حۋاڭ كۇنميڭ ۇگىت بولىمدەرى باستىقتارىنىڭ مەملەكەتتىك تەلەۆيزور - تەلەفون ماجىلىسىندە بىلاي دەپ باسا دارىپتەدى
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، پارتيا 20 - قۇرىلتايىن قارسى الۋ ۇگىت قىزمەتىن تىڭعىلىقتى ويداعىداي ىستەۋ كەرەك
شينحۋا اگەنتتىگىنىڭ 7 - ايدىڭ 27 - كۇنى بەيجيڭنەن بەرگەن حابارى. ۇگىت بولىمدەرى باستىقتارىنىڭ مەملەكەتتىك تەلەۆيزور - تەلەفون ءماجىلىسى 7 - ايدىڭ 27 - كۇنى كەشتە بەيجيڭدە اشىلدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ ماجىلىسكە قاتىناستى ءارى ءسوز سويلەپ بىلاي دەپ باسا دارىپتەدى: باس شۋجي شي جينپيڭنىڭ ولكە - مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ تالقى كۋرسىنداعى ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، پارتيا 20 - قۇرىلتايىن قارسى الۋ ۇگىت قىزمەتىن تىڭعىلىقتى، ويداعىداي ىستەپ، جاڭا جورىقتا ەكپىندەي ىلگەرىلەۋدىڭ، جاڭا داۋىرگە ۇلەس قوسۋدىڭ قۋاتتى كۇشىن ۇيىستىرۋ كەرەك.
حۋاڭ كۇنميڭ بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزى پارتيا مەن مەملەكەت ىستەرىنىڭ دامۋىنا ساياتىن ءبىر قىدىرۋ كەلەلى نازاريالىق جانە امالياتتىق ماسەلەلەرگە تەرەڭنەن جاۋاپ بەرىپ، 100 جىلدىق ۇلى پارتيانىڭ اۋەلگى ماقساتىن وزگەرتپەۋ، مۇراتىنان تايماۋ سىندى تاباندىلىعى مەن بەكىمىن كورسەتتى، گۇلدەنۋ ۇلى ءىسىن جوسپارلاۋدىڭ، قۋاتتى ەل قۇرۋ كارتيناسىن سالۋدىڭ تاريحي ىرىقتىلىعى مەن بورىشىن ايگىلەدى، ءسوز جوق، يدەيا مەن ارەكەتتى ءسوزدىڭ رۋحىمەن سانالى تۇردە باتىل بىرلىككە كەلتىرۋ كەرەك.
حۋاڭ كۇنميڭ بىلاي دەپ باسا دارىپتەدى: باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى، ۇگىتتەۋدى ماڭىزدى ساياسي مىندەت ەتىپ، جاڭا ءداۋىر يدەيا تۋىن بيىك كوتەرىپ، جاڭا داۋىردەگى ۇلى وزگەرىستى بەينەلەپ، جاڭا ءداۋىردىڭ رۋحاني كەلبەتىن ايگىلەپ، قالىڭ كادرلار مەن بۇقارانى ”ەكىنى تۇراقتاندىرۋدىڭ“ شەشۋشى ءمانىن تەرەڭ ۇعىنىپ، ”ءتورت تانىمدى“ كۇشەيتىپ،” ءتورت سەنىمدى“ بەكەمدەپ، ”ەكىنى قورعاۋدى“ ورىنداۋعا جەتەكتەۋ كەرەك، بۇلجىماس تاباندىلىقپەن شي جينپيڭ جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى، بۇكىل ەل حالقىن قارۋلاندىرىپ، ۇيىستىرىپ، نەگىزگى اعىمدىق يدەيالىق قوعامدىق پىكىردى ۇزدىكسىز بەكەمدەپ، زورايتىپ، بۇقارالىق نەگىزگى تاقىرىپتىق ۇگىت - تاربيە قيمىلدارىن كەڭ كولەمدە ورىستەتىپ، ءداۋىر كەلبەتىن ايگىلەيتىن، جۇڭگونىڭ قاسيەتىن ايگىلەيتىن تاڭداۋلى تۋىندىلاردان ءبىر توبىن شىعارىپ، جاڭا داۋىردەگى جۇڭگو حيكاياسىن ويداعىداي بايانداپ، ادامداردى اسقاق جىگەرمەن قايراتتانا ۇمتىلىپ، قايسارلىقپەن العا ىلگەرىلەپ، ىنتىماقتاسا كۇرەس جاساۋعا جىگەرلەندىرىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
