مەملەكەت قورعانىس مينيسترلىگى سالتاناتتى قوناعاسى وتكىزىپ
جۇڭگو حالىق ازاتتىق ارمياسى قۇرىلعاندىعىنىڭ 95 جىلدىعىن قىزۋ قۇتتىقتادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جانە لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى
7 - ايدىڭ 31 - كۇنى جۇڭحۋا حالىق رەسپۋبليكاسى مەملەكەت قورعانىس مينيسترلىگى بەيجيڭ حالىق سارايىندا سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 95 جىلدىعىن قىزۋ قۇتتىقتادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جانە لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى قوناعاسىعا قاتىناستى.
□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
شينحۋا اگەنتتىگىنىڭ 7 - ايدىڭ 31 - كۇنى بەيجيڭنەن بەرگەن حابارى (تىلشىلەر جاڭ ميمي، مەي چاڭۋي). جۇڭحۋا حالىق رەسپۋبليكاسى مەملەكەت قورعانىس مينيسترلىگى 7 - ايدىڭ 31 - كۇنى حالىق سارايىندا سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 95 جىلدىعىن قىزۋ قۇتتىقتادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جانە لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى قوناعاسىعا قاتىناستى.
حالىق سارايىنىڭ قوناعاسى زالىندا شىراقتار جارقىراپ، دۋماندى دا قۋانىشتى مەرەكەلىك راي ەستى. ءتوراعالار مىنبەسىنىڭ جوعارى جاعىنا ايبىندى ”1 - تامىز“ ارميا بەلگىسى ىلىنگەن، ”2022 − 1927“ دەگەن ۇلكەن ءارىپتى جىلناما قىزىل تۋدىڭ ايشىقتاۋىندا ەرەكشە كوز تارتىپ، جۇڭگو حالىق ازاتتىق ارمياسىنىڭ باسىپ وتكەن 95 جىلدىق شۇعىلالى بارىسىن ايگىلەۋدە.
ساعات 18 مولشەرىندە شاتتىققا تولى «قوناق قارسى الۋ مۋزيكاسى» ءۇنى ىشىندە شي جينپيڭ قاتارلى پارتيا مەن مەملەكەت باسشىلارى قوناعاسى زالىنا كىرىپ، جۇڭگولىق، شەتەلدىك قوناقتارمەن ءبىر اراعا شاتتانا باس قوستى، بۇكىل الاڭدا شاتىرلاعان دۋ قول شاپالاق ءۇنى كوتەرىلدى.
قوناعاسى باستالعان كەزدە ورتالىق اسكەري ىستەر كوميتەتىنىڭ مۇشەسى، مەملەكەتتىك كەڭەستىڭ مۇشەسى، قوسىمشا مەملەكەت قورعانىس مينيسترى ۋي فىڭحى ارناۋ ءسوز سويلەدى. باس شۋجي شي جينپيڭنىڭ تاپسىرۋىمەن ۋي فىڭحى، اۋەلى، پارتيا ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى اتىنان حالىق ازاتتىق ارمياسىنىڭ بارلىق كوماندير - جاۋىنگەرلەرىنىڭ، قارۋلى ساقشى بولىمىندەگى وفيتسەر - اسكەرلەردىڭ، ارميانىڭ اكىمشىلىك قىزمەتكەرلەرىنىڭ، حالىق جاساقتارى مەن زاپاستاعىلاردىڭ مەرەكەسىنە قۇتتى بولسىن ايتتى، ءارقايسى مەزگىلدە حالىق ارمياسى قۇرىلىسى ءۇشىن ۇلەس قوسقان دەمالىسقا، زەينەتكە شىققان ساقا جولداستاردان، ساقا جاۋىنگەرلەردەن، كاسىپ اۋىستىرعان، قوسىننان قايتقان اسكەريلەردەن، توڭكەرىستىك مۇگەدەك اسكەريلەردەن جانە قۇربانداردىڭ، اسكەريلەردىڭ وتباسىنداعىلاردان شىنايى حال سۇرادى، ”1 - تامىز وردەنىنە“ يە بولعان جولداستارعا، بۇكىل ارمياداعى قاھارمان ۇلگىلەردىڭ ۋاكىلدەرىنە، مەملەكەتتىك قوس قولداۋ ۇلگىلەرى ۋاكىلدەرىنە، ارميادان كاسىپ اۋىستىرعان مەملەكەتتىك ۇلگىلى كادرلار ۋاكىلدەرىنە وسكەلەڭ قۇرمەت ءبىلدىردى، مەملەكەت قورعانىسى عىلىم - تەحنيكا ونەركاسىبى شەبىندە قاجىرلىلىقپەن قىزمەت ىستەپ جاتقان جولداستارعا شىنايى سالەم جولدادى، مەملەكەت قورعانىسى مەن ارميا قۇرىلىسىنا ۇزاق ۋاقىتتان بەرى كوڭىل ءبولىپ، قولداۋ كورسەتكەن ءار دارەجەلى پارتكومدارعا جانە ۇكىمەتتەرگە، حالىقتىق ۇيىمدارعا، بۇكىل ەلدەگى ءار ۇلت حالقىنا شىن جۇرەكتەن العىس ايتتى، قوناعاسىعا قاتىناسقان ءار ەلدىڭ جۇڭگودا تۇراتىن اسكەري ءمانساپتىلارىن جانە قوناقتاردى قىزۋ قارسى الاتىندىعىن ءبىلدىردى.
ۋي فىڭحى مىنالاردى ءبىلدىردى: جۇڭگو حالىق ازاتتىق ارمياسى جۇڭگو كوممۋنيستىك پارتياسى نەگىزىن قالاعان حالىق ارمياسى. 95 جىلدان بەرى پارتيانىڭ پارمەندى باسشىلىعىندا، قاھارمان حالىق ارمياسى ۇلت تاۋەلسىزدىگى، حالىق ازاتتىعى، مەملەكەتتىڭ باي - قۇدىرەتتى بولۋى ءۇشىن وشپەس ەڭبەك ءسىڭىردى، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋعا قۋاتتى تىرەك ازىرلەدى، دۇنيە ءجۇزىنىڭ بەيبىتشىلىگى مەن تىنىشتىعىن قورعاۋعا ماڭىزدى ۇلەس قوستى.
ۋي فىڭحى بىلاي دەپ اتاپ كورسەتتى: جاڭا داۋىردەگى جاڭا جورىقتا بۇكىل ارميا، ءسوز جوق، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، ارميانى قۇدىرەتتەندىرۋدىڭ جۇڭگوشا جولىمەن جۇرۋگە تاباندى بولىپ، مەملەكەت قورعانىسى مەن ارميانىڭ وسىزاماندانۋىن تەزدەتىپ، ەلىمىزدىڭ حالىقاراداعى ورنىمەن ۇيلەسەتىن، مەملەكەت حاۋىپسىزدىگى مەن دامۋ مۇددەسىنە ۇيلەسەتىن بەرىك مەملەكەت قورعانىسى مەن قۇدىرەتتى حالىق ارمياسىن قۇلشىنا قۇرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ستراتەگيالىق تىرەك ازىرلەۋ كەرەك.
قۋانىش پەن شاتتىققا تولى مۋزيكا ءۇنى ىشىندە جۇڭگولىق، شەتەلدىك قوناقتار، دوستار توست كوتەرىپ، جۇڭگو حالىق ازاتتىق ارمياسى قۇرىلعاندىعىنىڭ 95 جىلدىعىن بىرگە قۇتتىقتادى، جۇڭگونىڭ گۇلدەنىپ - كوركەيۋىن تىلەدى، جۇڭگو حالىق ازاتتىق ارمياسىنىڭ دۇنيە جۇزىندەگى ءار ەل ارمياسىمەن بولعان دوستىعىنىڭ ۇزاعىنان ءسۇيىندىرۋىن تىلەدى.
بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار جانە ورتالىق اسكەري ىستەر كوميتەتىنىڭ مۇشەلەرى، پارتيا مەن مەملەكەتتە، سونداي - اق ورتالىق اسكەري ىستەر كوميتەتىندە كەزىندە باسشىلىق مىندەت اتقارعان ارمياداعى ساقا جولداستار قاتارلىلار قوناعاسىعا قاتىناستى.
ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى جانە بەيجيڭ قالاسىنداعى جاۋاپتى جولداستار، سونداي - اق اسكەري ىستەر كوميتەتى ورگانىنىڭ قاتىستى تاراۋلارىنداعى، ازاتتىق ارميانىڭ بەيجيڭدە تۇراتىن ءارقايسى ۇلكەن ورىندارىنداعى، قارۋلى ساقشى بولىمىندەگى جاۋاپتى جولداستار؛ ارميادان دەمالىسقا، زەينەتكە شىققان ساقا كادرلار ۋاكىلدەرى، ”1 - تامىز وردەنى“ يەگەرلەرىنىڭ، بۇكىل ارمياداعى قاھارمان ۇلگىلەردىڭ، استاناداعى حالىق جاساقتارىنىڭ، قۇربانداردىڭ، اسكەريلەردىڭ وتباسىنداعىلاردىڭ، مەملەكەتتىك قوس قولداۋداعى ۇلگىلەردىڭ، بۇرىنعى گومينداڭنان اقيقاتقا قايتقانداردىڭ ۋاكىلدەرى، سونداي - اق شەتەلدىڭ جۇڭگودا تۇراتىن اسكەري ءمانساپتىلارى قاتارلىلار دا قوناعاسىعا قاتىناستى.
