ليۋ حى جازباشا ارناۋ ءسوز سويلەدى
ما شيڭرۇي قاتىناستى، باي چۇنلي، لي شياۋحۇڭ، شاۋ شينيۇي، ەركىن تۇنياز ارناۋ ءسوز سويلەدى، لي يفي، جاڭ چۇنلين، حى جۇڭيوۋ قاتىناستى
7 - ايدىڭ 18 - كۇنى ”جىبەك جولى ەكونوميكالىق بەلدەۋى وزەكتى رايونى − كاسىپ سالالارىن گۇلدەندىرۋ، جاڭالىق اشا دامۋ“اكادەميكتەر تالقى مىنبەرى شينجياڭ حالىقارالىق ءماجىلىس - كورمە ورتالىعىندا وتكىزىلدى. سۋرەتتە: تالقى مىنبەرىنىڭ اشىلۋ سالتى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 7 - ايدىڭ 18 - كۇنى ۇرىمجىدەن حابارلايدى. ”جىبەك جولى ەكونوميكالىق بەلدەۋى وزەكتى رايونى − كاسىپ سالالارىن گۇلدەندىرۋ، جاڭالىق اشا دامۋ“ اكادەميكتەر تالقى مىنبەرى 7 - ايدىڭ 18 - كۇنى شينجياڭ حالىقارالىق ءماجىلىس - كورمە ورتالىعىندا وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ حى جازباشا ارناۋ ءسوز سويلەدى.
اۆتونوميالى رايوندىق پارتكومنىڭ شۋجيى ما شيڭرۇي قاتىناستى ءارى شينجياڭ اكادەميكتەر بىرلەستىگىنە ماڭدايشالىق ۇسىندى. مەملەكەتتىك حالىق قۇرىلتايى ۇلت كوميتەتىنىڭ مەڭگەرۋشى مۇشەسى، ”ءبىر بەلدەۋ، ءبىر جول“ حالىقارالىق عىلمي ۇيىمدار وداعىنىڭ ءتوراعاسى باي چۇنلي، جۇڭگو ينجەنەريا اكادەمياسى پارتيا باسشىلىق گرۋپپاسىنىڭ شۋجيى، اكادەميا باستىعى لي شياۋحۇڭ، عىلىم - تەحنيكا مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيستر شاۋ شينيۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ارناۋ ءسوز سويلەدى.
اۆتونوميالى رايون باسشىلارىنان لي يفي، جاڭ چۇنلين، حى جۇڭيوۋ، جۇڭگو عىلىمدار اكادەمياسىنىڭ ورىنباسار باستىعى جاڭ تاۋ، جۇڭگو ينجەنەريا اكادەمياسىنىڭ ورىنباسار باستىقتارى دىڭ شيۋشين، ۋاڭ چىن، ۋ مانچيڭ، عىلىم - تەحنيكا مينيسترلىگىنىڭ بۇرىنعى باس حاتشىسى جاڭ جيڭان قاتارلىلار قاتىناستى.
ليۋ حى مىنالاردى ءبىلدىردى: باس شۋجي شي جينپيڭ 3 - رەتكى ”ءبىر بەلدەۋ، ءبىر جول“ قۇرىلىسى اڭگىمە ماجىلىسىندە جۇڭحۋا ۇلتىنىڭ ۇلى گۇلدەنۋ ستراتەگياسىنىڭ جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاۋدىڭ بيىگىندە تۇرىپ، تابىستاردى جالپى بەتتىك قورىتىندىلاپ، جاعدايعا عىلمي تالداۋ جاساپ، ”ءبىر بەلدەۋ، ءبىر جولدى“ بىرگە قۇرۋدى جوعارى ساپالى دامىتۋدى ىلگەرىلەتۋگە كەلەلى ورنالاستىرۋ جاساپ، جاڭا داۋىردە ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتۋگە ءتۇبىرلى بويسۇنۋ ولشەمىن ازىرلەدى، جاقىندا شينجياڭدا قىزمەت تەكسەرگەندە، تەكسەرۋ - زەرتتەۋ جۇرگىزگەندە شينجياڭ قىزمەتىن جاقسى ىستەۋ جونىندە ايقىن تالاپتار قويدى.
ليۋ حى بىلاي دەپ اتاپ كورسەتتى: شينجياڭ ەۆروپا − ازيا قۇرلىعىنىڭ قويناۋىندا، ءوڭىر ورنى باسىمدىعى كورنەكتى، ستراتەگيالىق ورنى ماڭىزدى، جىبەك جولى ەكونوميكالىق بەلدەۋى وزەكتى رايونى. جاقىنداعى جىلداردان بەرى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ جەتەكشىلىگىندە، شينجياڭ وزەكتى رايون قۇرىلىسىن ىلگەرىلەتۋدى قوزعالتقىش ەتۋگە تاباندى بولىپ، مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋىمەن ىرىقتى تۇردە توعىستى، ىشكى قۇرلىق قويناۋى ەسىك اشۋدىڭ الدىڭعى شەبىنە جەدەل اينالىپ، ەرەكشە ءوڭىر ورنى باسىمدىعى دامۋ باسىمدىعىنا تەز اينالىپ، جوعارى ساپالى دامۋدىڭ ماڭىزدى ستراتەگيالىق وراي مەزگىلىن كۇتىپ الدى.
ليۋ حى بىلاي دەپ باسا دارىپتەدى: كاسىپ سالاسى دامۋدىڭ نەگىزى، جاڭالىق اشۋ ءبىرىنشى قوزعاۋشى كۇش. اكادەميكتەردىڭ، مامانداردىڭ اقىل - پاراسات جەتىستىكتەرى مەن بايلىق باسىمدىعىن تولىق ساۋلەلەندىرىپ، شينجياڭنىڭ كاسىپ سالالارىن گۇلدەندىرۋدى بىرگە جوسپارلاپ، شينجياڭنىڭ جاڭالىق اشا دامۋىنا دەم بەرىپ، پارتيا ورتالىق كوميتەتىنىڭ دارىندىلاردى جان - جاقتى باۋلۋ، ەنگىزۋ، ىستەتۋ جونىندەگى كەلەلى ورنالاستىرۋىن جالپى بەتتىك دايەكتىلەندىرىپ، دارىندىلاردى دامىتۋ جاڭا ۇستانىمىن ورناتىپ، ءتىپتى دە كوپ دارىندى اقىل - پاراسات بايلىعىن ۇدايىلاندىرىپ ەنگىزىپ، ورنىقتىرىپ، شينجياڭنىڭ جوعارى ساپالى دامۋىنىڭ تىڭ ساتىعا كوتەرىلۋىن، تىڭ ونىمدىلىكتەرگە قول جەتكىزۋىن ىلگەرىلەتىپ، مەملەكەتتىڭ ستراتەگياسىنا ات سالىسۋ جانە قىزمەت وتەۋ بارىسىندا اناعۇرلىم زور رول اتقارۋ كەرەك.
باي چۇنلي مىنالاردى ءبىلدىردى: قازىر شينجياڭنىڭ ەكونوميكالىق دامۋى، حالىق تۇرمىسىنىڭ جاقسارۋى عىلىم - تەحنيكا تىرەگىن بۇرىنعى ءارقانداي مەزگىلدەگىدەن دە ەرەكشە قاجەت ەتىپ وتىر، جاڭالىق اشۋ ءبىرىنشى قوزعاۋشى كۇش جەتەكشىلىگىن كۇشەيتۋدى اناعۇرلىم قاجەت ەتىپ وتىر، عىلىم - تەحنيكادا جاڭالىق اشۋ كورىكتى شينجياڭ قۇرۋدىڭ، وتان ارمانىن بىرگە جۇزەگە اسىرۋدىڭ شەشۋشى اينىمالى شاماسىنا اينالدى. ”ءبىر بەلدەۋ، ءبىر جول“ حالىقارالىق عىلمي ۇيىمدار وداعى اۆتونوميالى رايونمەن ءبىر تۇتاس جوسپارلاپ ۇشتاسۋدى كۇشەيتىپ، ناقتى، جوعارى ونىمدىلىكتى سەلبەستىكتەردى ىلگەرىلەتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ سۇرانىسىنان عىلىم - تەحنيكالىق ماسەلەلەردى ۇيىستىرىپ، سەلبەستىكتى، اۋىس - كۇيىستى ىلگەرىلەتىپ، عىلىم - تەحنيكادا جاڭالىق اشۋعا سۇيەنىپ ىشكى ارتۋعا دەم بەرەتىن جوعارى ساپالى دامۋ جولىن قاراستىرىپ، شينجياڭنىڭ ىشكى قۇرلىققا ەسىك اشۋ مەن شەكارا بويىندا ەسىك اشۋدىڭ بيىگىن سومداۋىنا دەم بەرەدى.
لي شياۋحۇڭ مىنالاردى ءبىلدىردى: جاڭا جورىققا قادام باسقاندا، جۇڭگو ينجەنەريا اكادەمياسى مەن اۆتونوميالى رايوننىڭ سەلبەستىگى جاڭا كەزەڭگە ءوتتى. مەملەكەتتىڭ ستراتەگياسىن تياناقتاندىرۋدا الدا ءجۇرىپ، مەملەكەت ستراتەگياسىنىڭ عىلىم - تەحنيكا دارىندىلارى باسىمدىعىن ساۋلەلەندىرىپ، مەملەكەتتىڭ ستراتەگياسىن اتقارۋعا ينجەنەريالىق عىلىم - تەحنيكا تىرەگىن ازىرلەۋ؛ جاڭالىق اشۋ ارقىلى دەم بەرۋدى اتقارۋدا الدا ءجۇرىپ، نازاردى شينجياڭنىڭ دامۋىنىڭ ءتۇيىندى سالالارىنا شوعىرلاندىرىپ، اكادەميكتەر باس بولعان ستراتەگيالىق اقىل - كەڭەس بەرۋ نىساندارى مەن كەلەلى عىلىم - تەحنيكالىق، ءتۇيىندى زەرتتەپ اشۋ نىساندارىن ۇيىمداستىرۋ جانە ولارعا قولداۋ كورسەتۋ؛ ەسىك اشۋ بيىگىن سومداۋدا الدا ءجۇرىپ، شينجياڭنىڭ جىبەك جولى ەكونوميكالىق بەلدەۋى بويىنداعى مەملەكەتتەرمەن جانە وڭىرلەرمەن ناقتى سەلبەستىكتەردى كەڭەيتۋىنە دەم بەرۋ؛ عىلىم - تەحنيكالىق دارىندىلاردى ىستەتۋدە، جانداندىرۋدا الدا ءجۇرىپ، كاسىپ سالاسى تىزبەگى مەن دارىندى تىزبەگىنىڭ تەرەڭدەي توعىسۋىن ىلگەرىلەتۋ كەرەك.
شاۋ شينيۇي مىنالاردى ءبىلدىردى: عىلىم - تەحنيكا مينيسترلىگى باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى ارقاۋ ەتىپ، نازاردى مەملەكەتتىڭ كەلەلى ستراتەگيالىق ورنالاستىرۋىنا جانە اۆتونوميالى رايوننىڭ ءتۇيىندى قىزمەت ورنالاستىرۋلارىنا شوعىرلاندىرىپ، عىلىم - تەحنيكادا جاڭالىق اشۋ قابىلەتىن جوعارىلاتۋدى شەشۋشى كۇش سالۋ ءتۇيىنى ەتىپ، ەرەكشە، باسىمدىققا يە كاسىپ سالالارىنىڭ دامۋىن جەبەۋدى نەگىزگى شابۋىل باعدارى ەتىپ، شينجياڭنىڭ قوعام ورنىقتىلىعىن قورعاۋ مەن حالىق تۇرمىسىن جاقسارتۋدى ماڭىزدى تابان تىرەر تياناق ەتىپ، عىلىم - تەحنيكا ارقىلى شينجياڭعا كومەكتەسۋ قىزمەتىنىڭ تەبىنىن ۇزدىكسىز ارتتىرىپ، عىلىم - تەحنيكا ارقىلى شينجياڭعا كومەكتەسۋدىڭ ونىمدىلىگىن جوعارىلاتىپ، ءبىر توپ كەلەلى جاڭالىق اشۋ شارالارىن شينجياڭمەن بىرگە جوسپارلاپ اتقارىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن سايكەسە وتىرىپ ىلگەرىلەتەدى.
ەركىن تۇنياز مىنالاردى ءبىلدىردى: شينجياڭ ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدىڭ شەشۋشى مەزگىلىندە تۇر، قىزمەتتەر جاڭا تاريحي باستامادا تۇر. ءبىز باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن مۇقيات دايەكتىلەندىرىپ، وسى رەتكى تالقى مىنبەرىن وراي ەتىپ، باياندى مەحانيزمدى كەمەلدەندىرىپ، اۋىس - كۇيىس تۇعىرىنان ويداعىداي پايدالانىپ، اكادەميكتەردىڭ، مامانداردىڭ اقىل - پاراسات بايلىعى مەن زەرتتەۋ جەتىستىكتەرىن ۇدايىلاندىرىپ ويداعىداي ۇلاستىرىپ، ەنگىزىپ، ورنىقتىرىپ، شينجياڭنىڭ جاڭالىق اشا دامۋىن ىلگەرىلەتۋدىڭ ناقتى امالياتىنا اينالدىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى قۇلشىنا قۇرۋعا كۇش قوسامىز.
جۇڭگونىڭ قازاقستانداعى باس ەلشىسى جاڭ شياۋ، جۇڭگونىڭ قىرعىزستانداعى باس ەلشىسى دۋ دىۋىن، جۇڭگونىڭ تاجىكستانداعى باس ەلشىسى جي شۋمين، جۇڭگونىڭ وزبەكستانداعى باس ەلشىسى جياڭ يان، جۇڭگونىڭ تۇركمەنستانداعى باس ەلشىسى چيان نايچىڭ جەكە - جەكە بەينە ەكران تاسىلىمەن ارناۋ ءسوز سويلەدى.
اشىلۋ سالتىندا باي چۇنلي، ۋاڭ چىن جانە جۇڭگو عىلىمدار اكادەمياسىنىڭ اكادەميگى شياۋ ۋىنجياۋ، جۇڭگو ينجەنەريا اكادەمياسىنىڭ اكادەميگى حى كىبين، جۇڭگو عىلىمدار اكادەمياسىنىڭ اكادەميگى دي چيڭيۇن، جۇڭگو عىلىمدار اكادەمياسى ”ءبىر بەلدەۋ، ءبىر جولدى“ زەرتتەۋ ورتالىعىنىڭ مەڭگەرۋشىسى ليۋ ۋيدۇڭ جەكە - جەكە ”كومىر قىشقىل گازىن بەيتاراپتاندىرۋ كەلەشەگىندەگى ەنەرگيا عىلىمى“، ”مەديتسينا، دەنساۋلىق ساقتاۋ، سالاماتتىق جونىندە“، ”جىبەك جولىنداعى ورەگەندىك بەلدەۋدىڭ كەندەنۋ رولى جانە تەرەڭ ءبولىمدى بارلاۋ - ولشەۋ“، ”قوس كومىر قىشقىل گازى ارەكەتى جانە جاسىل جوعارى ساپالى دامۋ“، ”تەرەڭ قاباتتاعى مۇناي - گازدى اشۋداعى زەردەلى بۇرعىلاۋ تەحنيكاسى“، ”شينجياڭ ’ءبىر بەلدەۋ، ءبىر جول‘ قۇرىلىسىنىڭ جوعارى ساپالى دامۋىنا قالاي ات سالىسادى“ سياقتىلار توڭىرەگىندە نەگىزگى تاقىرىپتىق بايانداما جاسادى.
شينجياڭ اكادەميكتەر بىرلەستىگى، جىبەك جولى (گۋاڭدۇڭ ساۋدا ساپارى) سيفرلى ەكونوميكانى زەرتتەۋ مەكەمەسى قۇرىلدى ءارى ماڭدايشالىق بەرۋ، اشۋ سالتى وتكىزىلدى. جۇڭگو ينجەنەريا اكادەمياسى اۆتونوميالى رايوندىق حالىق ۇكىمەتىمەن ستراتەگيالىق سەلبەستىك كەلىسىمىنە قول قويدى؛ اۆتونوميالى رايوندىق حالىق ۇكىمەتى پىڭچىڭ تاجىريبەحاناسىمەن توراپ ءتۇيىنىن اشۋ سەلبەستىك كەلىسىمىنە قول قويدى؛ دىڭ ميڭجياڭ اكادەميك قىزمەت پۋنكتى، جۇڭگو سۋ عىلىمى اكادەمياسى، حىحاي داشۋەسى اۆتونوميالى رايوندىق سۋ يگىلىگى مەڭگەرمەسىمەن ستراتەگيالىق اقىل - كەڭەس بەرۋ كەلىسىمىنە قول قويدى؛ جۇڭحۋا مەديتسينا قوعامى سۇيەك عىلىمى بولىمشە قوعامى، جۇڭگو شيپاگەرلەر قوعامى سۇيەك اۋرۋلار ءبولىمى شيپاگەرلەر بولىمشە قوعامى شينجياڭ مەديتسينا قوعامى سۇيەك عىلىمى كاسىپتىك كوميتەتىمەن ستراتەگيالىق سەلبەستىك جۇلگەلىك كەلىسىمىنە قول قويدى؛ مەملەكەتتىك كلينيكالىق مەديتسينانى زەتتەۋ ورتالىعى اۆتونوميالى رايوندىق حالىق شيپاحاناسىمەن سەلبەستىك كەلىسىمىنە قول قويدى؛ شينجياڭ داشۋەسى قورعاس ەكونوميكالىق اشۋ رايونىن باسقارۋ كوميتەتىمەن ستراتەگيالىق اقىل - كەڭەس بەرۋ كەلىسىمىنە قول قويدى.
تالقى مىنبەرى كەزىندە تاعى ەكونوميكانىڭ جوعارى ساپالى دامۋىن ىلگەرىلەتۋ، دامۋعا جاڭالىق اشۋ ارقىلى دەم بەرۋ، ءوندىرۋدى، وقىتۋدى، زەرتتەۋدى توعىستىرىپ كاسىپ سالالارىن گۇلدەندىرۋگە دەم بەرۋ سىندى 3 رەتكى دوڭگەلەك ۇستەل كەڭەسى وتكىزىلدى، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ ەكونوميكانىڭ جوعارى ساپالى دامۋىنا دەم بەرۋ زەرتتەۋ - تالقى ءماجىلىسى اشىلدى.
جۇڭگو عىلىمدار اكادەمياسىنىڭ، جۇڭگو ينجەنەريا اكادەمياسىنىڭ 38 اكادەميگى، ياڭ فاسىن، ءيۇسۇپجان مامەت، ەلزات احمەتجان، قادەن كابەن، مۇقيات جارمۇقامەت، سۇن حۇڭمەي، يىلحام سابىر قاتارلىلار، جۇڭگو عىلىمدار اكادەمياسىنىڭ، جۇڭگو ينجەنەريا اكادەمياسىنىڭ قاتىستى تاراۋلارىنىڭ جاۋاپتى جولداستارى، اۆتونوميالى رايوننىڭ قاتىستى مەكەمە - ورىندارى مەن ايماق، وبلىس، قالالاردىڭ قاتىستى جاۋاپتى جولداستارى، قاتىستى عىلمي زەرتتەۋ اكادەميا، ورىندارىنىڭ، سونداي - اق قاتىستى سالالاردىڭ ماماندارى، وقىمىستىلارى، قوعامداردىڭ، عىلمي قوعامداردىڭ، قارجى قوسۋ قۇرىلىمدارىنىڭ، باسقارۋ قۇرىلىمدارىنىڭ ۋاكىلدەرى قاتارلىلار تالقى مىنبەرىنە قاتىناستى.
