شينحۋا اگەنتتىگىنىڭ 8 - ايدىڭ 3 - كۇنى بەيجيڭنەن بەرگەن حابارى. پەلوسيدىڭ تايۋانعا تىمىسكىلەپ بارعان كەزدە ايتىلمىس ”ادامدىق ۇقىق، دەموكراتيالىق قوزعالىس“ ەلەمەنتتەرىمەن كەزدەسۋىنە مەڭزەس، مەملەكەتتىك كەڭەستىڭ تايۋان ىستەرى كەڭسەسىنىڭ مالىمدەمەشىسى ما شياۋگۋاڭ 8 - ايدىڭ 3 - كۇنى ءتىلشىنىڭ سۇراۋىنا جاۋاپ بەرگەندە مىنانى ءبىلدىردى: پەلوسي تەكتەستەرگە ”دەموكراتيانى، ادامدىق ۇقىقتى“ ”جەكە نارسەسىنە“ اينالدىرىپ الۋدىڭ تەك عانا كەكەسىنگە قالدىراتىندىعىن قاتاڭ ەسكەرتەمىز؛ دەموكراتيانى ىلگەرىلەتۋ پارتياسىنىڭ بيلىك باسىنداعىلارعا ”دەموكراتيانى، ادامدىق ۇقىقتى“ جەلەۋ ەتىپ جۇڭگوعا قارسى كۇشتەردى وزىنە تارتىپ، ەكى جاعالاۋدى قارسىلاسۋعا جەلىكتىرىپ، مەملەكەتتى بولشەكتەۋ ارەكەتىمەن اينالىسۋى ىسكە اسپايتىندىعىن قاتاڭ ەسكەرتەمىز.
ءبىر ءتىلشى: حابارعا قاراعاندا، پەلوسي 8 - ايدىڭ 3 - كۇنى تايۋاننىڭ ”جيڭمەي ادامدىق ۇقىق مادەنيەتى باقشا رايونىنا“ تىمىسكىلەپ بارىپ، ايتىلمىس ”ادامدىق ۇقىق، دەموكراتيالىق قوزعالىس“ ەلەمەنتتەرىمەن كەزدەسكەن. بۇعان قالاي قارايسىز، - دەپ سۇراعاندا، ما شياۋگۋاڭ جوعارىداعى جاۋابىن ايتتى.
ما شياۋگۋاڭ بىلاي دەدى: بۇل پەلوسيدىڭ جۇڭگوعا قارسى، كوممۋنيستىك پارتياعا قارسى كانىگى تۇرعىسى جانە يدەولوگيالىق سىڭار جاقتىلىعى، دەموكراتيانى ىلگەرىلەتۋ پارتياسىنىڭ بيلىك باسىنداعىلارىنىڭ سايكەسۋىمەن جاساعان تاعى ءبىر ماسقارالىعى.
ما شياۋگۋاڭ مىنانى ءبىلدىردى: بارشاعا ءمالىم، پەلوسيدى قامتىعان امەريكاداعى جۇڭگوعا قارسى ساياسي الاياقتار امەريكانىڭ ەل ىشىندەگى ادامدىق ۇقىق سۇرقيالىقتارىن كاپەرىنە الماي، ۇزاق ۋاقىت ايتىلمىس ”دەموكراتيانى، ادامدىق ۇقىقتى“ ساياسيلاندىرىپ، قۇرالعا اينالدىرىپ، وزگە ەلدىڭ ىشكى ىسىنە قۇتىرىنا كيلىگىپ، بارلىق جەردە قايشىلىق، قاقتىعىس تۋدىرىپ، دۇنيە ءجۇزىنىڭ ادامدىق ۇقىق العاباسارلىعى ىستەرىن اۋىر دارەجەدە ءبۇلدىردى. امەريكانىڭ ورتا مەرزىمدىك سايلاۋى تاياپ قالدى، پەلوسي اۋلەتىنىڭ ماسقارالىعى توقتاۋسىز شىعىپ جاتىر، ونىڭ تايۋان ماسەلەسىندە ايتىلمىس ”دەموكراتيا، ادامدىق ۇقىق“ جەلەۋىن كوتەرمەلەۋى تەك جەكە مۇددەسى ءۇشىن عانا. ونىڭ سۇيەنىش بولىپ ەلىرتىپ جۇرگەن وسى بىرنەشە ادامدارىنىڭ كەيبىرەۋى جۇڭگوعا قارسى ەلەمەنتتەر، كەيبىرەۋى شياڭگاڭدى بىلىقتىرۋشى كۇشتەر، كەيبىرەۋى مەملەكەت بيلىگىن اۋدارىپ تاستاۋ قىلمىسىن وتكىزىپ جازا مەرزىمى تولىپ بوساتىلعاندار، ولار ناعىندا امەريكاداعى جۇڭگوعا قارسى كۇشتەرگە قىزمەت ەتەتىن قۇرال جانە قۋىرشاق. ال دەموكراتيانى ىلگەرىلەتۋ پارتياسىنىڭ بيلىك باسىنداعىلارىنىڭ اۋزىنداعى ايتىلمىس ”دەموكراتيا، ادامدىق ۇقىق“ بولسا، تىپتەن ولاردىڭ ”جۇڭگوعا قارسى تۇرۋعا، جۇڭگومەن قارسىلاسۋعا“ جەلىكتىرۋىنىڭ، ”دەربەستىكتى“ كوزدەپ ارانداتۋشىلىق جاساۋىنىڭ ”بۇركەنىشى“ بولىپ تابىلادى.
