− باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندە (3)
□ گازەتىمىزدىڭ شولۋشىسى
جۇڭحۋا ۇلتى ورتاق تۇلعا تانىمىن بەرىك ورناتۋ − جاڭا داۋىردەگى پارتيانىڭ ۇلت قىزمەتىنىڭ ارقاۋى، بارلىق قىزمەتتى وسىعان شوعىرلاندىرۋ كەرەك.
شينجياڭ داشۋەسى جۇڭحۋا ۇلتى ورتاق تۇلعا تانىمىن بەرىك ورناتۋدى زەرتتەۋ بازاسىنان ءۇرىمجى قالاسى تيانشان رايونى گۋيۋانشياڭ الەۋمەتتىك اۋماعىنا دەيىن، شينجياڭ مۇراجايىندا ۇلتتىق ەپوس «ماناس» ايتۋ ونەرىن تاماشالاۋدان تارتىپ، مالىمەتتى تىڭداعاندا جۇڭحۋا ۇلتى ورتاق تۇلعا تانىمىن بەرىك ورناتۋدى باسا دارىپتەگەنگە دەيىن... باس شۋجي شي جينپيڭ شينجياڭدى كوزدەن كەشىرگەن كەزدە، ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي جۇرۋگە وسكەلەڭ ءمان بەرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋدى باسا دارىپتەدى.
جۇڭحۋا ۇلتى ورتاق تۇلعا تانىمى − مەملەكەت تۇتاستىعىنىڭ نەگىزى، ۇلتتار ىنتىماعىنىڭ ارقاۋى، رۋحاني كۇشتىڭ جان جۇيەسى. جۇڭحۋا ۇلتى ورتاق تۇلعا تانىمىن بەرىك ورناتقاندا عانا، ءتۇرلى ۇشقارىلىق، بولشەكتەۋشىلىك يدەيالاردىڭ سىنالاپ كىرۋىن، قۇلاتۋىن ءونىمدى تەجەپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تەلەگەي كۇشىن ۇيىستىرۋعا بولادى.
2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە، باس شۋجي شي جينپيڭ ”جۇڭحۋا ۇلتى ورتاق تۇلعا تانىمى“ سىندى كەلەلى تۇجىرىمدى ايقىن العا قويدى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە، باس شۋجي شي جينپيڭ بىلاي دەپ باسا دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلتتاردىڭ ۇلى ىنتىماعىن ۇزدىكسىز بەكەمدەۋ كەرەك. بۇل جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ ءتۇبىرلى تالابى.
پارتيا 18 - قۇرىلتايىنان بەرى، رايونىمىز پارتيانىڭ ۇلت ساياساتىن جاپپاي دايەكتىلەندىرىپ، جۇرت تىلەگىن ۇيىستىرۋدى نەگىز ەتۋگە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋعا تاباندى بولىپ، ۇلتتار ىنتىماعىنداعى، العاباسارلىعىنداعى وزات ورىن قۇرۋ قىزمەتىن زور كۇشپەن ىلگەرىلەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇزدىكسىز ورىستەتتى، ءار ۇلت كادرلارى مەن بۇقاراسى تۋىسقانداي ەتەنە بولىپ، ءوزارا قارايلاسىپ، اناردىڭ دانىندەي تىعىز ۇيىسىپ، ۇلتتار ىنتىماعى گۇلى تيانشان الابىندا قۇلپىرا اشىلدى.
جاڭا جورىقتا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءار ۇلتتىڭ قول ۇستاسىپ، تىزە قوسا وتىرىپ، بىرگە قۇلشىنا كۇرەس جۇرگىزۋىن قاجەت ەتەدى. شينجياڭدى كوزدەن كەشىرگەندە، باس شۋجي: ”تىنىش، ىنتىماقتى اسا تاماشا جاعدايدى بارىنشا قادىرلەپ، 56 ۇلت جۇدىرىقتاي جۇمىلىپ، تاباندىلىقتى ساقتاپ، قۇنتتى دا ۇقىپتى بولىپ، ءبىر نيەتپەن كۇش بىرىكتىرىپ، اسقاق جىگەرمەن قايراتتانا ۇمتىلىپ، پارتيانىڭ باسشىلىعىندا ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن جالعاستىرا كۇرەس جۇرگىزۋ كەرەك“، - دەپ قاداعالاي تاپسىردى. بۇل ءبىزدىڭ جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، جاندى، ءونىمدى تۇردە ويداعىداي ىستەۋىمىزگە ايقىن بەتالىس كورسەتىپ بەردى.
پارتيانىڭ ۇلت ساياساتىن بۇلجىماستان دايەكتىلەندىرۋ كەرەك. پارتيامىز ماركسيزمدىك ۇلت نازارياسىن جۇڭگونىڭ ۇلت ماسەلەسىنىڭ ناقتى امالياتىمەن جاسامپازدىقپەن ۇشتاستىرىپ، ۇلتتار تەڭدىگىن، ۇلتتار ىنتىماعىن، ۇلتتىق وڭىرلىك اۆتونوميانى، ۇلتتاردىڭ بىرگە گۇلدەنىپ - كوركەيۋىن، دامۋىن باستى مازمۇن ەتكەن ۇلت نازارياسى مەن ۇلت ساياساتىن بەلگىلەدى. اماليات ءبىزدىڭ ۇلت نازاريامىز بەن ساياساتىمىزدىڭ جاقسى، جارامدى ەكەندىگىن دالەلدەدى. ءبىز ۇلت ماسەلەسىن شەشۋدىڭ جۇڭگوشا دۇرىس جولىمەن جۇرۋگە تاباندى بولىپ، ۇلتتاردىڭ تەرەزەسىنىڭ تەڭ بولۋىنا تاباندى بولىپ، ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، بىرگە ىنتىماقتاسا كۇرەس جۇرگىزۋگە، بىرگە گۇلدەنىپ - كوركەيۋگە، دامۋعا تاباندى بولىپ، ۇلت ىستەرىن زاڭ بويىنشا باسقارۋعا، ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءار ۇلت بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا تاربيەلەپ، جەتەكتەپ، ولاردىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن كۇشەيتىپ، شينجياڭداعى ءار ۇلت حالقىن قامتىعان جۇڭحۋا ۇلتىنىڭ شىنايى مويىنداۋى اناعۇرلىم جوعارى، ۇيىسۋ قۋاتى اناعۇرلىم كۇشتى تاعدىرلاس ورتاق تۇلعاعا اينالۋىن ىلگەرىلەتۋىمىز كەرەك.
ۇلتتاردىڭ ارالاسۋىن، ىشتەسۋىن، توعىسۋىن جەبەۋ كەرەك. قالىڭ كادرلاردى، بۇقارانى شينجياڭ تاريحىن، اسىرەسە، ۇلتتاردىڭ دامۋ تاريحىن دۇرىس تانۋعا، جۇڭحۋا ۇلتى تاريحى كوزقاراسىن بەرىك ورناتۋعا، جۇڭگو پەيىلىن، جۇڭحۋا رۋحىن بەرىك سومداۋعا، اسىرەسە، جاستار مەن وسپىرىمدەردىڭ ”نەگىز قالاۋ“ ينجەنەرياسىن ىشكەرىلەي ىلگەرىلەتۋگە، جۇڭحۋا ۇلتىنىڭ ورتاق رۋحاني مەكەنىن قۇرۋعا تاربيەلەۋ، جەتەكتەۋ كەرەك. ءار ۇلت بۇقاراسىنىڭ كەڭىستىك، مادەنيەت، ەكونوميكا، قوعام، پسيحيكا سياقتى جاقتاردا جان - جاقتى كىرىگۋىن بىرتىندەپ جۇزەگە اسىرۋدى ىلگەرىلەتىپ، ۇلتتاردىڭ اناردىڭ دانىندەي تىعىز ۇيىسۋىن جەبەۋ كەرەك.
”ۇلتتارى ۇلى ىنتىماقتى جۇڭگونىڭ قاشاندا العان بەتتەن قايتپاي جەڭىسكە جەتەتىندىگى ءسوزسىز، نۇرلى بولاشاعى بولاتىندىعى ءسوزسىز، ءبىزدىڭ ەكىنشى 100 جىلدىق كۇرەس نىسانامىز، ءسوزسىز، جەڭىسپەن جۇزەگە اسادى، جۇڭحۋا ۇلتىنىڭ ۇلى گۇلدەنۋى، ءسوزسىز، ىسكە اسادى“. ءبىز باس شۋجيدىڭ ءۇمىتىن اقتاپ، پارتيا مەن حالىقتىڭ ماڭىزدى تاپسىرماسىن ورىنداپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، جاندى، ءونىمدى تۇردە ويداعىداي ىستەپ، جۇڭحۋا ۇلتى ورتاق تۇلعا تانىمىن ءار ۇلت كادرلارى مەن بۇقاراسىنىڭ كوڭىل تۇكپىرىنە تەرەڭ ۇيالاتۋىمىز كەرەك.
