− باس شۋجي شي جينپيڭنىڭ ولكە - مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
”مەملەكەت پەن ۇلتتىڭ دامۋىن ءوز كۇشىمىزدىڭ تياناق تۇيىنىنە قويۋعا، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ ۇستاۋعا تاباندى بولۋىمىز كەرەك“. ولكە - مينيسترلىك دارەجەلى نەگىزگى باسشى كادرلاردىڭ ”باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنىپ، پارتيا 20 - قۇرىلتايىن قارسى الۋ“ ارناۋلى تاقىرىپتىق زەرتتەۋ - تالقى كۋرسىندا باس شۋجي شي جينپيڭ حالىقاراداعى، ەل ىشىندەگى ۇلكەن اۋقىمدى تەرەڭدەي تالداپ، ءبىز ءدوپ كەلگەن ستراتەگيالىق ورايلار مەن حاۋىپ - قاتەر، سىن - سايىستاردى عىلمي يگەرىپ، الداعى ءبىر مەزگىلدەگى پارتيا مەن مەملەكەت ىستەرى دامۋىنداعى ۇلكەن باعىت - ساياساتتى جانە ارەكەت تۇعىرناماسىن تەرەڭ بايىمداپ، بىلاي دەپ باسا دارىپتەدى: ”بۇكىل پارتيا، ءسوز جوق، تاۋقىمەت تانىمىن كۇشەيتىپ، تومەنگى شەكتە ويلاۋعا تاباندى بولىپ، كۇرەسكەرلىك ەرىك - جىگەردى بەكەمدەپ، كۇرەسكەرلىك قابىلەتتى كۇشەيتىپ، دۇرىس ستراتەگيالىق تاكتيكامەن وزگەرىسكە توتەپ بەرىپ، تىڭ وراي جەتىلدىرىپ، جاڭا جاعداي اشىپ، قاجىرلى كۇرەسكە سۇيەنىپ ىستەردى دامىتۋدىڭ جاڭا ءورىسىن اشۋ كەرەك، مۇندا ەڭ ءتۇبىرلى نەگىز − ءوز ءىسىمىزدى ويداعىداي ىستەۋ“. بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ تاريحتىڭ دامۋ زاڭدىلىعىن تەرەڭ يگەرىپ، جاڭا داۋىردەگى جاڭا جورىقتاعى پارتيا مەن مەملەكەت ىستەرى دامۋىنىڭ تاريحي ىرىقتىلىعى مەن بورىشىن، جاۋاپكەرشىلىك ارقالاۋىن قاي - قاشان دا مىقتى يگەرەتىندىگىن تولىق ايگىلەدى، پارتيا ورتالىق كوميتەتىنىڭ پارتيا مەن مەملەكەتتىڭ ءتۇرلى قىزمەتتەرىن جوسپارلاۋداعى جانە ىلگەرىلەتۋدەگى بيىكتە تۇرىپ الىستى كوزدەيتىن كورەگەندىگىن، تەرەڭ ويلاپ، الىستى بولجايتىن ءدانىشپاندىعىن تولىق ايگىلەدى.
وتكەن 100 جىلعا قايىرىلا قاراساق، جۇڭگو كوممۋنيستىك پارتياسى زامانعا قاراي دۇنيەگە كەلىپ، جۇڭگو حالقى ۇلتتىڭ تاۋەلسىزدىگىنە، حالىقتىڭ ازاتتىعىنا جانە مەملەكەتتىڭ باي - قۇدىرەتتى، حالىقتىڭ باقىتتى بولۋىنا ۇمتىلۋ كۇرەسىندە تايانىشقا يە بولىپ، جۇڭگو حالقى رۋحاني جاقتا ىرىقسىزدىقتان ىرىقتىلىققا ءوتتى. 100 جىلدان بەرى جاعداي مەن مىندەت قالاي وزگەرسە دە، قانداي دۇلەي داۋىل، سۇراپىل جاۋىنعا جولىقسا دا، پارتيامىز باستان - اياق تاريحي ىرىقتىلىقتى يگەرىپ، كۇرەس نىساناسىنان كوز جازباي، دۇرىس بەتالىستى بويلاپ باتىل العا باستى. اسىرەسە، پارتيا 18 - قۇرىلتايىنان بەرى پارتيا ءدوپ كەلگەن جاعدايدىڭ، ورتانىڭ كۇردەلىلىگى مەن قاتاڭدىعى، ارقالاعان مىندەتىنىڭ اۋىرلىعى مەن جاپالىلىعى دۇنيەدە سيرەك كەزدەسەدى، تاريحتا سيرەك كەزدەسەدى. شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان ۇلكەن وزگەرىستى ءبىر تۇتاس جوسپارلاپ، ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىك ارقالاۋمەن بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، قاتاڭ دا كۇردەلى حالىقارالىق جاعداي جانە ىركەس - تىركەس جەتكەن وراسان زور حاۋىپ - قاتەرلەر مەن سىن - سايىستارعا ءونىمدى توتەپ بەرىپ، قايراتتانا ىسكەرلىك كورسەتەتىن رۋحپەن جاڭا داۋىردەگى جۇڭگوشا سوتسياليزمدى العا ىلگەرىلەتتى. 10 جىلدا وزىنە سەنىپ، ءوزىن الەۋەتتەندىرىپ، تۋراشىلدىقتى ساقتاپ، جاڭالىق اشىپ، قايراتتانا ەكپىندەي ىلگەرىلەپ، پارتيا مەن مەملەكەت ىستەرىندە تاريحي تابىسقا قول جەتكىزىلىپ، تاريحي وزگەرىس تۋىلىپ، پارتيانىڭ بەكىمى، ارميانىڭ بەكىمى، حالىقتىڭ تىلەگى عالامات ۇيىسىپ، سەرپىلىپ، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇردىسكە قادام تاستاپ، ءبىر ميلليارد 400 ميلليوننان استام جۇڭگو حالقىنىڭ بەلگىلەنگەن كۇرەس نىساناسىنان كوز جازباي، جالىندى ەكپىنمەن بولاشاقتى بەتكە الاتىن باتىلدىعى مەن كۇش - قۋاتىن بارىنشا نىعايتتى.
اۋقىمدى باعامداعان ءدانىشپان بولسا، اۋقىمنىڭ تىزگىنىن ۇستاعان جەڭىسكە جەتەدى. قازىر دۇنيە جۇزىندە 100 جىلدا بولماعان ۇلكەن وزگەرىس جەدەل قۇبىلىپ، دۇنيە ءجۇزى وزگەرىسىنىڭ، ءداۋىر وزگەرىسىنىڭ، تاريح وزگەرىسىنىڭ ەرەكشەلىكتەرى اناعۇرلىم ايقىن كورىنىس بەرۋدە. باس شۋجي شي جينپيڭ بىلاي دەپ تەرەڭ اتاپ كورسەتتى: ”ەلىمىزدىڭ دامۋى جاڭا ستراتەگيالىق ورايعا، جاڭا ستراتەگيالىق مىندەتكە، جاڭا ستراتەگيالىق كەزەڭگە، جاڭا ستراتەگيالىق تالاپقا، جاڭا ستراتەگيالىق ورتاعا ءدوپ كەلىپ وتىر، توتەپ بەرۋگە ءتيىستى حاۋىپ - قاتەرلەر مەن سىن - سايىستار، شەشۋگە ءتيىستى قايشىلىقتار مەن ماسەلەلەر بۇرىنعىدان دا قىم - قۋىت، كۇردەلى“. ءبىز مىنانى جىعا تانۋىمىز كەرەك: جۇڭحۋا ۇلتىنىڭ ۇلى گۇلدەنۋى جەڭىل - جەلپى، ايعاي - سۇرەنمەن جۇزەگە اسا سالمايدى، ءسوز جوق، اناعۇرلىم ماشاقاتتى، اناعۇرلىم قاجىرلى قۇلشىنىس جاساۋعا دايىن بولۋىمىز كەرەك. اماليات بىزگە مىنانى ۇعىندىردى: تاريح دامۋىنىڭ ءوز زاڭدىلىعى بولادى، ءبىراق ونىڭ ىشىندە جۇرگەن ادامدار بۇكىلدەي ىنتاسىز، ىرىقسىز بولمايدى. تاريحتىڭ دامۋ زاڭدىلىعى مەن ۇلكەن اۋقىمىن يگەرىپ، تاريحي وزگەرىس ورايىن مىقتى ۇستاپ، ىڭعايلى جاعدايعا قاراي ىستەپ، قايراتتانا ىسكەرلىك كورسەتسەك بولعانى، ءبىز اناعۇرلىم ويداعىداي العا باسا الامىز. جاڭا ۇلى جورىقتا مەيلى جاعداي قالاي وزگەرسىن، مەيلى سىن - سايىس قانشاما قاتاڭ بولسىن، ءبىز ستراتەگيالىق تاباندىلىقتى ساقتاپ، مۇراتتى وزگەرتپەيتىن، جولدى وزگەرتپەيتىن بەكىمدى نىعايتىپ، تاريحي ىرىقتىلىق رۋحىن ساۋلەلەندىرىپ، كوممۋنيستەردە بولۋعا ءتيىستى جالىندى، ارىندى، جىگەردى تاسقىنداتىپ، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ يگەرىپ، ءارقانداي حاۋىپ - قاتەردەن قورىقپاي، ءارقانداي كەدەرگىگە بوگەلمەي، العان بەتتەن قايتپايتىن تاباندىلىقپەن بەلگىلەنگەن نىسانانى جىگەرلەنە جۇزەگە اسىرىپ، 100 شاقىرىم جولدىڭ 90 شاقىرىمىن باسساڭ دا جارىم جولدا ءجۇرمىن دەپ بىلەتىن سەرگەكتىكپەن جۇڭحۋا ۇلتىنىڭ ۇلى گۇلدەنۋىن قاجىماي - تالماي ىلگەرىلەتۋىمىز كەرەك.
پارتيامىز كۇرەسكە سۇيەنىپ تاريح جاراتتى، ونان دا ماڭىزدىسى، كۇرەسكە سۇيەنىپ بولاشاقتىڭ جەڭىسىنە جەتەدى. جاڭا جورىقتا ءبىز ءدوپ كەلگەن سىن - سايىستار، سىناقتار تەك بارعان سايىن كۇردەلىلەنە تۇسەدى، ءتىپتى ويعا كەلمەيتىن سۇراپىل تاسقىن، دۇلەي تولقىنعا تاپ بولۋىمىز مۇمكىن. ءبىز ءدوپ كەلگەن ءتۇرلى كۇرەستەر قىسقا مەرزىمدىك ەمەس، ۇزاق مەرزىمدىك كۇرەستەر، ول ەكىنشى 100 جىلدىق كۇرەس نىساناسىن جۇزەگە اسىرۋدىڭ جالپى بارىسىمەن قاتار جۇرەدى. اماليات بىزگە مىنانى ۇعىندىردى: ەلەۋلى حاۋىپ - قاتەر، كۇشتى قارسىلاس الدىندا، تەك ىرىقتىلىقپەن شايقاسقا شىعىپ، باتىلدىقپەن كۇرەس جۇرگىزگەندە عانا تىرشىلىك جولىن، شىعار جولدى تابۋعا، نامىستى قولدان بەرمەي، دامۋعا قول جەتكىزۋگە بولادى. ءبىز، ءسوز جوق، جاڭا ۇلى كۇرەستىڭ تاريحي ەرەكشەلىكتەرىن يگەرىپ، كۇرەسكەرلىك رۋحتى ساۋلەلەندىرىپ، كۇرەس بەتالىسىن يگەرىپ، كۇرەستىڭ ىرىقتىلىعىن يگەرىپ، كۇرەسكەرلىك ەرىك - جىگەردى نىعايتىپ، كۇرەس زاڭدىلىعىن يگەرىپ، كۇرەسكەرلىك ونەر - قابىلەتتى كۇشەيتىپ، ەلەۋلى سىن - سايىستارعا ءونىمدى توتەپ بەرىپ، ەلەۋلى حاۋىپ - قاتەرلەردەن ساقتانىپ، ەلەۋلى كەدەرگىلەردى جەڭىپ، ەلەۋلى قايشىلىقتاردى شەشىپ، العا باسۋ جولىنداعى بارلىق ماشاقات، قيىندىق، قاتەر، بوگەتتەردى جەڭىپ، جاڭا داۋىردەگى ۇلى كۇرەستىڭ تىڭ جەڭىسىنە ۇزدىكسىز قول جەتكىزۋىمىز كەرەك. بۇكىل پارتيا تاريحي سەنىمدى بەكەمدەپ، تاريحي ىرىقتىلىقتى ساقتاپ، جاۋاپكەرشىلىك ارقالاۋ جانە كۇرەسكەرلىك رۋحتى ۇزدىكسىز ساۋلەلەندىرىپ، تار جولدا كەزدەسكەندە باتىر جەڭەدى دەيتىن جىگەرمەن، وراي الدىندا ىرىقتىلىقپەن اتويلاپ، قيىنشىلىق الدىندا قيىندىقتى ەڭسەرە ورگە ۇمتىلىپ، حاۋىپ - قاتەر الدىندا بەلسەنە توتەپ بەرىپ، ميلليارد حالىقتى ىنتىماقتاستىرىپ، باستاپ، جۇرەكتىلىكپەن اتوي سالىپ، باتىلدىقپەن شايقاسقا شىعىپ جەڭىسكە جەتىپ، قامال الىپ، قيىندىقتاردى جەڭىپ، مويىماس قايسارلىقپەن العا باسساق بولعانى، ءسوز جوق، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ يگەرىپ، جۇڭحۋا ۇلتىنىڭ ۇلى گۇلدەنۋى سىندى ايبىندى ۇلى نىسانانى جۇزەگە اسىرا الامىز.
بورىش جاۋاپكەرشىلىك ارقالاۋعا شاقىرادى، بورىش بولاشاققا جەتەلەيدى. جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىندا ەكپىندەي ىلگەرىلەۋدە، بۇقارانى كوكەيدە ساقتاپ، قولىمىزعا اقيقات ۇستاپ، دۇنيەنىڭ دۇرىس جولىن باسقان ءبىزدىڭ سەنىمىمىز مىعىم، كۇشىمىز تولىق. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ۇعىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، تاريحتىڭ العا باسۋ لوگيكاسىمەن العا باسىپ، ءداۋىر دامۋىنىڭ تولقىنىندا دامىپ، ”نەعۇرلىم ماشاقاتتى، قيىن بولعان سايىن سولعۇرلىم العا ۇمتىلاتىن“ قاھارماندىق ارىندى ساقتاپ، ”اي - كۇنگە ءامىر شاشا الامىز جاڭارتۋعا كوك ءجۇزىن“ دەيتىن اسقاق كۇرەسكەرلىك جىگەردى ساقتاپ، اسقاق جىگەرمەن قايراتتانا ۇمتىلىپ، نىق قاداممەن ىركىلمەي العا باسىپ، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ يگەرىپ، جاپپاي سوتسياليستىك وسىزاماندانعان مەملەكەت قۇرۋدىڭ شىت جاڭا تاراۋىن جازۋعا قۇلشىنايىق!
(شينحۋا اگەنتتىگىنىڭ 8 - ايدىڭ 2 - كۇنى بەيجيڭنەن بەرگەن حابارى)
