تيانشان تورى
تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتى تايۋان قىزمەتى كەڭسەسى پەلوسيدىڭ تايۋانعا تىمىسكىلەپ بارعاندىعى جونىندە مالىمدەمە جاريالادى

  شينحۋا اگەنتتىگىنىڭ 8 - ايدىڭ 2 - كۇنى بەيجيڭنەن بەرگەن حابارى. 8 - ايدىڭ 2 - كۇنى امەريكا پارلامەنتى قاۋىم پالاتاسىنىڭ باستىعى پەلوسي جۇڭگونىڭ تايۋان وڭىرىنە تىمىسكىلەپ باردى. بۇل تايۋان مەن امەريكانىڭ استاسۋىنىڭ اسقىنۋى بولىپ تابىلادى، سيپاتى ەرەكشە جيىركەنىشتى، زاردابى ەرەكشە اۋىر. بۇل جۇڭگونىڭ يەلىك ۇقىعى مەن تەرريتوريا تۇتاستىعىنا اۋىر دارەجەدە سۇعاناقتىق جاساعاندىق، ءبىر جۇڭگو پرينسيبىنە جانە جۇڭگو مەن امەريكانىڭ ءۇش بىرلەسكەن مازمۇنداماسىنا اۋىر دارەجەدە قايشىلىق جاساعاندىق، حالىقارالىق زاڭ مەن حالىقارالىق قارىم - قاتىناستاردىڭ نەگىزگى ولشەمىن اۋىر دارەجەدە اياق استى ەتكەندىك، امەريكانىڭ جۇڭگوعا بەرگەن قاتاڭ ساياسي ۋادەسىنەن تايعاندىق، ول ”تايۋاندى دەربەستەندىرۋدى“ كوزدەيتىن كۇشتەرگە اۋىر قاتە سيگنال بەردى. ءبىز بۇعان باتىل قارسى تۇرامىز، ونى قاتاڭ جازعىرامىز جانە وعان كۇشتى قارسىلىق بىلدىرەمىز.

  دۇنيە جۇزىندە تەك ءبىر عانا جۇڭگو بار، تايۋان جۇڭگونىڭ ءبىر بولىگى. ءبىر جۇڭگو پرينسيبى جالپى مويىنداعان حالىقارالىق قارىم - قاتىناستار ولشەمى جانە حالىقارالىق قوعامنىڭ جالپى بەتتىك ورتاق تانىمى. تايۋان ماسەلەسى جۇڭگونىڭ ىشكى ءىسى، سىرتتىڭ ءارقانداي كيلىگۋىنە جول بەرمەيمىز. ءبىراز ۋاقىتتان بەرى امەريكا ۇكىمەتى تايۋان ماسەلەسىندە قايتا - قايتا قاتە ءسوز - ارەكەت قولدانىپ، تايۋان مەن امەريكانىڭ رەسمي بارىس - كەلىسىنىڭ دەڭگەيىن ۇزدىكسىز جوعارىلاتىپ، تايۋان مەن امەريكانىڭ اسكەري ىستەر جاعىنداعى استاسۋىن كۇشەيتىپ، تايۋانعا ۇزدىكسىز قارۋ - جاراق ساتىپ، تايۋاننىڭ ”قارۋعا سۇيەنىپ بىرلىككە كەلۋگە قارسى تۇرۋىنا“ بولىستى. امەريكا پارلامەنتى قايتا - قايتا تايۋانعا ساياتىن قاتە ءسوز جاريالاپ، تايۋانعا ساياتىن ءبىرتالاي كەرەناۋ كەڭەستىك جوبانى العا قويدى ءارى قاراپ ماقۇلدادى. امەريكا جاقتىڭ ارەكەتى ءبىر جۇڭگو پرينسيبىن بۇرمالاۋعا، ۇڭعىلاۋعا ۇرىنۋ، ”تايۋان كوزىرىن“ كوتەرىپ، ”تايۋان ارقىلى جۇڭگونى شاۋجايلاۋعا ۇرىنىپ“، جۇڭگونىڭ بۇكىلدەي بىرلىككە كەلۋى مەن جۇڭحۋا ۇلتىنىڭ گۇلدەنۋ ۇردىسىنە توسقىندىق جاساۋ. امەريكانىڭ قازىرگى ۇكىمەتى الدىڭعى كەزەكتى ۇكىمەت وتكىزگەن اۋىر قاتەلىكتى تۇزەتكەنى بىلاي تۇرسىن، كەرىسىنشە ونان ارى وزىنە وداقتاس تارتىپ، توپ قۇراپ، ”تايۋان كوزىرىن“ كوتەرىپ، حالىقارادا بىرلەسكەن مەملەكەتتەر ۇيىمى جينالىسىنىڭ 2758 - ءنومىرلى قارارىنا ورشەلەنە شابۋىل جاساپ، ”تايۋاننىڭ ورنى تۇراقتانباعان“ دەگەن ساندىراق تاراتىپ، تايۋان ماسەلەسىنىڭ حالىقارالانۋىن ىلگەرىلەتۋگە ۇرىندى.

  ”تايۋاندى دەربەستەندىرۋدى“ كوزدەيتىن بولشەكتەۋشىلىك − وتاننىڭ بىرلىككە كەلۋىندەگى ەڭ ۇلكەن كەدەرگى، ۇلتتىڭ گۇلدەنۋىندەگى اۋىر كومەسكى قاتەر. دەموكراتيانى ىلگەرىلەتۋ پارتياسىنىڭ بيلىك باسىنداعىلار ”تايۋاندى دەربەستەندىرۋدى“ كوزدەيتىن قاتە تۇرعىسىندا توڭمويىندىقپەن قاسارىسىپ، امەريكاداعى جۇڭگوعا قارسى كۇشتەردىڭ جۇڭگونى تەجەيتىن دويبى تاسى بولۋعا پەيىل بولىپ، ”دەربەستىكتى“ كوزدەۋ ارانداتۋشىلىعىمەن ونان ارى شىمىرىكپەستەن اينالىستى. بۇل مۇلدە جاعدايدى قاتە تۇجىرىمداعان، قاتە ەسەپ سوققاندىق! ولار جەكە مۇددەسى ءۇشىن ءبىر جۇڭگو پرينسيبىنە توڭمويىندىقپەن سايىس جاريالاپ، ”92 - جىلعى ورتاق تانىمدى“ مويىنداۋدان باس تارتىپ، ەكى جاعالاۋدىڭ قارسىلاسۋىن تۋدىرىپ، توڭمويىندىقپەن ”امەريكاعا سۇيەنىپ دەربەستىكتى كوزدەدى“. دەموكراتيانى ىلگەرىلەتۋ پارتياسىنىڭ بيلىك باسىنداعىلارىنىڭ ”دەربەستىكتى“ كوزدەۋ ارەكەتى مەن ۇلت مۇددەسىن ساتقان امەريكامەن استاسۋ ارەكەتى تەك عانا تايۋاندى اپات شىڭىراۋىنا يتەرىپ، قالىڭ تايۋاندىق باۋىرلاستارعا اۋىر زوبالاڭ اكەلەدى.

  وتاننىڭ بىرلىككە كەلۋى مەن جۇڭحۋا ۇلتىنىڭ ۇلى گۇلدەنۋى كەرى قايتارۋعا كەلمەيتىن تاريحي ۇردىسكە ءوتتى. وتان، ءسوزسىز، بىرلىككە كەلۋى كەرەك ءارى، ءسوزسىز، بىرلىككە كەلەدى. بۇل امەريكا جاقتاعى ءىشىنارا جۇڭگوعا قارسى توڭمويىن كۇشتەردىڭ ەركى بويىنشا وزگەرمەيدى، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەردىڭ ەسەك دامەسىنە باعىنبايدى. وتاننىڭ بىرلىككە كەلۋىن جۇزەگە اسىرۋدىڭ ورايى مەن اۋقىمىن باستان - اياق بۇلجىتپاي مىقتى يگەرىپ وتىرمىز. امەريكاداعى جۇڭگوعا قارسى كۇشتەر مەن تايۋانداعى دەموكراتيانى ىلگەرىلەتۋ پارتياسىنىڭ بيلىك باسىنداعىلار مەيلى قانداي ارەكەت قولدانسىن، تايۋاننىڭ جۇڭگونىڭ ءبىر بولىگى بولعان شىندىقتى وزگەرتە المايدى. پەلوسي تەكتەستەر مەيلى قانداي تاسىلمەن ”تايۋانعا تىرەك بولىپ، جۇڭگونى شاۋجايلاماقشى بولسا دا“ جۇڭگونىڭ بىرلىككە كەلۋىنىڭ تاريحي ۇردىسىنە كەدەرگى بولا المايدى.

  ءبىز امەريكا جاقتى تايۋان ماسەلەسىنىڭ تاريحي جاي - جاپسارىن انىق كورىپ، ەكى جاعالاۋ ءبىر جۇڭگوعا ءتان بولعان شىندىقتى جانە قازىرگى جاعدايدى جىعا تانىپ، ءبىر جۇڭگو پرينسيبىنە ءىس جۇزىندىك ارەكەتىمەن بويسۇنىپ، جۇڭگو مەن امەريكانىڭ ءۇش بىرلەسكەن مازمۇنداماسىن اتقارىپ، قاتە جولمەن ءجۇرىپ ونان ارى اداسا بەرمەۋگە قۋزايمىز. ءبىز دەموكراتيانى ىلگەرىلەتۋ پارتياسىنىڭ بيلىك باسىنداعىلارعا ”تايۋاندى دەربەستەندىرۋ“ قاسكۇنەمدىگىنەن تۇبەگەيلى ارىلىپ، ”تايۋاندى دەربەستەندىرۋدىڭ“ تۇيىق جولىمەن ءجۇرىپ قاراتۇنەككە باتىپ كەتپەۋدى، ايتپەگەندە، ”دەربەستەندىرۋدى“ كوزدەگەن ءارقانداي ارەكەتتىڭ جۇڭگو حالقىنىڭ ”دەربەستەندىرۋگە“ قارسى تۇرىپ، بىرلىككە كەلۋدى جەبەيتىن قۋاتتى كۇشىمەن تاس - تالقان ەتىلەتىندىگىن قاتاڭ ەسكەرتەمىز.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.