3 ۇلكەن بولىك 30 ءتۇرلى قيمىل
ىلە تۇلپارى حالىقارالىق ساياحات مەرەكەسى باستالدى
انار بۇلت ＼ شينجياڭ گازەتىنىڭ ءتىلشىسى بارشا تەگىس، جيا چۇنشيا 7 - ايدىڭ 16 - كۇنى موڭعۇلكۇرەدەن حابارلايدى. 7 - ايدىڭ 16 - كۇنى تۇستەن بۇرىن موڭعۇلكۇرە اۋدانى قاراعانتى جايلاۋىنداعى تۇلپار ساياحات - مادەنيەت باقشاسىندا 10 مىڭنان استام ءار ۇلت بۇقاراسى ءبىر اراعا قۋانىشپەن باس قوستى، كولەمدى ادەبيەت - كوركەمونەر كونسەرتى قويىلىپ، 30 - كەزەكتى جۇڭگو شينجياڭ ىلە تۇلپارى حالىقارالىق ساياحات مەرەكەسىنىڭ (تومەندە قىسقارتىلىپ تۇلپار مەرەكەسى دەلىنەدى) شىمىلدىعى اشىلدى.
وسى كەزەكتى تۇلپار مەرەكەسىندە ينتەرنەت جەلىسىندە، ينتەرنەت جەلىسىنەن تىسقارى ۇشتاسۋ ءتاسىلى قولدانىلىپ، ”ات ۇستىندەگى 30 جىلدىق ۋادە، 20 - قۇرىلتايدى قول ۇستاسا قۋانىشپەن قارسى الايىق“ نەگىزگى تاقىرىپ ەتىلدى، «اشىلۋ سالتى +جالپى حالىقتىق ات سالىسۋ + بولىمشە ءماجىلىس الاڭى قيمىلى» سىندى 3 ۇلكەن بولىكتەن قۇرالعان 30 ءتۇرلى قيمىل قامتىلدى.
جۋىق جىلداردان بەرى موڭعۇلكۇرە اۋدانىنىڭ جىلقى شارۋاشىلىعى جەدەل دامىپ، اۋدان قالاشىعىنىڭ توڭىرەگىندەگى سايكەستى قۇرىلعىلار كەمەلدەنىپ، كاسىپ سالاسىنىڭ دامۋى التىن مەزگىلگە قادام تاستادى، موڭعۇلكۇرە اۋدانى ءار سالا قايراتكەرلەرىنىڭ جىلقى شارۋاشىلىعىنا قارجى قوسۋداعى ىرىستى مەكەنىنە اينالدى. مول ساياحات بايلىعىنا سۇيەنە وتىرىپ، ”تۇلپار“ باعىمشىلىعىنىڭ ۇزاق تاريحىن جانە مادەنيەت مايەگىن ارقاۋ ەتكەن موڭعۇلكۇرە اۋدانى ”جارىس قيمىلدارى، ءسۇت - ەت، مادەنيەت - ساياحات“ سىندى 3 ارتىقشىلىقتى ويداعىداي يگەرىپ، 1 - ، 2 - ، 3 - كاسىپتەردىڭ توعىسا دامۋىن جۇزەگە اسىردى. تۇتاس وڭىرلىك ساياحاتتىڭ ىشكەرىلەي دامۋىنا ىلەسە، ”تۇلپار مەكەنى“ دە ءبىرشاما كەمەلدى ”جىلقى شارۋاشىلىعى + مادەنيەت ساياحاتى“ توعىسا دامىعان جۇيەنى قالىپتاستىردى.
2021 - جىلدىڭ سوڭىنا دەيىن موڭعۇلكۇرە اۋدانىندا قولداعى ىلە جىلقىسى 119 مىڭ 800 بولىپ، ىلە وبلىسىنا توتە قاراستى ورىندارداعى، بۇكىل شينجياڭداعى قولداعى جىلقى سانىنىڭ جەكە - جەكە ％45. 26ىن جانە ％09. 14ىن ۇستادى، اسىل تۇقىم مولشەرى ％70كە جەتىپ، بۇكىل ەلدەگى جىلقى باعاتىن ءىرى اۋدان بولىپ، جىلقى سانى جاعىنان، ساپاسى جاعىنان شينجياڭ ىشىندە، ەل ىشىندە بىردەي الدىڭعى قاتاردان ورىن الىپ، باسەكەلىك باسىمدىعى كورنەكتى بولدى.
