تيانشان تورى
تيانشان تورى   ›   جاڭالىقتار   ›   ماڭىزدى حابارلار

امەريكا جاقتىڭ تايۋان ماسەلەسىندە ۋادەسىنەن تايۋى تەك ءوز مەملەكەتىنىڭ ابىرويىن ونان ارى تۇسىرەدى

ۋاڭ ي بىلاي دەپ باسا دارىپتەدى

امەريكا جاقتىڭ تايۋان ماسەلەسىندە ۋادەسىنەن تايۋى تەك ءوز مەملەكەتىنىڭ ابىرويىن ونان ارى تۇسىرەدى

  شينحۋا اگەنتتىگىنىڭ 8 - ايدىڭ 2 - كۇنى دۋشانبەدەن بەرگەن حابارى. جەرگىلىكتى ۋاقىت 2022 - جىلى 8 - ايدىڭ 2 - كۇنى مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي شاڭحاي سەلبەستىك ۇيىمى سىرتقى ىستەر مينيسترلەرى ماجىلىسىنە قاتىناسىپ ءارى ورتا ازيادا ساپاردا بولعاننان كەيىن، تىلشىلەردى قابىلداپ، تايۋان ماسەلەسى جونىندەگى جۇڭگو جاقتىڭ قاتاڭ تۇرعىسىن ەگجەي - تەگجەيلى بايىمدادى.

  ۋاڭ ي مىنالاردى ءبىلدىردى: ءبىر جۇڭگو پرينسيبى حالىقارالىق قوعامنىڭ جالپى بەتتىك ورتاق تانىمى، جۇڭگونىڭ ءار ەلمەن بارىس - كەلىس جاساۋىنىڭ ساياسي نەگىزى، جۇڭگونىڭ وزەكتى مۇددەسىنىڭ وزەگى، اتتاپ وتۋگە كەلمەيتىن قىزىل سىزىق جانە تومەنگى شەك. امەريكاداعى كەيبىرەۋلەر تايۋان ماسەلەسىندە جۇڭگونىڭ يەلىك ۇقىعىنا ۇزدىكسىز سايىس جاريالاپ، ءبىر جۇڭگو ساياساتىن ۇڭعىلادى، اۋەلى، تايۋان بۇعازىندا قاساقانا ءىس تۋدىردى. جۇڭگو حالقى بۇنى استە قابىلدامايدى، حالىقارالىق قوعام دا مۇنداي قيسىنسىز ارانداتۋدى ەلەمەيدى.

  ۋاڭ ي بىلاي دەدى: وسى رەتكى ساپار كەزىندەگى كەزدەسۋلەر، كەڭەستەر بارىسىندا ءار ەلدىڭ باسشىلارىنىڭ ءبارى ءبىر جۇڭگو ساياساتىن باتىل اتقاراتىندىقتارىن ايقىن ءبىلدىرىپ، تۇگەلدەي تايۋان جۇڭگو تەرريتورياسىنىڭ ايىرىلماس ءبىر بولىگى، سىرتقى كۇشتەردىڭ تايۋان ماسەلەسىندە جۇڭگونىڭ ىشكى ىسىنە كيلىگۋىنە قارسى تۇرامىز دەپ قارادى. بۇل ءبىر جۇڭگو پرينسيبىنىڭ حالىقارالىق قوعامنىڭ تىلەگى، ۇلكەن اۋقىم بەتالىسى ەكەندىگىن تاعى دا اڭعارتتى.

  ۋاڭ ي بىلاي دەپ باسا دارىپتەدى: امەريكا جاقتىڭ تايۋان ماسەلەسىندە ۋادەسىنەن تايۋىن ەشكىم جاقتىرمايدى، تەك امەريكانىڭ مەملەكەت ابىرويىن ونان ارى تۇسىرەدى. امەريكاداعى ءىشىنارا ساياسي الاياقتار جەكە مۇددەسىن عانا كوزدەپ، تايۋان ماسەلەسىندە كوپە - كورنەۋ وتپەن ويناپ، ءبىر ميلليارد 400 ميلليون جۇڭگو حالقىمەن جاۋلاستى، ول استە مارقادام تاپپايدى. امەريكا جاقتىڭ زورەكەرلىك كەيىپ - كەسپىرى الەم الدىندا ايپاراداي اشىلدى، بۇدان ءار ەل حالقى بۇگىنگى تاڭداعى بەيبىتشىلىكتىڭ ەڭ ۇلكەن ءبۇلدىرۋشىسى ءدال امەريكا ەكەندىگىن بارعان سايىن ايقىن كورەتىن بولادى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.