شينحۋا اگەنتتىگىنىڭ 8 - ايدىڭ 3 - كۇنى بەيجيڭنەن بەرگەن حابارى. 8 - ايدىڭ 3 - كۇنى جۇڭگو كوممۋنيستىك پارتياسى ورتالىق كوميتەتى تايۋان قىزمەتى كەڭسەسىنىڭ مالىمدەمەشىسى بەرىلگەن ۇقىق بويىنشا ”تايۋان دەربەستىگىن“ كوزدەيتىن توڭمويىن ەلەمەنتتەردى زاڭ بويىنشا جازالاۋ جونىندە پىكىر جاريالادى. تولىق مازمۇنى تومەندەگىدەي:
”تايۋان دەربەستىگىن“ كوزدەيتىن بولشەكتەۋشىلىك − وتاننىڭ بىرلىككە كەلۋىندەگى ەڭ ۇلكەن كەدەرگى، ۇلتتىڭ گۇلدەنۋىندەگى اۋىر كومەسكى قاتەر. ”تايۋان دەربەستىگىن“ كوزدەيتىن وتە از ساندى توڭمويىن ەلەمەنتتەر ”تايۋان دەربەستىگىن“ كوزدەيتىن بولشەكتەۋشىلىك ارەكەتتەرمەن قۇتىرىنا اينالىسىپ، جۇڭگوعا قارسى سىرتتاعى كۇشتەردىڭ سويىل سوعارى بولۋعا پەيىل بولىپ، ”ەكى جۇڭگونى“، ”ءبىر جۇڭگو، ءبىر تايۋاندى“، ”تايۋان دەربەستىگىن“ تۋدىرۋعا بارىن سالدى، ولاردىڭ ”تايۋان دەربەستىگىن “ كوزدەيتىن بولشەكتەۋشىلىك ءسوز - ارەكەتتەرى مەملەكەتتىڭ يەلىك ۇقىعى مەن تەرريتوريا تۇتاستىعىن كوپە - كورنەۋ ارانداتتى، مەملەكەت زاڭىنىڭ بەدەلىن كوپە - كورنەۋ ارانداتتى، تايۋان بۇعازىنىڭ بەيبىتشىلىگى مەن ورنىقتىلىعىنا اۋىر زيان جەتكىزدى، ەكى جاعالاۋداعى باۋىرلاستاردىڭ ورتاق مۇددەسى مەن جۇڭحۋا ۇلتىنىڭ ءتۇبىرلى مۇددەسىنە اۋىر دارەجەدە زيان جەتكىزدى، ءسوز جوق، زاڭ بويىنشا قاتاڭ جازالاۋ كەرەك.
مەملەكەتتىڭ ”تايۋان دەربەستىگىن“ كوزدەيتىن توڭمويىن ەلەمەنتتەردىڭ قىلمىستىق ىستەر جاۋاپكەرشىلىگىن قۋزاۋعا ايقىن زاڭدىق نەگىزى بار. نەگىزگى زاڭدا تايۋان − جۇڭحۋا حالىق رەسپۋبليكاسىنىڭ قاسيەتتى تەرريتورياسىنىڭ ءبىر بولىگى ەكەندىگى ايقىن بەلگىلەنگەن. مەملەكەتتى بولشەكتەۋگە قارسى تۇرۋ زاڭىندا، مەملەكەت حاۋىپسىزدىگى زاڭىندا مىنالار ايقىن بەلگىلەنگەن: جۇڭگونىڭ يەلىك ۇقىعى مەن تەرريتوريا تۇتاستىعىن بولۋگە جول بەرىلمەيدى، مەملەكەتتىڭ يەلىك ۇقىعىن، بىرلىگىن جانە تەرريتوريا تۇتاستىعىن قورعاۋ − تايۋاندىق باۋىرلاستاردى قامتىعان بۇكىل جۇڭگو حالقىنىڭ ورتاق بورىشى، ءارقانداي جەكە جانە ۇيىم زاڭدا بەلگىلەنگەن بورىشىن اتقارماسا نەمەسە مەملەكەت حاۋىپسىزدىگىنە زيان جەتكىزەتىن ارەكەتتەرمەن شۇعىلدانسا، زاڭ بويىنشا زاڭدىق جاۋاپكەرشىلىگى قۋزاستىرىلادى. قىلمىستىق ىستەر زاڭىندا مىناۋ ايقىن بەلگىلەنگەن: مەملەكەتتى بولشەكتەۋدى، مەملەكەتتىڭ تۇتاستىعىن ءبۇلدىرۋدى ۇيىمداستىرعاندار، جوسپارلاعاندار، اتقارعاندار مەملەكەتتى بولشەكتەۋ قىلمىسى بويىنشا قىلمىسى تۇراقتاندىرىلىپ جازالانادى؛ مەملەكەتتى بولشەكتەۋگە، مەملەكەتتىڭ تۇتاستىعىن بۇلدىرۋگە جەلىكتىرگەندەر مەملەكەتتى بولشەكتەۋگە جەلىكتىرۋ قىلمىسى بويىنشا قىلمىسى تۇراقتاندىرىلىپ جازالانادى؛ شەتەلدىك قۇرىلىمدارمەن، ۇيىمدارمەن، جەكەلەرمەن ءوزارا استاسىپ، جوعارىداعى قىلمىستى ارەكەتتەرمەن اينالىسقاندار زاڭ بويىنشا اۋىر جازاعا تارتىلادى.
زاڭ تورىن كەڭ جايىپ، ەش ساڭلاۋ قالدىرمايمىز. زاڭمەن ويناپ ”تايۋان دەربەستىگىن“ كوزدەيتىن توڭمويىن ەلەمەنتتەردىڭ ءبارىن قىلمىستىق ىستەر جازاسىنا تارتىپ، زاڭ بويىنشا اياۋسىز جازالاپ، جاۋاپكەرشىلىگىن زاڭ بويىنشا ءومىر بويى قۋزايمىز. ءارقانداي ادام، ءارقانداي كۇش ءبىزدىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعايتىن مىزعىماس بەكىمىمىزدى، بەرىك ەرىك - جىگەرىمىزدى، قۋاتتى قابىلەتىمىزدى تومەن مولشەرلەمەسىن.
