7 ـ ايدىڭ 16 ـ كۇنى نانجيڭنىڭ شينجياڭعا باعىتتامالى كومەكتەسۋ قولباسشىلىق گرۋپپاسى مەن نانجيڭ قالاسى، قۇلجا قالاسى ەكى جەردىڭ وداق كوميتەتى بىرلەسىپ وتكىزگەن 2022 ـ جىلعى ”قىزىل ىزدەر“ قىزىل گالستۋك اسەرلى جازدىق لاگەرىنىڭ باستالۋ سالتى قۇلجا قالاسىندا وتكىزىلدى. ناننيڭ، قۇلجا ەكى جەردەن كەلگەن 30 وقۋشى ىلە وبلىسىندا ٴبىر اپتالىق جازدىق لاگەر قيمىلىنا قاتىناسادى.
وسى رەتكى جازدىق لاگەر قيمىلى 7 - ايدىڭ 15 ـ كۇنىنەن باستالىپ، 7 - ايدىڭ 26 ـ كۇنى اياقتالادى، 30 وقۋشى قۇلجا قالاسىنداعى باعىبانشىلىق قىستاعى، نارات كورىنىس ٴوڭىرى، نانجيڭ قۇلتەمىر زەرتتەۋ ورنى، چاڭجياڭنان ٴوتۋ جەڭىسى ەسكەرتكىش سارايى، نانجيڭ عىلىم ـ تەحنيكا سارايى سياقتى جەرلەردى ارالاپ، قىزىل تاربيە، زەردەلى عىلىم ـ تەحنيكا جانە جاراتىلىستىق مادەنيەت تاربيەسىن قابىلدايدى.
جاڭاجەر قالاشىعى سەنترلى باستاۋىش مەكتەبىنىڭ وقۋشىسى ٴماۋليدان تۇرعان بىلاي دەدى: ”بۇل مەنىڭ تۇڭعىش رەت جازدىق لاگەرگە قاتىناسۋىم جانە كورۋىم، نانجيڭدىق كىشكەنتاي دوستارمەن بىرگە ويناپ، بىرگە ىقپالداستىق جاسادىق، ٴوزىم دە نانجيڭدىق كىشكەنتاي دوستاردى باستاپ، اۋىلىمىزدىڭ ٴدامدى تاعامدارىن جەپ، ولارعا اۋىلىمىزدىڭ سالت ـ ساناسىن، كوركەم كورىنىسىن كورسەتەمىن“.
نانجيڭ قالالىق جاستار ـ ورەندەر سارايىنىڭ وقىتۋشىسى چىن ۋي بىلاي دەدى: ”قۇلجا - ناننيڭ ەكى جەردەگى بالالاردىڭ ٴوز جەرلەرىنىڭ كوركەم كورىنىستەرىن، سالت ـ ساناسىن سەزىنىپ، بەلگىلى ناتيجەگە قول جەتكىزۋىن ٴۇمىت ەتەمىن“.
بيىل ناننيڭ مەن قۇلجانىڭ جاستار مەن ورەندەردىڭ جازدىق لاگەرى قيمىلىن وتكىزگەنىنىڭ 6 ـ جىلى، قيمىلدىڭ ۇزدىكسىز ورىستەتىلۋى ارقىلى ەكى جەردەگى ٴار ۇلت جاستارى مەن ورەندەرىنىڭ ارالاسۋىن، ىشتەسۋىن، توعىسۋىن جەبەپ، ٴار ۇلت جاستارى مەن ورەندەرىنىڭ اۋىس ـ كۇيىس جاساۋ، سەزىنۋ بارىسىندا ٴوزارا ۇيرەنىپ، بىرگە ەسەيىپ ـ ەرجەتۋىنە مۇمكىندىك جاسادى.
قۇلجا قالالىق جاستار وداعى كوميتەتىنىڭ ورىنباسار شۋجيى لي جيە بىلاي دەدى: ”وسى رەتكى جازدىق لاگەر − نانجيڭنىڭ قۇلجاعا كومەكتەسۋ قىزمەتىنىڭ ۇزدىكسىز ىشكەرىلەي دامۋىن ىلگەرىلەتۋدىڭ ٴونىمدى شاراسى، ونان دا ماڭىزدىسى، ەكى جەردىڭ اۋىس ـ كۇيىسىن جەبەپ، ۇلتتاردىڭ ۇلى ىنتىماعىن جەبەۋدىڭ ماڭىزدى دانەكەرى، ماڭىزدى مانگە يە. ەكى جەردەگى بالالار ۇقساماعان زەرتتەۋ ساباعى، ساپانى جوعارىلاتۋ، اتا – انالار مەن بالالاردىڭ ىقپالداستىعى سياقتىلار ارقىلى ٴوزىن الەۋەتتەندىرىپ، ٴبىلىمىن ارتتىرىپ، قابىلەتىن شىنىقتىرۋ ماقساتىنا جەتەدى“.
(قۇلجا قالالىق توعىسپالى مەديا ورتالىعىنىڭ ٴتىلشىسى ساي جىنيۇي)
اۋدارعان: قادىر ماقان
