تيانشان تورى
تيانشان تورى   ›   جاڭالىقتار   ›   ماڭىزدى حابارلار

امەريكا پارلامەنتى قاۋىم پالاتاسىنىڭ باستىعى پەلوسيدىڭ جۇڭگونىڭ تايۋان وڭىرىنە تىمىسكىلەپ بارعاندىعى جونىندە پىكىر جاريالادى

مەملەكەتتىك حالىق قۇرىلتايى تۇراقتى كوميتەتىنىڭ مالىمدەمەشىسى

امەريكا پارلامەنتى قاۋىم پالاتاسىنىڭ باستىعى پەلوسيدىڭ جۇڭگونىڭ تايۋان وڭىرىنە تىمىسكىلەپ بارعاندىعى جونىندە پىكىر جاريالادى

  شينحۋا اگەنتتىگىنىڭ 8 - ايدىڭ 2 - كۇنى بەيجيڭنەن بەرگەن حابارى. 8 - ايدىڭ 2 - كۇنى امەريكا پارلامەنتى قاۋىم پالاتاسىنىڭ باستىعى پەلوسيدىڭ جۇڭگونىڭ تايۋان وڭىرىنە تىمىسكىلەپ بارۋىنا مەڭزەس، مەملەكەتتىك حالىق قۇرىلتايى تۇراقتى كوميتەتىنىڭ مالىمدەمەشىسى مەملەكەتتىك حالىق قۇرىلتايى تۇراقتى كوميتەتى اتىنان پىكىر جاريالادى. تولىعى تومەندەگىدەي:

  8 - ايدىڭ 2 - كۇنى امەريكا پارلامەنتى قاۋىم پالاتاسىنىڭ باستىعى پەلوسي جۇڭگو جاقتىڭ قاتاڭ سويلەسۋى مەن باتىل قارسى تۇرۋىن ەلەمەي، جۇڭگونىڭ تايۋان وڭىرىنە قاسارىسا تىمىسكىلەپ باردى. بۇل ارەكەت ءبىر جۇڭگو پرينسيبى مەن جۇڭگو مەن امەريكانىڭ 3 بىرلەسكەن مازمۇنداماسىنداعى بەلگىلەمەگە اۋىر دارەجەدە قايشىلىق جاساپ، جۇڭگونىڭ يەلىك ۇقىعى مەن تەرريتوريا تۇتاستىعىنا اۋىر دارەجەدە زيان جەتكىزىپ، جۇڭگو − امەريكا قارىم - قاتىناسىنىڭ ساياسي نەگىزىنە اۋىر سوقتىعىپ، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەرگە اۋىر دارەجەدە قاتە سيگنال بەردى. جۇڭگونىڭ مەملەكەتتىك حالىق قۇرىلتايى بۇعان باتىل قارسى تۇرادى، ونى قاتاڭ جازعىرادى.

  دۇنيە جۇزىندە تەك ءبىر عانا جۇڭگو بار، تايۋان − جۇڭگو تەرريتورياسىنىڭ ايىرىلماس ءبىر بولىگى، جۇڭحۋا حالىق رەسپۋبليكاسى ۇكىمەتى بۇكىل جۇڭگوعا ۋاكىلدىك ەتەتىن بىردەن - ءبىر زاڭدى ۇكىمەت. ءبىر جۇڭگو پرينسيبى جۇڭگو مەن امەريكانىڭ ديپلوماتيالىق قارىم - قاتىناس ورناتۋىنىڭ العى شارتى ءارى جۇڭگو - امەريكا قارىم - قاتىناسىنىڭ ساياسي نەگىزى. امەريكا تايۋان ماسەلەسىندە جۇڭگو جاققا سالماقتى ۋادە بەرگەن، الايدا ارەكەتتە امەريكا مەن تايۋاننىڭ ماندىك قارىم - قاتىناسى مەن رەسمي بارىس - كەلىسىنىڭ دەڭگەيىن ۇزدىكسىز جوعارىلاتىپ، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەردى ىرقىنا جىبەرىپ، قولداپ، ”تايۋان ارقىلى جۇڭگونى شاۋجايلاۋعا ۇرىنىپ“، تايۋان بۇعازىنىڭ بەيبىتشىلىگىنە، ورنىقتىلىعىنا اۋىر زيان جەتكىزدى. جۇڭگو ۇكىمەتى مەن حالقى باتىل دا پارمەندى شارا قولداندى ءارى ۇزدىكسىز قولدانىپ، ءوزىنىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعايدى.

  تايۋان ماسەلەسى جۇڭگونىڭ يەلىك ۇقىعى مەن تەرريتوريا تۇتاستىعىنا سايادى، جۇڭگودا ءارقانداي ىمىراعا كەلەتىن، جول بەرەتىن مۇمكىندىك جوق. «مەملەكەتتى بولشەكتەۋگە قارسى تۇرۋ زاڭىندا» ءبىر جۇڭگو پرينسيبىنە تاباندى بولۋ، ”تايۋاندى دەربەستەندىرۋدى“ كوزدەيتىن بولشەكتەۋشىلىكتى تەجەۋ، سىرتقى كۇشتەردىڭ تايۋان ماسەلەسىنە كيلىگۋىنە قارسى تۇرۋ سياقتى كەلەلى ماسەلەلەر جونىندە ايقىن بەلگىلەمە شىعارىلعان. جۇڭگو ۇكىمەتى مەن جۇڭگو حالقىنىڭ تايۋان ماسەلەسىندەگى تۇرعىسى باستان - اياق دايەكتى بولىپ كەلەدى، جۇڭگونىڭ مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعاۋ − ءبىر ميلليارد 400 ميلليوننان استام جۇڭگو حالقىنىڭ بەرىك ەرىك - جىگەرى. جۇڭگونىڭ بۇكىلدەي بىرلىككە كەلۋى مەن ۇلتتىڭ ۇلى گۇلدەنۋىنە كەدەرگى بولۋعا ۇرىنۋ، ءسوز جوق، جەڭىلىسپەن تىنادى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.