بۇل كورىنىس، يۇننان تىڭچۇڭ قالاسى چيڭشۇي اۋىلى سانجيا قىستاعى جۇڭجاي سىمولا ۋازۋ قىستاعىنىڭ تۇرعىنى لي فاشۇن وتباسىنىڭ كوكەيلەرىندە ماڭگى ساقتالدى −
2020 - جىلى 1 - ايدىڭ 19 - كۇنى، ەگىنشىلىك كالەندارى بويىنشا كوكتەم مەرەكەسى كەلۋ قارساڭىندا، باس شۋجي شي جينپيڭ ونىڭ وتباسىنا امانداسا كەلدى، ءارى اۋىلداستارمەن القا - قوتان وتىرىپ اڭگىمە دۇكەن قۇردى.
”كەدەيلىكتەن ارىلدىڭىزدار، ەندى نەلەردى جاقسارتۋ قاجەت؟“
”قارتتاردىڭ ءومىرىنىڭ سوڭعى كەزىن جاقسى وتكىزۋلەرىن ءۇمىت ەتەمىن، ەكى بالا بولاشاقتا جاقسى قىزمەت تاپسا رازى بولار ەدىم“.
سۇراۋلارعا جاۋاپ قايتارىلىپ، شاعىن اۋلادان سىڭعىرلاعان كۇلكى ءۇنى كوتەرىلىپ، ىقىلاستى مەيىرگە شومدى.
سىمولا − ۋازۋ تىلىندە ”باقىت مەكەنى“ دەگەن ماعىنادا. بۇل جەر جاسىل تاۋمەن قورشالعان، سالت - ساناسى قاراپايىم. باس شۋجي شي جينپيڭ وسى رەت كەلىپ قىزمەت تەكسەرگەندە، بۇكىل قىستاقتا ارحيۆ تۇرعىزىلىپ، كارتچكالاندىرىلعان 16 كەدەي وتباسىنداعى 71 ادام تۇگەلدەي كەدەيلىكتەن ارىلىپ، قىستاق تۇرعىندارىنىڭ جان باسىندىق جىلدىق تازا كىرىسى 10 مىڭ يۋاننان اسقان.
2017 - جىلى، كەزىندە مۇگەدەكتىكتەن كەدەيلەسكەن ۋازۋ قىستاعىنىڭ تۇرعىنى لي فاشۇن ۇكىمەتتىڭ كومەكتەسىپ، سۇيەمەلدەۋىندە ءارى ءوزىنىڭ قۇلشىنىسىمەن كەدەيلىكتەن ءساتتى ارىلعان ەدى، 2019 - جىلى بۇكىل وتباسىنىڭ كىرىسى 40 مىڭ يۋاننان استى.
باس شۋجي شي جينپيڭ لي فاشۇن وتباسىنىڭ كەدەيلىكتەن ارىلعاننان كەيىنگى جاعدايلارىن جاناشىرلىقپەن سۇرادى. ”قازىر، باستىسى، نە ىستەپ جاتىرسىزدار؟“، ”كاريانىڭ دەنساۋلىعى جاقسى شىعار؟ ناۋقاس كورسەتۋىنە كەپىلدىك بار ما؟“، ”2 بالا وقىپ جاتىر ما؟ وقۋ قاراجاتى قانشالىقتى؟ وقۋعا كومەك قاراجاتىنان يگىلىكتەنە مە؟“ باس شۋجي شي جينپيڭ ”ءۇشتى قامتاماسىز ەتۋدىڭ“ ءتۇرلى كورسەتكىشتەرىن ارقاۋ ەتە وتىرىپ، تاپتەشتەي سۇرادى.
لي فاشۇن ۇلكەن قىزى لي ليانحۋاننىڭ قازىر داشۋەنىڭ ءۇشىنشى جىلدىعىندا وقىپ جاتقانىن، اسپيرانتتىققا ەمتيحان تاپسىرماقشى ەكەنىن ايتتى، مۇنى ەستىگەن باس شۋجي شي جينپيڭ: ”قايراتتانعان قامال الادى“ دەپ جىگەرلەندىردى.
لي ليانحۋاننىڭ ءىنىسى لي ليانبين باس شۋجيدىڭ وڭ جاعىندا وتىر، ورتا مەكتەپتىڭ 3 - جىلدىعىندا وقىپ جاتسا دا، اپەكەسى سياقتى ءوزىنىڭ ءومىر جوسپارى بار ەكەن: ”سىچۋانداعى قارۋلى ساقشى وفيتسەرلەر شۋەيۋانىنا ەمتيحان بەرمەكشىمىن“.
”جارايدى، تالاپتى ەكەنسىڭ! كەيىن قارۋلى ساقشى بولساڭ، اسكەر بولىپ ارمياعا قاتىناسساڭ، تۇلعاڭ شىمىر بولۋى كەرەك. سەنىڭ دە تابىسقا جەتۋىڭدى تىلەيمىن!“ باس شۋجي شي جينپيڭ شىنايى قامقورلىقپەن: ”سەندەردىڭ شاعىن وتباسىلارىڭ مەملەكەتتىڭ تاعدىرىمەن تىعىز بايلانىسىپ جاتىر. جاپپاي دوڭگەلەك داۋلەتتى قوعام ورناتۋدا، ونان ارى قاراي جاپپاي سوتسياليستىك وسىزاماندانعان قۇدىرەتتى ەل قۇرۋدا سەندەردىڭ مىنا جاستىق ورالدارىڭ وعان باپ كەلىپ تۇر، بولاشاقتا پارتيا مەن مەملەكەت ىستەرىنىڭ ءىزباسارلارى، ۇلتتار ىنتىماعى، العاباسارلىعى ىستەرىنىڭ ءىزباسارلارى بولۋلارىڭ كەرەك“،- دەدى.
لي ليانحۋان مەن ءىنىسى ەكەۋى قايتا - قايتا باستارىن يزەدى، جانارلارىنان مىعىم سەنىم مەن قايسار كۇش مەن مۇندالادى.
2021 - جىلى، لي ليانحۋان ءوز قۇلشىنىسىمەن ارمانىن ىسكە اسىرىپ، سولتۇستىك ۇلتتار داشۋەسىنىڭ بۇعالتىرلىق ماماندىعىنىڭ اسپيرانتتىعىنا قابىلدانادى، لي ليانبين دە داڭقپەن قارۋلى ساقشى جاۋىنگەرى بولدى. باس شۋجيمەن اڭگىمەلەسكەن كورىنىستەردى ەسىنە العاندا، لي ليانحۋان قاشان دا شەكسىز مەيىرگە بولەنەدى: ”باس شۋجيدىڭ مەنى جىگەرلەندىرۋى كوڭىلىمە سەنىم ۇيالاتتى، مەن ءتىپتى دە تاماشا تۇرمىس جاراتۋعا قۇلشىنامىن“.
قازىر، لي فاشۇن وتباسىنىڭ تۇرمىستارى بارعان سايىن شالقىدى. سىمولا ۋازۋ قىستاعى 4A دارەجەلى اۋىل - قىستاق وزگەشە قالاشىعىن جانە ۇلتتار ىنتىماعىنان، اۋىل - قىستاقتى گۇلدەندىرۋدەن ۇلگى كورسەتۋ رايونىن تۇلعالاۋدا. سىمولا بولاشاعىنا تاماشا ۇمىتتەر ارتىلعان جەردەن ناعىز ”باقىتتىڭ مەكەنىنە“ اينالۋدا.
