تيانشان تورى
تيانشان تورى   ›   جاڭالىقتار   ›   ماڭىزدى حابارلار

پەلوسيدىڭ تايۋانعا تىمىسكىلەپ بارعاندىعى جونىندە پىكىر جاريالادى

مەملەكەت قورعانىسى مينيسترلىگىنىڭ اقپارات مالىمدەمەشىسى

پەلوسيدىڭ تايۋانعا تىمىسكىلەپ بارعاندىعى جونىندە پىكىر جاريالادى

  شينحۋا اگەنتتىگىنىڭ 8 - ايدىڭ 2 - كۇنى بەيجيڭنەن بەرگەن حابارى. 8 - ايدىڭ 2 - كۇنى امەريكا قاۋىم پالاتاسىنىڭ باستىعى پەلوسي جۇڭگونىڭ تايۋان وڭىرىنە تىمىسكىلەپ باردى، جۇڭگو جاق بۇنى قاتاڭ جازعىرادى، وعان باتىل قارسى تۇرادى.

  بۇدان بۇرىن جۇڭگو جاق تايۋانعا تىمىسكىلەپ بارۋدىڭ اۋىر زاردابىن تالاي رەت ايقىن تۇسىندىرسە دە، پەلوسي بىلە تۇرا قاساقانا ىستەپ، جات نيەتپەن ارانداتۋشىلىق جۇرگىزىپ، داعدارىس تۋدىرىپ، ءبىر جۇڭگو پرينسيبىنە جانە جۇڭگو مەن امەريكانىڭ ءۇش بىرلەسكەن مازمۇنداماسىنداعى بەلگىلەمەگە اۋىر دارەجەدە قايشىلىق جاساپ، جۇڭگو - امەريكا قارىم - قاتىناسىنىڭ ساياسي نەگىزىنە اۋىر سوقتىعىپ، جۇڭگو مەن امەريكا ەكى ەلدىڭ، ەكى ارميانىڭ قارىم - قاتىناسىن اۋىر دارەجەدە ءبۇلدىردى. امەريكا جاقتىڭ بۇل ارەكەتى ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەرگە اۋىر قاتە سيگنال بەرىپ، تايۋان بۇعازىنداعى شيەلەنىستى جاعدايدى ونان ارى ۋشىقتىردى. دەموكراتيانى ىلگەرىلەتۋ پارتياسىنىڭ بيلىك باسىنداعىلار شەتەل كۇشىنەن پايدالانىپ ءوز مارتەبەسىن وسىرۋگە ۇرىنىپ، سىرتقى كۇشتەرمەن اۋىز جالاسىپ لاڭ سالىپ، قاسارىسىپ پەلوسيدى تايۋانعا كەلۋگە شاقىردى، ونىڭ بۇل قىلىعى ايرىقشا قاتەرلى، اۋىر زارداپ تۋدىراتىندىعى ءسوزسىز. جۇڭگو حالىق ازاتتىق ارمياسى ساقاداي سايلانىپ، ءبىرسىپىرا باعىتتامالى اسكەري ىستەر ارەكەتىن ورىستەتۋ ارقىلى قارسى شارا قولدانىپ، مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعاپ، سىرتقى كۇشتەردىڭ كيلىگۋى مەن ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەردىڭ قاسكۇنەمدىگىن باتىل تالقاندايدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.