7 - كەزەكتى جۇڭگو − ازيا − ەۆروپا كورمەسىن ۇيىمداستىرۋ كوميسسياسىنىڭ ءماجىلىسى اشىلدى
ۋاڭ ۋىنتاۋ، ەركىن تۇنياز ماجىلىسكە قاتىناستى
انار بۇلت \ شينجياڭ گازەتىنىڭ ءتىلشىسى لي ياڭ 7 - ايدىڭ 22 - كۇنى ۇرىمجىدەن حابارلايدى. 7 - ايدىڭ 21 - كۇنى تۇستەن كەيىن 7 - كەزەكتى جۇڭگو − ازيا − ەۆروپا كورمەسىن ۇيىمداستىرۋ كوميسسياسىنىڭ ءماجىلىسى بەينە ەكران بايلانىس تاسىلىندە اشىلدى. 7 - كەزەكتى جۇڭگو − ازيا − ەۆروپا كورمەسىن ۇيىمداستىرۋ كوميسسياسىنىڭ مەڭگەرۋشىسى، ساۋدا ىستەرى مينيسترى ۋاڭ ۋىنتاۋ، 7 - كەزەكتى جۇڭگو − ازيا − ەۆروپا كورمەسىن ۇيىمداستىرۋ كوميسسياسىنىڭ مەڭگەرۋشىسى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى.
ۋاڭ ۋىنتاۋ بىلاي دەپ اتاپ كورسەتتى: 7 - كەزەكتى جۇڭگو − ازيا − ەۆروپا كورمەسىن ويداعىداي وتكىزۋ − جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدىڭ ناقتى شاراسى، جوعارى دەڭگەيدە ەسىك اشۋدى كەڭەيتۋدىڭ ناقتى ارەكەتى، سىرتقا باعىتتالعان قىزمەتتىڭ جالپى جاعدايىنا قىزمەت وتەۋدىڭ قاجەتتى تالابى. يدەيا مەن ارەكەتتى باس شۋجي شي جينپيڭنىڭ شينجياڭدى كوزدەن كەشىرگەندەگى سويلەگەن ماڭىزدى ءسوزىنىڭ، ماڭىزدى نۇسقاۋىنىڭ رۋحىمەن شىن مانىندە بىرلىككە كەلتىرىپ، پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن شىن مانىندە جوعارىلاتىپ، وسى كەزەكتى كورمەنى ويداعىداي وتكىزۋدىڭ ءىس جۇزىندىك ارەكەتى ارقىلى ”ەكىنى قورعاۋدى“ امالياتتا ايگىلەۋ كەرەك. كورمەنىڭ يقۋاتتىق ورنىن مىقتاپ ارقاۋ ەتىپ، شينجياڭ باسىمدىعىنان تولىق، ويداعىداي پايدالانىپ، كورمەنى حاۋىپسىز وتكىزۋدە تىڭ جاۋاپكەرشىلىك ارقالاپ، ساپا مەن ونىمدىلىكتى جوعارىلاتۋ جاعىندا تىڭ ناتيجەگە قول جەتكىزىپ، توڭىرەكتىك ديپلوماتياعا قىزمەت وتەۋ جاعىندا تىڭ ىسكەرلىك كورسەتىپ، كورمەنىڭ وتكىزگەن سايىن جاڭالانۋىن، بارعان سايىن جاقسى ءوتۋىن ىلگەرىلەتۋ كەرەك. وسى كەزەكتى كورمەنىڭ دايىندىق قىزمەتتەرىن ناقتى، ەگجەي - تەگجەيلى يگەرۋ كەرەك، ۇيىمداستىرۋ كوميسسياسىنا مۇشە ءارقايسى ورىندار ءبىر تۇتاس جوسپارلاپ سايكەستىرۋدى كۇشەيتىپ، قىزمەتتىڭ بىرىككەن كۇشىن قالىپتاستىرىپ، دايىندىق جۇمىستارىنىڭ جوعارى دەڭگەيلى، جوعارى ولشەمدى، جوعارى ءونىمدى ۇيىمداستىرىلۋىن، اتقارىلۋىن ىلگەرىلەتىپ، ىندەتتەن ساقتانۋ، حاۋىپسىزدىك سياقتىلاردا تيتتەي دە اعاتتىق جىبەرمەۋگە شىنايى كەپىلدىك ەتۋمەن بىرگە، ۇگىت قىزمەتىن كوپ ءتۇرلى تاسىلمەن، كوپ ءتۇرلى ارنامەن جان - جاقتى ويداعىداي ىستەپ، وسى رەتكى كورمەنى وراي ەتىپ، جۇڭگو حيكاياسىن، شينجياڭ حيكاياسىن ويداعىداي بايانداۋ كەرەك.
ەركىن تۇنياز بىلاي دەپ باسا دارىپتەدى: باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ۇيرەنۋدى، دايەكتىلەندىرۋدى وراي ەتىپ، وسى كەزەكتى كورمەنى جوعارى ساپامەن، جوعارى دەڭگەيمەن ويداعىداي وتكىزىپ، پارتيا 18 - قۇرىلتايىنان بەرگى شينجياڭنىڭ ءتۇرلى قىزمەتتەردە قول جەتكىزگەن ماڭىزدى ناتيجەلەرىن، قوعام ورنىقتىلىعىنىڭ اسا تاماشا جاعدايىن جانە حالىقتىڭ تىنىش ءومىر، شات - شادىمان تىرشىلىك كەشىرگەن تاماشا تۇرمىسىن جان - جاقتى ايگىلەپ، جۇڭگو − ازيا − ەۆروپا كورمەسىن ەل ىشىندە بىرەگەي، حالىقارادا ايگىلى ماركا كورمەسى ەتىپ وتكىزۋ كەرەك. كورمەنى اشىق وتكىزۋگە تاباندى بولىپ، سىرتقا ەسىكتى ايقارا اشۋدى كوزدەي وتىرىپ، جۇڭگو − ازيا − ەۆروپا كورمەسىن جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ بەلگىسى سيپاتتى ماركاعا اينالدىرىپ، ورتا ازيامەن جالعاستىراتىن، دۇنيە جۇزىمەن تۇتاستىراتىن ماڭىزدى كوپىرگە جانە تۇعىرعا اينالدىرۋ كەرەك. كورمەنى كاسىبي اشۋعا تاباندى بولىپ، ينتەرنەت جەلىسىن، ينتەرنەت جەلىسىنەن تىسقارىنى ۇشتاستىرۋ ءتاسىلىن قولدانىپ، ساۋداگەر شاقىرۋ، كورمە ۇيىمداستىرۋ تەبىنىن ارتتىرىپ، سيفرلى كورمە ينفورماتسيا تۇعىرىنان ويداعىداي پايدالانىپ، كورمەنىڭ ارنايىلانۋ دەڭگەيىن اناعۇرلىم جوعارىلاتۋ كەرەك. كورمەنى ۇقىپتى وتكىزۋگە تاباندى بولىپ، ينتەرنەت جەلىسىندە، ينتەرنەت جەلىسىنەن تىس قيمىلداردىڭ ىركىلىسسىز جۇرگىزىلۋىنە شىنايى كەپىلدىك ەتىپ، كورمەگە قاتىناسقان ساۋداگەرلەردىڭ مول تابىستارعا قول جەتكىزۋىنە مۇمكىندىك جاساۋ كەرەك. كورمەنى حاۋىپسىز وتكىزۋگە تاباندى بولىپ، حاۋىپسىزدىك ساقتانۋ دايىندىق جوباسىن ونان ارى كەمەلدەندىرىپ، ىندەتتەن ساقتانۋ - تىزگىندەۋ قىزمەتىن زاڭ بويىنشا عىلمي، دالمە - ءدال ويداعىداي ىستەۋ كەرەك. شينجياڭ حيكاياسىن ويداعىداي بايانداۋدى كوزدەي وتىرىپ، كوپ ساتىلى، جان - جاقتى، ستەرەولدى تاراتۋ ارقىلى ۇگىتتەۋ، تانىستىرۋ سەرپىنىن اناعۇرلىم ارتتىرىپ، ”شينجياڭنىڭ جاقسى جەر“ ەكەندىگىن جۇرت جۇرەگىنە تەرەڭ ۇيالاتۋ كەرەك.
ساۋدا ىستەرى مينيسترلىگى مينيسترىنىڭ كومەكشىسى لي في ءماجىلىستى باسقاردى. ءماجىلىس 7 - كەزەكتى جۇڭگو − ازيا − ەۆروپا كورمەسىنىڭ دايىندىق قىزمەتتەرىنىڭ اياق الىسى جاعدايىن تىڭدادى. سۇن حۇڭمەي، لي يۇڭحۇڭ ماجىلىسكە قاتىناستى.
