اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى باس شۋجي شي جينپيڭنىڭ وزىنە ءوزى توڭكەرىس جاساۋعا تاباندى بولۋ، پارتيانى جاپپاي قاتاڭ باسقارۋ جونىندەگى ماڭىزدى بايىمداۋىن ارناۋلى تاقىرىپتا ۇيرەندى
پارتيانى جاپپاي قاتاڭ باسقارۋدىڭ تەرەڭدەي دامۋىن بۇلجىماي ىلگەرىلەتىپ، باياندى تىنىشتىقتى جۇزەگە اسىرۋ ساياسي بيىگىنەن پارتيا ستيلى، پاكتىك قۇرىلىسىن ۇزدىكسىز مىقتى يگەرۋ كەرەك
ما شيڭرۇي باسقاردى، ەركىن تۇنياز، شاۋكەت يمىن، نۇرلان ءابىلماجىن، لي يفي ۇيرەنۋگە قاتىناستى
انار بۇلت \ شينجياڭ گازەتىنىڭ تىلشىلەرى ياۋ تۇڭ، ليۋ شياڭ 7 - ايدىڭ 22 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى 7 - ايدىڭ 22 - كۇنى تۇستەن كەيىن ارناۋلى تاقىرىپتىق ۇيرەنۋ ءماجىلىسىن وتكىزىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ وزىنە ءوزى توڭكەرىس جاساۋعا تاباندى بولۋ، پارتيانى جاپپاي قاتاڭ باسقارۋ جونىندەگى ماڭىزدى بايىمداۋىن ارناۋلى تاقىرىپتا ۇيرەنىپ، پارتيانى جاپپاي قاتاڭ باسقارۋدىڭ تەرەڭدەي دامۋىن بۇلجىماي ىلگەرىلەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى ساياسي كەپىلدىك ازىرلەدى. اۆتونوميالى رايوندىق پارتكومنىڭ شۋجيى ما شيڭرۇي توپتىق ۇيرەنۋدى باسقاردى.
جۇڭگو ءتارتىپ تەكسەرۋ، باقىلاۋ - تەكسەرۋ شۋەيۋانى پارتكومىنىڭ ورىنباسار شۋجيى، ءتارتىپ تەكسەرۋ كوميتەتىنىڭ شۋجيى ساي جىچياڭ ارناۋلى تاقىرىپتىق پىسىقتاۋ بايانداماسىن جاساپ، پارتيانىڭ وزىنە ءوزى توڭكەرىس جاساۋ ستراتەگيالىق يدەياسىن ۇيرەنۋ، يگەرۋ، پارتيانى جاپپاي قاتاڭ باسقارۋ ستراتەگيالىق ورنالاستىرۋىن تەرەڭدەي تياناقتاندىرۋ سياقتى جاقتاردا جان - جاقتى، جۇيەلى، عىلمي ءتۇسىندىرۋ جاسادى ءارى وي - تولعانىستارى مەن ۇسىنىستارىن ورتاعا سالدى.
ەركىن تۇنياز، نۇرلان ءابىلماجىن ۇيرەنۋگە قاتىناستى. شاۋكەت يمىن، لي يفي، تيان شياڭلي پىكىر اۋىستىرىپ، ءسوز سويلەدى.
ما شيڭرۇي بىلاي دەپ اتاپ كورسەتتى: باس شۋجي شي جينپيڭنىڭ وزىنە ءوزى توڭكەرىس جاساۋعا تاباندى بولۋ، پارتيانى جاپپاي قاتاڭ باسقارۋ جونىندەگى ماڭىزدى بايىمداۋى پارتيامىزدىڭ تاباندىلىقپەن جالعاستىرىپ كەلە جاتقان وزىنە ءوزى توڭكەرىس جاساۋ رۋحىن، پارتيانى باسقارۋداعى، پارتيانى جونگە سالۋداعى تۋى ايقىن بەكىمىن ايگىلەدى، پارتيانى جاپپاي قاتاڭ باسقارۋدىڭ جاڭا داۋىردەگى پارتيانىڭ وزىنە ءوزى توڭكەرىس جاساۋىنىڭ ۇلى امالياتى ەكەندىگىن، 100 جىلدىق ءىرى پارتيانىڭ وزىنە ءوزى توڭكەرىس جاساۋىنىڭ تىڭ ءورىسىن اشقاندىعىن، پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋدەگى نەگىزگى بويسۇنۋ ولشەمى ەكەندىگىن ءتۇسىندىردى. باس شۋجي شي جينپيڭنىڭ ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن، اسىرەسە، ”پارتيانى جاپپاي قاتاڭ باسقارۋعا تاباندى بولىپ، جوعارى ساپالى كادرلار قوسىنى قۇرىلىسىن شىن مانىندە مىقتى يگەرۋ“ جونىندەگى ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، ساياسي دەڭگەيدى جوعارىلاتىپ، پارتيانى جاپپاي قاتاڭ باسقارۋدى ىلگەرىلەتۋ جاۋاپكەرشىلىك سەزىمى مەن بورىشتىلىق سەزىمىن كۇشەيتىپ، وزىنە ءوزى توڭكەرىس جاساۋدى، پارتيانى جاپپاي قاتاڭ باسقارۋدى ىلگەرىلەتۋ يدەيالىق سانالىلىعىن، ساياسي سانالىلىعىن، ارەكەت سانالىلىعىن ۇزدىكسىز جوعارىلاتۋ كەرەك.
ما شيڭرۇي بىلاي دەپ باسا دارىپتەدى: قاتاڭدىق نەگىزگى اۋەنىنە تاباندى بولىپ، وزىنە ءوزى توڭكەرىس جاساۋ رۋحىمەن پارتيانى جاپپاي قاتاڭ باسقارۋدى تەرەڭدەي ىلگەرىلەتىپ، تاماشا ساياسي ەكولوگيا مەن دامۋ ورتاسىن ۇزدىكسىز قالىپتاستىرۋ كەرەك. ساياسي قۇرىلىستى باستان - اياق ماڭداي الدى ورىنعا قويىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ۇعىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي ءتارتىپ پەن ساياسي قاعيداعا قاتاڭ بويسۇنىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتىلەندىرۋ، تياناقتاندىرۋ كەرەك. پارتيانىڭ يدەيالىق قۇرىلىسىن كۇشەيتىپ، كادرلاردى تاربيەلەۋدى، باۋلۋدى كۇشەيتىپ، قالىڭ پارتيا مۇشەلەرىن، كادرلاردى پارتيانىڭ جاسامپاز نازارياسىمەن وي - سانانى قارۋلاندىرىپ، اۋەلگى ماقساتتى، بورىشتى سانالى تۇردە امالياتتا ايگىلەپ، ”قابىلەت داعدارىسى“، قابىلەت جەتەرسىزدىگى ماسەلەلەرىن كۇش سالا شەشۋگە جەتەكتەۋ كەرەك. پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەپ، كەڭەيتىپ، پارتيا قۇرۋ ۇلى رۋحىن اسقاقتاتىپ، پارتيامىزدىڭ شينجياڭدا قالدىرعان مول تاريحي ماتەريالىن قورىتىندىلاۋعا، سالالاۋعا دەن قويىپ، قالىڭ پارتيا مۇشەلەرىن، كادرلاردى مۇرات - سەنىمدى بەكەمدەۋگە، قىزىل گەندى جالعاستىرۋعا، قىزىل قان تامىردى جالعاستىرۋعا تاربيەلەۋ، جەتەكتەۋ كەرەك. شىرىكتەسۋدى نولدىك توزىمدىلىك پوزيتسيامەن جازالاپ، باياندى تىنىشتىقتى جۇزەگە اسىرۋ ساياسي تۇرعىسىنان پارتيا ستيلى، پاكتىك قۇرىلىسىن ۇزدىكسىز مىقتى يگەرىپ، جاۋاپكەرشىلىگىن ارقالاماعانداردى، ءىس تىندىرماعانداردى، بۇقارانىڭ مۇڭ - مۇقتاجىن ەلەپ - ەسكەرمەگەندەردى، قياناتشىلدىقپەن، شىرىكتەسۋمەن بارىنشا اينالىسقانداردى قاتاڭ تەكسەرىپ ءبىر جاقتى ەتىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالى ىلگەرىلەتۋ قابىلەتى مەن دەڭگەيىن ۇزدىكسىز جوعارىلاتۋ كەرەك. نەگىزگى ساتى ستيلىن شىن مانىندە جاقسارتىپ، تەكسەرۋ، زەرتتەۋ ستيلىن بارىنشا ورىستەتىپ، تورەشىلدىكتى، فورماشىلدىقتى، ءبىر تاياقپەن ايدايتىن، ءبارىن تەرىسكە شىعاراتىن، ءىس جۇزىندىك جاعدايمەن ساناسپاي، ىلعي دا جوعارىنىڭ ەمەۋرىنىنە قارايتىن قىزمەت ستيلىن باتىل جەڭىپ، بۇقارانىڭ مۇددەسىن زياندايتىن، بۇقارانىڭ اۋىرتپالىعىن كوبەيتەتىن، بۇقارانىڭ نارازىلىعىن تۋدىراتىن ىستەردى باتىل تيىپ، قىزمەت ستيلىنىڭ قارابايىر، دورەكى بولۋىنان ساقتانىپ، پارتيا ستيلىنىڭ، ۇكىمەت ستيلىنىڭ ۇزدىكسىز جاقسارۋى ارقىلى قوعامدىق سالتتى، ەل سالتىن ورگە ۇمتىلۋعا، ىزگىلىككە تالپىنۋعا باستاۋ كەرەك. بيلىكتى باقىلاۋ ءتۇزىمى جۇيەسىن كەمەلدەندىرىپ، ءتۇزىم قۇرىلىسىن نەگىزگى جەلى ەتۋگە تاباندى بولىپ، پارتيا ءبىر تۇتاس باسشىلىق ەتەتىن، جاپپاي قامتيتىن، بەدەلدى، جوعارى ءونىمدى باقىلاۋ جۇيەسىن كۇش سالا ورناتىپ، نازاردى ”شەشۋشى ازشىلىققا“ شوعىرلاندىرا وتىرىپ، باقىلاۋدىڭ ساپاسى مەن ونىمدىلىگىن جوعارىلاتۋ كەرەك. پارتيانى جاپپاي قاتاڭ باسقارۋ ساياسي جاۋاپكەرشىلىگىن قاتايتىپ، ناقتىلاندىرىپ، تۇلعالىق جاۋاپكەرشىلىك پەن باقىلاۋ جاۋاپكەرشىلىگىن سوڭىنا دەيىن جالعاستىرۋدى ىلگەرىلەتىپ، پارتيانى باسقارۋدىڭ، پارتيانى جونگە سالۋدىڭ تالاپتارىن شىن مانىندە ناقتاپ تياناقتاندىرۋ كەرەك.
جاڭ جۋ، ۋاڭ ميڭشان، ءزۇمىرات وبۇل، ياڭ فاسىن، ەلزات احمەتجان، قادەن كابەن قاتارلىلار ۇيرەنۋگە قاتىناستى.
