− باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندە (5)
□ گازەتىمىزدىڭ شولۋشىسى
دامۋ − شينجياڭنىڭ باياندى تىنىشتىعىنىڭ ماڭىزدى نەگىزى. باس شۋجي شي جينپيڭ شينجياڭدى كوزدەن كەشىرگەندە بىلاي دەپ اتاپ كورسەتتى: دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن تەرەڭ تانىپ، دامۋ جەتىستىكتەرىمەن حالىق تۇرمىسىنا تيىمدىلىك جاساۋدى، جۇرت تىلەگىن توعىستىرۋدى ىلگەرىلەتۋ كەرەك.
حالىق تۇرمىسى − دامۋدىڭ ماقساتى، جۇرت تىلەگى − ەڭ ۇلكەن ساياسي. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ەكونوميكانىڭ دامۋى مەن حالىق تۇرمىسىن جاقسارتۋدى شينجياڭدى ورنىقتىرۋ، شينجياڭنىڭ تىنىشتىعىن ساقتاۋدىڭ ستراتەگيالىق بيىگىنە كوتەردى. باس شۋجي شي جينپيڭ بىلاي دەپ باسا دارىپتەدى: ”ءسوز جوق، حالىق تۇرمىسىن جاقسارتۋدى، حالىق تىلەگىنە قول جەتكىزۋدى مىقتاپ ارقاۋ ەتە وتىرىپ ەكونوميكالىق دامۋدى ىلگەرىلەتۋ كەرەك“، ”شينجياڭنىڭ اناعۇرلىم جاقسى، اناعۇرلىم تەز دامۋىن تاباندىلىقپەن ىلگەرىلەتۋ، سونىمەن بىرگە دامۋدى حالىق تۇرمىسىن جاقسارتۋ جاعىندا تياناقتاندىرۋ، جەرگىلىكتى ورىنعا جاپپاي تيىمدىلىك جاساۋ جاعىندا تياناقتاندىرۋ، ىنتىماقتى نىعايتۋ جاعىندا تياناقتاندىرۋ كەرەك“، ”حالىق تۇرمىسىنا جاناسىپ، جوعارى ساپالى دامۋدى ىلگەرىلەتۋگە تاباندى بولۋ كەرەك“. باس شۋجيدىڭ ءبىر قىدىرۋ ماڭىزدى سوزدەرىنىڭ، ماڭىزدى نۇسقاۋلارىنىڭ رۋحى دامۋدىڭ ورنىقتىلىقتى قورعاۋداعى، حالىق تۇرمىسىن جاقسارتۋداعى، جۇرت تىلەگىن توعىستىرۋداعى ماڭىزدى ءمانىن بايىمداپ، شينجياڭنىڭ ەكونوميكالىق، قوعامدىق دامۋىن جانە حالىق تۇرمىسىن جاقسارتۋدى ىلگەرىلەتۋگە ايقىن بەتالىس كورسەتىپ، ءتۇبىرلى بويسۇنۋ ولشەمىن ازىرلەدى.
شينجياڭنىڭ قوعامدىق جالپى جاعدايىنىڭ ۇزدىكسىز ورنىقتىلىعىنىڭ، ۇزاق ۋاقىت ورنىقتىلىعىنىڭ تەتىگى حالىق تىلەگىنە ساي كەلگەن - كەلمەگەندىگىندە. پارتيا 18 - قۇرىلتايىنان بەرى اۆتونوميالى رايوندىق پارتكوم بۇكىل رايونداعى ءار ۇلت كادر - بۇقاراسىن باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، ”حالىق تۇرمىسىنا تيىمدىلىك جاساۋدى، جۇرت تىلەگىن توعىستىرۋدى“ باستان - اياق دامۋدىڭ وزەكتى مازمۇنى ەتىپ، ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان تابىستارعا قول جەتكىزدى، شينجياڭدا قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىعىپ، باياندى تىنىشتىققا ارشىندى قادام تاستاۋعا بەرىك نەگىز قالاندى.
دامۋدى ورنىقتىلىقپەن، حالىق تۇرمىسىمەن، جۇرت تىلەگىمەن تىعىز بايلانىستىرىپ، ورنىقتىلىق دامۋدىڭ العى شارتى ەكەندىگىن، دامۋ ورنىقتىلىقتىڭ نەگىزى ەكەندىگىن تەرەڭ تانۋ؛ دامۋ مەن حالىق تۇرمىسىنىڭ ءبىر - بىرىنە ىقپال جاساۋ، ءبىرىن - ءبىرى شارت ەتۋ قاتىناسىن دا جاپپاي يگەرۋ؛ ونان دا ماڭىزدىسى، دامۋدى جۇرت تىلەگىمەن بايلانىستىرىپ، ءار ۇلت بۇقاراسىنىڭ ويعا العانىنا، ويلاعانىنا، اڭساعانىنا جاناسىپ، دامۋ بارىسىندا حالىق تۇرمىسىنداعى قيىن ماسەلەلەردى شەشىپ، دامۋ ارقىلى جۇرت تىلەگىن توعىستىرىپ، جۇرت تىلەگىن توعىىستىرۋ ارقىلى دامۋدى كوزدەپ، قوس باعىتتا دەم بەرۋ ارقىلى ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتىپ، شينجياڭنىڭ قوعام ورنىقتىلىعى مەن باياندى تىنىشتىعىنا پارمەندى كۇش - قۋات تىرەگىن ازىرلەۋ كەرەك.
باس شۋجيدىڭ تاپسىرماسىن ەستە بەرىك ساقتاپ، پارتيا مەن حالىقتىڭ ءۇمىتىن اقتاۋ كەرەك. جاڭا جاعدايدا ءبىز ”دامۋ حالىق ءۇشىن بولۋ، دامۋدا حالىققا سۇيەنۋ، دامۋ جەتىستىگىنەن حالىقتى يگىلىكتەندىرۋ“ نەگىزگى جەلىسىن مىقتاپ ارقاۋ ەتىپ، دامۋ جەتىستىكتەرىنىڭ حالىق تۇرمىسىنا تيىمدىلىك جاساۋىن، جۇرت تىلەگىن توعىستىرۋىن ىلگەرىلەتۋىمىز كەرەك. جاڭا دامۋ ۇستانىمىن دايەكتىلەندىرۋگە، جوعارى ساپالى دامۋدى ىلگەرىلەتۋگە ءۇرتىس كۇش سالىپ، ەكونوميكالىق، قوعامدىق دامۋعا اناعۇرلىم كوپ ساياسي ءمان ۇستەپ، پارتيا ورتالىق كوميتەتىنىڭ شينجياڭنىڭ دامۋى جونىندەگى ستراتەگيالىق ورنىن مىقتاپ يگەرىپ، بايلىق قاسيەتى مەن ءوڭىر ورنى باسىمدىعىن تياناق ەتىپ، ەرەكشە، باسىمدىققا يە كاسىپ سالاسىن جەتىلدىرىپ، زورايتىپ، كاسىپ سالاسى باسىمدىعىن دامۋ باسىمدىعىنا اينالدىرۋعا مۇمكىندىك جاساپ، ”حالىقتى بايىتىپ شينجياڭدى گۇلدەندىرۋ“ بارىسىندا شەشۋشى رولىن ساۋلەلەندىرۋ؛ جىبەك جولى ەكونوميكالىق بەلدەۋى وزەكتى رايونى قۇرىلىسىن كۇشەيتىپ، شينجياڭنىڭ وزىندىك وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋداعى جالپى تۇلعالىق ورنالاستىرۋىنا ەنگىزىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىك بەلەسىن تۇلعالاپ، جوعارى دەڭگەيلى ەسىك اشۋ ارقىلى جوعارى ساپالى دامۋدى جەبەۋ؛ سۋ ۇنەمدەۋ، سۋ ساقتاۋ، سۋ جەتكىزۋ جۇمىستارىن ءبىر تۇتاس جوسپارلاپ، ويداعىداي ىستەپ، سۋ بايلىعىنان شوعىرلى، ۇنەمدى پايدالانۋ دەڭگەيىن جوعارىلاتىپ، تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرا قورعاۋدى جانە جۇيەلى جونگە سالۋدى ىلگەرىلەتىپ، ەكولوگيالىق وركەنيەت قۇرىلىسىن ىلگەرىلەتىپ، جاسىل دامۋ جولىمەن ءجۇرۋ؛ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جاپپاي ىلگەرىلەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، سيفرلى ۇكىمەت قۇرۋدى جەدەلدەتىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋ؛ حالىق تۇرمىسىن قامتاماسىز ەتۋ جانە جاقسارتۋ تەبىنىن كۇش سالا ارتتىرىپ، دامۋ بارىسىندا جۇمىستاندىرۋدى كەڭەيتۋگە اناعۇرلىم ءمان بەرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، بۇقارا كوڭىل ءبولىپ وتىرعان وقۋ - اعارتۋ، ەمدەۋ، قوعامدىق قامتاماسىزداندىرۋ سياقتى ءىس جۇزىندىك ماسەلەلەردى ويداعىداي شەشىپ، ىنتىماقتى اناعۇرلىم ويداعىداي كۇشەيتۋ، جۇرت تىلەگىن اناعۇرلىم ويداعىداي توعىستىرۋ كەرەك.
بۇگىنگى شينجياڭ شەت - شالعاي ءوڭىر ەمەس، قايتا وزەكتى ءوڭىر، ءتۇيىندى ءوڭىر، دامۋ بولاشاعى شەكسىز. ءبىز باس شۋجي شي جينپيڭنىڭ شينجياڭدى كوزدەن كەشىرۋىن قۇدىرەتتى قوزعاۋشى كۇش ەتىپ، اسقاق جىگەرمەن قايراتتانا العا ىلگەرىلەپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ شينجياڭدا تياناقتانىپ، ونىمدىلىك كورسەتۋىن ناقتى ءىس ىستەپ، جاۋاپكەرشىلىك ارقالاۋ ارقىلى ىلگەرىلەتۋىمىز، اسىرەسە، دامۋدى ىلگەرىلەتۋ جەتىستىكتەرىمەن حالىق تۇرمىسىنا تيىمدىلىك جەتكىزىپ، جۇرت تىلەگىن توعىستىرۋ جاعىنا ۇزدىكسىز كۇش سالىپ، كەڭ - بايتاق دالانى دامۋدىڭ ىرىستى مەكەنى ەتىپ قانا قويماي، اسىرەسە، حالىق تۇرمىسىنىڭ ىرىستى جەرىنە اينالدىرۋىمىز كەرەك.
