− باس شۋجي شي جينپيڭنىڭ شينجياڭدى كوزدەن كەشىرۋى رايونىمىزداعى ءار ۇلت كادر - بۇقاراسى اراسىندا قىزۋ اڭىس قوزعادى
انار بۇلت \ شينجياڭ گازەتىنىڭ تىلشىلەرى
ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋدىڭ تەتىگى پارتيادا، تەتىگى كادرلاردا.
”پارتيانى جاپپاي قاتاڭ باسقارۋعا تاباندى بولىپ، جوعارى ساپالى كادرلار قوسىنى قۇرىلىسىن شىنايى، ويداعىداي يگەرۋ كەرەك“. باس شۋجي شي جينپيڭنىڭ شينجياڭدى كوزدەن كەشىرگەندەگى ىقىلاستى تاپسىرماسى تيانشان الابىنداعى ءار دارەجەلى نەگىزگى ساتى پارتيا ۇيىمدارى مەن قالىڭ پارتيالى كادرلاردى بارىنشا جەلپىندىردى. كوپشىلىك جابال مىنانى ءبىلدىردى: يدەيا مەن ارەكەتتى باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىمەن شىن مانىندە بىرلىككە كەلتىرىپ، پارتيانى جاپپاي قاتاڭ باسقارۋعا باستان - اياق ساباقتاستىرا تاباندى بولىپ، جاڭا داۋىردەگى پارتيا قۇرىلىسىنىڭ باس تالابىن جاپپاي تياناقتاندىرىپ، جوعارى ساپالى كادرلار قوسىنى قۇرىلىسىن ويداعىداي يگەرۋگە، پارتيانىڭ شينجياڭداعى بيلىك جۇرگىزۋ نەگىزىن بەكەمدەۋگە ۇزدىكسىز كۇش سالىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الامىز.
پارتيانىڭ ساياسي قۇرىلىسىن ۇزدىكسىز كۇشەيتەمىز
باس شۋجي شي جينپيڭ مىنانى اتاپ كورسەتتى: قاتاڭ بولۋ سىندى نەگىزگى اۋەنگە تاباندى بولىپ، پارتيانىڭ ساياسي قۇرىلىسىن ءبىر تۇتاس باسشىلىققا الا وتىرىپ پارتيانىڭ ءار جاقتاعى قۇرىلىسىن ىلگەرىلەتىپ، ساياسي ءتارتىپ پەن ساياسي قاعيدانى قاتايتۋ كەرەك. پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەپ، كەڭەيتىپ، قالىڭ پارتيا مۇشەلەرىن، كادرلاردى مۇرات - سەنىمدى بەكەمدەۋگە تاربيەلەپ، جەتەكتەپ، قىزىل گەندى جالعاستىرىپ، قىزىل قان تامىردى ۇلاستىرۋ كەرەك.
”پارتيانىڭ ساياسي قۇرىلىسى ماڭگىلىك تاقىرىپ، تيتتەي دە بوساڭسىتۋعا بولمايدى“. اۆتونوميالى رايوندىق پارتكوم پارتيا مەكتەبى (اكىمشىلىك شۋەيۋانى) پارتيا تاريحى، پارتيا قۇرىلىسى وقىتۋىن زەرتتەۋ كافەدراسىنىڭ لەكتورى ۋاڭ جاۋرۇي بىلاي دەدى: پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولۋ ءۇشىن، پارتيانىڭ ساياسي قۇرىلىسىن ماڭداي الدى ورىنعا قويۋ كەرەك. پارتيا ورتالىق كوميتەتىنىڭ شينجياڭ قىزمەتى جونىندەگى ستراتەگيالىق ورنىن تۇراقتاندىرۋى مەن ستراتەگيالىق ويىن تەرەڭدەي ۇعىنىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، شينجياڭداعى پارتيا قۇرىلىسىن جاپپاي كۇشەيتىپ، ساياسي ءتارتىپ پەن ساياسي قاعيداعا قاتاڭ بويسۇنىپ، ادال، كىرشىكسىز، جاۋاپكەرشىلىك ارقالايتىن ءار ۇلت جوعارى ساپالى كادرلارى قوسىنىن تۇلعالاپ، پارتيانىڭ نەگىزگى ساتى ۇيىمدىق قۇرىلىسىن كۇشەيتىپ، شىرىكتەسۋگە قارسى تۇرۋ كۇرەسىن ىشكەرىلەي ورىستەتىپ، ورنىقتىلىق بارىسىندا ىلگەرىلەپ، شينجياڭدى باياندى كوركەيتۋ قىزمەتتەرىن ويداعىداي ىستەپ، پارتيانىڭ شينجياڭداعى بيلىك جۇرگىزۋ نەگىزىن ۇزدىكسىز بەكەمدەۋ كەرەك.
قىزىلسۋ قىرعىز اۆتونوميالى وبلىستىق پارتكوم ۇيىمداستىرۋ ءبولىمى تەكسەرۋ - زەرتتەۋ كەڭسەسىنىڭ مەڭگەرۋشىسى گۇلنۇر قۇرمانبەك بىلاي دەدى: ”قازىر ءبىز ’ءۇش جيىن، ءبىر ساباق‘ سياقتىلار ارقىلى باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ۇزدىكسىز ىشكەرىلەي ۇيرەنىپ، ۇيرەنۋ، دايەكتىلەندىرۋ ونىمدىلىگىن شىن مانىندە قىزمەتتە ايگىلەپ، ارەكەتتە تياناقتاندىرىپ جاتىرمىز“.
”ءبىز باس شۋجيدىڭ ىقىلاستى تاپسىرماسىن ەستە بەرىك ساقتاپ، كوكيار ەسكەرتكىش سارايى سياقتى قىزىل بايلىقتان ويداعىداي پايدالانىپ، پارتيا تاريحىن ۇيرەنۋ تاربيەسىنىڭ جەتىستىكتەرىن ۇزدىكسىز بەكەمدەپ، كەڭەيتىپ، اۋەلگى ماقسات، بورىشتى كوڭىلدىڭ تەرەڭ تۇكپىرىنە تامىر تارتقىزىپ، پارتيا مەن حالىق ىستەرى ءۇشىن ادالدىقپەن ۇلەس قوسامىز“، - دەدى اقسۋ ايماقتىق پارتكوم ۇگىت ءبولىمىنىڭ ۇنەمىلىك ىستەرگە جاۋاپتى ورىنباسار باستىعى ۋاڭ ۋي.
ادال، كىرشىكسىز بولۋدى، جاۋاپكەرشىلىك ارقالاۋدى شىن مانىندە ورىندايمىز
پارتيا پارتيانى باسقارۋ ءۇشىن، ەڭ الدىمەن، كادرلاردى ويداعىداي باسقارۋ كەرەك؛ پارتيانى جاپپاي قاتاڭ باسقارۋدىڭ تەتىگى ءمانساپتىلاردى قاتاڭ باسقارۋدا.
التاي ايماقتىق پارتكومنىڭ مۇشەسى، ۇيىمداستىرۋ ءبولىمىنىڭ باستىعى ۋاڭ جۇن - ان مىنانى ءبىلدىردى: باس شۋجيدىڭ تاپسىرماسىن ەستە بەرىك ساقتاپ، جوعارى ساپالى كادرلار قوسىنى قۇرىلىسىن ويداعىداي يگەرۋدى شەشۋشى ءتۇيىن جانە كۇش سالۋ ءتۇيىنى ەتىپ، دۇرىس ادام ىستەتۋ بەتالىسىنا تاباندى بولىپ، كادرلاردى تاڭداپ جەتىلدىرۋ، باسقارىپ ىستەتۋ قىزمەتىن تۇرگە ءبولىپ ىلگەرىلەتىپ، از ۇلت كادرلار قوسىنى قۇرىلىسىن كۇشەيتىپ، پارتيا مۇشەلەرىن، كادرلاردى اۋىل - قىستاقتى گۇلدەندىرۋ سياقتى قىزمەتتەرگە ات سالىسۋعا ۇزدىكسىز تاڭداپ جىبەرىپ، التاي ايماعىنىڭ جوعارى ساپالى دامۋىنا قىزمەت ەتەتىن اناعۇرلىم كوپ اتويشىلاردى، تىرەكتىلەردى باۋلۋ كەرەك.
”باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنۋدى، دايەكتىلەندىرۋدى ارقاۋ ەتىپ، ءبىرىنشى شەپتە قىزمەتتى جوسپارلاۋ، ءبىرىنشى شەپتە قىزمەتتى قاداعالاۋ، ءبىرىنشى شەپتە تياناقتاندىرۋدى ىلگەرىلەتۋ مەحانيزمىن ورناتىپ، ءتۇيىندى جۇمىس ورىندارىنداعى كادرلاردى، تاڭداۋلى جاس كادرلاردى، از ۇلت كادرلارىن، ارنايىلانعان كادرلاردى باۋلۋ، تاڭداپ ءوسىرۋ سياقتى جاقتاردا ساقتالعان كورنەكتى ماسەلەلەردى ىشكەرىلەي زەرتتەپ شەشىم ەتىپ، ادال، كىرشىكسىز، جاۋاپكەرشىلىك ارقالايتىن ءار ۇلت جوعارى ساپالى كادرلارى قوسىنىن قۇلشىنا تۇلعالايمىز“، - دەدى سانجى وبلىستىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى لي گاڭ.
”باس شۋجيدىڭ ىقىلاستى تاپسىرماسى ءبىزدى اۋىل - قىستاقتى گۇلدەندىرۋدى جاپپاي ىلگەرىلەتۋ بارىسىندا تاباندىلىقپەن، قاجىرلىلىقپەن ناقتى ىستەۋگە جىگەرلەندىردى“. حوتان قالاسى گۇجانباق اۋىلى توۋانتىگىنلا قىستاعى قىستاق تۇرعىندار كوميتەتىنىڭ مەڭگەرۋشىسى حاليدا ابباس بىلاي دەدى: بۇدان كەيىن بۇقارانىڭ ويداعىداي سىرلاسى، جان اشىرى، جول باستاۋشىسى بولىپ، قىستاقتاعى پارتيا مۇشەلەرىمەن، كادرلارمەن بىرگە بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن دەن قويا، سۇيىسپەنشىلىكپەن، كۇش سالا ويداعىداي شەشىم ەتىپ، بۇكىل قىستاق تۇرعىندارىن باستاپ اۋىل - قىستاقتى گۇلدەندىرۋگە كۇش ۇيىستىرامىن.
نەگىزگى ساتىنىڭ جاۋىنگەر قامالدىق رولىن تولىق ساۋلەلەندىرەمىز
باس شۋجي شي جينپيڭ بىلاي دەپ اتاپ كورسەتتى: نەگىزگى ساتىنىڭ نەگىزىن بەكەمدەپ، ءار سالاداعى نەگىزگى ساتى پارتيا ۇيىمدارىن بەرىك جاۋىنگەر قامال ەتىپ قۇرىپ شىعۋ كەرەك.
”باس شۋجي الەۋمەتتىك اۋماقتىڭ قۇرىلىسىنا، دامۋىنا ەرەكشە ءمان بەرىپ، بۇقارانىڭ تۇرمىسىنا ەرەكشە كوڭىل ءبولىپ، ءبىزدى بارىنشا جىگەرلەندىردى“. ءۇرىمجى قالاسى تيانشان رايونى گۋيۋانشياڭ الەۋمەتتىك اۋماعى پارتيا باس ياچەيكاسىنىڭ شۋجيى ارزىگۇل كەرىم بىلاي دەدى: ”ءبىز باس شۋجيدىڭ تاپسىرماسىن ەستە بەرىك ساقتاپ، الەۋمەتتىك اۋماق نەگىزگى ساتى پارتيا ۇيىمىنىڭ جاۋىنگەر قامالدىق رولىن تولىق ساۋلەلەندىرىپ، ءار ۇلت تۇرعىندارىنىڭ ويلاعانىمەن، كوكسەگەنىمەن، اڭساعانىمەن تىعىز بايلانىستىرىپ، كوپشىلىككە كومەكتەسىپ جاقسى ءىس ءبىتىرىپ، ناقتى ءىس ءبىتىرىپ، قيىن ىستەردى شەشىپ، ءار ۇلت بۇقاراسىنىڭ ەتەنە تۋىستاسۋىن، ءوزارا قارايلاسۋىن جەبەپ، بۇقاراعا پارتيانىڭ كوڭىل ءبولۋى مەن مەيىرىمىن شىنايى سەزىندىرەمىز“.
”باس شۋجيدىڭ ىقىلاستى تاپسىرماسىنىڭ ءاربىر ءسوز - سويلەمىنە دەيىن ادامعا مەيىر سيلاپ، ەكپىندەي ىلگەرىلەۋگە جىگەرلەندىرەدى“. تۇرپان قالاسى گاۋچاڭ رايونى شاتقال اۋىلى چيگايبۇلاق قىستاعى پارتيا ياچەيكاسىنىڭ شۋجيى تايىر مامەت بىلاي دەدى: ”بۇدان كەيىن ءبىز نەگىزگى ساتى پارتيا ۇيىمىنىڭ جاۋىنگەر قامالدىق رولىن تولىق ساۋلەلەندىرىپ، بايۋدىڭ باستاماشىلارىن كۇش سالا جەتىلدىرىپ، پارتيا مۇشەلەرىنىڭ، بۇقارانىڭ نەگىزگى ساتىنى تياناق ەتۋ، ءىس تىندىرىپ ناتيجە شىعارۋ ىنتاسىن قاۋلاتامىز. اۋىل - قىستاقتى گۇلدەندىرۋدى پارتيا قۇرىلىسى ارقىلى جەتەكتەۋگە تاباندى بولىپ، اۋىل - قىستاقتىڭ اناعۇرلىم باي، تۇرمىستىڭ اناعۇرلىم باقىتتى، اۋىل - قىستاقتىڭ اناعۇرلىم كوركەم بولۋىن جۇزەگە اسىرۋدى ىلگەرىلەتەمىز.
ىلە قازاق اۆتونوميالى وبلىستىق تەمەكىنى ارناۋلى ساتۋ مەكەمەسىنىڭ (سەرىكتەستىگى) موڭعۇلكۇرە اۋدانى سارقوبى اۋىلىنىڭ كولبۇلاق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى ، ءبىرىنشى شۋجي شيا يۋانجيڭ مىنانى ءبىلدىردى: باس شۋجيدىڭ كوڭىل ءبولۋىن، قامقورلىعىن ءاربىر ۇيگە، ءاربىر وتباسىنا دەيىن جەتكىزىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ نەگىزگى ساتىنىڭ ءبىرىنشى شەبىندە تامىر تارتىپ، جەمىس بەرۋىن ىلگەرىلەتەمىز. سونىمەن بىرگە ۇيرەتۋ، كومەكتەسۋ، جەتەكتەۋ رولىن ويداعىداي ساۋلەلەندىرىپ، نەگىزگى ساتى كادرلارىن تاڭداۋلى ەتىپ باۋلۋعا، پارتيا مۇشەلەرى قوسىنىن مىعىم ەتىپ قۇرۋعا جەتەلەپ، پارتيا تۋىن نەگىزگى ساتىنىڭ ءبىرىنشى شەبىندە اسقاق جەلبىرەتەمىز.
(ءتىلشى جاڭ يانفاڭ، قاتىناسقان تىلشىلەر ياۋ تۇڭ، جاڭ يۇنمەي، سۇڭ ۋيگو، جاڭ جىلي، جاڭ تيڭ، گى يوۋجۇن، ءپاريزات ابدۇل، لياڭ ليحۋا، جاڭ رۇيلين)
