— باس شۋجي شي جينپيڭنىڭ شينجياڭدى كوزدەن كەشىرۋى رايونىمىزداعى ءار ۇلت كادر-بۇقاراسى اراسىندا قىزۋ اڭىس قوزعادى
□ انار بۇلت \ شينجياڭ گازەتىنىڭ تىلشىلەرى
ەگە بەرسەڭ اعاش تا ورمان بولار، ۇيە بەرسەڭ قۇمنان دا جوتا جاسالار، كۇش بىرىككەندە عانا ۇلكەن اۋقىمعا اينالار.
باس شۋجي شي جينپيڭ شينجياڭدى كوزدەن كەشىرگەندە بيڭتۋان مەن جەرگىلىكتى ورىن ءبىر تۇتاس جۇيە دەگەنگە تاباندى بولىپ، كەلەلى نەگىزدىك قۇرىلعىلاردى سايكەستىرە قۇرىپ، بيڭتۋان مەن جەرگىلىكتى ورىننىڭ ەكونوميكا، قوعام، مادەنيەت، ەكولوگيالىق وركەنيەت قۇرىلىسى جانە ۇلتتار ىنتىماعى، العاباسارلىعى، كادر - دارىندىلار سياقتى جاقتاردا توعىسا دامۋىن جاپپاي ىلگەرىلەتىپ، قۇرىلعىلاردى بىرگە قۇرۋدى، بايلىقتان بىرگە يگىلىكتەنۋدى، تەرەڭدەي كىرىگۋدى، ارتىقشىلىقتارمەن ءوزارا تولىقتاۋدى جۇزەگە اسىرۋ كەرەك دەپ باسا دارىپتەدى.
رايونىمىزداعى ءار ۇلت كادرلارى، جۇمىسشى - قىزمەتكەرلەر، بۇقارا ءبىر اۋىزدان مىنالاردى ءبىلدىردى: باس شۋجيدىڭ ىقىلاستى تاپسىرماسىن ەستە بەرىك ساقتاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، كورىكتى شينجياڭدى بىرگە قۇرىپ، جاڭا داۋىردەگى بيڭتۋان مەن جەرگىلىكتى ورىننىڭ توعىسا دامۋىنىڭ ايشىقتى پاراعىن جازامىز.
بيڭتۋان مەن جەرگىلىكتى ورىننىڭ توعىسا دامۋ اياسىن كەڭەيتەمىز
7 - ايدىڭ 23 - كۇنى بيڭتۋان 8 - شىسى 150 - تۋان − 136 - تۋان − كۇيتۇن − قارامايلى جوعارى جىلدامدىقتى تاس جول (قارامايلى − شاۋەشەك جول ايىرىعى) نىسانىنىڭ ءبىر مەردىگەرلىك بولىگى قۇرىلىس باسىندا قاۋىرت جۇمىس جۇرگىزىلىپ جاتتى.
”باس شۋجي شي جينپيڭنىڭ شينجياڭدى كوزدەن كەشىرۋى كوپشىلىكتى ەرەكشە جەلپىندىردى“. نىسان قۇرىلىسىن ۇستىنە العان ورىن − بيڭتۋان قاتىناس قۇرىلىسى شەكتى سەرىكتەستىگىنىڭ باس ديرەكتورى جاۋ رۇيلۇڭ بىلاي دەدى: قازىر نىسان سوڭعى كەزەڭگە ءوتتى، بارلىق ادامنىڭ جىگەر - قايراتى تاسقىنداۋدا. الداعى ۋاقىتتا ينجەنەريا قۇرىلىسىن جوعارى ساپامەن ىلگەرىلەتىپ، جاڭالىق اشۋ قابىلەتى دەڭگەيىن ۇزدىكسىز جوعارىلاتىپ، حالىق تۇرمىسى ينجەنەريالارىمەن، حالىق تىلەگى ينجەنەريالارىمەن ءار ۇلت جۇمىسشى - قىزمەتكەرلەرىن، بۇقارانى باقىتقا كەنەلتەمىز.
جۋىق جىلداردان بەرى بيڭتۋان قاتىناس قۇرىلىس شەكتى سەرىكتەستىگى بيڭتۋان مەن جەرگىلىكتى ورىن ءبىر تۇتاس جۇيە، ءبىر جوبانى جاساۋ، ءبىر تور قۇرۋ تالابىن تياناقتاندىرىپ، بيڭتۋان مەن جەرگىلىكتى ورىننىڭ قاتىناس جۇيەسىنىڭ توعىسا دامۋىن كۇش سالا ىلگەرىلەتتى.
شىلىڭگىر جاز، بيڭتۋان 9 - شىسى 161 - تۋاننىڭ 10 مىڭ مۋلىق گۇل تەڭىزىندە ساياحاتشىلار ءيىن تىرەستى.
161 - تۋان شاعانتوعاي اۋدانىمەن ىرگەلەس. تاياۋ جىلداردان بەرى وسى تۋان بيڭتۋان مەن جەرگىلىكتى ورىننىڭ توعىسا دامۋىن وراي ەتىپ، شاعانتوعاي اۋدانىمەن قۇلىستاي ويپاتى ساياحات كورىكتى القابىن بىرگە قۇرىپ، ساياحات كاسىپ سالاسىن بيڭتۋان مەن جەرگىلىكتى ورىنداعى بۇقارانىڭ بىرگە بايۋىن جەبەيتىن جاڭا قوزعاۋشى كۇشكە اينالدىردى.
”باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحى ءبىزدىڭ شينجياڭدى ساياحاتپەن گۇلدەندىرۋ ستراتەگياسىن ىشكەرىلەي اتقارۋ سەنىمىمىزدى بەكەمدەپ، ايقىن بەتالىس كورسەتتى“. 161 - تۋان ەكونوميكانى دامىتۋ كەڭسەسىنىڭ مەڭگەرۋشىسى ۋاڭ يۇڭحۇڭ بىلاي دەدى: 161 - تۋان جەرگىلىكتى ورىننىڭ تاريحي مادەنيەت ءمانىن ىشكەرىلەي اشىپ، ساياحات كاسىپ كۇيىن جانە جەلى بويىنداعى ونىمدەردى مولايتىپ، بيڭتۋان مەن جەرگىلىكتى ورىن ساياحاتىنىڭ توعىسا دامۋىن ءتاسىل ەتىپ، ساياحات شارۋاشىلىعىندا جاڭا ناتيجە جاراتۋدى ىلگەرىلەتىپ، بيڭتۋان مەن جەرگىلىكتى ورىنداعى ءار ۇلت بۇقاراسىن باقىتقا كەنەلتەدى.
ءار ۇلت بۇقاراسىن توعىسۋدىڭ پايداسىنا كەنەلتەمىز
بيڭتۋان مەن جەرگىلىكتى ورىن ءبىر نيەتپەن ەكپىندەي ىلگەرىلەپ، سايكەسە دامىپ، ءتۇرلى ىستەردىڭ دامۋىن جانە حالىق تۇرمىسىنىڭ جاقسارۋىن پارمەندى ىلگەرىلەتىپ، بۇقارانى بيڭتۋان مەن جەرگىلىكتى ورىننىڭ توعىسا دامۋ پايداسىنان بىرگە يگىلىكتەندىرىپ، تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتى.
بيڭتۋان 5 - شىسى شۋاڭحى قالاسى مەن بۇراتالا موڭعۇل اۆتونوميالى وبلىسى ەمدەۋ بايلىقتارىنان تەڭ يگىلىكتەنۋ مەحانيزمىن بەلسەنە قۇرىپ، بيڭتۋان مەن جەرگىلىكتى ورىننىڭ ەمدەۋ قۇرىلىمدارى ءبىر - ءبىرىن مويىنداپ، ەمدەۋ قامسىزداندىرۋى ءوزارا بايلانىسىپ، تۇتاسىپ، اۋرۋ كورسەتۋى قيىن بولۋ، اۋرۋ كورسەتۋى قىمبات بولۋ سياقتى ماسەلەلەردى شەشتى.
”ءبىز باس شۋجيدىڭ ىقىلاستى تاپسىرماسىن ەستە بەرىك ساقتاپ، ءوز قىزمەتىمىزدى تياناق ەتىپ، بيڭتۋان مەن جەرگىلىكتى ورىنداعى ءار ۇلت جۇمىسشى - قىزمەتكەرلەرىنىڭ، بۇقارانىڭ حالىق تۇرمىسى ىرىس - قۇتىن ارتتىرۋعا ءتيىستى ۇلەسىمىزدى قوسامىز“، - دەدى بيڭتۋان 5 - شىسى شيپاحاناسى ساراپتاۋ ءبولىمىنىڭ ورىنباسار مەڭگەرۋشىسى يۋان گايليڭ، - ”بۇدان بىلاي بۇراتالا وبلىستىق حالىق شيپاحاناسىمەن بەلسەنە سەلبەسىپ، سالاماتتىق قىزمەت وتەۋ ورتاق تۇلعاسىن قۇرىپ، الدىن الۋ، ەمدەۋ، ساۋىقتىرۋ سياقتىلار ءبىر تۇلعالانعان سالاماتتىق قىزمەت وتەۋ ۇلگىسىن جەدەل قالىپتاستىرىپ، بيڭتۋان مەن جەرگىلىكتى ورىنداعى ءار ۇلت بۇقاراسىنىڭ سالاماتتىعىن جان - جاقتى، جالپى پەريودتى قامتاماسىز ەتەمىز“.
سوڭعى 2 جىلدا بيڭتۋان مەن جەرگىلىكتى ورىن مەكتەپتەرى اراسىندا بايلانىس بارعان سايىن جيىلەپ، ەكى جاق وقىتۋشىلاردى مىندەتكە ءىلىپ شىنىقتىرۋعا تاڭداپ جىبەرىپ، وقىتۋدى زەرتتەۋ، وقۋ - وقىتۋ جاعىندا اۋىس - كۇيىس قيمىلىن ورىستەتىپ، ساپالى وقۋ - اعارتۋ، وقۋ - وقىتۋ بايلىعىن بيڭتۋان مەن جەرگىلىكتى ورىننىڭ توعىسا دامۋ ۇلكەن اۋقىمىمەن توعىستىردى.
”مەكتەپ باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، بيڭتۋان مەن جەرگىلىكتى ورىننىڭ توعىسا دامۋىن تۇتقا ەتىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، بيڭتۋان مەن جەرگىلىكتى ورىننىڭ وقۋ - اعارتۋ ورتاق تۇلعاسىن بىرگە قۇرادى“، - دەدى بيڭتۋان 3 - شىسى تۇمشۇق قالاسى 1 - ورتا مەكتەپتىڭ باستىعى يۋان حۇڭشيا.
باس نىسانانى جۇزەگە اسىرۋعا ءتىپتى دە زور بىرىككەن كۇش ۇيىستىرامىز
باس شۋجي شي جينپيڭ بىلاي دەپ باسا دارىپتەدى: ”بيڭتۋاننىڭ ستراتەگيالىق رولىن ەشتەڭە باسا المايدى. بيڭتۋان رەفورماسىن جەدەل ىلگەرىلەتىپ، بيڭتۋان مەن جەرگىلىكتى ورىننىڭ توعىسۋىن تەرەڭدەتۋ كەرەك“.
7 - ايدىڭ 21 - كۇنى بيڭتۋان 8 - شىسى شىحىزى قالالىق ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ تارماق اترەتى قاراستى اۋماقتاعى 84 كاسىپورىن جاۋاپتىسىن قامباعا ءورت كەتۋ ەلىكتەمەلى جاتتىعۋىن وتكىزۋگە ۇيىمداستىردى. كاسىپورىننىڭ ءورت ءسوندىرۋ، ورتتەن ساقتانۋ حاۋىپسىزدىك تانىمىن جوعارىلاتىپ، كاسىپورىن قىزمەتكەرلەرىنىڭ توسىن وقيعانى ءبىر جاقتى ەتۋ قابىلەتىن ارتتىرۋ ءۇشىن وسىنداي جاتتىعۋ مەن تاربيەلەۋدى ۇنەمى وتكىزىپ تۇرادى ەكەن.
”باس شۋجي شي جينپيڭنىڭ ىقىلاستى تاپسىرماسى بورىشىمىزدىڭ تاۋداي، جاۋاپكەرشىلىگىمىزدىڭ اۋىر ەكەنىن سەزىندىردى“، - دەدى وسى تارماق اترەتتىڭ باستىعى يىن سايحۇڭ، - ”كەلەسى قادامدا ءبىز باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن قىزمەتتى جەبەۋدىڭ قوزعاۋشى كۇشىنە اينالدىرىپ، بيڭتۋان مەن جەرگىلىكتى ورىن ءبىر تۇتاس جۇيە يدەياسىنا باستان - اياق تاباندى بولىپ، ەلەۋلى حاۋىپسىزدىك حاۋىپ - قاتەرلەرىنەن ساقتانۋ جانە ونى جويۋ، ەكونوميكالىق، قوعامدىق دامۋ كەلەلى جاعدايىن بار كۇشپەن قامتاماسىز ەتۋدەگى فۋنكتسيالىق رولدى تولىق ساۋلەلەندىرىپ، بيڭتۋان مەن جەرگىلىكتى ورىننىڭ توعىسا دامۋىن ىلگەرىلەتۋگە ءورت ءسوندىرۋ، ورتتەن ساقتانۋ جاعىندا كۇش قوسىپ، شينجياڭ قىزمەتىنىڭ باس نىساناسىن جۇزەگە اسىرۋعا ءتىپتى دە زور ۇلەس قوسامىز“.
مادەنيەت جۇرەكتەردى نارلەندىرىپ، نەگىز قالاپ، رۋحتى سومدادى. حىنان تەاترى مادەنيەتىنىڭ بيڭتۋان 7 - شىسى 127 - تۋانىندا دامىتىلعانىنا، جالعاستىرىلعانىنا كوپ جىلدىڭ ءجۇزى بولدى، 127 - تۋان اۋىل - قىستاقتارعا مادەنيەت جەتكىزۋ قيمىلدارىن ورىستەتۋ ارقىلى جوعارى ساپالى مادەنيەت قيمىلدارى جانە ادەبيەت - كوركەمونەر تۋىندىلارى ارقىلى بيڭتۋان مەن جەرگىلىكتى ورىنداعى ءار ۇلت جۇمىسشى - قىزمەتكەرلەردىڭ، بۇقارانىڭ مادەني تۇرمىسقا دەگەن تىڭ سۇرانىسىن، جاڭا تىلەگىن ۇزدىكسىز قاناعاتتاندىرۋعا قۇلشىنىپ، شينجياڭدى مادەنيەتپەن نارلەندىرۋ قىزمەتىن شىن مانىندە جاقسى ىستەپ، جۇڭحۋا ۇلتى ورتاق تۇلعا تانىمىن ۇزدىكسىز بەكەمدەدى.
”ءبىز وزىمىزدەگى ەرەكشەلىككە يە مادەنيەت ماركامىز ’ارميانىڭ تىڭ اشۋى حىنان تەاترىن‘ تياناق ەتىپ، بيڭتۋان مەن جەرگىلىكتى ورىنداعى بۇقارانىڭ باقىتتى تۇرمىسىن تاقىرىپ ەتىپ، ادەبيەت - كوركەمونەر تۋىندىلارىنىڭ جاسامپازدىق دەڭگەيىن ۇزدىكسىز جوعارىلاتىپ، جالپىلاستىرۋ سەرپىنىن ۇزدىكسىز ارتتىرامىز“. 127 - تۋان پارتكومىنىڭ شۋجيى، جىڭۋي شين جيانحۋا: بيڭتۋاننىڭ وزىق مادەنيەتتەن ۇلگى كورسەتۋ رايونى رولىن ۇزدىكسىز ويداعىداي ساۋلەلەندىرىپ، بيڭتۋان مەن جەرگىلىكتى ورىننىڭ مادەنيەت جاعىنداعى اۋىس - كۇيىسىن جەبەپ، ءار ۇلت جۇمىسشى - قىزمەتكەرلەرىنىڭ، بۇقارانىڭ ىزگىلىككە ۇمتىلۋ، العا ۇمتىلۋ بىرىككەن كۇشىن ۇيىستىرامىز ، - دەدى.
(ءتىلشى ليۋ شياڭ، جازۋعا قاتىناسقان تىلشىلەر ميھىرگۇل عوپۇر، گو ليڭ، ەرىكتى ءتىلشى سۇن جاۋيان)
