انار بۇلت \ شينجياڭ گازەتىنىڭ ءتىلشىسى حي حۇڭۋي 8 - ايدىڭ 3 - كۇنى ۇرىمجىدەن حابارلايدى. ساۋدا ىستەرى مينيسترلىگى، سىرتقى ىستەر مينيسترلىگى، جۇڭگو ساۋدانى ىلگەرىلەتۋ قوعامى، اۆتونوميالى رايوندىق حالىق ۇكىمەتى، مەملەكەتتىك وركەندەتۋ بانكەسى، جۇڭگو يمپورت - ەكسپورت بانكەسى، جۇڭگو ەكسپورت سەنىمدىلىك قامسىزداندىرۋى سەرىكتەستىگى بىرگە ۇيىمداستىرعان 7 - كەزەكتى جۇڭگو − ازيا - ەۆروپا كورمەسى 8 - ايدىڭ 25 - كۇنىنەن 30 - كۇنىنە دەيىن شينجياڭ حالىقارالىق ءماجىلىس كورمە ورتالىعىندا وتكىزىلەدى ءارى تۇڭعىش رەت قوس جەلى (ينتەرنەت جەلىسىندە + ينتەرنەت جەلىسىنەن تىس) ۇلگىسىندە وتكىزىلەدى. اراعا 4 جىل سالىپ، شينجياڭ كۇللى جۇرت اسىعا كۇتكەن اشىق سالتاناتتى كەڭەستى قارسى الادى.
”جۇڭگو − ازيا - ەۆروپا كورمەسى ەلىمىزدىڭ توڭىرەكتەگى مەملەكەتتەرمەن جوعارى جىكتەگىلەر ديپلوماتياسىن ورىستەتۋىنىڭ ماڭىزدى تۇعىرى، توڭىرەكتەگى ەلدەرمەن ءتۇرلى سالاداعى سەلبەستىكتى ورىستەتۋىنىڭ ماڭىزدى ارناسى، شينجياڭنىڭ تاماشا وبرازىن ايگىلەۋدىڭ ماڭىزدى تەرەزەسى، جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ ماڭىزدى تۇعىرى، ەلىمىزدىڭ ورتا، باتىس، وڭتۇستىك ازيامەن جانە ەۆروپاداعى ءارقايسى مەملەكەتتەرمەن جان - جاقتىلى، كوپ ءتۇرلى سالاداعى ساۋدا سەلبەستىگىن كەڭەيتۋدە ماڭىزى زور“، - دەدى 8 - ايدىڭ 3 - كۇنى شينجياڭ حالىقارالىق كورمە ىستەرى مەكەمەسى پارتيا باسشىلىق گرۋپپاسىنىڭ شۋجيى جۋ حىشياڭ.
جۋ حىشياڭ تانىستىرىپ بىلاي دەدى: قازىر 7 - كەزەكتى جۇڭگو − ازيا - ەۆروپا كورمەسىنىڭ ءتۇرلى دايىندىق قىزمەتتەرى ءتارتىپتى ىلگەرىلەۋدە، شەكارا ءىشى - سىرتىنان كەلگەن كاسىپورىندار ىركەس - تىركەس تىزىمدەلۋدە، كورمەگە قاتىناسۋ كولەمى اۋىل شارۋاشىلىق ازىق - تۇلىك ونىمدەرى، ماشينا جابدىقتارى، قۇرىلىس ماتەريالدارى، عىلىم - تەحنيكالىق ەنەرگيا، زات تاسىمالى، فينانس، قىزمەت وتەۋ سياقتى سالالاردى قامتيدى، ايتا كەتۋگە تاتيتىنى، وسى كەزەكتى كورمە تۇڭعىش رەت نەگىزگى قوناق ولكەلەردى بەلگىلەدى، گۋاڭدۇڭ ولكەسى مەن جىجياڭ ولكەسى كورمەنىڭ تۇڭعىش توپتاعى نەگىزگى قوناق ولكەسىنە اينالىپ، كورمەنى اشىق تۇردە وتكىزۋ ۇستانىمىن ايگىلەدى.
وسى كەزەكتى جۇڭگو − ازيا - ەۆروپا كورمەسىنىڭ نەگىزگى تاقىرىبى ”بىرگە اقىلداسۋ، بىرگە قۇرۋ، بىرگە يگىلىكتەنۋ، سەلبەسىپ بولاشاققا اتتانۋ“ بولىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن، عىلىم - تەحنيكا سەلبەستىگىن، فينانستى دامىتۋدى، سالاماتتىق، دەنساۋلىق، ساياحات - مادەنيەت، شەكارا اتتاعان ەلەكتروندى ساۋدا، سيفرلى ەكونوميكا سياقتى سالالاردا 10 تالقى مىنبەرى جانە اشىق بيڭتۋان، جۇڭگو - شەتەل مادەنيەت كورمە اپتالىعى سياقتى 4 ارناۋلى تاقىرىپتىق قيمىل وتكىزىلەدى.
”تالقى مىنبەرى كولەمى جاعىنان بولسىن، الدە سيلى قوناقتاردى ۇسىنىس ەتۋ جىگى جاعىنان بولسىن، سونداي - اق كاسىپتىك تالقى مىنبەرى سانى جاعىنان بولسىن تۇگەلدەي بۇرىنعى كەزەكتەردەن دارەجەسى جوعارى بولادى. تالقى مىنبەرى شينجياڭ جىبەك جولى ەكونوميكالىق بەلدەۋى وزەكتى رايونى قۇرىلىسىن دامىتۋدىڭ ءىس جۇزىندىك قاجەتىن مىقتاپ ارقاۋ ەتىپ اشىلادى، نەگىزگى تالقى مىنبەرى الدىڭعى كەزەكتەگى جۇڭگو − ازيا - ەۆروپا ەكونوميكالىق دامۋ سەلبەستىك تالقى مىنبەرىن تيانشان تالقى مىنبەرى ەتىپ وزگەرتىپ، جوعارى جىكتەگى سيلى قوناقتاردى ۇسىنىس ەتىپ، عىلىم - تەحنيكا، فينانس سياقتى سالالارداعى ىشكەرىلەي سەلبەستىكتى ىلگەرىلەتىپ، قارجى قوسۋ مەن كاسىپ سالاسى سەلبەستىگىن كۇش سالا كەڭەيتىپ، جالپى بەتتىك اشىق سەلبەستىكتىڭ جاڭا ارناسىن قالىپتاستىرۋدى ىلگەرىلەتەدى“، - دەدى شينجياڭ حالىقارالىق كورمە ىستەرى مەكەمەسىنىڭ ورىنباسار باستىعى ۋ شياۋبين.
وسى كەزەكتى جۇڭگو − ازيا - ەۆروپا كورمەسىنىڭ جالپى جەر اۋماعى 90 مىڭ شارشى مەتر، وندا قارجى قوسىپ، سەلبەستىك جاساۋ، حالىقارا جانە شياڭگاڭ، اۋمىن، تايۋان تاۋار ساۋدا كورمە رايونى سىندى 3 ۇلكەن كورمە اۋماعى بەلگىلەنگەن، وسىمەن ءبىر ۋاقىتتا ينتەرنەت جەلىسىندە كورمە جاسالادى.
”قازىر كورمەگە شاقىرۋ قىزمەتى اياقتالدى، مۇنداعى اۋىل شارۋاشىلىق ازىق - تۇلىك ونىمدەرى كورمە اۋماعىنىڭ جەر اۋماعى 18 مىڭ شارشى مەتر، ول تاۋار ساۋداسى كورمە اۋماعىنداعى ەڭ ۇلكەن كورمە اۋماعى“، - دەدى شينجياڭ حالىقارالىق كورمە ىستەرى مەكەمەسى ساۋداگەر شاقىرۋ، كورمەگە شاقىرۋ ءبولىمىنىڭ باستىعى جۋ ديچياڭ تانىستىرىپ.
قازىرگە دەيىن وسى كەزەكتى جۇڭگو − ازيا - ەۆروپا كورمەسىنە شەكارا ىشىنەن قاتىناسۋعا تىزىمدەلگەن كاسىپورىن 1594كە جەتتى، دۇنيە جۇزىندەگى جانە جۇڭگوداعى 500 قۋاتتى كاسىپورىنعا جاتاتىن، شەكارا اتتاعان 49 كاسىپورىن، كاسىپ سالاسىنداعى 110 باستاماشى كاسىپورىن كورمەگە قاتىناسادى. وتكەن كەزەكتەرمەن سالىستىرعاندا، ءارقايسى ولكەلەردىڭ (رايون، قالا)، سونداي - اق ءارقايسى ايماقتاردىڭ (وبلىس، قالا) كورمەگە قاتىناسۋ جەر اۋماعى جانە شينجياڭعا كومەك كورسەتپەيتىن ولكە، رايون، قالالاردىڭ قارجى قوسىپ سەلبەستىك جاساۋ كورمە اۋماعىنىڭ جەر اۋماعى كورنەكتى كوبەيدى. كورمەگە قاتىناسۋ ونىمدىلىگىن ارتتىرۋ ءۇشىن، جەر - جەردەن تىركەلگەن 30 رەتكى ساۋدانى جەبەۋ قيمىلىنان سىرت، ۇيىمداستىرۋ كوميسسياسى تاعى 20 رەت زات ساتىپ الۋدى ۇشتاستىرۋ ءماجىلىسىن دايىندادى.
”قازىرگى ساۋداگەر شاقىرۋ، كورمەگە شاقىرۋ جاعدايىنان قاراعاندا، كورمەگە قاتىناساتىن كاسىپورىنداردىڭ ساپاسى كورنەكتى جوعارىلادى“، - دەدى جۋ ديچياڭ.
جۇڭگو − ازيا - ەۆروپا كورمەسى رايونىمىزداعى بىردەن - ءبىر مەملەكەت دارەجەلى، حالىقارا دارەجەلى جالپىلىق كورمە. ۇكىمەتتىك ساناق مالىمەتىندە كورسەتىلۋىنشە، الدىڭعى 6 كەزەك جۇڭگو − ازيا - ەۆروپا كورمەسىندە شەكارا ءىشى - سىرتىنان كورمەگە قاتىناسقان، ماجىلىسكە قاتىناسقان ساۋداگەرلەر 122 مىڭعا، كورمەنى تاماشالاعان ادام سانى 2 ميلليون 130 مىڭ 900گە جەتكەن، مەملەكەتتىڭ ءارقايسى مينيسترلىكتەرى، كوميتەتتەرى وتكىزگەن جوعارى جىكتەگىلەردىڭ تالقى مىنبەرى مەن ارناۋلى تاقىرىپتىق قيمىلى 54 رەت بولعان، قول قويىلعان ءتۇيىندى نىسان سوماسى ءبىر تريلليون 300 ميلليارد يۋاننان، شەتەلمەن جاساسقان ساۋدا توقتام سوماسى 36 ميلليارد دوللاردان اسىپ، ساياسي، ديپلوماتيا، ەكونوميكا - ساۋدا، عىلىم - تەحنيكا، گۋمانيتارلىق ىستەر سياقتى سالالاردا ءبىرسىپىرا ماڭىزدى جەتىستىككە قول جەتكىزدى.
”ءبىز وسى كەزەكتى كورمەنى وراي ەتىپ، سەلبەستىكتى كۇشەيتىپ، اۋىس - كۇيىستى كەڭەيتىپ، سەلبەستىكتىڭ جاڭا ورايىنان بىرگە يگىلىكتەنىپ، دامۋدىڭ جاڭا ارناسىن بىرگە قۇرامىز ءارى حالىقارالىق اۋىس - كۇيىستى كەڭەيتۋگە تاباندى بولىپ، شينجياڭنىڭ كاسىپ سالاسى قاجەتىنە باعىتتاي وتىرىپ، كاسىپتىك ماركا كورمە اۋماعىن تۇلعالاۋ ماقساتىنا جەتىپ، جۇڭگو − ازيا - ەۆروپا كورمەسىنىڭ حالىقارالانۋ، بازارلانۋ، ارنايىلانۋ دەڭگەيىن ۇزدىكسىز جوعارىلاتامىز. جۇڭگو − ازيا - ەۆروپا كورمەسىن جىبەك جولى ەكونوميكالىق بەلدەۋى وزەكتى رايونى قۇرىلىسىنداعى نىشاندىق ماركاعا، ورتا ازياعا جالعاسقان، دۇنيە جۇزىمەن تۇتاسقان ماڭىزدى كوپىرگە جانە تۇعىرعا اينالدىرامىز“، - دەيدى جۋ حىشياڭ.
