شينحۋا اگەنتتىگى كولەمدى ادەبي حابار تاراتتى
«جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ستراتەگيالىق تىرەك ازىرلەدى − شي جينپيڭنىڭ ارميانى قۇدىرەتتەندىرۋ يدەياسىنىڭ جەتەكشىلىگىندە جاڭا داۋىردەگى مەملەكەت قورعانىسى مەن ارميا قۇرىلىسىنىڭ تابىستارى جونىندە جالپى شولۋ»
شينحۋا اگەنتتىگىنىڭ 7 - ايدىڭ 31 - كۇنى بەيجيڭنەن بەرگەن حابارى. شينحۋا اگەنتتىگى 7 - ايدىڭ 31 - كۇنى «جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ستراتەگيالىق تىرەك ازىرلەدى − شي جينپيڭنىڭ ارميانى قۇدىرەتتەندىرۋ يدەياسىنىڭ جەتەكشىلىگىندە جاڭا داۋىردەگى مەملەكەت قورعانىسى مەن ارميا قۇرىلىسىنىڭ تابىستارى جونىندە جالپى شولۋ» اتتى كولەمدى ادەبي حابار تاراتتى.
ماقالادا بىلاي دەلىندى: جۇڭحۋا ۇلتىنىڭ ازاپ - تاۋقىمەتتەن قۇتىلۋى، جۇڭگو حالقىنىڭ ازاتتىقتى جۇزەگە اسىرۋى ەرجۇرەك حالىق ارمياسىنىڭ ەڭبەگىنىڭ ارقاسى.
جۇڭحۋا ۇلتىنىڭ ۇلى گۇلدەنۋدى جۇزەگە اسىرۋى، جۇڭگو حالقىنىڭ اناعۇرلىم تاماشا تۇرمىسقا قول جەتكىزۋى ءۇشىن، ءسوز جوق، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋدى جەدەلدەتۋ كەرەك.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ بايلانىسىمەن وتكىزىلگەن اسكەري پارات كەزىندە ماڭىزدى ءسوز سويلەپ: ”بۇگىن ءبىز جۇڭحۋا ۇلتىنىڭ ۇلى گۇلدەنۋى سىندى نىساناعا تاريحتاعى ءارقانداي كەزدەگىدەن دە جاقىنبىز، قۇدىرەتتى حالىق ارمياسىن قۇرۋعا تاريحتاعى ءارقانداي كەزدەگىدەن دە ارتىق ءزارۋمىز“، - دەپ اتاپ كورسەتتى.
ماقالادا بىلاي دەپ اتاپ كورسەتىلدى: پارتيا 18 - قۇرىلتايىنان بەرى جۇڭگوشا سوتسياليزم جاڭا داۋىرگە ءوتتى، مەملەكەت قورعانىسى مەن ارميا قۇرىلىسى دا جاڭا داۋىرگە ءوتتى. ءتوراعا شي جينپيڭ ”ەكى كەلەلى جاعدايدى“ ءبىر تۇتاس جوسپارلاۋ ستراتەگيالىق بيىگىندە تۇرىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن ايقىن العا قويىپ، حالىق ارمياسىنىڭ جاڭا داۋىردەگى بورىشىن، مىندەتىن تۇراقتاندىرىپ، مەملەكەت قورعانىسى مەن ارميانى وسىزامانداندىرۋدى جەدەلدەتۋ جونىندە ءبىر قىدىرۋ ستراتەگيالىق جوبا جانە ورنالاستىرۋ جاساپ، ارميانى قۇدىرەتتەندىرۋ ىسىندە تاريحي تابىستارعا قول جەتكىزۋدى، تاريحي وزگەرىس تۋدىرۋدى ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ستراتەگيالىق تىرەك ازىرلەدى.
جاڭا داۋىردەگى ارميانى قۇدىرەتتەندىرۋ ساپارى قۇلاشىن كەڭ جايعان. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، حالىق ارمياسى ارميانى قۇدىرەتتەندىرۋدىڭ جۇڭگوشا جولىمەن بۇلجىماي ءجۇرىپ، جالپى تۇلعالىق، توڭكەرىستىك جاڭارۋدى جۇزەگە اسىرىپ، بوگەۋ بەرمەس قاداممەن دۇنيە جۇزىندە بىرەگەي بولۋعا بەت الدى.
ماقالا مىناداي 4 بولىككە بولىنگەن: شي جينپيڭنىڭ ارميانى قۇدىرەتتەندىرۋ يدەياسىنىڭ جەتەكشى ورنىن تۇراقتاندىرىپ، ارميانى قۇدىرەتتەندىرۋدىڭ جۇڭگوشا جولىمەن جۇرۋگە عىلمي باعدارناما جانە ارەكەت تۇعىرناماسىن ازىرلەدى؛ ساقاداي سايلانىپ، ساپارعا قايتا اتتانىپ، ارميانى ساياسي جاقتان قۇرۋ جاڭا ءداۋىر پاراعىن اشتى؛ دۇنيە جۇزىندە بىرەگەي بولۋدى كوزدەپ، حالىق ارمياسى جالپى تۇلعالىق، توڭكەرىستىك جاڭارۋدى جۇزەگە اسىردى؛ بورىشىن ادالدىقپەن ادا ەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن جانە دۇنيە ءجۇزىنىڭ بەيبىتشىلىگىن قورعاۋ قابىلەتىن جاپپاي جوعارىلاتتى.
ماقالادا بىلاي دەلىندى: ”جاڭا ساپار دابىلى قاعىلدى، ارميانى قۇدىرەتتەندىرۋ نىساناسى الدا كۇتىپ تۇر، مەملەكەتتى قۇدىرەتتەندىرۋ ءۇشىن ءبىز جاۋاپكەرشىلىك ارقالاۋىمىز كەرەك“... جاۋىنگەرلىك جىر اسقاقتاپ، ساپار ارايلاندى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، حالىق ارمياسى ارميانى قۇدىرەتتەندىرۋدىڭ جۇڭگوشا جولىندا قايسارلىقپەن العا تارتىپ، دۇنيە جۇزىندە بىرەگەي بولۋعا بەت الىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، ءسوزسىز، اناعۇرلىم پارمەندى ستراتەگيالىق تىرەك ازىرلەيدى.
