شينحۋا اگەنتتىگى كولەمدى ادەبي حابار تاراتتى
«”جۇڭحۋا ۇلتىنىڭ بارلىق اقىل - پاراساتى مەن كۇش - قۋاتىن كەڭ كولەمدە ۇيىستىردى“− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بىرلىكساپ قىزمەتىنە كوڭىل بولگەندىگى جونىندە ەستەلىك»
شينحۋا اگەنتتىگىنىڭ 7 - ايدىڭ 28 - كۇنى بەيجيڭنەن بەرگەن حابارى. شينحۋا اگەنتتىگى 7 - ايدىڭ 28 - كۇنى «”جۇڭحۋا ۇلتىنىڭ بارلىق اقىل - پاراساتى مەن كۇش - قۋاتىن كەڭ كولەمدە ۇيىستىردى“ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بىرلىكساپ قىزمەتىنە كوڭىل بولگەندىگى جونىندە ەستەلىك» اتتى كولەمدى ادەبي حابار تاراتتى.
ماقالادا بىلاي دەلىندى: ەڭ ۇلكەن ورتاق بولگىشتى قاراستىرىپ، ەڭ ۇلكەن سەنترلەس شەڭبەردى سىزدى.
بىرلىكساپ جۇڭگو كوممۋنيستىك پارتياسىنىڭ جۇرت تىلەگىن ۇيىستىرىپ، كۇش - قۋاتتى ۇيىستىراتىن ساياسي باسىمدىعى جانە ستراتەگيالىق باعىتى، توڭكەرىس، قۇرىلىس، رەفورما ىستەرىنىڭ جەڭىسىنە جەتۋىنىڭ ماڭىزدى اسىلى، پارتيانىڭ تاپتىق نەگىزىن كۇشەيتۋدىڭ، پارتيانىڭ بۇقارالىق نەگىزىن كەڭەيتۋدىڭ، پارتيانىڭ بيلىك جۇرگىزۋ ورنىن بەكەمدەۋدىڭ ماڭىزدى اسىلى، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ماڭىزدى اسىلى.
ماقالادا مىنالار اتاپ كورسەتىلدى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ءبىر قىدىرۋ ماڭىزدى ماجىلىستەر اشىپ، ءبىر قىدىرۋ زاڭ ەرەجە، حۇجاتتار شىعارىپ، ءبىر قىدىرۋ كەلەلى شەشىمدەردى، ورنالاستىرۋلاردى جاساپ، جاڭا داۋىردەگى بىرلىكساپتىڭ دامۋ بەتالىسىن ايقىن كورسەتىپ بەردى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بىرلىكساپ وتانشىلدىق، سوتسياليزم تۋىن بيىك ۇستاپ، ۇلى ىنتىماق، ۇلى بىرلىك نەگىزگى تاقىرىبىن مىقتاپ يگەرىپ، پارتيا مەن مەملەكەتتىڭ وزەكتى مىندەتىن مىقتاپ ارقاۋ ەتىپ، ساياسي پارتيالار قاتىناسىنىڭ، ۇلت قاتىناسىنىڭ، ءدىن قاتىناسىنىڭ، جىكتەر قاتىناسىنىڭ، ەل ءىشى - سىرتىنداعى باۋىرلاستار قاتىناسىنىڭ جاراسىمدىلىعىن ۇزدىكسىز جەبەپ، ءار سالاداعى قىزمەتتەردە تىڭ ىلگەرىلەۋشىلىكتەرگە قول جەتكىزىپ، بىرلىكساپتا ىنتىماقتى، ەكپىندەي ىلگەرىلەگەن، ءورىس اشقان، جالىندى تاماشا جاعداي جارىققا شىعىپ، جۇڭگوشا سوتسياليزم ۇلى ءىسىن ىلگەرىلەتۋگە جاڭا ۇلەس قوستى.
ماقالا مىناداي 3 بولىككە بولىنگەن: تۋدى ۇستاپ، باعىت بەلگىلەدى: ”بىرلىكساپ پارتيا ىستەرىندە جەڭىسكە قول جەتكىزۋدىڭ ماڭىزدى اسىلى، وعان، ءسوز جوق، ۇزاق ۋاقىت تاباندى بولۋ كەرەك“؛ بىرىككەن كۇش ۇيىستىردى: ”بىرلىكساپ ادامعا قىزمەت ىستەيدى، بىرلىكساپ قىزمەتىن ورىستەتۋدىڭ ماقساتى بىرگە كۇرەس جۇرگىزەتىن كۇشتەردى زورايتۋ“؛ ىنتىماقتاسا كۇرەس جۇرگىزدى: ”ەل ءىشى - سىرتىنداعى بارلىق جۇڭحۋا پەرزەنتتەرىنىڭ ويدى ءبىر جەرگە شوعىرلاندىرىپ، كۇشتى ءبىر جەرگە جۇمسايتىن جاندى جاعدايىن قالىپتاستىرۋ“.
ماقالادا مىنالار اتاپ كورسەتىلدى: بيىل پارتيا 20 - قۇرىلتايى اشىلاتىن جىل، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بىرلىكساپ ”ەڭبەك ماعان جازىلماسا دا بولادى“ دەگەن رۋحاني دەڭگەيمەن جانە ”ەڭبەك كورسەتۋدە مەن بولماسام بولمايدى“ دەيتىن تاريحي جاۋاپكەرشىلىك ارقالاۋمەن، قاجىماس - تالماس تاباندىلىقپەن جانە ۇدايى ەڭبەك ەتەتىن قاجىرلىلىقپەن پارتيا - توپتاردىڭ، ۇيىمداردىڭ، ۇلتتاردىڭ، ءار جىكتىڭ، سونداي - اق ءار جاقتىڭ ۇلى ىنتىماعىن كۇشەيتىپ، ەرلىكپەن العا ىلگەرىلەيتىن كۇش - قۋاتتى ۇيىستىرىپ، جۇڭحۋا ۇلتىنىڭ ۇلى گۇلدەنۋى كەمەسىنىڭ تولقىن جارا، جەلكەن كەرە الىسقا جەتۋىن ىلگەرىلەتۋدە.
