاققا سوزىلىپ، ايرىقشا ايبىندى كورىنەدى. ”بۇل ءبىز ەككەن جاڭا سورت شينلۋزاۋ 84 - ءنومىر، تىم بيىك وسپەيدى، مۋ باسىندىق مايسا ءتۇپ سانى 14 مىڭ، قازىر ءدال قاۋاشاقتانۋ مەزگىلى، ءار ءتۇپ 5 − 6دان قاۋاشاقتاندى“. شيە يۇڭ قازىر ماقتانىڭ ءوسۋى تاماشا، مەجەمەن مۋ باسىندىق ءونىم مولشەرى 520 كيلوگرامنان اسادى دەپ مالىمدەدى، باس شۋجي سۇيىنە كۇلىمسىرەدى.
باس شۋجيدىڭ سۇراۋىمەن شيە يۇڭ ماقتا باپتاۋ تەحنيكاسىنان قىزمەت وتەۋ جونىندەگى كوپتەگەن ماسەلەلەرگە جاۋاپ بەردى، باس شۋجيدىڭ ماقتا ءوسىرۋ جونىندەگى مول بىلىمىنە ول قايران قالدى.
2014 - جىلى شينجياڭدا قىزمەت تەكسەرگەندە، باس شۋجي جاۋىنعا قاراماي، شينجياڭ ءوندىرىس - قۇرىلىس بيڭتۋانى 6 - شى كوممۋنيستىك جاستار وداعى ەگىس الاڭىنا بارىپ كادر - قىزمەتكەرلەرگە امانداسىپ، اۋىل شارۋاشىلىعىن ماشينالاندىرىپ دامىتۋ جاعدايىن ۇعىسقان بولاتىن. 8 جىل ءوتتى، 2021 - جىلدىڭ اياعىنا دەيىن بيڭتۋاننىڭ ەگىنشىلىك كاسىبى جەر جىرتۋ، تۇقىم ءسىڭىرۋ، ءونىم جيناۋىنىڭ جالپىلىق ماشينالانۋ مولشەرى ％95.3كە جەتىپ، بۇكىل ەلدە الدىڭعى دەڭگەيدە بولىپ، شينجياڭنىڭ اۋىل شارۋاشىلىعىنىڭ وسىزاماندانۋىنىڭ اناعۇرلىم جوعارى ساتىعا قاراي دامۋىنا دەم بەرىپ، ”استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋدى“ بىرتىندەپ رەالدىققا اينالدىردى.
”قازىر ءبىزدىڭ لياننىڭ ماقتا ەگىمشىلىگىنىڭ ماشينالانۋ دارەجەسى ％96.5كە جەتتى. تۇتاس بارىستىق اۆتوماتتاندىرۋدىڭ ىلگەرىلەۋىنە ىلەسە، مۇنان كەيىن جۇمىسشى - قىزمەتكەرلەر تامشىلاتىپ سۋارۋ، تىڭايتقىش بەرۋ سياقتىلاردى قول تەلەفوندارىمەن - اق مەڭگەرەتىن بولادى“، - دەدى شيە يۇڭ.
143 - تۋان 9 - ليانىنىڭ كۇلشە شابدالى ەگىس باقشاسىندا باس شۋجي جۇمىسشى - قىزمەتكەر ني زىحاننىڭ ەگۋ، ساتۋ جانە وتباسى جاعدايىن شىن ىقىلاسپەن سۇرادى. ”كۇلشە شابدالىنىڭ ساتىلۋىنان قام جەمەيمىز، باعاسى دا جوعارى، مۋ باسىندىق كىرىس 10 مىڭ يۋاننان اسادى“. ني زىحان باس شۋجيگە ءوزىنىڭ 16 مۋ جەرگە شابدالى اعاشىن وسىرگەندىگىن، جيىنى 7 سورتتى ەرتە، ارالىق مەزگىلدە، كەش پىساتىن ەتىپ سايكەستىرىپ ەككەندىگىن، ساتۋ مەزگىلىن ۇزارتىپ، شابدالىنى توڭىرەكتەگى جەرلەر مەن بۇكىل ەلدىڭ جەر - جەرىنە ساتاتىندىعىن، قازىر بيڭتۋاننىڭ جۇمىسشى - قىزمەتكەرلەرىنىڭ تۇرمىسى بارعان سايىن جاقسارعاندىعىن ماقتانىشپەن مالىمدەدى.
باس شۋجي وسى جىلداردا ليان - دۇيدىڭ جۇمىسشى - قىزمەتكەرلەردى ەگىمشىلىك، باعىمشىلىق، ەكولوگيالىق سەيىل - سەرۋەن، ساياحات جانە شارۋالار شاتتىعى ساياجايى شارۋاشىلىعىن دامىتۋعا شابىتتاندىرىپ جانە قولداۋ كورسەتىپ، جۇمىسشى - قىزمەتكەرلەردىڭ كىرىسىن ارتتىرعان ادىستەرىن القادى.
”باس شۋجي ءبىزدىڭ تۇرمىسىمىزدىڭ بارعان سايىن جاقسارىپ، بارعان سايىن باقىتتى بولۋىمىزدى تىلەدى، مەن پارتيا ورتالىق كوميتەتىنىڭ ءبىزدىڭ نەگىزگى ساتى بۇقاراسىنا كوڭىل ءبولىپ، قامقورلىق جاساپ وتىرعاندىعىن تەرەڭ سەزىندىم. ءبىز بۇكىل ەلدەگى حالىقتىڭ ەڭ جاقسى كۇلشە شابدالىن جەۋىنە مۇمكىندىك جاساۋعا قۇلشىنامىز“، - دەدى ني زىحان.
باس شۋجي 143 - تۋان حۋايۋان قالاشىعىنىڭ الاڭىنا بارعاندا، ءار ۇلت جۇمىسشى - قىزمەتكەر بۇقاراسى قۋانا شاتتاندى. ”مەن باس شۋجيدىڭ وسىلايشا ءبىزدىڭ جانىمىزعا كەلەرىن ويلاماعان ەدىم، ول كىسى كەلىسىمەن كوپشىلىك قاۋمالاي بارىپ، باس شۋجيمەن جاپا - تارماعاي امانداستى“، - دەدى 143 - تۋان 1 - ورتا مەكتەبىنىڭ وقىتۋشىسى ليۋ يۇي.
”باس شۋجي سونداعى ءار ۇلت جۇمىسشى - قىزمەتكەرلەر بۇقاراسىمەن ىقىلاستى اڭگىمەلەستى، ءبىزدىڭ شاتتىق ءۇنىمىز بەن شاپالاق داۋىسىمىز ۇزاققا سوزىلدى، مەنىڭ جۇرەگىم ىستىق سەزىمگە بولەنىپ، اسەرلەنگەنىمنەن كوزىمە ىستىق جاس كەلدى“! 143 - تۋاننىڭ زەينەتكە شىققان قىزمەتكەرى سۇڭ رۇڭفىڭ بىلاي دەدى: قازىر بيڭتۋاننىڭ دامۋ تەبىنى قۋاتتى، ءبىزدىڭ تۇرمىسىمىز باقىتتى، پارتيانىڭ قامقورلىعىن ءبىز ماڭگى ۇمىتپايمىز.
توعىسا دامۋ جولىندا بارعان سايىن ەتەنە بولدى
بيڭتۋان مەن جەرگىلىكتى ورىن ءبىر تۇتاس جۇيە، بيڭتۋان مەن جەرگىلىكتى ورىن ءبىر ءۇيلى جانداي ەتەنە. پارتيا 18 - قۇرىلتايىنان بەرى بيڭتۋان مەن جەرگىلىكتى ورىننىڭ توعىسا دامۋ قادامى ۇزدىكسىز تەزدەپ، بيڭتۋان مەن جەرگىلىكتى ورىن اراسىنداعى ارالاسۋ، ىشتەسۋ، توعىسۋ كۇن سايىن قويۋلاستى.
كورشىلەس وتىرىپ، ”جەردى سىزىپ ءبولىپ الۋ، سىزىقپەن ءبولىپ باسقارۋ“ وي ءتاسىلىن جويىپ، بيڭتۋان مەن جەرگىلىكتى ورىن ەكى جاق ەكونوميكالىق دامۋ، نەگىزدىك قۇرىلعى قۇرىلىسى، ەكولوگيانى قورعاۋ، وقۋ - اعارتۋ، ەمدەۋ سياقتى سالالاردا كەڭىنەن اۋىس - كۇيىس، سەلبەستىك ورىستەتىپ، ءار ۇلت بۇقاراسىنىڭ توعىسا دامۋ الا كەلگەن پايدادان بىرگە يگىلىكتەنىپ، تابىس سەزىمى، باقىت سەزىمى، حاۋىپسىزدىك سەزىمى بارعان سايىن كۇشەيدى.
وسى جولعى قىزمەت تەكسەرۋدە، باس شۋجي شي جينپيڭ بىلاي دەپ باسا دارىپتەدى: بيڭتۋان مەن جەرگىلىكتى ورىن ءبىر تۇتاس جۇيە دەگەنگە تاباندى بولىپ، كەلەلى نەگىزدىك قۇرىلعىلاردى سايكەستىرە قۇرىپ، بيڭتۋان مەن جەرگىلىكتى ورىننىڭ ەكونوميكا، قوعام، مادەنيەت، ەكولوگيالىق وركەنيەت قۇرىلىسى جانە ۇلتتار ىنتىماعى، العاباسارلىعى، كادر - دارىندىلار سياقتى جاقتاردان توعىسا دامۋىن جاپپاي ىلگەرىلەتىپ، قۇرىلعىلاردى بىرگە قۇرۋدى، بايلىقتان بىرگە يگىلىكتەنۋدى، تەرەڭدەي كىرىگۋدى، ارتىقشىلىقتارمەن ءوزارا تولىقتاۋدى جۇزەگە اسىرۋ كەرەك.
”قۇرىلعىلاردى بىرگە سالىپ، بايلىقتى بىرگە يگىلىكتەنىپ، تەرەڭدەي كىرىگىپ، باسىمدىقتار ارقىلى ءبىرىن - ءبىرى تولىقتادى، مەن مۇنى شىنايى سەزىندىم“، - دەدى بيڭتۋاننىڭ قارت، ورتا جاس، جاس ءۇش بۋىن قۇرىلىسشىلاردىڭ ۋاكىلى، 8 - شى 133 - تۋان جۇمىسشىلار ۇيىمىنىڭ ارناۋلى مىندەتتەگى ورىنباسار ءتوراعاسى ءداريعا سەيىت. ماناس اۋدانىندا تۋىپ - ەسەيگەن ول ورتا مەكتەپ تاۋىسقاننان كەيىن شىحىزى داشۋەسىنە ءتۇسىپ وقىعان، قازىر بيڭتۋاندا قىزمەت ىستەيدى، بيڭتۋان مەن جەرگىلىكتى ورىننىڭ توعىسۋىنىڭ يگىلىگىنە كەنەلۋشى.
شىحىزى قالاسى مەن ماناس اۋدانىنىڭ اراسىن وزەن ءبولىپ تۇرادى، ەكى جەردىڭ بۇقاراسى قاتىناس، وقۋ - اعارتۋ، ەمدەۋ، ساياحات، اس - سۋ سياقتى جاقتاردا ءوزارا ۇلاسىپ - تۇتاسىپ، ءبىرىن - ءبىرى جەبەپ، توعىسا دامۋ جەتىستىكتەرىنەن بىرگە يگىلىكتەنىپ كەلەدى. 2020 - جىلى 10 - ايدىڭ 8 - كۇنى شىحىزى − ماناس ۇلكەن كوپىرى سالىنىپ بولىپ اۆتوكولىك قاتىناۋىمەن، ەكى جەردىڭ اراسىنداعى ساپار ۋاقىتى 5 مينۋتقا قىسقارىپ، اۋىس - كۇيىس، بارىس - كەلىس ءتىپتى دە جيىلەدى. ”توعىسقان سايىن، جاراسىمدى بولعان سايىن داميدى، مۇنان كەيىنگى قىزمەتتە مەن بيڭتۋان مەن جەرگىلىكتى ورىننىڭ توعىسۋىن ىلگەرىلەتۋگە ۇلەس قوسامىن“، - دەدى داريعا.
”باس شۋجي بيڭتۋان مەن جەرگىلىكتى ورىننىڭ توعىسۋىن باسا دارىپتەدى، بۇل ءبىزدىڭ بولاشاقتاعى قۇلشىنۋ بەتالىسىمىز“. بيڭتۋانداعى قارت، ورتا جاس، جاس ءۇش بۋىن قۇرىلىسشىلاردىڭ ۋاكىلى، 8 - شى 144 - تۋان 1 - ليان پارتيا ياچەيكاسىنىڭ شۋجيى ۋاڭ جىۋي بىلاي دەدى: 1 - ليان ساۋان قالاسىنىڭ اسىل تۇقىم الاڭىمەن جاقىن كورشى، اسىل تۇقىم الاڭىنىڭ باعىمشىلىق وتباسىلارى 1 - لياننىڭ باعىمشىلىقتى دامىتۋىنا كومەكتەسەدى، ليان - دۇيدىڭ ەگىمشىلىك شەبەرلەرى دە اسىل تۇقىم الاڭىنا ۇنەمى بارىپ ماقتا ءوسىرۋ تاجىريبەلەرىن ۇيرەتەدى.
”ءبىر تۇتاس جۇيەنى“ ويداعىداي مەڭگەرىپ، ”ءبىر جوبانى“ بىرگە سىزدى. ”جەر شەكاراسى شەكتەۋىن بۇزعاننان كەيىن ىستەردەگى ىستەستىك، سەلبەستىك اناعۇرلىم جاقسى ونىمدىلىكتەرگە قول جەتكىزىپ، ەكى جەردىڭ سۇيىسپەنشىلىگى بارعان سايىن قويۋلاسىپ، ءبىز ءبىر ءۇيلى جانعا اينالدىق“. ۋاڭ جىۋي بىلاي دەدى: بولاشاقتا كاسىپ سالالارىن دامىتۋ جاعىندا ءتىپتى دە زور كەڭىستىككە تالپىنامىز، مىسالى، ماقتا ەگىمشىلىگى بىرلەسكەن كووپەراتيۆىن قۇرىپ، تىزە قوسىپ بازار اشىپ، ەنەرگيا ۇنەمدەپ، ونىمدىلىكتى ارتتىرۋ جاعىندا سەرپىلىسكە بىرگە قول جەتكىزەمىز.
”توڭىرەكتەگى اۋىل - قالاشىقتاردىڭ بۇقارالارى ءبىزدىڭ تۋان - الاڭىنا كەلىپ ءۇي ساتىپ الادى، كەيبىرەۋلەر ساۋدا ىستەيدى، بيڭتۋان مەن جەرگىلىكتى ورىننىڭ ءار ۇلت وقۋشىلارى تۋان - الاڭىنداعى مەكتەپتە بىرگە وقىپ، وقۋ - اعارتۋ بايلىعىنان بىرگە يگىلىكتەنەدى“. 143 - تۋان پارتكومىنىڭ شۋجيى، جىڭۋي ۋاڭ يۇڭ بىلاي دەدى: تۋان - الاڭى بيڭتۋان مەن جەرگىلىكتى ورىننىڭ ەمدەۋ - دەنساۋلىق ساقتاۋ سالاسىنداعى اۋىس - كۇيىس پەن سەلبەستىكتى ۇزدىكسىز ىلگەرىلەتىپ، ءار ۇلت بۇقاراسىنىڭ ەمدەلۋىنىڭ ءتىپتى دە قولايلى بولۋىنا مۇمكىندىك جاسايدى، تاعى تۋان - الاڭىنىڭ ەرەكشە جەمىس ورمانى شارۋاشىلىعىن، زور اۋىل شارۋاشىلىعىنىڭ باسىمدىعىن تولىق ساۋلەلەندىرىپ، جەرگىلىكتى ورىنداعى شارۋالاردىڭ كىرىسىن ارتتىرىپ، بايۋىن جەبەپ، بيڭتۋان مەن جەرگىلىكتى ورىنداعى ءار ۇلت بۇقاراسىن توعىسا دامۋ جولىندا بارعان سايىن ەتەنە، بارعان سايىن قۋاتتى ەتەدى.
”باس شۋجي ’بيڭتۋاننىڭ ستراتەگيالىق رولىن ەشتەڭە باسا المايدى‘دەدى. مۇنان ءبىز بارىنشا شابىتتاندىق“، - دەدى ۋاڭ يۇڭ، - بيڭتۋان مەن جەرگىلىكتى ورىننىڭ توعىسا دامۋىن ىلگەرىلەتۋدە ۇزدىكسىز تىڭ ونىمدىلىكتەرگە قول جەتكىزۋگە قۇلشىنىپ، شينجياڭ قىزمەتىنىڭ باس نىساناسىن جۇزەگە اسىرۋعا ۇلەس قوسامىز.
