− باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندە ②
□ گازەتىمىزدىڭ شولۋشىسى
قامقورلىق، قويۋ سۇيىسپەنشىلىك جۇرت جۇرەگىن مەيىرگە بولەپ، تاۋ - وزەن تەرەڭ سۇيىسپەنشىلىككە شومدى. داڭقتى توڭكەرىستىك داستۇرگە يە داشۋەدەن جۇڭحۋا ۇلتىنىڭ كوپ نەگىزدى، ءبىر تۇلعالى ەكەنىنە كۋا بولعان مۇراجايعا دەيىن، ومىرشەڭدىك كۇش تاسقىنداعان قۇرلىقتىق پورت اۋماعىنان وسىزاماندانعان ماقتا اتىزىنا دەيىن، ىنتىماقتى، جاراسىمدى الەۋمەتتىك اۋماقتان ۇمىتكە تولى اۋىل - قىستاققا دەيىن، شينجياڭدا قىزمەت تەكسەرگەن كەزدە باس شۋجي شي جينپيڭ تاڭ بوزىنان اتتانىپ، جۇلدىز شىعا ورالىپ وتىردى، ءاربىر اۋىز سوزىندە ىقىلاستى تاپسىرمالار جاتتى، بۇل − شينجياڭنىڭ رەفورما، دامۋ، ورنىقتىلىق قىزمەتتەرىنە ناق مايداندا ءبىر رەتكى جەتەكشىلىك ەتۋ، سونداي - اق جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدى، تياناقتاندىرۋدى ءبىر رەتكى شوعىرلى تەكسەرۋ بولدى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭدى جونگە سالۋ زاڭدىلىعى جونىندەگى تانىم مەن يگەرۋدى تەرەڭدەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قالىپتاستىردى. جاڭا داۋىردەگى پارتيانىڭ شينجياڭدى جونگە سالۋ جالپى جوباسى باس شۋجي شي جينپيڭنىڭ شينجياڭ جاعدايى جونىندەگى تەرەڭ باعامداۋىن جانە شينجياڭ قىزمەتى جونىندەگى تەرەڭ تولعانىسىن قامتىعان، ول شينجياڭ قىزمەتىنىڭ قىم - قۋىت كۇردەلى جاعدايدا تۋراشىلدىقتى ساقتاپ، جاڭالىق اشۋىنا، قايشىلىق، حاۋىپ - قاتەر بارىسىندا جەڭىسپەن العا ىلگەرىلەۋىنە جەتەكشىلىك ەتەتىن قۋاتتى يدەيالىق قارۋ، شينجياڭ قىزمەتىن ويداعىداي ىستەۋدىڭ ارقاۋى جانە جانى. باس شۋجي شي جينپيڭ وسى رەتكى قىزمەت تەكسەرۋ بارىسىندا ورتاعا قويعان جاڭا يدەيا، جاڭا كوزقاراس، جاڭا تۇجىرىم جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ونان ارى بايىتتى، دامىتتى، ءبىز تولىق، دالمە - ءدال ءتۇسىنىپ، تاباندىلىقپەن ىلگەرىلەتىپ، قاز - قالپىندا تياناقتاندىرۋىمىز كەرەك.
جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ دۇرىس جەتەكشىلىگىندە، شينجياڭ قىزمەتى ەلەۋلى ناتيجەگە قول جەتكىزىپ، ەكونوميكالىق، قوعامدىق دامۋ جانە حالىق تۇرمىسىن جاقسارتۋ بۇرىن بولماعان تابىسقا قول جەتكىزىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. اماليات جاڭا داۋىردەگى پارتيانىڭ شينجياڭدى جونگە سالۋ جالپى جوباسى بۇكىلدەي دۇرىس، وعان، ءسوز جوق، ۇزاق ۋاقىت تاباندى بولۋ كەرەكتىگىن تولىق دالەلدەدى. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرۋدى كەلەلى ساياسي مىندەت ەتىپ، تولىق، دالمە - ءدال دايەكتىلەندىرۋ جاعىندا كۇش سالىپ، شينجياڭ قىزمەتىنىڭ باستان - اياق بەتالىسى ايقىن، جولى دۇرىس، ونىمدىلىگى جاقسى بولۋىنا مۇمكىندىك جاساۋ كەرەك.
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدە جۇيە كوزقاراسىن كۇشەيتۋ كەرەك. جاڭا داۋىردەگى پارتيانىڭ شينجياڭدى جونگە سالۋ جالپى جوباسى − ورگانيكالىق تۇتاس تۇلعا، شينجياڭ قىزمەتىنىڭ بارلىق جاعىن قامتىعان، قازىرگىنى دە، ۇزاق بولاشاقتى دا مەڭگەرگەن، جالپى تۇلعالىق نىساناسى دا، قىزمەت مىندەتى دە بار، تانىم نازارياسى دا، ءادىسناماسى دا بار، پارتيانىڭ جاپپاي باسشىلىعىن باسا دارىپتەۋمەن بىرگە، ءارقايسى جاقتىڭ بەلسەندىلىگىن جۇمىلدىرۋعا دا باسا نازار اۋدارعان. تۇلعالىق وي جەلىسىن ورناتىپ، جۇيە كوزقاراسىنا تاباندى بولۋ كەرەك، ”سەگىزگە تاباندى بولۋدى“ جانە ”شينجياڭدى زاڭمەن جونگە سالۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ شينجياڭدى گۇلدەندىرۋدى، شينجياڭدى باياندى كوركەيتۋدى“ سىڭار جاقتى ەمەس، جان - جاقتى، بىتىراندى ەمەس، جۇيەلى تۇردە تانىپ، يگەرىپ، ءبىر تۇتاس جوسپارلاپ سايكەستىرۋ بارىسىندا جاڭا داۋىردەگى شينجياڭ قىزمەتىنىڭ ىرىقتىلىق ۇقىعىن مىقتاپ يگەرۋ كەرەك.
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدە ارەكەت سانالىلىعىن كۇشەيتۋ كەرەك. جاڭا داۋىردەگى پارتيانىڭ شينجياڭدى جونگە سالۋ جالپى جوباسى ءبىر ولشەم سىزعىش، شينجياڭ قىزمەتتەرى تۇگەلدەي وسى سىزعىش ارقىلى ولشەنەدى. نازاردى شينجياڭ قىزمەتىنىڭ باس نىساناسىنا شوعىرلاندىرىپ، باياندى تىنىشتىققا ساياتىن ءتۇبىرلى، نەگىزدىك، ۇزاق بولاشاقتىق قىزمەتتەردى ىلگەرىلەتۋ كەرەك؛ جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ كەرەك؛ ءدىن ىستەرىن باسقارۋ قابىلەتىن جوعارىلاتىپ، ءدىننىڭ اقاۋسىز دامۋىن جۇزەگە اسىرۋ كەرەك؛ شىنايى مويىنداۋدى كۇشەيتۋدى نىسانا ەتىپ، شينجياڭدى مادەنيەتپەن نارلەندىرۋدى ىشكەرىلەي ورىستەتۋ كەرەك؛ دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن تەرەڭ تانىپ، دامۋ جەتىستىكتەرىمەن حالىق تۇرمىسىنا تيىمدىلىك جاساۋدى، جۇرت تىلەگىن ۇيىستىرۋدى ىلگەرىلەتۋ كەرەك؛ پارتيانى جاپپاي قاتاڭ باسقارۋعا تاباندى بولىپ، جوعارى ساپالى كادرلار قوسىنى قۇرىلىسىن شىنايى، ويداعىداي يگەرۋ كەرەك؛ جاڭا داۋىردەگى بيڭتۋان قىزمەتىن جاقسى ىستەپ، بيڭتۋاننىڭ اناعۇرلىم ۇلكەن رول ساۋلەلەندىرۋىن ىلگەرىلەتۋ كەرەك. ءبىز وسكەلەڭ يدەيالىق سانالىلىق، ساياسي سانالىلىق جانە ارەكەت سانالىلىعى ارقىلى جاۋاپكەرشىلىك سەزىمىن، بورىشتىلىق سەزىمىن ۇزدىكسىز كۇشەيتىپ، ءتۇرلى مىندەتتەردىڭ تياناقتاندىرۋىن بۇلجىماستان ويداعىداي يگەرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تيانشان الابىندا تياناقتانىپ تامىر تارتۋىن، گۇل اشىپ جەمىس بەرۋىن ىلگەرىلەتۋىمىز كەرەك.
يدەيا ارەكەتتىڭ جەتەكشىسى، ارەكەت يدەيانىڭ ايگىلەنۋى. ءبىز شينجياڭ دامۋىنىڭ ۇلكەن اۋقىمىن ايقىن تانىپ، شينجياڭ قىزمەتىن ويداعىداي ىستەۋدىڭ بۇكىل پارتيانىڭ، بۇكىل مەملەكەتتىڭ كەلەلى جاعدايىنداعى ىقپالىن ايقىن تانىپ، شينجياڭ قىزمەتىنىڭ ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاۋداعى ورنىن ايقىن تانىپ، باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جاڭا داۋىردەگى جاڭا جورىقتا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋعا قۇلشىنۋىمىز كەرەك.
