انار بۇلت \ شينجياڭ گازەتىنىڭ حابارى (ٴتىلشى جاڭ حايفىڭ، ەرىكتى ٴتىلشى حى شينشين حابارلايدى) 7 ـ ايدىڭ 31 ـ كۇنى ”لياۋنيڭ مەن شينجياڭنىڭ بەرەكەلى شاڭىراعى · لياۋنيڭ مەن تارباعاتاي ٴبىر ٴۇيلى جانداي ەتەنە“ اتىنداعى شينجياڭعا كومەكتەسۋ بويىنشا تاربيەلەۋ ارناۋلى پويەزىنىڭ العاش قاتىناۋ سالتى شاۋەشەكتە وتكىزىلدى، تارباعاتاي ايماعىنىڭ، شينجياڭ ٴوندىرىس ـ قۇرىلىس بيڭتۋانى 8 ـ شىسىنىڭ، 9 ـ شىسىنىڭ 1 ـ توپتاعى 809 كادرى لياۋنيڭگە بارىپ ۇيرەنۋ ساپارىنا اتتاندى.
7 ـ ايدىڭ 31 ـ كۇنى 1 ـ توپتاعى تارباعاتاي كۋرسانتتارى لياۋنيڭنىڭ شينجياڭعا كومەكتەسۋ ارناۋلى پويەزىنە شىقتى. سۋرەتتى تارباعاتاي ايماقتىق پارتكوم ۇيىمداستىرۋ ٴبولىمى بەرگەن
شاۋەشەك قالالىق 3 ـ ورتا مەكتەپ پارتيا باس ياچەيكاسىنىڭ شۋجيى حوۋ حۇيليڭ بىلاي دەدى: ”وسى رەتكى لياۋنيڭگە بارىپ كۋرسقا قاتىناساتىنىمدى ەرەكشە ماقتانىش سەزىنەمىن. 10 كۇندىك تاربيەلەۋ ۋاقىتىنان ويداعىداي پايدالانىپ، اناعۇرلىم مول تابىسقا قول جەتكىزىپ، بۇدان كەيىن ۇيرەنگەن بىلىمدەرىمدى وقۋ ـ اعارتۋدى، وقىتۋدى باسقارۋ قىزمەتىنە قولدانامىن“.
شاۋەشەك قالالىق پارتكوم ۇيىمداستىرۋ ٴبولىمىنىڭ كادرى تيان شۋاڭ بىلاي دەدى: ”وسى رەتكى ارناۋلى پويەزدا ٴبىر ۋاقىتتىق پارتكوم، 13 ۋاقىتتىق پارتيا ياچەيكاسىن قۇرىپ، كۋرسانتتاردى باسقارۋ، ولارعا قىزمەت وتەۋ قىزمەتىن قۇلشىنا جاقسى ىستەيمىز. ۇيرەنۋ ورايىن، ٴسوز جوق، قاستەرلەپ، كوبىرەك ۇيرەنىپ، كوبىرەك كورىپ، كوبىرەك سۇراپ، كوبىرەك ٴتۇسىنىپ، لياۋنيڭنىڭ تاماشا تاجىريبەلەرىن، ادىستەرىن تىڭعىلىقتى تۇردە تارباعاتايعا الا كەلەمىز“.
مەجەمەن بيىل 10 ـ ايعا دەيىن، تارباعاتاي ايماعى 6 توپتا 5000نان استام كادردى لياۋنيڭگە جىبەرىپ تاربيەلەيدى.
تارباعاتاي ايماقتىق پارتكومنىڭ قاتىستى جاۋاپتى ادامى مىنانى ٴبىلدىردى: شاۋەشەك قالاسىنان شىنياڭ قالاسىنا دەيىنگى شينجياڭعا باعىتتامالى كومەكتەسۋ بويىنشا تاربيەلەۋ ارناۋلى پويەزىن جۇرگىزۋ − ”ٴبىر ايماق، ەكى شىداعى“ بارلىق قىستاق (الەۋمەتتىك اۋماق، ليان - دۇي) پارتيا ۇيىمىنىڭ شۋجيى، مەڭگەرۋشى جانە ايەلدەر بىرلەستىگىنىڭ ٴتوراعاسى قاتارلى ٴار دارەجەلى كادرلاردىڭ قابىلەتىن جوعارىلاتۋدىڭ ماڭىزدى شاراسى، كادرلاردى تاربيەلەۋ، باۋلۋ ساپاسىن، ونىمدىلىگىن جوعارىلاتۋعا، جەرگىلىكتى ورىننىڭ جوعارى ساپالى دامۋىنا قىزمەت وتەۋگە ٴتيىمدى.
«انار بۇلتتان» اۋدارىلدى
اۋدارعان: قادىر ماقان
