تيانشان تورى
تيانشان تورى   ›   ۇيرەنۋ   ›   شولۋ

جاپپاي سوتسياليستىك وسىزاماندانعان مەملەكەت قۇرۋدىڭ شىت جاڭا تاراۋىن جازۋعا قۇلشىنايىق

− باس شۋجي شي جينپيڭنىڭ ولكە - مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

  ۇزاق ساپاردا نىق قادام باسىپ، قايراتتانا جەلكەن جايىپ، بولاشاقتى بەتكە الدى. ولكە - مينيسترلىك دارەجەلى نەگىزگى باسشى كادرلاردىڭ ”باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنىپ، پارتيا 20 - قۇرىلتايىن قارسى الۋ“ ارناۋلى تاقىرىپتىق زەرتتەۋ - تالقى كۋرسىندا باس شۋجي شي جينپيڭ بىلاي دەپ باسا دارىپتەدى: ”ءبىز جاڭا داۋىردەگى جاڭا جورىقتاعى پارتيانىڭ وزەكتى مىندەتىن مىقتاپ يگەرىپ، جاڭا وي جەلىلەرىن، جاڭا ستراتەگيالاردى، جاڭا شارالاردى العا قويىپ، ۇزدىكسىز تۇردە ’بەستى ءبىر تۇلعالاندىرۋ‘ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ،’ءتورتتى جاپپاي ورىنداۋ‘ ستراتەگيالىق ورنالاستىرۋىن سايكەستى ىلگەرىلەتىپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، ىنتىماقتاسا كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋدىڭ شىت جاڭا تاراۋىن جازۋعا قۇلشىنۋىمىز كەرەك“.

  تاۋ - وزەن كۋا، اي - جىلدار ايعاق. جۇڭگو كوممۋنيستىك پارتياسى قۇرىلعاننان بەرى جۇڭگو حالقىن ىنتىماقتاستىرىپ، باستاپ جۇرگىزگەن بارلىق كۇرەسى ەلىمىزدى وسىزاماندانعان قۋاتتى مەملەكەت ەتىپ قۇرىپ شىعۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن بولدى. 100 جىلدان بەرى جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، قاجىرلى كۇرەس جۇرگىزۋ ارقىلى وسىناۋ بايتاق جەردە ادامزاتتىڭ دامۋ تاريحىندا قۇلاشىن كەڭ جايعان ايبىندى كوركەم كارتينا كەستەلەپ، ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الىپ، ءداۋىر كوشىندە ارتتا قالۋدان داۋىرگە ىلەسۋگە، ونان ارى داۋىرگە جەتەكشىلىك ەتۋگە دەيىنگى ۇلى قارىشتاۋدى قارسى الدى، ادامزات تاريحىندا جەر - الەمدى ءدۇر سىلكىندىرگەن ۇلى تاريحي درامانى جاراتتى، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى ەپوستى جازدى. اسىرەسە، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، ۇدەرە العا تارتىپ، جاڭا داۋىردەگى جۇڭگوشا سوتسياليزمنىڭ ۇلى جەتىستىگىن جاراتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىل، اناعۇرلىم بەرىك زاتتىق نەگىز، اناعۇرلىم ىرىقتى رۋحاني كۇش ازىرلەپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇردىسكە قادام تاستادى. بۇگىنگى تاڭدا بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان قۋاتتى مەملەكەت قۇرۋعا بەت العان ەكىنشى 100 جىلدىق كۇرەس نىساناسىنا قاراي جالىندى ارىنمەن ارشىندى قادام تاستاۋدا.

  سوتسياليستىك وسىزاماندانعان قۋاتتى مەملەكەت قۇرىپ شىعۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كۇش جالعاپ جۇگىرۋ سانالادى. پارتيا 19 - قۇرىلتايى جاپپاي سوتسياليستىك وسىزاماندانعان قۋاتتى مەملەكەت قۇرىپ شىعۋ جونىندە ستراتەگيالىق ورنالاستىرۋ جاسادى، مۇنداعى جالپى ستراتەگيالىق ورنالاستىرۋ ەكى قادامعا ءبولىپ ءجۇرۋ بولىپ تابىلادى: 2020 - جىلدان 2035 - جىلعا دەيىن سوتسياليستىك وسىزاماندانۋدى نەگىزىنەن جۇزەگە اسىرۋ؛ 2035 - جىلدان وسى عاسىردىڭ ورتاسىنا دەيىن ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۋاتتى مەملەكەت ەتىپ قۇرىپ شىعۋ. الدا اشىلعالى تۇرعان پارتيانىڭ 20 - قۇرىلتايى جاپپاي سوتسياليستىك وسىزاماندانعان قۋاتتى مەملەكەت قۇرۋدىڭ ەكى قادامعا ءبولىپ ءجۇرۋ ستراتەگيالىق ورنالاستىرۋىنا ماكرولىق جاقتان كوز جىبەرىپ، الداعى 5 جىلداعى، ءتىپتى، ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىسانا - مىندەتتەرى مەن كەلەلى باعىت - ساياساتتارىن عىلمي جوسپارلايدى. بۇل جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا وتكەن شەشۋشى ساتتە اشىلاتىن اسا ماڭىزدى قۇرىلتاي، پارتيا مەن مەملەكەت ىستەرىندە الدىڭعىلاردىڭ ءىزىن باسىپ، بولاشاققا جول اشۋعا سايادى، جۇڭگوشا سوتسياليزمنىڭ بولاشاعى مەن تاعدىرىنا سايادى، جۇڭحۋا ۇلتىنىڭ ۇلى گۇلدەنۋىنە سايادى. مىنانى، ءسوز جوق، جىعا تانۋ كەرەك: پارتيانىڭ جاڭا جورىقتا قانداي تۋ ۇستايتىندىعىن، قانداي جولمەن جۇرەتىندىگىن، قانداي رۋحاني كۇيمەن قانداي نىساناعا قاراي ۇزدىكسىز العا تارتاتىندىعىن ايقىن جاريالاۋ بۇكىل ەلدەگى ءار ۇلت حالقىن جۇڭگوشا سوتسياليزمنىڭ تىڭ جەڭىسىنە قول جەتكىزۋ ءۇشىن كۇرەس جۇرگىزۋگە ىنتىماقتاستىرۋ جانە ىنتالاندىرۋ جونىنەن ايرىقشا ماڭىزدى مانگە يە. الداعى 5 جىل جاپپاي سوتسياليستىك وسىزاماندانعان مەملەكەت قۇرۋ باستاماسى باستالعان شەشۋشى مەزگىل، وسى 5 جىلداعى دامۋدى ويداعىداي يگەرۋ ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن ايرىقشا ماڭىزدى. يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، سەنىمدى بەكەمدەپ، قايراتتانا العا تارتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋىمىز كەرەك.

  قازىر دۇنيە جۇزىندە 100 جىلدا بولماعان ۇلكەن وزگەرىس جەدەل قۇبىلىپ، جۇڭحۋا ۇلتىنىڭ ۇلى گۇلدەنۋى شەشۋشى كەزەڭگە ءوتتى. باس شۋجي شي جينپيڭ بىلاي دەپ باسا دارىپتەدى: ”جۇڭحۋا ۇلتىنىڭ ۇلى گۇلدەنۋى جەڭىل - جەلپى، ايعاي - سۇرەنمەن جۇزەگە اسا سالمايدى، ءسوز جوق، كوپتەگەن جاڭا تاريحي ەرەكشەلىكتەرگە يە ۇلى كۇرەستەردى جۇرەكتىلىكپەن جۇرگىزىپ، اناعۇرلىم ماشاقاتتى، اناعۇرلىم قاجىرلى قۇلشىنىس جاساۋعا دايىن بولۋ كەرەك“. كەزەكتە جانە الداعى ءبىر مەزگىلدە ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇرادى، دەسەدە وراي مەن سىن - سايىستىڭ بارلىعىندا تىڭ دامۋشىلىق، وزگەرىس جارىققا شىعىپ، وراي مەن سىن - سايىس بۇرىن بولماعان زور دەڭگەيدە بولادى، جالپى جاقتان وراي سىن - سايىستان ۇلكەن بولادى. ۇلى قاعيدالار قاراپايىم كەلەدى، ناقتى ىستەۋ ماڭىزدى. وسىزاماندانۋدى نەگىزىنەن جۇزەگە اسىرۋدا ناقتى ىستەۋگە سۇيەنۋ كەرەك، جاپپاي سوتسياليستىك وسىزاماندانعان قۋاتتى مەملەكەت قۇرۋدا ناقتى ىستەۋگە سۇيەنۋ كەرەك، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا ناقتى ىستەۋگە سۇيەنۋ كەرەك. باس شۋجي شي جينپيڭ تەرەڭ بايىمداعان جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ جونىندەگى ماڭىزدى نازاريالىق جانە امالياتتىق ماسەلەلەردى مۇقيات ۇيرەنىپ، ءتۇسىنىپ، باس شۋجي شي جينپيڭ تەرەڭ بايىمداعان الداعى ءبىر مەزگىلدەگى پارتيا مەن مەملەكەت ىستەرى دامۋىنداعى ۇلكەن باعىت - ساياساتتى جانە ارەكەت تۇعىرناماسىن ۇيرەنىپ، ءتۇسىنىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ونان ارى جەتە ۇيرەنىپ، جەتە ءتۇسىنىپ، شىنايى تياناقتاندىرىپ، ستراتەگيالىق سەنىمدى بەكەمدەپ، ستراتەگيالىق سەرگەكتىكتى ساقتاپ، سەنىمدى، كۇرەسكەرلىك جىگەردى كۇشەيتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ەرلىكپەن قارا ءۇزىپ شىعۋعا ۇمتىلىپ، جۇڭحۋا ۇلتىنىڭ ۇلى گۇلدەنۋىنىڭ جارقىن بولاشاعىن بەتكە الىپ، ارشىندى قاداممەن العا باسۋىمىز كەرەك.

  ”ءبىر كۇندەرى جەلپىنتىپ سامال ەسسە، سامۇرىق سامعار ءزاۋلىم زەڭگىر كوككە“. زامانىمىزداعى جۇڭگونىڭ تاۋ - سۋى كوركەم، حالقىنىڭ ايبىنى اسقاق، بولاشاعى زور، وراي مەن اۋقىم ءبىز جاقتا، بۇل ءبىزدىڭ تاباندىلىعىمىز بەن قايراتىمىزدىڭ تياناعى، سونداي - اق بەكىمىمىز بەن سەنىمىمىزدىڭ تياناعى. جاڭا داۋىردەگى جاڭا جورىقتا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇدىرىقتاي جۇمىلعان ۇلى كۇش ۇيىستىرىپ، قايسارلىقپەن نىق قادام تاستايتىن تاباندىلىقتى ساقتاپ، تاريحي بورىشتى ۇزدىكسىز ارقالاپ، تاريحي ىرىقتىلىقتى يگەرىپ، بوران - شاشىنعا بوگەلمەي العا تارتساق بولعانى، ءبىز، ءسوز جوق، پارتيانىڭ قالاۋىنان شىعاتىن، حالىقتىڭ قالاۋىنان شىعاتىن، ءداۋىردىڭ قالاۋىنان شىعاتىن تىڭ ناتيجە جاراتىپ، اناعۇرلىم ۇلى جەڭىس پەن داڭققا قول جەتكىزە الامىز!

(شينحۋا اگەنتتىگىنىڭ 8 - ايدىڭ 1 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.