جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم قۋاتتى ستراتەگيالىق تىرەك ازىرلەيىك
− جۇڭگو حالىق ازاتتىق ارمياسى قۇرىلعاندىعىنىڭ 95 جىلدىعىن قۇتتىقتايمىز
حالىق گازەتى باسماقالاسى
ارميا تۋى جەلبىرەپ، شايقاس دابىلى ەرلىكپەن العا ىلگەرىلەۋگە جىگەرلەندىردى. بۇكىل ەل جوعارى مەن تومەن بولىپ پارتيا 20 - قۇرىلتايىنىڭ اشىلۋىن قۋانىشپەن قارسى الىپ جاتقان شاقتا، جۇڭگو حالىق ازاتتىق ارمياسى ارميا قۇرىلعاندىعىنىڭ 95 جىلدىعىن قارسى الدى. ءبىز بارشا حالىق ازاتتىق ارمياسى كوماندير - جاۋىنگەرلەرىن، قارۋلى ساقشى اسكەري بولىمدەرى وفيتسەر - اسكەرلەرىن، ارميانىڭ اكىمشىلىك قىزمەتكەرلەرىن، حالىق جاساقتارى مەن زاپاستاعىلاردى قىزۋ قۇتتىقتايمىز! ارميادان دەمالىسقا، زەينەتكە شىققان كادرلار، قۇربانداردىڭ، اسكەريلەردىڭ وتباسىنداعىلار، قوسىننان قايتقان اسكەريلەر قاتارلىلاردان شىنايى حال سۇرايمىز!
”قۇدىرەتتى ارميا بولماسا، قۇدىرەتتى وتان بولۋى مۇمكىن ەمەس“. 1927 - جىلى 8 - ايدىڭ 1 - كۇنى نانچاڭ قامالىنداعى مىلتىق ءۇنى تۇنگى اسپاندى ءتىلىپ وتكەن نايزاعايداي جۇڭگو حالقىنا قاراڭعىلىق ىشىندە توڭكەرىستىڭ ءۇمىتىن كورسەتتى، مۇشكىل جاعداي ىشىندە قايراتتانا كوتەرىلۋ كۇشىن كورسەتتى. سول كەزدەن باستاپ، جۇڭگو كوممۋنيستىك پارتياسىنىڭ باسشىلىعىنداعى حالىق ارمياسى جۇڭگو حالقىنىڭ ازاتتىققا تالپىنعان، باقىتقا ۇمتىلعان، جۇڭحۋا ۇلتىنىڭ تاۋەلسىزدىككە تالپىنعان، گۇلدەنۋگە تالپىنعان تاريحي تولقىنىنا ەرلىكپەن ات سالىسىپ، جۇڭگو حالقىنىڭ جانە جۇڭحۋا ۇلتىنىڭ تاعدىرىمەن بىتە قايناستى. جيڭگاڭشانداعى اسا جاپالى كۇرەستەن سانسىز ماشاقاتقا تولى ۇزاق جورىق جولىنا دەيىن، وق - ءدارى ءتۇتىنى تورلاعان جاپون شاپقىنشىلارىنا قارسى سوعىستان بوگەۋ بەرمەس ارىندى ازاتتىق سوعىسىنا دەيىن، مەملەكەتتىڭ يەلىك ۇقىعىن، حاۋىپسىزدىگىن، تەرريتوريا تۇتاستىعىن باتىل قورعاعان ەرلىككە تولى كۇرەستەن قاتەردەن اراشالاپ، اپاتتان قۇتقارۋ، حالىقتىڭ ءومىرىنىڭ، مال - مۇلكىنىڭ اماندىعىن قورعاپ قايسارلىقپەن ايقاسۋعا دەيىن، مەملەكەتتىڭ ەكونوميكالىق، قوعامدىق قۇرىلىسىنا كومەكتەسىپ ءوزىن قالتقىسىز ارناۋدان ءوڭىردىڭ جانە دۇنيە ءجۇزىنىڭ بەيبىتشىلىگىن قورعاعان ءىس جۇزىندىك ارەكەتكە دەيىن، حالىق ارمياسى جول بويى كەدەرگىلەردى الاستاپ، وراسان زور قۇرباندىقتار بەرىپ، تالاي - تالاي شۇعىلالى جەڭىستەرگە قول جەتكىزىپ، پارتيا مەن حالىق ءۇشىن وشپەس ەسەلى ەڭبەك ءسىڭىردى، ايتسا ايتقانداي قىزىل بيلىكتى قورعاعان، ۇلتتىڭ ابىرويىن قورعاعان قۇدىرەتتى تىرەك، ايتسا ايتقانداي ءوڭىردىڭ جانە دۇنيە ءجۇزىنىڭ بەيبىتشىلىگىن قورعاعان قۇدىرەتتى كۇش. 95 جىلدىق داڭقتى شاقتاردا، حالىق ارمياسى پارتيا مەن حالىق ىستەرىنىڭ دامۋ قادامىنا ءجىتى ىلەسىپ، كۇرەس بارىسىندا ەسەيىپ، جالعاستىرۋ بارىسىندا جاڭالىق اشىپ، قۇرىلىس بارىسىندا دامىپ، مىزعىماس قۇرىش ۇلى قورعان بولىپ شىڭدالىپ شىقتى.
مەملەكەت قۇدىرەتتى بولۋ ءۇشىن، ءسوز جوق، ارميانى قۇدىرەتتەندىرۋ كەرەك، ارميا قۇدىرەتتەنگەندە عانا مەملەكەت تىنىش بولادى. جۇڭگوشا سوتسياليزمگە تاباندى بولىپ جانە ونى دامىتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، دامۋ مەن حاۋىپسىزدىكتى، مەملەكەتتى بايىتۋ مەن ارميانى قۇدىرەتتەندىرۋدى ءبىر تۇتاس جوسپارلاپ، مەملەكەت قورعانىسى مەن ارميانى وسىزامانداندىرۋ ءۇردىسىن مەملەكەتتى وسىزامانداندىرۋ ۇردىسىنە سايكەستىرۋگە، اسكەري ىستەر قابىلەتىن مەملەكەتتىڭ ستراتەگيالىق قاجەتىنە سايكەستىرۋگە شىنايى كەپىلدىك ەتۋ كەرەك. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋدى كوزدە ۇستاپ، پارتيانىڭ سوزىنە قۇلاق اساتىن، جەڭىستى شايقاس جۇرگىزەتىن، ستيلى تاڭداۋلى حالىق ارمياسىن قۇرىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋ سىندى پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن ورتاعا قويىپ، اسكەري ستراتەگيالىق جەتەكشىلىككە داۋىرگە ىلەسە جاڭالىق اشىپ، جاڭا داۋىردەگى اسكەري ستراتەگيالىق باعىتتى بەلگىلەپ، مەملەكەت قورعانىسى مەن ارميانى وسىزامانداندىرۋدى جەدەلدەتۋ جونىندە ءبىر قىدىرۋ ستراتەگيالىق جوسپارلار مەن ورنالاستىرۋلار جاساپ، بۇكىل ارمياعا جەتەكشىلىك ەتىپ ارميانى قۇدىرەتتەندىرۋ ىسىندە جاڭا جاعداي اشتى. پارتيانىڭ پارمەندى باسشىلىعىندا، حالىق ارمياسىنىڭ ءتۇزىلىسى جاڭارىپ، قۇرىلىمى جاڭارىپ، ارناسى جاڭارىپ، بەت - بەينەسى جاڭارىپ، تۇتاس تۇلعالىق، توڭكەرىستىك جاڭارۋدى، جاڭا بەينەمەن جورىققا قايتا اتتانۋدى جۇزەگە اسىرىپ، ارميانى قۇدىرەتتەندىرۋدىڭ جۇڭگوشا جولىندا جاڭا ءداۋىر تاراۋىن جازىپ، جاڭا ءداۋىر كەلبەتىن ايگىلەپ، قايسار كۇرەس رۋحىمەن جانە ءىس جۇزىندىك ارەكەتىمەن مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعادى. 10 جىلدا قايراتتانا ەكپىندەي ىلگەرىلەپ، ارميانى قۇدىرەتتەندىرۋ ىسىندە تاريحي تابىستارعا قول جەتىپ، تاريحي وزگەرىستەر تۋىلۋىنىڭ ەڭ تۇپكى نەگىزى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ ارميانى قۇدىرەتتەندىرۋ يدەياسىنىڭ عىلمي جەتەكشىلىگىندە. اماليات مىنانى تالاسسىز دالەلدەدى: باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە رول ۇستاپ، جول باستاۋى بولعاندا، پارتيامىز، ءسوز جوق، تەڭدەسسىز قۇدىرەتتى العا ىلگەرىلەۋ تاباندىلىعىنا يە بولادى، پارتيا مەن حالىق ىستەرى ەڭ ءتۇبىرلى قامتاماسىزدىققا يە بولادى، حالىق ارمياسى ۇزدىكسىز العا ىلگەرىلەۋ باعدارىنا، سەنىمىنە جانە كۇش - قۋاتىنا يە بولادى.
سەنىم نۇرى، ارميانى قۇدىرەتتەندىرۋ جورىعىنا ساۋلە شاشتى؛ ءداۋىر اعىنى، ارميانى قۇدىرەتتەندىرۋ كۇش - قۋاتىن تاسقىنداتتى. پارتيانىڭ 100 جىلدىق كۇرەسىنىڭ ۇلى بەلەسىنە قايىرىلا قاراساق، پارتيانىڭ قارۋلى كۇشتەرگە قولباسشىلىق ەتۋىنە، ءوز حالىق ارمياسىن قۇرۋعا تاباندى بولۋى پارتيانىڭ قيان - كەسكى كۇرەس بارىسىندا قول جەتكىزگەن كەلەلى قورىتىندىسى، مىزعىماس اقيقات سانالادى. پارتيانىڭ حالىق ارمياسىنا شارتسىز باسشىلىعىنا تاباندى بولىپ، پارتيا نۇسقاعان باعدارعا قاراي ەرلىكپەن العا ىلگەرىلەسە، حالىق ارمياسى ۇزدىكسىز دامىپ، زورايىپ، پارتيا مەن حالىق ىستەرى پارمەندى كۇش تىرەگىنە يە بولادى. مەيلى ءداۋىر قالاي دامىسىن، جاعداي قالاي وزگەرسىن، پارتيانىڭ حالىق ارمياسىنا شارتسىز باسشىلىعىنا تاباندى بولۋ قاشاندا ارميامىزدىڭ ماڭگى وزگەرمەيتىن ارميا رۋحى، ماڭگى جوعالتپايتىن جان تامىرى، حالىق ارمياسى ءارقانداي ۋاقىتتا، ءارقانداي جاعدايدا، ءسوز جوق، پارتيا تۋىن تۋ ەتۋى، پارتيانىڭ باعدارىن باعدار ەتۋى، پارتيانىڭ ەركىن ەرىك ەتۋى كەرەك.
قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر، پارتيامىز حالىقتى باستاپ كوپتەگەن جاڭا تاريحي ەرەكشەلىكتەرگە يە ۇلى كۇرەستەردى جۇرگىزۋدە. جاڭا تاريحي باستامادا، ءبىز مىنانى اناعۇرلىم تەرەڭ سەزىندىك: جۇڭحۋا ۇلتىنىڭ جاپا - ماشاقاتتان ارىلۋى، جۇڭگو حالقىنىڭ ازاتتىقتى جۇزەگە اسىرۋى، قاھارمان حالىق ارمياسىنىڭ بولعاندىعىنان؛ جۇڭحۋا ۇلتى ۇلى گۇلدەنۋدى جۇزەگە اسىرۋ ءۇشىن، جۇڭگو حالقى اناعۇرلىم تاماشا تۇرمىستى جۇزەگە اسىرۋ ءۇشىن، ءسوز جوق، حالىق ارمياسىن دۇنيە جۇزىندەگى بىرەگەي ارميا ەتىپ جەدەل قۇرىپ شىعۋ كەرەك. باس شۋجي شي جينپيڭ بىلاي دەپ تەرەڭ اتاپ كورسەتتى: ”جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىن جۇزەگە اسىرۋدىڭ تاريحي ۇردىسىندە، ءسوز جوق، مەملەكەت قورعانىسى مەن ارميا قۇرىلىسىن اناعۇرلىم ماڭىزدى ورىنعا قويىپ، بەرىك مەملەكەت قورعانىسى مەن قۇدىرەتتى ارميانى جەدەل قۇرۋ كەرەك“. العا ىلگەرىلەۋ جولىندا، ءبىز داۋىرمەن بىرگە ىلگەرىلەپ مەملەكەت قورعانىسى مەن ارميا قۇرىلىسىن كۇشەيتىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن بەتكە الىپ ارشىندى قاداممەن ىلگەرىلەسەك بولعانى، ءسوز جوق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم پارمەندى ستراتەگيالىق تىرەك ازىرلەي الاتىن بولامىز.
بۇگىن ءبىز جۇڭحۋا ۇلتىنىڭ ۇلى گۇلدەنۋى نىساناسىنا تاريحتاعى ءارقانداي كەزەڭدەگىدەن دە اناعۇرلىم جاقىنداي تۇستىك، قۇدىرەتتى حالىق ارمياسىن قۇرۋعا تاريحتاعى ءارقانداي كەزەڭدەگىدەن دە اناعۇرلىم مۇقتاجبىز. تاعى 5 جىلدان كەيىن، ءبىز جۇڭگو حالىق ازاتتىق ارمياسى قۇرىلعاندىعىنىڭ 100 جىلدىعىن قارسى الامىز. جاڭا داۋىردەگى ارميانى قۇدىرەتتەندىرۋ ءىسىن ۇزدىكسىز العا ىلگەرىلەتۋدە، ءسوز جوق، شي جينپيڭنىڭ ارميانى قۇدىرەتتەندىرۋ يدەياسىن جالپى بەتتىك دايەكتىلەندىرىپ، جاڭا داۋىردەگى اسكەري ستراتەگيالىق باعىتتى دايەكتىلەندىرىپ، مەملەكەت قورعانىسى مەن ارميانى وسىزامانداندىرۋداعى جاڭا ”3 قادامعا ءبولىپ ءجۇرۋ“ ستراتەگيالىق ورنالاستىرۋىن دايەكتىلەندىرىپ، ارميانى قۇدىرەتتەندىرۋدىڭ جۇڭگوشا جولىمەن جۇرۋگە تاباندى بولۋ كەرەك. پارتيانىڭ حالىق ارمياسىنا شارتسىز باسشىلىعى سىندى ءتۇبىرلى پرينسيپ پەن تۇزىمگە ەش مىزعىماستان تاباندى بولىپ، ارميانى ساياسي جاقتان قۇرۋدى، ارميانى رەفورما ارقىلى قۇدىرەتتەندىرۋدى، ارميانى عىلىم - تەحنيكا ارقىلى قۇدىرەتتەندىرۋدى، ارميانى دارىندى ارقىلى قۇدىرەتتەندىرۋدى، ارميانى زاڭمەن باسقارۋدى جالپى بەتتىك ىلگەرىلەتىپ، نازاردى باستان - اياق سوعىسقا دايىندالىپ، شايقاس جۇرگىزۋگە شوعىرلاندىرىپ، بۇيرىق بەرىلىسىمەن كەلەتىن، كەلە سالا شايقاسا الاتىن، شايقاسسا، ءسوز جوق، جەڭىپ شىعاتىن سايلاۋىت اسكەر، قۋاتتى قوسىن سومداپ، قۇرىشتاي بەرىك سەنىمگە، قۇرىشتاي بەرىك نانىمعا، قۇرىشتاي بەرىك تارتىپكە، قۇرىشتاي بەرىك جاۋاپكەرشىلىككە يە ىسىلعان اسكەري ءبولىم سومداپ، ەلىمىزدىڭ حالىقاراداعى ورنىمەن ۇيلەسەتىن، مەملەكەت حاۋىپسىزدىگى مەن دامۋ مۇددەسىنە ۇيلەسەتىن بەرىك مەملەكەت قورعانىسى مەن قۇدىرەتتى حالىق ارمياسىن قۇرساق، حالىق ارمياسى، ءسوز جوق، پارتيا مەن حالىق جۇكتەگەن جاڭا ءداۋىر بورىشىن، مىندەتىن اتقارا الادى.
95 جىل قاجىرلىلىقپەن ىزدەنىپ، 95 جىل قاجىماي - تالماي كۇرەستىك، ءبىزدىڭ ءىسىمىز ۇلى، ءبىزدىڭ مىندەتىمىز جاپالى، ءبىزدىڭ دامۋ بولاشاعىمىز شەكسىز جارقىن. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، كۇش ۇستىنە كۇش قوسىپ، قايراتتانا العا ىلگەرىلەپ، دەن قويا شوگەلدىكپەن ىستەپ، ءىس جۇزىندىك ارەكەتىمىز ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الىپ، ارميا قۇرىلعاندىعىنىڭ 100 جىلدىعى كۇرەس نىساناسىن قۇلشىنا جۇزەگە اسىرىپ، مەملەكەتتى قۇدىرەتتەندىرۋدىڭ، ارميانى قۇدىرەتتەندىرۋدىڭ ءتىپتى دە شۇعىلالى تاراۋلارىن ۇزدىكسىز جازىپ، تاريح پەن جاڭا ءداۋىردىڭ ءۇمىتىن اقتايتىن تىڭ شۇعىلالى ناتيجەلەردى ۇزدىكسىز جاراتايىق!
(شينحۋا اگەنتتىگىنىڭ 7 - ايدىڭ 31 - كۇنى بەيجيڭنەن بەرگەن حابارى)
