تاياۋ 10 جىلدان بەرگى ۇقساس مەزگىلدەگى سىرتقى ساۋدا ساندى مالىمەتتەرىنىڭ تىڭ ورەسىن جاراتتى
7 - ايدىڭ 21 - كۇنى الاتاۋ ساعاسى ۆوگزالىنا قاتارىمەن ايالداعان جۇڭگو − ەۆروپا كەزەكشى پويەزدارى (ۇشقىش اپپاراتپەن تۇسىرىلگەن). الاتاۋ ساعاسى كەدەنىنىڭ ساناعىنا قاراعاندا، بيىل الدىڭعى جارتى جىلدا الاتاۋ ساعاسى وتكەلى ارقىلى شەكارادان كىرىپ - شىققان جۇڭگو − ەۆروپا كەزەكشى پويەزدارىنا تيەلگەن زات تاسىمال مولشەرى 2 ميلليون 537 مىڭ 300 توننا بولىپ، سايكەس مەزگىلدەگىدەن ％11.25 ارتقان.
□ سۋرەتتى چىن چيان تۇسىرگەن
انار بۇلت \ شينجياڭ گازەتىنىڭ ءتىلشىسى چىن چياڭۋي 7 - ايدىڭ 21 - كۇنى ۇرىمجىدەن حابارلايدى. ءۇرىمجى كەدەنى اشقان اقپار جاريالاۋ ماجىلىسىنەن ۇعىسۋىمىزشا، الدىڭعى جارتى جىلدا شينجياڭنىڭ سىرتقى ساۋداسىندا جوعارى باستاما، ورنىقتى قادام جۇزەگە اسىپ، سىرتقى ساۋدا يمپورت - ەكسپورت جالپى قۇنى 91 ميلليارد 510 ميلليون يۋان بولىپ، سايكەس مەزگىلدەگىدەن ％39.1 ارتىپ، بۇكىل ەلدىڭ ارتۋ قارقىنىنان 29.7 پايىز جوعارى بولعان.
الدىڭعى جارتى جىلدا شينجياڭنىڭ ەكسپورت جالپى قۇنى 74 ميلليارد 740 ميلليون يۋان بولىپ، سايكەس مەزگىلدەگىدەن ％49.3 ارتقان، يمپورت جالپى قۇنى 16 ميلليارد 770 ميلليون يۋان بولىپ، سايكەس مەزگىلدەگىدەن ％6.7 ارتقان. شينجياڭ شەكارا وتكەلدەرىنىڭ يمپورت - ەكسپورت زات تاسىمال مولشەرى 32 ميلليون 788 مىڭ توننا بولىپ، سايكەس مەزگىلدەگىدەن ％6 ارتقان. شينجياڭنىڭ يمپورت - ەكسپورت جالپى قۇنى بۇكىل ەلدەگى ءارقايسى ولكە، اۆتونوميالى رايون، توتە قاراستى قالالار اراسىندا 23 - ورىندا بولىپ، ارتۋ قارقىنى بۇكىل ەلدە 5 - ورىندا بولعان. 6 - ايدىڭ وزىندەگى شينجياڭنىڭ يمپورت - ەكسپورت جالپى قۇنى 24 ميلليارد 100 ميلليون يۋان بولىپ، سايكەس مەزگىلدەگىدەن ％68.5 ارتىپ، ارتۋ قارقىنى بيىل جىل باسىنان بەرگى تىڭ ورەگە جەتكەن.
الدىڭعى 6 ايدا رايونىمىزداعى 14 ايماق، وبلىس، قالانىڭ يمپورت - ەكسپورت جالپى قۇنىنىڭ ارتۋى كورنەكتى بولىپ، وڭتۇستىك - سولتۇستىك شينجياڭنىڭ سىرتقى ساۋداداعى پارقى ۇزدىكسىز كىشىرەيىپ، سىرتقى ساۋدا سالىستىرماسى بىلتىرعى سول تۇستاعى 8: 2دەن 7: 3گە جوعارىلاعان. قاشقار ايماعىنىڭ، اقسۋ ايماعىنىڭ، قىزىلسۋ قىرعىز اۆتونوميالى وبلىسىنىڭ، بايىنعولين موڭعۇل اۆتونوميالى وبلىسىنىڭ، حوتان ايماعىنىڭ سىرتقى ساۋداسى قاۋىرت دامىپ، يمپورت - ەكسپورت قۇنى سايكەس مەزگىلدەگىدەن جەكە - جەكە ％73.2، ％91، ％51.3، ％31.2، ％64.6 ارتقان. التاي ايماعىنىڭ يمپورت - ەكسپورت قۇنىنىڭ ارتۋ كولەمى ەڭ زور بولىپ، سايكەس مەزگىلدەگىدەن ％366.3 ارتقان.
الدىڭعى جارتى جىلدا جۇڭگو شينجياڭىنىڭ ”ءبىر بەلدەۋ، ءبىر جول“ بويىنداعى مەملەكەتتەرمەن، RCEP (وڭىرلىك جالپى بەتتىك ەكونوميكالىق سەرىكتەستىك قارىم - قاتىناس كەلىسىمى) مۇشە ەلدەرىمەن اراداعى يمپورت - ەكسپورت ساۋدا سوماسى جەكە - جەكە 82 ميلليارد 400 ميلليون يۋان، 5 ميلليارد 540 ميلليون يۋان بولىپ، سايكەس مەزگىلدەگىدەن جەكە - جەكە ％7. 45، ％9. 18 ارتقان. مۇنىڭ ىشىندە جۇڭگو شينجياڭىنىڭ ”ءبىر بەلدەۋ، ءبىر جول“ بويىنداعى ەلدەرمەن يمپورت - ەكسپورت ساۋدا سوماسى شينجياڭنىڭ سىرتقى ساۋدا يمپورت - ەكسپورت جالپى قۇنىنىڭ ％90.6ىن يەلەگەن. قىرعىزستان ءالى دە جۇڭگو شينجياڭىنىڭ ءبىرىنشى ۇلكەن ساۋدا سەرىك ەلى بولىپ وتىر، الدىڭعى جارتى جىلدا قىرعىزستانمەن يمپورت - ەكسپورت قۇنى سايكەس مەزگىلدەگىدەن ％305.9 ارتقان. سونىمەن ءبىر ۋاقىتتا، شىعىس وڭتۇستىك ازيا ەلدەرى وداعىمەن يمپورت - ەكسپورت قۇنى سايكەس مەزگىلدەگىدەن ％30.1 ارتقان.
الدىڭعى 6 ايدا سىرتقى ساۋدانىڭ نەگىزگى تۇلعاسى بولعان حالىقتىق كاسىپورىنداردىڭ بەينەسى ەرەكشە كوزگە ءتۇستى. 6 - ايدىڭ سوڭىنا دەيىن شينجياڭدا ناقتى 14 مىڭ 782 سىرتقى ساۋدا كاسىپورنى تىزىمگە الدىرعان. حالىقتىق كاسىپورىنداردىڭ يمپورت - ەكسپورت قۇنى 81 ميلليارد 40 ميلليون يۋان بولىپ، سايكەس مەزگىلدەگىدەن ％49.6 ارتىپ، سول تۇستاعى شينجياڭنىڭ يمپورت - ەكسپورت جالپى قۇنىنىڭ ％88.6ىن يەلەگەن.
شينجياڭنىڭ ەكسپورت تاۋارلارى نەگىزىنەن ەڭبەك شوعىرلانعان ونىمدەر مەن ماشينا - ەلەكتر ونىمدەرىنە شوعىرلانعان، ەكەۋىنىڭ ەكسپورت ساۋدا قۇنى شينجياڭنىڭ سىرتقى ساۋدا ەكسپورت جالپى قۇنىنىڭ ％79.1ىن يەلەگەن.
الدىڭعى جارتى جىلدا شينجياڭنىڭ 4 كەشەندى باجىسىز اۋماعىنىڭ يمپورت - ەكسپورت ساۋدا سوماسى 21 ميلليارد 710 ميلليون يۋان بولىپ، سايكەس مەزگىلدەگىدەن ％255.1 ارتىپ، شينجياڭنىڭ يمپورت - ەكسپورتىن 23.7 پايىز ارتتىرعان.
شينجياڭنىڭ ساۋدا ءتاسىلى ونان ارى وڭتايلانىپ، شەكارالىق شاعىن سومالى ساۋدا مەن ادەتتەگى ساۋدا ءالى دە شينجياڭنىڭ سىرتقى ساۋدا ءتاسىلىنىڭ جەتەكشى ورنىندا بولعان. بيىل الدىڭعى جارتى جىلدا شەكارالىق شاعىن سومالى ساۋدا تاسىلىندەگى يمپورت - ەكسپورت قۇنى 49 ميلليارد 690 ميلليون يۋان بولىپ، سايكەس مەزگىلدەگىدەن ％64.2 ارتىپ، سايكەس مەزگىلدەگى شينجياڭنىڭ يمپورت - ەكسپورت جالپى قۇنىنىڭ ％54.3 يەلەگەن. ءۇرىمجى كەدەنى پارتكومىنىڭ مۇشەسى، ورىنباسار كەدەن باستىعى ۋ ۋي مىنالاردى ءبىلدىردى: بيىل الدىڭعى جارتى جىلدا شينجياڭنىڭ يمپورت - ەكسپورت جالپى قۇنى تاياۋ 10 جىلدان بەرگى سايكەس مەزگىلدەگى سىرتقى ساۋدا ساندى مالىمەتتەرىنىڭ تىڭ ورەسىن جاراتتى.
مەملەكەت پەن اۆتونوميالى رايون شىعارعان سىرتقى ساۋدانى جەبەۋ، ورنىقتىلىققا كەپىلدىك ەتۋ، ساپانى جوعارىلاتۋ جەلىلەس شارالارىنىڭ تياناقتانىپ، ونىمدىلىك كورسەتۋىنىڭ ارقاسىندا شينجياڭنىڭ ەكسپورتى ءۇرتىس 6 اي بويى بىلتىرعى سول تۇستاعىدان ％20تەن جوعارى ارتۋدى ساقتادى، يمپورت 3 - ايدا ءبىر ايدا وڭ ارتقان سوڭ ءۇرتىس 3 اي بويى بىلتىرعى سول تۇستاعىمەن سالىستىرعاندا ەكى ورىندى سانمەن ارتۋدى ساقتاعان. بۇل كۇردەلى دە قاتاڭ سىرتقى ورتا جاعدايىندا، شينجياڭنىڭ سىرتقى ساۋدا ەكونوميكاسىنىڭ سەرپىمدىلىگى جاقسى بولۋ، كومەسكى كۇشى جەتكىلىكتى بولۋ، ۇزاق ۋاقىت جاقسارۋ سىندى نەگىزگى جاعدايى وزگەرمەگەندىگىن، بۇكىل رايوننىڭ سىرتقى ساۋداسىندا سەرپىندى ىشكى قوزعاۋشى كۇش جارىققا شىققاندىعىن دالەلدەيدى.
