تيانشان تورى
تيانشان تورى   ›   جاڭالىقتار   ›   ەل ءىشى حابارى

ۋاڭ ي امەريكا جاقتىڭ جۇڭگونىڭ يەلىك ۇقىعىنا سۇعاناقتىق جاساعاندىعى جونىندە پىكىر جاريالادى

  شينحۋا اگەنتتىگىنىڭ 8 - ايدىڭ 3 - كۇنى پنومپەننەن بەرگەن حابارى. امەريكا پارلامەنتى قاۋىم پالاتاسىنىڭ باستىعى پەلوسي جۇڭگو جاقتىڭ قاتاڭ سويلەسۋىنە قاراماستان، اشىقتان - اشىق جۇڭگونىڭ تايۋان وڭىرىنە باردى. بۇل ارەكەت ءبىر جۇڭگو پرينسيبىنە اۋىر دارەجەدە قايشىلىق جاساپ، جۇڭگونىڭ يەلىك ۇقىعىنا جات نيەتپەن قول سۇعىپ، كوپە - كورنەۋ ساياسي ارانداتۋشىلىق جاساپ، جۇڭگو حالقىنىڭ كۇشتى كەگىن قوزعاپ، حالىقارالىق قوعامنىڭ جاپپاي قارسىلىعىن تۋدىردى. بۇل امەريكاداعى كەيبىر ساياسي الاياقتاردىڭ جۇڭگو − امەريكا قارىم - قاتىناسىنداعى ”سويقان تۋدىرۋشىعا“ اينالعاندىعىن، امەريكانىڭ تايۋان بۇعازىنىڭ بەيبىتشىلىگى مەن ءوڭىردىڭ ورنىقتىلىعىنداعى ”ەڭ ۇلكەن ءبۇلدىرۋشى“ بولعاندىعىن تاعى دا دالەلدەدى.

  امەريكا جۇڭگونىڭ بىرلىككە كەلۋ ۇلى ىسىنە بوگەت بولامىن دەپ قيالداماسىن. تايۋان جۇڭگونىڭ ءبىر بولىگى. مەملەكەتتىڭ بۇكىلدەي بىرلىككە كەلۋىن جۇزەگە اسىرۋ − ۇلكەن اۋقىم بەتالىسى، تاريحي سوزسىزدىك. ءبىز ”تايۋاندى دەربەستەندىرۋدى“ كوزدەيتىن بولشەكتەۋشىلىككە جانە سىرتقى كۇشتەردىڭ كيلىگۋىنە استە ەشقانداي مۇمكىندىك قالدىرمايمىز. امەريكا جاق ”تايۋاندى دەربەستەندىرۋدى“ كوزدەۋدى مەيلى قانداي تاسىلمەن قولداپ ىرقىنا جىبەرسە دە، ەڭ سوڭىندا ءبارى سەلگە كەتەدى، تاريحتا تەك امەريكانىڭ وزگە ەلدىڭ ىشكى ىسىنە دورەكىلىكپەن كيلىككەن ءتىپتى دە كوپ سوراقى ەستەلىگى عانا قالادى. تايۋان ماسەلەسى سول جىلداردا مەملەكەتتىڭ السىرەۋى، بىلىعۋى سەبەبىنەن تۋىنداعان، بۇدان كەيىن ۇلتتىڭ گۇلدەنۋىنە ىلەسە، ءسوز جوق، شەشىم تابادى.

  امەريكا جۇڭگونىڭ دامۋىن، كوركەيۋىن بۇلدىرەمىن دەپ قيالداماسىن. جۇڭگو ءوزىنىڭ مەملەكەت جاعدايىنا ۇيلەسەتىن دۇرىس دامۋ جولىن الدەقاشان تاپتى. جۇڭگو كوممۋنيستىك پارتياسىنىڭ باسشىلىعىندا، ءبىر ميلليارد 400 ميلليون جۇڭگو حالقى ارشىندى قاداممەن جۇڭگو ۇلگىسىندەگى وسىزاماندانۋعا بەت الىپ بارادى. ءبىز مەملەكەت پەن ۇلتتىڭ دامۋىن ءوز كۇشىمىزدىڭ تۇيىنىنە قويامىز، سونداي - اق ءار ەلمەن بەيبىت قاتار تۇرامىز، بىرگە داميمىز، الايدا ءارقانداي ەلدىڭ جۇڭگونىڭ ورنىقتىلىعى مەن دامۋىن بۇلدىرۋىنە استە جول بەرمەيمىز. تايۋان ماسەلەسىندە ارانداتۋشىلىق جاساپ، سويقان شىعارىپ، جۇڭگونىڭ دامىپ زورايۋىن باياۋلاتۋعا ۇرىنۋ، جۇڭگونىڭ بەيبىت ەڭسە كوتەرۋىن ءبۇلدىرۋ بۇكىلدەي ارامتەر بولعاندىق، ءسوز جوق، ويسىراي جەڭىلىسكە ۇشىرايدى.

  امەريكا وڭىرلىك بەلدەسۋ سايقالدىعىنا باسامىن دەپ قيالداماسىن. بەيبىتشىلىككە ۇمتىلۋ، ورنىقتىلىقتى كوزدەۋ، دامۋدى جەبەۋ، بىرگە يگىلىككە كەنەلۋدى ويلاۋ − وڭىردەگى ەلدەردىڭ جالپىلىق تىلەگى. امەريكا جاقتىڭ تايۋان ماسەلەسىن وڭىرلىك ستراتەگياعا ەنگىزىپ، شيەلەنىستى اسىرەلەۋى، قارسىلاسۋعا قايراپ سالۋى − ءوڭىردىڭ دامۋ اعىنىنا قارسى جۇزگەندىك، بۇل ازيا - تىنىق مۇحيت وڭىرىندەگى حالىقتىڭ تىلەگىنە قايشى، توتەنشە حاۋىپتى جانە اقىماقتىق. ءبىر جۇڭگو پرينسيبى الدەقاشان حالىقارالىق قارىم - قاتىناستاردىڭ نەگىزگى ولشەمىنە اينالىپ، دۇنيە جۇزىلىك 2 - سوعىستان كەيىنگى حالىقارالىق ءتارتىپتىڭ قۇرامداس بولىگىن قالىپتاستىردى. امەريكا جاقتىڭ ىستەۋگە ءتيىستى ءىسى − بىرلەسكەن مەملەكەتتەر ۇيىمى ۋستاۆىنىڭ نەگىزگى ماقساتى مەن پرينسيبىنە قايشىلىق جاساۋدى دەرەۋ دوعارۋ، ”تايۋان كوزىرىن“ كوتەرىپ، ازيا - تىنىق مۇحيت ءوڭىرىن بىلىقتىرۋدى دەرەۋ دوعارۋ.

  امەريكا قالاعانىنشا اق پەن قارانى شاتاستىرۋىما بولادى دەپ قيالداماسىن. امەريكا جاق جۇڭگو جاق جاعدايدى ۋشىقتىردى دەپ داۋرىقتى، الايدا ەڭ نەگىزگى شىندىق − امەريكا جاق الدىمەن تايۋان ماسەلەسىندە جۇڭگو جاققا ارانداتۋشىلىق جاساپ، جۇڭگونىڭ يەلىك ۇقىعى مەن تەرريتوريا تۇتاستىعىنا كوپە - كورنەۋ سۇعاناقتىق جاسادى. امەريكا جاق پارلامەنت باستىعىنىڭ تايۋانعا بارۋى بۇرىن دا بولعان دەپ داۋرىقتى، الايدا ەڭ نەگىزگى قيسىن: وتكەندەگى قاتەلىك بۇگىنگى تاعى دا قاتەلەسۋدىڭ سىلتاۋى بولماۋى ءتيىس. امەريكا جاق ءۇش ۇقىق بولىنگەندىكتەن پارلامەنتتى تەجەۋگە كەلمەيدى دەپ داۋرىقتى، الايدا ەڭ نەگىزگى حالىقارالىق زاڭ ولشەمى − امەريكا، ءسوز جوق، ءوزىنىڭ حالىقارالىق بورىشىن اتقارۋى ءتيىس، اسىرەسە، ماڭىزدى ساياسي تۇلعالاردىڭ تىپتەن ويىنا كەلگەنىن ىستەۋىنە بولمايدى. امەريكا جاق تاعى دا جۇڭگونىڭ بىرلىككە كەلۋگە ۇمتىلۋى تايۋانعا ”حاۋىپ ءتوندىرۋ“ دەپ داۋرىقتى، الايدا ەڭ نەگىزگى لوگيكا − تايۋان جۇڭگو تەرريتورياسىنىڭ ايرىلماس ءبىر بولىگى، تايۋان ماسەلەسى بۇكىلدەي جۇڭگونىڭ ىشكى ءىسى. جۇڭگو جاقتىڭ تەرريتوريا تۇتاستىعىن قورعاۋى، مەملەكەتتى بولشەكتەۋگە قارسى تۇرۋى ۇيلەسىمدى دە زاڭدى، مىزعىماس قاعيدا.

  مەن مىنانى باسا دارىپتەيمىن: تايۋان بۇعازىنىڭ بەيبىتشىلىگى مەن ورنىقتىلىعىنىڭ التىن تىرەگى − ءبىر جۇڭگو پرينسيبى، جۇڭگو مەن امەريكانىڭ بەيبىت قاتار تۇرۋىنىڭ ناعىز ”قورشامى“ − ءۇش بىرلەسكەن مازمۇنداما. ”امەريكاعا سۇيەنىپ دەربەستىكتى كوزدەۋ“ قۇردىمعا كەتىرەدى، ”تايۋان ارقىلى جۇڭگونى شاۋجايلاۋ، ءسوز جوق“ جەڭىلىسپەن تىنادى. مەملەكەتتى بىرلىككە كەلتىرۋ سىندى ۇلت ادىلەت ءىسى الدىندا، جۇڭگولىقتاردا ساندىراققا سەنبەيتىن، جىن - شايتاننان قورىقپايتىن جالىن، يمەنبەيتىن، باس يمەيتىن جىگەر، جۇدىرىقتاي جۇمىلاتىن، ەل بىرلىگىنەن قامال تۇرعىزاتىن بەكىم بار، ونان دا ماڭىزدىسى، مەملەكەتتىڭ يەلىك ۇقىعىن، ۇلتتىڭ ار - نامىسىن باتىل قورعايتىن قابىلەت بار.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.