تيانشان تورى – شينجياڭ گازەتىنىڭ حابارى (ٴتىلشى سۇي يۇنيان، ەرىكتى ٴتىلشى باي شۋەچيڭ حابارلايدى) 7 – ايدىڭ 15 - كۇنى كەشتە ٴۇرىمجى قالاسى سايباق رايونى پيڭديڭشان ٴمالىسى پارتيا قىزمەت كوميتەتى مەن پيڭديڭشان الەۋمەتتىك اۋماعى قاراستىلىعىنداعى ساۋدا كوشەلەرىندە جايما اشىپ، ”زاڭدى ۇيرەنۋ بارشا جۇرتقا پايدالى، زاڭعا بويسۇنۋ بارلىق جەردە جاراسىمدىلىق سيلايدى“ اتىنداعى تاقىرىپتىق ۇگىت قيمىلىن ورىستەتىپ، دۋماندى، گۇلدەنگەن ”كەشكى ەكونوميكا“ تۇعىرىنان پايدالانىپ، زاڭ بىلىمدەرىنىڭ بۇقارانىڭ تۇرمىسىنا اناعۇرلىم ويداعىداي ەنۋىنە مۇمكىندىك جاسادى.
زاڭ جالپىلاستىرۋ ەرىكتىلەرى سىرتتان تاماق جەتكىزۋشى ازاماتقا ازاماتتىق زاڭنامانى ٴتۇسىندىردى. سۋرەتتى باي شۋەچيڭ تۇسىرگەن
سول كۇنى ساعات 20دان 30 مينۋت وتكەندە، پيڭديڭشان ٴمالىسىنىڭ تۇڭعىش رەتكى زاڭ جالپىلاستىرۋ كەشكى بازار قيمىلى ”جايماسىن اشىپ“ ىسكە قوسىلدى. ادۆوكاتتار، ٴادىليا بولىمشەسى جانە الەۋمەتتىك اۋماق قىزمەتكەرلەرى ساۋدا كوشەلەرىندە تاماقتانعان، كوشە ارالاعان، سەرۋەندەگەن بۇقارامەن نولدىك قاشىقتىقتا اڭگىمەلەسىپ، زاڭدى بەتپە - بەت جالپىلاستىردى.
ءۇرىمجى قالاسى سايباق رايوندىق ٴادىليا مەكەمەسى پيڭديڭشان ٴمالىسى ٴادىليا بولىمشەسىنىڭ قىزمەتكەرلەرى مەن شينجياڭ جيڭران ادۆوكات ىستەرى ورنىنىڭ ادۆوكاتتارى ساياحاتشىلار، جايما يەلەرى، سىرتتان تاماق جەتكىزۋشى ازامات سياقتىلارعا ازاماتتىق زاڭنامانى، جاستار مەن ورەندەرگە ازامات جاسىنا تولماعانداردى قورعاۋ زاڭىن ٴتۇسىندىردى، سونداي ـ اق بۇقارانى زاڭدىق كەڭەس بەرۋ، حالىقتىق جاراستىرۋ، زاڭدىق كومەك بەرۋ سياقتى زاڭدىق قىزمەت وتەۋمەن قامدادى، ناق مايداندا زاڭمەن باسقارۋ ۇگىتى جانە تەلەگراف الدامشىلىعىنان ساقتانۋ سۋرەتتى كىتاپشاسى سياقتى ماتەريالداردان جيىنى 600دەن استامى تاراتىلدى.
پيڭديڭشان ٴمالىسى ٴادىليا بولىمشەسىنىڭ ورىنباسار باستىعى جياڭ فاڭ بىلاي دەدى: تاياۋدا ٴادىليا بولىمشەسى ادۆوكاتتار سياقتى زاڭدىق قىزمەت وتەۋشىلەرمەن بىرلەسىپ كەشكى اسحانالاردا، ساۋدا كوشەسىندە زاڭمەن باسقارۋ ۇگىتى، زاڭمەن باسقارۋ ادەبيەت ـ كوركەمونەر كونسەرتى، تىكە تاراتىلىم سياقتى ۇگىت قيمىلدارىن ۇزدىكسىز ورىستەتەدى.
وسى رەتكى زاڭمەن باسقارۋ ۇگىت قيمىلىنا قاتىناسقان شينجياڭ جيڭران ادۆوكات ىستەرى ورنى پارتيا ياچەيكاسىنىڭ شۋجيى حاي رۇي بىلاي دەدى: بۇرىن زاڭدى جالپىلاستىرۋ قىزمەتى كوبىنەسە كۇندىز ورىستەتىلىپ، قاتىناسقان ادامدار شەكتى بولاتىن، زاڭدى جالپىلاستىرۋ ۇگىتى كەشكى بازارعا كىرگەن سوڭ، حالىق تۇرمىسىمەن اناعۇرلىم جاناسقان تاسىلمەن ٴتىپتى دە كوپ بۇقاراعا ۇگىت جۇرگىزۋگە بولادى.
اۋدارعان: قادىر ماقان
