ەلىمىزدىڭ العاشقى عىلمي تاجىريبە بولمەسى ءساتتى ۇشىرىلدى
”ۋىنتيان“ الەمگە سۇراق جولىنا اياق باستى
شينحۋا اگەنتتىگىنىڭ 7 - ايدىڭ 24 - كۇنى حاينان ۋىنچاڭنان بەرگەن حابارى (تىلشىلەر لي گولي، لي يۇن، جاڭ رۇيجيە). 7 - ايدىڭ 24 - كۇنى ساعات 14دەن 22 مينۋت وتكەندە ۋىنتيان تاجىريبە بولمەسىن تيەگەن چاڭجىڭ 5 - ءنومىرلى B الىستان مەڭگەرىلەتىن 3 - تاسىمال راكەتاسى ەلىمىزدىڭ ۋىنچاڭ عارىشقا ۇشۋ الاڭىندا ءدال ۋاعىندا وتالدىرىلىپ ۇشىرىلدى، شامامەن 495 سەكۋندتان كەيىن ۋىنتيان تاجىريبە بولمەسى راكەتادان ءساتتى ءبولىندى ءارى بەلگىلەنگەن وربيتاعا ەنىپ، ۇشىرۋ تولىق تابىستى بولدى.
ءتىلشىنىڭ جۇڭگو عارىشقا ادام الىپ ۇشۋ ينجەنەرياسى كەڭسەسىنەن ۇعىسۋىنشا، بۇل ەلىمىزدىڭ عارىشقا ادام الىپ ۇشۋ ينجەنەرياسى بويىنشا نىسان تۇرعىزىلىپ، اتقارىلعاننان بەرگى 24 - رەتكى ۇشۋ مىندەتى ەكەن، ۇشىرىلعان ۋىنتيان تاجىريبە بولمەسى جۇڭگو كەڭىستىك پۋنكتتىڭ ەكىنشى بولمە بولىگى ءارى العاشقى عىلمي تاجىريبە بولمەسى. ۋىنتيان تاجىريبە بولمەسى قىزمەت بولمەسى، گاز تيەكتى بولمە جانە بايلىق بولمەسىنەن قۇرالعان، كوتەرىلىپ ۇشۋ سالماعى شامامەن 23 توننا، باستىسى، عارىشكەرلەردىڭ تۇرۋىن، بولمەدەن شىعىپ قيمىلداۋىن جانە كەڭىستىك عىلمي تاجىريبەسىن ورىستەتۋىن قولداۋعا پايدالانىلادى، سونىمەن بىرگە تيانحى وزەكتى بولمەسىنىڭ زاپاسى ەتۋگە بولادى، كەڭىستىك پۋنكتىن باسقارادى.
سوڭىن الا، ۋىنتيان تاجىريبە بولمەسى بەلگىلەنگەن ءتارتىپ پەن وزەكتى بولمە قۇراما تۇلعاسىمەن توعىسىپ، تۇيىلىسەدى، شىنجوۋ 14 - ءنومىرلى عارىشكەرلەر گرۋپپاسىنداعىلار ۋىنتيان تاجىريبە بولمەسىنە كىرىپ قىزمەت ىستەيدى.
وسى رەتكى ۇشىرۋ مىندەتىن اتقارعان تاسىمال راكەتاسى مەن ۋىنتيان تاجىريبە بولمەسىن جەكە - جەكە جۇڭگو عارىش عىلىم - تەحنيكا توبى شەكتى سەرىكتەستىگىنە قاراستى جۇڭگو تاسىمال راكەتا تەحنيكاسىن زەرتتەۋ ورنى مەن جۇڭگو كەڭىستىك تەحنيكاسىن زەرتتەۋ ورنى جالپى جاقتان زەرتتەپ - جاساۋدى يگەرگەن.
