پارتيانى جاپپاي قاتاڭ باسقارىپ، جوعارى ساپالى كادرلار قوسىنىن قۇرايىق
− باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندە (6)
□ گازەتىمىزدىڭ شولۋشىسى
تاۋدىڭ ايباتتى بولۋى جوتاسىنان، ءۇيدىڭ بەرىك بولۋى ءماتشاسىنان. ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كوركەم شينجياڭ قۇرۋدىڭ تەتىگى پارتيادا، كادرلاردا. شينجياڭدى كوزدەن كەشىرگەندە باس شۋجي شي جينپيڭ: ”پارتيانى جاپپاي قاتاڭ باسقارۋعا تاباندى بولىپ، جوعارى ساپالى كادرلار قوسىنى قۇرىلىسىن شىنايى، ويداعىداي يگەرۋ كەرەك“، - دەپ اتاپ كورسەتىپ، شينجياڭ قىزمەتىن اناعۇرلىم جاقسى ىستەۋگە ايقىن بەتالىس كورسەتتى. پارتيا مەن حالىقتىڭ ىستەرى دامىپ قاي كەزەڭگە كەلسە، پارتيانى جاپپاي قاتاڭ باسقارۋدى دا سول كەزەڭگە دەيىن ىلگەرىلەتۋ كەرەك. پارتيا 18 - قۇرىلتايىنان بەرى رايونىمىز پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ۇزدىكسىز تەرەڭدەتتى، سونىمەن بىرگە نازاردى باس نىساناعا شوعىرلاندىرىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلار قوسىنىن كۇش سالا قۇرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋگە پارمەندى ۇيىمدىق كەپىل ازىرلەدى. بۇگىنگى شينجياڭدا ءار ۇلت حالقى ارىندى جىگەرمەن ەكىنشى 100 جىلدىق كۇرەس نىساناسىنا قاراي ارشىندى قادام تاستاۋدا. العا باسۋ جولىندا ءبىز جاڭا جاعدايعا، جاڭا مىندەتكە ءدوپ كەلۋمەن بىرگە جاڭا ماسەلەگە، جاڭا سىن - سايىسقا دا ءدوپ كەلىپ وتىرمىز. پارتيانى جاپپاي قاتاڭ باسقارىپ، جوعارى ساپالى كادرلار قوسىنىن قۇرۋ − ءبىزدىڭ العا باسۋ جولىمىزداعى ءتۇرلى حاۋىپ - قاتەرلەر مەن سىن - سايىستاردى جەڭىپ، شينجياڭ قىزمەتى باس نىساناسىنىڭ ءساتتى جۇزەگە اسۋىن ىلگەرىلەتۋىمىزدىڭ ءتۇبىرلى كەپىلى.
باس شۋجي شي جينپيڭ كوزدەن كەشىرگەندە بىلاي دەپ اتاپ كورسەتتى: ”شينجياڭنىڭ ۇزاق ۋاقىت ورنىقتىلىقتى ساقتاۋىنداعى ەڭ ماڭىزدى ءتۇيىن − حالىقتىڭ قالاۋى“، ”ءبىر اۋىزدى ىنتىماقپەن العا قاراۋعا تاباندى بولىپ، قالىڭ كادر - بۇقارانىڭ ورنىقتىلىقتى ساقتاۋداعى، دامۋدى جوسپارلاۋداعى، رەفورمانى جەبەۋدەگى بەلسەندى رولىن ەڭ جوعارى شەكتە ساۋلەلەندىرۋ كەرەك“. پارتيانى جاپپاي قاتاڭ باسقارۋعا تاباندى بولىپ، جوعارى ساپالى كادرلار قوسىنىن قۇرۋ بۇقارانىڭ مۇددەسىنە زيان جەتكىزەتىن كورنەكتى ماسەلەلەردى كۇش سالا شەشۋدىڭ، حالىق بۇقاراسىنىڭ زاڭدى ۇقىق - مۇددەسىن شىنايى قورعاۋدىڭ پارمەندى ءتاسىلى بولۋمەن بىرگە، ونان دا ماڭىزدىسى، ول ءبىر نيەتپەن ىنتىماقتاسىپ، كورىكتى شينجياڭ قۇرۋدىڭ قاجەتتى تالابى. ءار دارەجەلى كادرلار − پارتيامىزدىڭ بيلىك جۇرگىزۋ عيماراتىنداعى ”بولات شىبىق“، تەك پارتياعا ادال بولىپ، پاك، كىرشىكسىز بولىپ، جاۋاپكەرشىلىكتى باتىل ارقالاعاندا عانا، پارتيا ورتالىق كوميتەتىنىڭ شەشىمدەرىن، ورنالاستىرۋلارىن شىن مانىندە ناقتاپ تياناقتاندىرۋعا، حالىق تۇرمىسىن جاقسارتۋ ساياساتىنىڭ بۇقاراعا شىنايى تيىمدىلىك جەتكىزۋىنە مۇمكىندىك جاساۋعا، نەگىزگى ساتىنىڭ ءبىرىنشى شەبىندەگى ماسەلەلەردى، قايشىلىقتاردى جورگەگىندە جويۋعا بولادى، سوندا عانا پارتيامىز حالىق بۇقاراسىنىڭ قولداپ - قۋاتتاۋىنا يە بولادى.
بۇگىنگى تاڭدا نازاردى شينجياڭ قىزمەتىنىڭ باس نىساناسىنا شوعىرلاندىرىپ، باياندى تىنىشتىققا ساياتىن ءتۇبىرلى، نەگىزدىك، ۇزاق بولاشاقتىق قىزمەتتەردى ىلگەرىلەتۋ رايونىمىزدىڭ كادرلار قوسىنىنىڭ قابىلەت ساپاسى قۇرىلىسىنا جاڭا، اناعۇرلىم جوعارى تالاپتار قويىپ وتىر. ءبىز ستراتەگيالىق جانە جالپى جاعداي بيگىنەن ونىڭ ماڭىزدىلىعىن تانىپ، پارتيانى جاپپاي قاتاڭ باسقارۋعا تاباندى بولۋ، جوعارى ساپالى كادرلار قوسىنى قۇرىلىسىن شىن مانىندە ويداعىداي يگەرۋ جاعىنا ۇزدىكسىز كۇش سالۋىمىز كەرەك.
قاتاڭ بولۋ سىندى نەگىزگى اۋەنگە تاباندى بولىپ، پارتيانىڭ ساياسي قۇرىلىسىن ءبىر تۇتاس باسشىلىققا الا وتىرىپ پارتيانىڭ ءار جاقتاعى قۇرىلىسىن ىلگەرىلەتىپ، ساياسي ءتارتىپ پەن ساياسي قاعيدانى قاتايتۋ كەرەك. پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەپ، كەڭەيتىپ، قالىڭ پارتيا مۇشەلەرىن، كادرلاردى مۇرات - سەنىمدى بەكەمدەۋگە تاربيەلەپ، جەتەكتەپ، قىزىل گەندى جالعاستىرىپ، قىزىل قان تامىردى ۇلاستىرۋ كەرەك. نەگىزگى ساتىنىڭ نەگىزىن بەكەمدەپ، ءار سالاداعى نەگىزگى ساتى پارتيا ۇيىمدارىن بەرىك جاۋىنگەر قورعان ەتىپ قۇرىپ شىعۋ كەرەك. نەگىزگى ساتىنىڭ قىزمەت ستيلىن شىنايى جاقسارتىپ، تورەشىلدىكتى، فورماشىلدىقتى باتىل جويۋ كەرەك. پارتيا، ۇكىمەت باسشىلىق القا قۇرىلىمىن ساپالىلاندىرىپ، از ۇلت كادرلارىنىڭ رولىن ساۋلەلەندىرۋگە ءمان بەرۋ كەرەك.
باتىردى جاۋدا سىنا، شەشەندى داۋدا سىنا. جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تيانشان الابىندا تياناقتانىپ، تامىر تارتۋىن، گۇل اشىپ، جەمىس بەرۋىن ىلگەرىلەتۋدىڭ ناقتى امالياتى − كادرلاردى سىنايتىن ”سىنتاس“ ءارى كادرلاردى جەتىلدىرەتىن، شىنىقتىراتىن ”دومنا پەش“، تەك سىننان وتە الاتىن، ءارى شىنىققان كادرلار عانا شينجياڭنىڭ باياندى تىنىشتىعىن ىلگەرىلەتۋدىڭ تىرەگى بولىپ شىن مانىندە ءوسىپ جەتىلە الادى.
پارتيانى پارتيا باسقارۋدا، ەڭ اۋەلى، كادرلاردى جاقسى باسقارۋ كەرەك؛ پارتيانى قاتاڭ باسقارۋدىڭ تەتىگى − ءمانساپتىلاردى قاتاڭ باسقارۋدا. پارتيانى جاپپاي قاتاڭ باسقارۋعا تاباندى بولىپ، جوعارى ساپالى كادرلار قوسىنىن قۇراتىن بولساق، شينجياڭ، ءسوز جوق، قوعام ورنىقتىلىعى مەن باياندى تىنىشتىقتى قورعاۋدىڭ قۇرىش قورعانىن سوعىپ، رەفورمانىڭ، دامۋدىڭ سارقىلماس قوزعاۋشى كۇشىن جارىققا شىعارا الادى.
