سانجى حۇيزۋ اۆتونوميالى وبلىسى:
ومىرشەڭدىككە تولى وبلىس دامۋدىڭ بيىگىن تۇلعالادى
انار بۇلت \ شينجياڭ گازەتىنىڭ ءتىلشىسى گى يوۋجۇن، ەرىكتى ءتىلشى ليۋ چيان
كەڭ كوسىلگەن اتىز اراسىندا اۋىل شارۋاشىلىعىنىڭ جاسىل رەفورماسى جۇرىلۋدە؛ ونەركاسىپ باقشا رايونىندا كاسىپ سالاسى تىزبەگى ۇزدىكسىز ساپالىلانىپ دارەجەسى جوعارىلاۋدا؛ كورىكتى تيڭجوۋ تۇتاس الاپتىق ساياحاتتىڭ اسەم جىرى شىعانداۋدا.
ۋاقىت سانجى حۇيزۋ اۆتونوميالى وبلىسىنىڭ جوعارى ساپالى دامۋىنىڭ ايقىن تامىرىن سۇلبالاپ بەردى.
پارتيا 18 - قۇرىلتايىنان بەرى سانجى وبلىسى جوعارى ساپالى دامۋدى ىلگەرىلەتۋدى نەگىزگى تاقىرىپ ەتىپ، كوپ نەگىزدى دامىعان، كوپ ۇيەك تىرەك بولعان وسى زامانعى كاسىپ سالاسى جۇيەسىن قۇرىپ، جاڭا كاسىپ سالاسىن، جاڭا قوزعاۋشى كۇشتى، جاڭا ارتۋ ۇيەگىن كۇشتى شوعىرلاندىرا وتىرىپ قۋاتتاندىرىپ، ەكونوميكانىڭ جوعارى ساپالى دامۋىنىڭ ساپاسى مەن نەگىزىن ۇزدىكسىز ارتتىرىپ، وسىناۋ كەڭ - بايتاق القاپتان قاۋلاعان ومىرشەڭدىك تۋىنداتتى.
كاسىپ سالاسى دارەجەسى جوعارىلادى
ەكونوميكانىڭ جاڭا جارقىن تۇيىندەرىن تۇلعالادى
بيىل 7 - ايدىڭ 9 - كۇنى مامانداردان قۇرالعان تەكسەرىپ وتكىزىپ الۋ گرۋپپاسىنىڭ ناقتى ساراپتاۋىندا بيڭتۋان 6 - شى 108 - تۋان 3 - ليان ەككەن دۇمبە ءبيدايدىڭ جاڭا سورتى − جيۋشىڭحى D1508نىڭ ورتاشا مۋ باسىندىق ءونىمى 867.87 كيلوگرامعا جەتىپ، رايونىمىزدا ءبيدايدىڭ بىرلىك ءونىمى تاريحتا تىڭ دەڭگەي جاراتتى.
”جيۋشىڭحى D1508 سانجى وبلىسىنداعى ساپالى تۇقىم جەتىلدىرۋ كاسىپورنى جيۋشىڭحى تۇقىم شارۋاشىلىعى شەكتى جارنا سەرىكتەستىگى دەربەس تاڭداپ جەتىلدىرگەن، قازىر تۇتاس شينجياڭدا جالپىلاستىرىلعان اۋماعى 250 مىڭ مۋدان استى“، - دەدى سانجى وبلىسى اۋىل شارۋاشىلىعى، اۋىل - قىستاق مەكەمەسىنىڭ باستىعى ۋاڭ شيڭلەي تانىستىرا.
شينجياڭنىڭ ساپالى تۇقىم جەتىلدىرۋ اۋدانى مەملەكەت بويىنشا 2 - ورىندا تۇرادى، مۇنىڭ ۇشتەن بىرىنەن استامى سانجى وبلىسىندا. وسى جىلداردا سانجى وبلىسىنىڭ تۇقىم كاسىپ سالاسىنىڭ دامۋ ارىنى تەبىندەپ، جىلىنا ساپالى تۇقىم جەتىلدىرىلەتىن اۋدان ءبىر ميلليون مۋدان استام اينالاسىندا ورنىعىپ، جىلىنا 400 مىڭ توننا ءتۇرلى سورتتى تۇقىم ءوندىرىلىپ، ءونىم قۇنى 3 ميلليارد يۋان بولدى.
”بۇل تيانشاننىڭ قار سۋىمەن سۋارىلعان ءبيداي، ودان تارتىلعان ۇننان يلەنگەن قامىردان شار ۇردەۋگە بولادى“... 7 - ايدىڭ 16 - كۇنى ءتىلشىنىڭ اپپارات كوزى الدىندا شونجى اۋدانى بانجيەگۋ قالاشىعى ياۋجانزى قىستاعىنىڭ تۇرعىنى ۋاڭ دۇڭ - ۋ نىق سەنىممەن وسى قىستاق وندىرگەن ورگانيكالى ۇندى تانىستىردى. قازىر تيانماۋ سياقتى ەلەكتروندى ساۋدا تۇعىرلارىنان پايدالانىپ شونجى ۇنى بۇكىل ەلگە ساتىلىپ، شينجياڭنىڭ جاقسى ۇنىنىڭ بالاماسىنا اينالدى.
سانجى وبلىسى التىن ماركاسىن ۇزدىكسىز جارقىراتىپ، جاسىل ەگىمشىلىكپەن اينالىسىپ، ونىمدەرىن وندىرىلگەن اۋەلگى جەردەن باستاپ قۋزاستىرۋعا بولاتىن ەتىپ، ىشكەرىلەي وڭدەپ، ماركا جاراتىپ، سانجى استىعى، سانجى تۇقىمى، سانجى جەمىسى سياقتى ”سانجى“ ءنومىرلى اۋىل شارۋاشىلىعى ونىمدەرىنىڭ اجارىن اشتى.
بيىل قۇربان ايت مەرەكەسى دەمالىسى كەزىندە تيانشان بوعدا كولى كورىنىس ءوڭىرىنىڭ ساياحات ساندى مالىمەتى كوز تارتتى، 5 كۇندە 93 مىڭ 863 ادام - رەت ساياحاتشى قابىلداپ، سايكەس مەزگىلدەگىدەن ％46 ارتىپ، كورىنىس ءوڭىرىنىڭ ەسىك بەلەتى كىرىسى سايكەس مەزگىلدەگىدەن ارتۋ مولشەرى ％31كە جەتتى.
سانجى وبلىسى ”ساياحات +“ دامۋ ستراتەگياسىن ىشكەرىلەي ىلگەرىلەتىپ، ساياحات كاسىپ سالاسى كورىنىس ءوڭىرى ساياحاتىنان تۇتاس الاپتىق ساياحاتقا بۇرىلىس جاسادى. 2012 - جىلدان بەرى سانجى وبلىسى جيىنى 180 ميلليون ادام - رەت ساياحاتشى قابىلداپ، 200 ميلليارد يۋان ساياحات كىرىسىن جۇزەگە اسىردى. تىكەلەي جانە جانامالاي 850 مىڭ ادام - رەت جۇمىستانۋعا جەتەكشىلىك ەتتى.
پارتيا 18 - قۇرىلتايىنان بەرى سانجى وبلىسى جوعارى ساپالى دامۋدى ارقاۋ ەتىپ، 1 - كاسىپتىڭ دەڭگەيىن جوعارىلاتۋعا، 2 - كاسىپتە ءتۇيىندى يگەرۋگە، 3 - كاسىپتى قاۋىرت دامىتۋعا تاباندى بولىپ، ەرەكشە باسىمدىققا يە كاسىپ سالالارىن ۇزدىكسىز زورايتىپ، وسى زامانعى كاسىپ سالاسى جاڭا جۇيەسىن ورناتىپ، 1 -، 2 -، 3 - كاسىپ سالالارىنىڭ توعىسا دامۋىن جەبەدى.
2021 - جىلى سانجى وبلىسىنىڭ وڭىرلىك ءوندىرىس جالپى ءونىم قۇنى 2012 - جىلعى 69 ميلليارد 679 ميلليون يۋاننان 169 ميلليارد 821 ميلليون يۋانعا ارتىپ، جىلىنا ورتا ەسەپپەن ％9.7 ارتتى؛ بۇكىل وبلىستاعى قالا - قالاشىق تۇرعىندارىنىڭ جان باسىندىق قولداعى تابىسى 2012 - جىلعى 17 مىڭ 267 يۋاننان 37 مىڭ 191 يۋانعا ارتىپ، جىلىنا ورتا ەسەپپەن ％8.5 ارتتى؛ اۋىل - قىستاق تۇرعىندارىنىڭ جان باسىندىق قولداعى تابىسى 2012 - جىلعى 11 مىڭ 776 يۋاننان 23 مىڭ 140 يۋانعا ارتىپ، جىلىنا ورتا ەسەپپەن ％8.6 ارتتى؛ بۇكىل وبلىستىڭ 3 كاسىپ قۇرىلىمى 2012 - جىلعى 27.8: 46.8: 26.4دەن 35.8: 47.9: 16.3گە رەتتەلدى.
جاڭا دامۋ ۇستانىمىنىڭ جەتەكشىلىگىندە، سانجى وبلىسىنىڭ ەكونوميكالىق دامۋ ومىرشەڭدىك كۇشى اناعۇرلىم ارتىپ، بۇكىل وبلىس ەكونوميكاسى ساننىڭ ۇيلەسىمدى ارتۋى مەن ساپانىڭ ورنىقتى جوعارىلاۋىن جۇزەگە اسىرۋدا.
شوعىرلانا دامىدى
وزەكتى ارتۋ ۇيەگى قالىپتاستى
7 - ايدىڭ 16 - كۇنى ەرەكشە ترانسفورماتور جارنا شەكتى سەرىكتەستىگى شينجياڭ ەلەكتر جەتكىزۋ، كەرنەۋ وزگەرتۋ عىلىم - تەحنيكا كاسىپ سالاسى باقشاسى ەرەكشە جوعارى كەرنەۋلى ءوندىرىس بازاسى باس قۇراستىرۋ سەحىندا جۇمىس بولىمشەسىنىڭ باستىعى جياڭ ۋىنفۋ مەن قىزمەتتەستەرى ەرەكشە جوعارى كەرنەۋلى ترانسفورماتور قاپتاماسىن ورناتىپ، ”ەلەكتردى باتىستان شىعىسقا جەتكىزۋ“ مەملەكەتتىك ەرەكشە ماڭىزدى ەنەرگيا ينجەنەرياسىنىڭ وزەكتى جابدىقتارىنىڭ تاپسىرىپ بەرىلۋىن بار كۇشپەن قامتاماسىز ەتتى.
ەرەكشە ترانسفورماتور جارنا شەكتى سەرىكتەستىگى − سانجى وبلىسىندا ەڭسە كوتەرگەن مەملەكەتتىك جوعارى، جاڭا تەحنيكا كاسىپورنى، 30 نەشە جىلدان بەرى ونىڭ جوعارى، جاڭا تەحنيكا ونىمدەرى امەريكا، رەسەي، ءۇندىستان سياقتى 70 نەشە مەملەكەت پەن رايون بازارىنا ءساتتى كىرىپ، ”جۇڭگونى جابدىقتاۋدان“ ”دۇنيە ءجۇزىن جابدىقتاۋعا“ بەت الدى.
ءبىر كاسىپورىننىڭ تيپ وزگەرتۋ بارىسى سانجى وبلىسىنىڭ جاساۋ كاسىبىندەگى وزگەرىستى ايگىلەدى.
سانجى وبلىسى جىبەك جولى ەكونوميكالىق بەلدەۋى وزەكتى رايونى قۇرىلىسىنا ىرىقتىلىقپەن توعىسىپ، ءتورت باعىتتا كەڭەيىپ، وڭىرلەر ارا سايكەسىپ، جەدەل ىلگەرىلەدى. قازىر سانجى وبلىسىنىڭ سىرتقا باعىتتالعان كاسىپورىندارى 158گە جەتىپ، 137 مەملەكەتپەن جانە رايونمەن ەكونوميكا - ساۋدا سەلبەستىك قاتىناسىن ورناتتى.
پارتيا 18 - قۇرىلتايىنان بەرى سانجى وبلىسى جاڭا دامۋ ۇستانىمىنا تاباندى بولىپ، باسىمدىققا يە كاسىپ سالاسىنا نازار اۋدارىپ، ءتۇستى مەتال، حيميا ونەركاسىبى، كومىر، جابدىق جاساۋ، كرەمني نەگىزى، ەلەكتر قۋاتى، ازىق - تۇلىك مانەرلەۋ سياقتىلاردى ءتۇيىن ەتكەن ءبىر توپ جەتەكشى كاسىپ سالاسى مەن كاسىپ سالاسى شوعىرىن قالىپتاستىردى. سونىمەن بىرگە بۇكىل وبلىستاعى ءتۇيىندى كاسىپ سالالارىنىڭ ورتا، جوعارى دەڭگەيلى دامۋ كارتاسى بويىنشا، جاڭا تەحنيكالاردى، جاڭا كاسىپ كۇيلەرى جانە جاڭا ۇلگىلەردى قولدانىسقا ەنگىزۋدى جەدەلدەتىپ، ستراتەگيالىق جاڭادان گۇلدەنگەن كاسىپ سالالارىن زورايتىپ، كۇشەيتىپ، تۇتاس كاسىپ سالاسى تىزبەگىنىڭ جالپى تۇلعالىق ساپالىلانۋىن، دارەجەسىن جوعارىلاتۋىن جەبەپ، ەكونوميكانىڭ ساپاسىن جوعارىلاتىپ، ونىمدىلىگىن ارتتىرۋدى ۇزدىكسىز ىلگەرىلەتتى.
كاسىپ سالاسى تىزبەگىن جەتەكشى ەتىپ، سانجى وبلىسى ءداستۇرلى كاسىپ سالالارىنىڭ جاڭالانۋىن، جاڭادان گۇلدەنگەن كاسىپ سالالارىنىڭ كولەمدەنۋىن، تىرەكتى كاسىپ سالالارىنىڭ كوپ نەگىزدەنۋىن ۇزدىكسىز ىلگەرىلەتۋدە تىڭ قادام تاستاپ، كاسىپ سالاسى شوعىرلانا دامىپ، ۇزدىكسىز كولەم قالىپتاستىردى.
كەزەكتە سانجى وبلىسىندا مەملەكەتتىك جوعارى، جاڭا تەحنيكالىق كاسىپورىن 95كە جەتىپ، اۆتونوميالى رايون دارەجەلى جانە ودان جوعارى كاسىپورىن تەحنيكالىق ورتالىعىنان 64ى قۇرىلىپ، كاسىپورىنداردىڭ تەحنيكادا جاڭالىق اشۋ جەتىستىگى كورنەكتى بولدى. 7 ءونىم اۆتونوميالى رايوننىڭ العاشقى توپتاعى، العاشقى رەتتەگى ءونىمى بولىپ بەكىتىلدى، 117 ءونىم اۆتونوميالى رايوننىڭ تاڭداۋلى جاڭا ءونىم اتىنا يە بولدى. ەرەكشە ترانسفورماتور جارنا شەكتى سەرىكتەستىگىنىڭ ەلەكتر جەتكىزۋ، كەرنەۋ وزگەرتۋ ترانسفورماتورىنىڭ جىلدىق ءوندىرىس قۋاتى 260 ميلليون كيلوۆولت - امپەرگە جەتىپ، دۇنيە ءجۇزى بويىنشا ءبىرىنشى ورىندى يەلەدى؛ بۇكىل وبلىستا كومىر جىلدىق ءوندىرىس قۋاتى 125 ميلليون تونناعا جەتىپ، بۇكىل شينجياڭنىڭ ءوندىرىس قۋاتىنىڭ ％56.2ىن يەلەدى؛ كوپ كريستالدى كرەمنيدىڭ جىلدىق ءوندىرىس قۋاتى 120 مىڭ تونناعا جەتىپ، بۇكىل شينجياڭنىڭ ءوندىرىس قۋاتىنىڭ ％42ىن يەلەدى؛ ەلەكتر قۋاتى گەنەراتور اگراگاتتار سيىمدىلىعى 34 ميلليون 440 مىڭ كيلوۆاتقا جەتىپ، بۇكىل شينجياڭنىڭ ءوندىرىس قۋاتىنىڭ ％58.4ىن يەلەدى؛ ءجۇزىم شارابى جىلدىق ءوندىرىس قۋاتى 349 مىڭ تونناعا جەتىپ، بۇكىل شينجياڭنىڭ ءوندىرىس قۋاتىنىڭ ％70ىن يەلەدى، بۇكىل وبلىستا 10 ميللياردتىق كاسىپ سالاسى شوعىرىنان التاۋى قالىپتاستى.
”14 - بەسجىلدىقتىڭ“ سوڭىنا بارعاندا سانجى وبلىسىندا وسى زامانعى كومىر حيميا ونەركاسىبى، ءتۇستى مەتال سىندى 100 ميلليارد دارەجەلى 2 كاسىپ سالاسى شوعىرى مەن ءارقايسىسى وزىندىك ەرەكشەلىككە يە ءبىرسىپىرا كاسىپ سالاسى شوعىرى قالىپتاسىپ، قۋاتتى ارتۋ قابىلەتىنە يە ”4 + 15“ وسى زامانعى كاسىپ سالاسى جۇيەسى ورناتىلادى.
باقشا رايونى شەبى
قاۋىرت دامۋدىڭ جاڭا قوزعاۋشى كۇشى
7 - ايدىڭ 19 - كۇنى تۇستەن بۇرىن سانجى مەملەكەتتىك اۋىل شارۋاشىلىعى جوعارى، جاڭا تەحنيكالىق كاسىپ سالاسىنان ۇلگى كورسەتۋ رايونىنداعى شينجياڭ حۇي - ىر اۋىل شارۋاشىلىعى توبى شەكتى جارنا سەرىكتەستىگى سانجى بولىمشە سەرىكتەستىگىنىڭ سۇيىلتىلعان تىڭايتقىش ءوندىرىس سەحىندا جۇمىسشىلار زەردەلى ءوندىرىس سەحىندا قاربالاس جۇمىس ىستەپ جاتتى، شيكىزات قوسۋ، تالقانداۋ، حەلاتتاۋ... كاتەل - كاتەل سۇيىلتىلعان تىڭايتقىشتاردى ءوندىردى.
بيىل 4 - ايدىڭ 19 - كۇنى مەملەكەتتىك كەڭەس شينجياڭ سانجى مەملەكەتتىك اۋىل شارۋاشىلىعى عىلىم - تەحنيكا باقشا رايونىن شينجياڭ سانجى مەملەكەتتىك اۋىل شارۋاشىلىعى جوعارى، جاڭا تەحنيكالىق كاسىپ سالاسىنان ۇلگى كورسەتۋ رايونى ەتىپ قۇرۋدى بەكىتىپ، باقشا رايونى وسىعان بايلانىستى دامۋدىڭ جاڭا كەزەڭىنە قادام تاستادى.
سانجى مەملەكەتتىك جوعارى، جاڭا تەحنيكالىق كاسىپ سالاسىن اشۋ رايونىنداعى شينجياڭ شينلۇي اليۋمين كاسىبى شەكتى سەرىكتەستىگىندە نىعىزداۋ، بۇركۋ سياقتى 8 ءوندىرىس جەلىسى بار كۇشپەن جۇمىس جۇرگىزۋدە. اتالعان سەرىكتەستىك 30 تۇردەگى، 2000نان استام تۇرپاتتى اليۋمين ماتەريالدارىن وڭدەپ وندىرە الادى، شينجياڭ بازارىن يەلەۋ سالىستىرماسى ％50تەن استامعا جەتەدى ءارى قازاقستان سياقتى ەلدەردە جانە رايونداردا ساتۋ سەرىكتەستىگىن قۇرىپ، شەتەل بازارىن بەلسەنە اشتى. مىنە بۇل سانجى مەملەكەتتىك جوعارى، جاڭا تەحنيكالىق كاسىپ سالاسىن اشۋ رايونىنىڭ ۇزدىكسىز جاڭالىق اشا دامۋىنىڭ شاعىن كورىنىسى.
شينجياڭ جۇندۇڭ ەكونوميكالىق - تەحنيكالىق اشۋ رايونىندا ۇزىندىعى 3293 كيلومەتر كەلەتىن ەلەكتر ”كۇرە تامىرى“ اسقار اسۋلاردان اسىپ حۋادۇڭعا تۇتاستى، مىنە بۇل سانجى − گۋچۋان 1100kV±تىق اسقىن جوعارى كەرنەۋلى تۇراقتى ەلەكتر جەتكىزۋ ينجەنەرياسى، ول كەزەكتە دۇنيە ءجۇزى بويىنشا ەلەكتر كەرنەۋى دارەجەسى ەڭ جوعارى، ەلەكتر جەتكىزۋ ارالىعى ەڭ ۇزىن، جەتكىزۋ سيىمدىلىعى ەڭ زور، تەحنيكالىق دەڭگەيى ەڭ وزىق تۇراقتى ەلەكتر جەتكىزۋ ينجەنەرياسى سانالادى. 7 - ايدىڭ 9 - كۇنىنە دەيىن اتالعان ينجەنەريانىڭ سىرتقا جەتكىزگەن ەلەكتر مولشەرى جيىنى 154 ميلليارد 300 ميلليون كيلوۆات ساعات بولىپ، شينجياڭنىڭ ەنەرگيا بازاسىنىڭ اشىلۋى مەن ەنەرگيانى سىرتقا جەتكىزۋدى پارمەندى جەبەپ، حۋادۇڭ ءوڭىرىن ەلەكترمەن حاۋىپسىز، سەنىمدى قامداۋدى قامتاماسىز ەتتى. جۋىقتا اتالعان اشۋ رايونى 10 - توپتاعى مەملەكەتتىڭ جاڭاشا ونەركاسىپتەنگەن كاسىپ سالاسىنان ۇلگى كورسەتۋ بازاسى قاتارىنا قوسىلدى.
قازىر سانجى وبلىسىندا مەملەكەت دارەجەلى باقشا رايونىنان ۇشەۋى، اۆتونوميالى رايون دارەجەلى باقشا رايونىنان التاۋى بار، كەزەكتە بۇكىل شينجياڭ بويىنشا بىردەن - ءبىر ولكە دارەجەلىدەن جوعارى باقشا رايونى ءاربىر اۋدان، قالانى قامتىعان ايماق، وبلىس، قالا، باقشا رايونىنىڭ ونەركاسىپ ارتقان قۇنىنىڭ بۇكىل وبلىس بويىنشا يەلەۋ سالىستىرماسى ％93كە جەتتى.
سوڭعى جىلدارى سانجى وبلىسى وسى زامانعى كومىر حيميا ونەركاسىبى، كومىر ەلەكتر، كرەمني نەگىزدى، اليۋمين نەگىزدى جاڭا ماتەريالدار سياقتى باسىمدىققا يە ءبىر توپ كاسىپ سالاسىنىڭ شوعىرلى دامۋىن بار كۇشپەن ىلگەرىلەتىپ، كاسىپ سالاسىن سۇيەنىش ەتە وتىرىپ 100 ميللياردتىق باقشا رايونىنان بىرەۋىن، 10 ميللياردتىق باقشا رايونىنان ەكەۋىن جەتىلدىردى. كەزەكتە بۇكىل وبلىستاعى باقشا رايوندارىندا كولەمنەن جوعارى ونەركاسىپ كاسىپورنى 431گە جەتىپ، بۇكىل شينجياڭ بويىنشا ءبىرىنشى ورىندى يەلەدى.
10 جىل تاسىعان جىگەرمەن قايراتتانا ۇمتىلىپ، 10 جىل سۇبەلى ناتيجەگە قول جەتكىزدى.
جاڭا دامۋ ارناسىندا سانجى وبلىسى اناعۇرلىم كوتەرىڭكى بەينەمەن، اناعۇرلىم نىق ادىممەن جوعارى ساپالى دامۋدىڭ مۇنان دا كەڭ ورىسكە قادام تاستاۋىن ىلگەرىلەتۋدە.
