قارامايلى قالاسى:
”بۇلتقا“ ءمىنىپ كوككە ورلەدى، ”سيفرلانۋعا“ بەت تۇزەدى
قارامايلى بۇلتتىق ەسەپتەۋ كاسىپ سالاسى باقشا اۋماعىنان ءبىر قيىق كورىنىس (7 - ايدىڭ 14 - كۇنى ۇشقىش اپپاراتپەن تۇسىرىلگەن).
□ سۋرەتتى مين يۇڭ تۇسىرگەن
□ انار بۇلت \ شينجياڭ گازەتىنىڭ ءتىلشىسى ءجازيرا نەسىپبەك، ەرىكتى ءتىلشى چيڭ شان
«سەرگەلدەڭ جەر شارى»، «ماڭگىلىك جالعاسقان 10 شاقىرىم شابدالى گۇلى» سياقتى كينو - تەلە فيلمدەرىنىڭ ءبىر ءبولىم كوركەمدەۋ قىزمەت وتەۋى قارامايلى بۇلتتىق ەسەپتەۋ كاسىپ سالاسى باقشا اۋماعىندا ورىندالدى؛ شينجياڭ بويىنشا ءبىرىنشى بولىپ نەگىزگى ساتىنىڭ اۋىرتپالىعىن جەڭىلدەتۋگە ارنالعان ”ءبىر كەستە“ ينفورماتسيالىق باسقارۋ جۇيەسىن قۇرىپ، ”كادرلاردىڭ كەستەگە بايلانىپ قالۋى“ ماسەلەسىن شەشتى؛ ءبىر ۋيشين شاعىن باعدارلاماسىمەن ورناعان ينتەرنەتتىك مەديتسينالىق قىزمەت وتەۋ تۇعىرى ناۋقاستاردىڭ كەزەك ءنومىرىن الۋ، كەزەككە تۇرۋ، اقى تاپسىرۋ جۇمىستارىن قولايلى ەتتى...
پارتيا 18 - قۇرىلتايىنان بەرى، قارامايلى قالاسى ”بۇلتقا“ ءمىنىپ كوككە ورلەپ، قولدان كەلگەن امالدىڭ ءبارىن جاساپ سيفرلى ەكونوميكانى دامىتىپ، شينجياڭنىڭ سيفرلى ەكونوميكاسى دامۋىنىڭ بيىگىن تۇلعالادى.
سيفرلى ۇكىمەت باسقارۋدىڭ اناعۇرلىم زەردەلى بولۋىنا مۇمكىندىك جاسادى
7 - ايدىڭ 18 - كۇنى، قارامايلى قالاسى قارامايلى رايونى جەڭىس جولى ءمالىسى چاڭجىڭ الەۋمەتتىك اۋماعى پارتكومىنىڭ شۋجيى، تۇرعىندار كوميتەتىنىڭ مەڭگەرۋشىسى لي ياچيڭ كومپيۋتەردە تۇرعىننىڭ ازاماتتىق كۋالىك ءنومىرىن ەنگىزىپ، ءتىنتۋىردى جەڭىل ءتۇرتىپ قالىپ ەدى، تۇرعىننىڭ ۇيلەنۋ جاعدايى، كولىك ينفورماتسيالارى سياقتىلار بىردەن ءتىزىلىپ شىعا كەلدى.
”بۇل ينفورماتسيالار بۇكىل قالاداعى تۇرلىشە 26 تاراۋدان جيناپ الىنعان، بۇل الەۋمەتتىك اۋماق قىزمەتكەرلەرىنىڭ ينفورماتسيا ەنگىزۋدەگى جۇمىس مولشەرىن ازايتىپ، الەۋمەتتىك اۋماقتىڭ باسقارۋ، قىزمەت وتەۋ ونىمدىلىگىن جوعارىلاتتى“، - دەيدى لي ياچيڭ.
الەۋمەتتىك اۋماق قىزمەتى بارشا وتباسىلارمەن بايلانىسىپ جاتادى، الەۋمەتتىك اۋماق كادرلارىنىڭ قىزمەت ونىمدىلىگىن جوعارىلاتىپ، تۇرعىندار ءۇشىن جاقسى ءىس ىستەۋ، ناقتى ءىس ىستەۋ، قيىنشىلىقتاردى شەشۋ − ۇكىمەتتىڭ باسقارۋ جۇيەسى مەن باسقارۋ قابىلەتىنىڭ وسىزاماندانۋ دەڭگەيىن ايگىلەيدى.
پارتيا 18 - قۇرىلتايىنان بەرى، قارامايلى قالاسى ”قالا ۇلكەن ميىن“ وزەك ەتكەن جاڭاشا زەردەلى قالا قۇرىلىسىن جەدەل ىلگەرىلەتىپ، ساندى مالىمەتتەر ۇلاسىپ - تۇتاسقان، قالا زەردەلى باسقارىلاتىن، كاسىپ سالالارى سايكەسىمدى تۇردە قىزمەت وتەيتىن سيفرلى ۇكىمەت تۇعىرىن قالىپتاستىرۋعا كۇش سالىپ كەلەدى.
2018 - جىلى، قارامايلى قالاسى ساندى مالىمەت ورتاقتاسۋ، اۋىسۋ تۇعىرىن قۇرىپ، ساندى مالىمەتتەردى بىرىكتىرۋ، ساندى مالىمەتتەردى ورتاقتاسۋ ارقىلى مەكەمە - ورىندار اراسىنداعى ”ينفورماتسيا وقشاۋ ارالدارىن“ جويىپ، ”ساندى مالىمەت ارناسىن“ ىركىلىسسىزدەندىرىپ، بۇكىل قالاداعى ساندى مالىمەتتەن ورتاقتاسۋدىڭ اناعۇرلىم اشىق بولۋىنا مۇمكىندىك جاسادى. 2020 - جىلى، وسى تۇعىر نەگىزىندە جاسالعان نەگىزگى ساتىنىڭ اۋىرتپالىعىن جەڭىلدەتۋگە ارنالعان ”ءبىر كەستە“ ينفورماتسيالىق باسقارۋ جۇيەسى جارىق كورىپ، قالاداعى 26 تاراۋدىڭ ساندى مالىمەتتەرىنىڭ ءبىر رەت جينالىپ، كوپ جاق پايدالانۋىن جۇزەگە اسىرىپ، نەگىزگى ساتىنىڭ اۋىرتپالىعىن جەڭىلدەتۋدى، حالىق تۇرمىسىنا قىزمەت وتەۋدى، الەۋمەتتىك اۋماق باسقارۋدى ىلگەرىلەتۋدە ماڭىزدى رول اتقاردى.
قازىرگە دەيىن، قارامايلى قالاسى ساندى مالىمەت ورتاقتاسۋ - اۋىسۋ تۇعىرى ”كوپ بولعاندا ءبىر رەت بارۋ“ رەفورماسى، ىندەتتەن ساقتانۋ - تىزگىندەۋ، قالا وڭىرىندەگى قوعامدىق باسقارۋ، نەگىزگى ساتىنىڭ اۋىرتپالىعىن جەڭىلدەتۋگە ارنالعان ”ءبىر كەستە“، سەنىمدىلىك جۇيەسى قۇرىلىسى سياقتى 10 نەشە تاراۋ ارا ءتۇيىندى قولدانىلىپ، 27 ورىندى ساندى مالىمەت ورتاقتاسۋ قىزمەتىمەن قامداپ وتىر.
مىنە وسىنداي ”سيفرلى تاعان“ بولعاندىقتان، قارامايلى قالاسىنىڭ ىندەتتەن ساقتانۋ - تىزگىندەۋى اناعۇرلىم دالمە - ءدال، قالا تۇرعىندارىنىڭ تۇرمىسى اناعۇرلىم قولايلى بولىپ وتىر. ”قازىر الەۋمەتتىك اۋماق، ساۋدا سارايلارى سياقتى جەرلەرگە كىرەمىز دەسەك، ءجۇزىمىزدى سكانەردەن وتكىزسەك بولعانى، سالاماتتىق كود سياقتى ينفورماتسيالارىمىز اۆتوماتتى تۇردە كورىنەدى، بۇل وتە قولايلى بولدى“، - دەيدى قارامايلى قالاسىنىڭ تۇرعىنى ءپارمان.
سيفرلى ەكونوميكا تيپ وزگەرتۋگە اناعۇرلىم سەرپىندى قوزعاۋشى كۇش سيلادى
”دامۋ مەن تيپ وزگەرتۋ سۇرانىسىنا ءدوپ كەلىپ تۇرعان جاڭاشا ونەركاسىپتەنگەن قالا قارامايلى ءۇشىن ايتقاندا، سيفردى كاسىپ سالالاندىرۋ، كاسىپ سالاسىن سيفرلاندىرۋ، وتە - موتە، ماڭىزدى بولىپ وتىر“، - دەيدى قارامايلى قالاسى ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى لي يۇن.
2008 - جىلى جۇڭگو بويىنشا العاشقى سيفرلى مۇناي الابىن قۇرىپ شىعۋدان 2010 - جىلى زەردەلى مۇناي الابى قۇرىلىسىن ىلگەرىلەتە باستاعانعا دەيىن، اسىرەسە، پارتيا 18 - قۇرىلتايىنان بەرى، قارامايلىنىڭ ءداستۇرلى تىرەكتىك كاسىپ سالالارىنىڭ سيفرلانۋ قادامى ەشقاشان كىدىرگەن ەمەس.
قارامايلى قالاسى بۇلتتىق ەسەپتەۋ كاسىپ سالاسى باقشا اۋماعىنا ورنالاسقان جۇڭگو مۇنايى ساندى مالىمەت ورتالىعىنىڭ (قارامايلى) ءبىر ەلەكتروندى ەكرانىندا، مۇناي الابىنىڭ مۇناي ءوندىرۋ مولشەرى، ۇڭعىمالاردىڭ كۇي - جايى سياقتىلاردىڭ ناقتى ۋاقىتتىق ينفورماتسيالارى اپ - انىق كورىنىپ تۇر؛ كوز جەتپەس قۇبا تۇزدە، 23 مىڭ مۇناي - گاز ۇڭعىماسىن شوعىرلى باقىلاۋ - ولشەۋ، ادام كەزەكشىلىككە تۇرماۋ، كىناراتتاردى ارالاپ تەكسەرۋ سىندى جاڭاشا ءوندىرىس ۇلگىسىندەگى زاتتار ينتەرنەتى تەحنيكاسىمەن قامتۋ جۇزەگە اسىپ، قامتۋ مولشەرى ％86كە جەتىپ، مۇناي الابىن باسقارۋدا جوعارى ونىمدىلىكپەن ەنەرگيا ۇنەمدەۋ ىسكە اسقان...
مەيلى زاتتار ينتەرنەتى بولسىن، الدە، بۇلتتىق ەسەپتەۋدىڭ، ءىرى ساندى مالىمەتتىڭ قولدانىلۋى بولسىن، بارلىعى دا جاڭا نەگىزدىك قۇرىلعى − ساندى مالىمەت ورتالىعى قۇرىلىسىنان قول ۇزە المايدى.
قارامايلى بۇلتتىق ەسەپتەۋ كاسىپ سالاسى باقشا اۋماعىنداعى اپپاراتتار ۇيىنە كىرسەڭىز، 10 مىڭنان استام اپپارات سورەسىنىڭ گۇرىلدەپ جۇمىس ىستەپ تۇرعانىن كورەسىز، بۇلتتىق ەسەپتەۋ قابىلەتى مەن ساندى مالىمەت ساقتاۋ قابىلەتىنە ۋاكىلدىك ەتەتىن ءدال وسى ”ۇلكەن ميلار“ قارامايلىنىڭ ”بۇلتقا“ ءمىنىپ، ”سيفردىڭ“ تىزگىنىن ۇستايتىن سەنىمىنە تىرەك بولۋدا.
قازىرگە دەيىن، قارامايلى بۇلتتىق ەسەپتەۋ كاسىپ سالاسى باقشا اۋماعىندا اپپارات سورەلەرىنىڭ پايدالانىلۋ مولشەرى ％70كە جەتىپ، حۋاۋي بۇلتتىق قىزمەت وتەۋ ساندى مالىمەت ورتالىعى سياقتى 5 ساندى مالىمەت ورتالىعى قۇرىلىپ، ساندى مالىمەت ءبىر جاقتى ەتۋ قابىلەتى باتىس سولتۇستىك ولكە - رايوندار بويىنشا الدىڭعى قاتاردى يەلەدى.
مەملەكەت دارەجەلى بۇلتتىق ەسەپتەۋ قولدانبالارىنان ۇلگى كورسەتۋ بازاسى جانە شينجياڭ ”تيانشان بۇلتتىق اڭعارى“ وزەكتى بازاسى بولعان قارامايلى بۇلتتىق ەسەپتەۋ كاسىپ سالاسى باقشا اۋماعىنىڭ سيفرلى كاسىپ سالالارىن شوعىرلاندىرۋ اسەرى كۇن سايىن كورنەكتىلەنە تۇسۋدە.
بۇل جەردە بۇكىل ەل بويىنشا جەكە كولەمى ەڭ ۇلكەن كينو - فيلم جانە انيماتسيا كوركەمدەۋ بازاسى قۇرىلىپ، بۇكىل ەلدەگى جالپى كوركەمدەۋ بويىنشا ەسەپتەۋ قابىلەتىنىڭ ％70ىن يەلەپ وتىر؛ 2200دەن استام كاسىپورىندى بۇلتتىق قىزمەت وتەۋمەن قامدايتىن بۇكىل شينجياڭ بويىنشا تۇڭعىش ”كاسىپورىن بۇلتى“ بار؛ لاڭچاۋ توبى، حايكاڭ ۋيشى سياقتى 150دەن استام ينفورماتسيا تەحنولوگياسى تۇرىندەگى كاسىپورىندار مەن نىساندار ەنگىزىلگەن... بيىلعى الدىڭعى جارتى جىلدا، باقشا اۋماعىنىڭ ءوندىرىس جالپى ءونىم قۇنى 220 ميلليون يۋانعا جەتىپ، سايكەس مەزگىلدەگىدەن ％89.53 ارتقان.
ساندى مالىمەت ورتالىعى كولەمىنىڭ ۇزدىكسىز كەڭەيۋىنە مەڭزەس، ەلىمىزدىڭ ”شىعىستىڭ ساندى مالىمەتىن باتىستا ەسەپتەۋدەن“ ۇلگى كورسەتۋ ينجەنەرياسىن قابىلداۋعا قاجەتتى ەسەپتەۋ قابىلەتىن، ساقتاۋ جانە ينتەرنەت قابىلەتىن ازىرلەگەن قارامايلى قازىر بۇكىل ەلگە باعىتتالعان ”الدىدا دۇكەن، ارتتا زاۆودتىق“ ەسەپتەۋ قابىلەتى بازاسىن بەلسەنە تۇلعالاپ، ”شىعىستىڭ ساندى مالىمەتىن باتىستا ەسەپتەۋدەن“ ۇلگى كورسەتۋ ينجەنەرياسىن جۇرگىزۋ ۇستىندە.
قارامايلىنىڭ بارعان سايىن جەتىلگەن ”سيفرلى ۇلكەن ميى“ جاساندى سەرىك حابارلاسۋىنان قىزمەت وتەۋ، جاساندى سەرىكتىڭ الىستان سەزۋ ساندى مالىمەتتەرىن ءبىر جاقتى ەتۋ سياقتىلارمەن شۇعىلداناتىن جۇڭكى تيانجي (شينجياڭ) اۆياتسيا - عارىش ينفورماتسياسى شەكتى سەرىكتەستىگى، شينجياڭ تيانليان الىستان سەزۋ عىلىم - تەحنيكا شەكتى سەرىكتەستىگى، سونداي - اق سيفرلى جەر شارى ونىمدەرىن زەرتتەۋ - جاساۋمەن اينالىساتىن جۇڭكى شيڭتۋ جارنا شەكتى سەرىكتەستىگىن وزىنە تارتتى. بولاشاقتا، ءار جاق قول ۇستاسا سەلبەسىپ، جىبەك جولى ەكونوميكالىق بەلدەۋى وزەكتى رايونىنىڭ ساۋدالىق عارىش ىستەرى كاسىپ سالاسى ورتالىعىن قالىپتاستىرماق.
سيفرلى قوعام تۇرمىسقا اناعۇرلىم قولايلىلىق اكەلدى
ۇلاسقان، تۇتاسقان ءىرى ساندى مالىمەت تۇعىرى قارامايلىنىڭ قالا باسقارۋى مەن اكىمشىلىك قىزمەت وتەۋى ءۇشىن ”جوعارى جىلدامدىقتى تاس جول“ سالىپ قانا قويماي، ءار ۇلت بۇقاراسىنا سيفرلاندىرۋدىڭ تۇرمىسقا اكەلگەن قولايلىلىعىن شىنايى سەزىندىردى.
”قازىر اۋرۋ كورسەتۋ ەرەكشە قولايلى بولىپ كەتتى، ينتەرنەتتە قايتالاي دياگنوز قويۋعا بولۋمەن قويماي، شيپاحانا، ءتىپتى، ءدارى - دارمەكتەردى پوچتامەن ۇيىڭىزگە دەيىن جەتكىزىپ بەرەدى“، - دەدى قالا تۇرعىنى لي ليحۋا تەبىرەنىپ. جۋىقتا، لي ليحۋا ۇيىندەگىلەردىڭ كومەگىندە ينتەرنەتتىك شيپاحانانى سىناپ كورىپ، مەديتسينالىق قىزمەتكەرلەردىڭ قاشىقتان دياگنوز قويۋىنا، ەمدەۋىنە جانە قىزمەت وتەۋىنە قول جەتكىزىپتى.
2020 - جىلى، قارامايلى قالاسىنىڭ ورتالىق شيپاحاناسى باس بولىپ ”قارامايلى ينتەرنەتتىك شيپاحاناسىنىڭ مەديتسينالىق قىزمەت وتەۋ تۇعىرىن“ قۇرىپ، بۇكىل قالاداعى ءار دارەجەلى ەمدەۋ، دەنساۋلىق ساقتاۋ قۇرىلىمدارى ىركەس - تىركەس وسى تۇعىرعا جالعانىپ، مەديتسينالىق قىزمەت وتەۋدىڭ ”وڭىردە ءبىر تۇلعالانۋىن“ جۇزەگە اسىرىپ، بۇقارانىڭ اۋرۋ كورسەتۋىنە، ەمدەلۋىنە بارىنشا قولايلىلىق جاسادى. قازىرگە دەيىن، قارامايلى قالاسىنىڭ ”ينتەرنەتتىك شيپاحاناسىنا“ تىركەلگەن ادام سانى 150 مىڭنان اسىپ، 40 مىڭنان استام ادامعا (رەت) قىزمەت وتەگەن.
پارتيا 18 - قۇرىلتايىنان بەرى، قارامايلى قالاسى سيفرلى قوعام قۇرۋدى حالىقتى باقىتقا كەنەلتۋدە شىعار ءتۇيىن جانە تياناق ەتىپ، سيفرلى قوعام قۇرىلىسىنىڭ حالىق بۇقاراسىنىڭ تاماشا تۇرمىس قاجەتىن جۇزەگە اسىرۋعا تەحنيكالىق تىرەك ازىرلەۋىنە مۇمكىندىك جاسادى.
قارامايلى قالاسى اكىمشىلىك قىزمەت وتەۋ جانە الەۋمەتتىك بايلىقتار ساۋداسى ورتالىعىنىڭ زالىندا، قارامايلى قالاسى شىڭتىڭ حۇڭتاي قۇرىلىس ينجەنەرياسى شەكتى سەرىكتەستىگىنىڭ جاۋاپتىسى حان شىڭ ەلەكتروندى تيجارات كۋالىگىن بار - جوعى ءبىر ساعاتتا ءبىتىردى.
زال ىشىندە زەردەلى كەزەك ءنومىرىن شاقىرۋ اپاراتتارى، بۇلتتىق ەكراندا سيفرلى وقۋعا الۋ ماشيناسى سياقتى وسىزاماندانعان جابدىقتار قاز - قاتار ءتىزىلىپ تۇر، قالا تۇرعىندارى ساۋساقتارىن قيمىلداتسا بولعانى، اۆتوماتتى تەرمينال ارقىلى كوپتەگەن جۇمىستارىن وزدەرى بىتىرە الادى.
تاياۋ جىلداردان بەرى، قارامايلى قالاسى ”ينتەرنەتتە ءبىتىرۋدى، تاباندا ءبىتىرۋدى، بۇكىل قالادا ءبىر تۇتاس ءبىتىرۋدى“ ۇزدىكسىز ىلگەرىلەتىپ، ءار ۇلت بۇقاراسىن سيفرلاندىرۋدىڭ جەتىستىكتەرىنەن بىرگە يگىلىكتەندىردى. قازىرگى تاڭدا، قارامايلى قالاسىندا ينتەرنەتپەن بىتىرۋگە بولاتىن جۇمىستار 2343كە، اۆتوماتتى تەرمينالمەن بىتىرۋگە بولاتىن جۇمىستار 1906عا جەتكەن.
سيفرلاندىرۋ قۇبا تۇزدەگى وسى قالانىڭ جاڭا كەلبەتىن كەسكىندەپ، وسى قالادا جاساپ جاتقان ادامداردىڭ باقىت سەزىمىن تاسقىنداتتى.
