اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى
باس شۋجي شي جينپيڭنىڭ ماڭىزدى جاۋاپ حاتىنىڭ، قۇتتىقتاۋ حاتىنىڭ رۋحىن جانە ورتالىقتىڭ نەگىزدىك زەرتتەۋ جونىندەگى ورنالاستىرۋلارىن، تالاپتارىن جەتكىزدى، دايەكتىلەندىردى
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 7 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 7 - ايدىڭ 16 - كۇنى كەڭەيتىلگەن ءماجىلىس اشىپ، باس شۋجي شي جينپيڭنىڭ شينجياڭدا قىزمەت تەكسەرگەندەگى ماڭىزدى ءسوزىنىڭ رۋحىن مۇقيات ۇيرەندى، دايەكتىلەندىردى، باس شۋجي شي جينپيڭنىڭ جۇڭگو مەملەكەتتىك مۇراجايداعى ساقا ماماندارعا، بۇعاز جاستار تالقى مىنبەرىنە قاتىناسقان تايۋاندىق جاستارعا قايتارعان ماڭىزدى جاۋاپ حاتىنىڭ جانە دۇنيە جۇزىلىك ينتەرنەت جينالىسى حالىقارالىق ۇيىمىنىڭ قۇرىلعاندىعىنا جولداعان قۇتتىقتاۋ حاتىنىڭ رۋحىن جەتكىزدى، دايەكتىلەندىردى، ورتالىقتىڭ نەگىزدىك زەرتتەۋ جونىندەگى ورنالاستىرۋلارىن، تالاپتارىن جەتكىزدى، دايەكتىلەندىردى، اۆتونوميالى رايوندىق پارتيا، ۇكىمەت ۋاكىلدەر ۇيىرمەسىنىڭ حۋبەيدە، جياڭشيدە، فۋجياندا ۇيرەنۋدە، قىزمەت تەكسەرۋدە بولعانداعى جاعدايىنان بەرگەن مالىمەتىن تىڭدادى، رايونىمىزدىڭ دايەكتىلەندىرۋ، تياناقتاندىرۋ قىزمەتىن ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ ماڭىزدى جاۋاپ حاتىنىڭ رۋحىن مۇقيات ۇيرەنىپ، دايەكتىلەندىرىپ، جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى ءبىر تۇلعالى ارناسىن زەرتتەۋدى كۇشەيتىپ، شينجياڭداعى ءار ۇلتتىڭ ارالاسۋىنىڭ تاريحي شىندىقتارىن، ارحەولوگيالىق ناقتى زاتتاردى، مادەنيەت مۇرالارىن تولىق اشىپ جانە ءونىمدى پايدالانىپ، مۇراجايدا ساقتالعان مادەني ەسكەرتكىشتەردى، بايتاق دالادا ءتىزىلىپ جاتقان مۇرالاردى، كونە جازبالاردا جازىلعان ماتىندەردى ءتىرىلتىپ، ءار ۇلت كادرلارى مەن بۇقاراسىن ”بەستى شىنايى مويىنداۋدى“ كۇشەيتۋگە، جۇڭگو پەيىلىن، جۇڭحۋا رۋحىن بەرىك سومداۋعا، جۇڭحۋا ۇلتى ورتاق تۇلعا تانىمىن بەرىك ورناتۋعا تاربيەلەۋ، جەتەكتەۋ كەرەك؛ جاڭا داۋىردەگى پارتيانىڭ تايۋان ماسەلەسىن شەشۋ جالپى تۇلعالىق جوباسى مەن پارتيا ورتالىق كوميتەتىنىڭ تايۋان قىزمەتى جونىندەگى شەشىمدەرىن، ورنالاستىرۋلارىن جالپى بەتتىك دايەكتىلەندىرىپ، تياناقتاندىرىپ، بەلسەنە شارت - جاعداي ازىرلەپ، تايۋان − شينجياڭ ەكى جەر جاستارىنىڭ اۋىس - كۇيىسىن، بارىس - كەلىسىن جەبەپ، ەكى جاقتىڭ ءارقايسى سالاداعى اۋىس - كۇيىسىنىڭ، سەلبەستىگىنىڭ اناعۇرلىم مول جەتىستىككە قول جەتكىزۋىن ىلگەرىلەتۋ كەرەك. باس شۋجي شي جينپيڭنىڭ قۇتتىقتاۋ حاتىنىڭ رۋحىن مۇقيات ۇيرەنىپ، دايەكتىلەندىرىپ، ينتەرنەت ەكولوگياسىن باسقارۋدى كۇشەيتۋ، شينجياڭ سيفرلى ۇكىمەت قۇرىلىسىن ىلگەرىلەتۋ سياقتى ءارقايسى جاقتا، ءارقايسى بۋىندا ءونىمدى تياناقتاندىرىپ، ينتەرنەت قۇرىلىسىن جان - جاقتى ىلگەرىلەتىپ، ينتەرنەت حاۋىپسىزدىگى قالتقىسىن شىنايى بەرىك ورناتىپ، پارتيا 20 - قۇرىلتايىنىڭ جەڭىسپەن اشىلۋىنا تازا، تۇنىق ينتەرنەت ورتاسىن قالىپتاستىرۋ كەرەك.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ نەگىزدىك زەرتتەۋ جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، نازاردى شينجياڭنىڭ ەكونوميكالىق، قوعامدىق دامۋ ءىس جۇزىندىگىنە شوعىرلاندىرىپ، قولدانۋ مەن سۇرانىستى باعدار ەتىپ، اۆتونوميالى رايوننىڭ نەگىزدىك زەرتتەۋ 10 جىلدىق ارەكەتىن زور كۇشپەن اتقارىپ، جۇيەلى زەرتتەۋدى، ورنالاستىرۋدى كۇشەيتىپ، جەرگىلىكتى جاعدايعا قاراي ناقتى شارا بەلگىلەپ، قازىنالىق ۇسىنىلىم ارقىلى قولداۋ سەرپىنىن كۇشەيتىپ، دارىندىلار قوسىنىن باۋلىپ، زورايتىپ، سايكەستى قىزمەت وتەۋدى قامتاماسىز ەتۋدى كۇشەيتىپ، شينجياڭ ەرەكشەلىگىنە جانە باسىمدىعىنا يە نەگىزدىك زەرتتەۋدى كۇش سالا ورىستەتىپ، رايونىمىزدىڭ اۋىل شارۋاشىلىعى عىلىمى، ماتەريال عىلىمى، ەنەرگيا عىلىمى سياقتى سالالاردا اناعۇرلىم كوپ ءتول جاسامپازدىق سيپاتتى جەتىستىكتەر جاراتۋىن ىلگەرىلەتىپ، ”نولدەن بىرگە دەيىنگى“ ءتىپتى دە كوپ ناتيجەلەردى قولعا كەلتىرىپ، عىلىم - تەحنيكانىڭ دامۋ نەگىزىن ۇزدىكسىز بەكەمدەپ، ەكونوميكانىڭ، قوعامنىڭ جوعارى ساپالى دامۋىنا پارمەندى تىرەك جانە كەپىلدىك ازىرلەۋ كەرەك.
ءماجىلىس اۆتونوميالى رايوندىق پارتيا، ۇكىمەت ۋاكىلدەر ۇيىرمەسىنىڭ حۋبەيدا، جياڭشيدە، فۋجياندا ۇيرەنۋدە، قىزمەت تەكسەرۋدە بولعانداعى جاعدايىنان بەرگەن مالىمەتىن تىڭدادى. ءماجىلىس مىنالاردى اتاپ كورسەتتى: باس شۋجي شي جينپيڭنىڭ شينجياڭدا قىزمەت تەكسەرگەندەگى ماڭىزدى ءسوزىنىڭ رۋحىن جانە شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ۇيرەنۋگە، دايەكتىلەندىرۋگە تىعىز بايلانىستىرىپ، تۋىسقان ولكە، قالالاردىڭ جوعارى ساپالى دامۋدى ىلگەرىلەتۋدەگى وزىق تاجىريبەلەرىنەن ويداعىداي ۇيرەنىپ، ۇلگى الىپ، بەلسەنە، ىرىقتىلىقپەن ىسكەرلىك كورسەتىپ، ۇيرەنۋ، قىزمەت تەكسەرۋ جەتىستىكتەرىن شينجياڭ قىزمەتىن ىلگەرىلەتۋدىڭ قوزعاۋشى كۇشىنە جانە ونىمدىلىگىنە اينالدىرىپ، تىلدەسۋ، سەلبەستىك جاساسۋ، ۇشتاسۋ قىزمەتىن ءجىتى ويداعىداي ىستەپ، اناعۇرلىم كوپتەگەن كاسىپ سالالارى مەن نىسانداردىڭ شينجياڭدا تياناقتانۋىن جەبەپ، شينجياڭنىڭ رەفورماسىن، دامۋىن، ورنىقتىلىعىن ونان ارى ويداعىداي ىلگەرىلەتۋ كەرەك.
