كوركەم كورىنىستەر كوز مەيىرىن قاندىرىپ، باي مازمۇندى كۇرەڭكەي گۇلى مادەنيەت نارىنەن سۋسىنداتتى، ادەمى كۇرەڭكەي گۇلىن تاماشالاۋعا باركولدە جۇزدەستى. 7 - ايدىڭ 16 - كۇنى، حىنان ولكەسىنىڭ شينجياڭعا كومەكتەسۋ العى شەپ قولباسشىلىق شتابى جانە كايفىڭ قالاسى مەن قۇمىل قالاسى بىرگە ۇيىمداستىرعان، كايفىڭ قالالىق پارتكوم ۇگىت ءبولىمى، كايفىڭ قالاسىنىڭ شينجياڭعا كومەكتەسۋ قىزمەت اترەتى، باركول اۋداندىق پارتكوم ۇگىت ءبولىمى، باركول اۋداندىق مادەنيەت، راديو - تەلەۆيزيا، ساياحات مەكەمەسى جاۋاپتى بولىپ وتكىزگەن ”ورتا جازىقتىڭ كوركەم كۇرەڭكەيى مادەنيەت مەرەكەسى“ كول بويى ەكولوگيالىق باقشاسى الاڭىندا سالتاناتپەن اشىلدى.
باستالۋ سالتىندا «انار گۇلى شەشەك اتتى» ءبيى ورىندالىپ، ادەمى ءبي ارەكەتتەرىمەن قيمىلدىڭ بەتاشارى اشىلدى. «كۇرەڭكەي جۇپارى اڭقىعان تاعى ءبىر جىل» ءانى كورەرمەندەردى لەزدە باۋراپ اكەتتى، «كورىكتى حىنان» ءانى، «چيپاۋعا ادىپتەلگەن گۇل ورنەگى» چيپاۋ كويلەگى سالتاناتى، «ورتا جازىق اتىنان» ولەڭىن مانەرلەپ وقۋ، «كوگىلدىر سۋ سىمباتى» ءبيى سىندى نومىرلەر كورەرمەندەرگە شاتتىق سيلاپ،سول جەردەگى كورەرمەندەردى قۋانىشتى ءارى وزگەشە سەزىمگە بولەدى.
يجوۋ رايونىنىڭ ساياحاتشىسى يىن جيامەي: ”بۇگىنگى نومىرلەردىڭ ورىندالۋى شىنىندا تارتىمدى بولدى، ءۇي ىشىمىزبەن كەلىپ تاماشالادىق، سوڭعى مارەسىندە ەشقايسىمىزدىڭ كەتكىمىز كەلمەدى، حىنان قيساسى مەن حىنان تەاترىن ۇناتتىم“،- دەدى.
ۇعىسۋعا قاراعاندا، وسى كەزەكتى ورتا جازىقتىڭ كوركەم كۇرەڭكەيى مەرەكەسى 10 - ايدىڭ ورتا شەنىنە دەيىن جالعاسادى ەكەن، سول كەزدە، ءبىر قىدىرۋ ەرەكشەلىگى ايقىن تارتىمدى مادەنيەت قيمىلدارى وتكىزىلىپ، كۇرەڭكەي گۇلىندەي قۇلپىرعان سان - سالالى مادەنيەت وزگەشەلىگىن، حالىقتىق سالت - سانا وزگەشەلىگىن، زاماننىڭ سونى وزگەشەلىگىن تانىتادى.
(باركول قازاق اۆتونوميالى اۋداندىق توعىسپالى مەديا ورتالىعىنان شيا شياۋلي، ادىلبەك، چىڭ شىحاي)