انار بۇلت \ شينجياڭ گازەتىنىڭ ءتىلشىسى حي حۇڭۋي 7 - ايدىڭ 20 - كۇنى ۇرىمجىدەن حابارلايدى. جۇڭگو − ازيا - ەۆروپا كورمەسىنىڭ حاتشىلار باسقارماسىنان ۇعىسۋىمىزشا، قازىرگە دەيىن 7 - كەزەكتى جۇڭگو − ازيا − ەۆروپا كورمەسىنە قاتىناسۋعا تىزىمدەلگەن كاسىپورىن 775كە جەتىپ، ساۋداگەر شاقىرۋ، كورمەگە شاقىرۋ قىزمەتتەرى ％90كە جۋىق ورىندالعان.
7 - كەزەكتى جۇڭگو − ازيا − ەۆروپا كورمەسى ”بىرگە اقىلداسۋ، بىرگە قۇرۋ، بىرگە يگىلىكتەنۋ، سەلبەسىپ بولاشاققا اتتانۋدى“ نەگىزگى تاقىرىپ ەتتى. كورمەنىڭ جالپى اۋماعى 90 مىڭ شارشى مەترگە جەتىپ، قارجى قوسۋ، سەلبەستىك جاساسۋ كورمە رايونى، حالىقارالىق جانە شياڭگاڭ، اۋمىن، تايۋان كورمە رايونى، تاۋار - ساۋدا كورمە رايونى سىندى 3 ۇلكەن كورمە رايونىن بەلگىلەدى. كورمەنىڭ جالپى اۋماعى، كورمەگە قاتىناساتىن كاسىپورىندار الدىڭعى كەزەكتى ازيا − ەۆروپا كورمەسىنە قاراعاندا ءبىرشاما كوبەيگەن.
قازىر كورمەگە قاتىناسۋى بەلگىلى بولعان كاسىپورىنداردان جۇڭگو مۇناي، تابيعي گاز توبى شەكتى سەرىكتەستىگى، جۇڭگو استىق توبى شەكتى سەرىكتەستىگى، گۋاڭحۇي ەنەرگيا شەكتى جارنا سەرىكتەستىگى، ەرەكشە ترانسفورماتور شەكتى جارنا سەرىكتەستىگى سياقتى ءتۇيىندى كاسىپورىندار مەن ورىندار بار. كورمەگە قاتىناساتىن كاسىپورىندار نەگىزىنەن سيفرلاندىرۋ، ەنەرگيا، جاسىل ساۋلەتشىلىك قۇرىلىس ماتەريالدارى، دەنساۋلىق ساقتاۋ، ىندەتتىڭ الدىن الۋ سياقتى 8 سالاعا سايادى.
كەزەكتە ازيا − ەۆروپا كورمەسىنىڭ ەرەكشە بەزەندىرىلگەن كورمە ورنىنىڭ جوبا سۋرەتىن قاراۋ قىزمەتى باستالدى. جاسىل كورمە ورنالاستىرۋدى دارىپتەۋ ءۇشىن، ۇيىمداستىرۋ كوميسسياسى قايتالاي پايدالانۋعا بولاتىن ءپىشىندى ماتەريالداردىڭ ەرەكشە بەزەندىرىلگەن كورمە ورنىنا قاراتا ءبىر قىدىرۋ ءتيىمدى ساياساتتاردى ورتاعا قويدى.
”ءبىز ءپىشىندى ماتەريالدى نەگىز ەتكەن، قايتالاي پايدالانۋعا بولاتىن، اعاش قۇرىلىمدى نەگىز ەتپەگەن ەرەكشە بەزەپ قۇرۋدى جاسىل، ءپىشىندى ماتەريالدى ەرەكشە بەزەۋ دەپ سانايمىز“. شينجياڭ حالىقارالىق كورمە ىستەرى مەكەمەسىنىڭ ساۋداگەر شاقىرۋ، كورمەگە شاقىرۋ ءبولىمىنىڭ باستىعى جۋ ديچياڭ بىلاي دەدى: ”وسىنداي سيلاۋ شاراسى ارقىلى كاسىپورىنداردى جاسىل، ءپىشىندى ماتەريالدان پايدالانىپ ەرەكشە بەزەندىرىلگەن كورمە ورنىن قۇرۋعا دارىپتەپ، قورشاعان ورتانىڭ لاستانۋىن ازايتىپ، جاسىل كورمە وتكىزۋ ماقساتىن جۇزەگە اسىرۋدى ءۇمىت ەتەمىز“.
كەلەسى قادامدا ۇيىمداستىرۋ كوميسسياسى قارجى قوسۋدى، ساۋدانى جەبەۋ قيمىلىنا باعىتتاي وتىرىپ، ءارقايسى ولكەلەرمەن (رايون، قالا) بەلسەنە ۇشتاسىپ، نىسانعا قاتىستى قىزمەت وتەۋ، قامتاماسىزداندىرۋ قىزمەتىن ويداعىداي ىستەيدى.
