جۇڭگونىڭ امەريكادا تۇراتىن باس ەلشىسى −
پەلوسيدىڭ تايۋانعا تىمىسكىلەپ بارعاندىعى جونىندە امەريكا جاقپەن قاتاڭ سويلەستى جانە كۇشتى قارسىلىق بىلدىرەتىندىگىن ورتاعا قويدى
شينحۋا اگەنتتىگىنىڭ 8 - ايدىڭ 2 - كۇنى ۆاشينگتوننان بەرگەن حابارى (تىلشىلەر يان لياڭ، دىڭ شيانلاي). جۇڭگونىڭ امەريكادا تۇراتىن باس ەلشىسى چين گاڭ 8 - ايدىڭ 2 - كۇنى امەريكا پارلامەنتى قاۋىم پالاتاسىنىڭ باستىعى پەلوسيدىڭ جۇڭگونىڭ تايۋان وڭىرىنە تىمىسكىلەپ بارعاندىعى جونىندە امەريكا اق سارايىنىڭ مەملەكەت حاۋىپسىزدىگى كوميتەتىمەن جانە مەملەكەتتىك كەڭەسپەن قاتاڭ سويلەستى، كۇشتى قارسىلىق ءبىلدىردى.
چين گاڭ بىلاي دەدى: امەريكا جاق جۇڭگونىڭ قايتا - قايتا قاتاڭ سويلەسۋىن جانە باتىل قارسى تۇرۋىن ەلەمەي، قاۋىم پالاتاسىنىڭ باستىعى پەلوسيدى تايۋانعا تىمىسكىلەپ بارۋعا شىمىرىكپەستەن ورنالاستىردى. بۇل امەريكانىڭ تايۋان ماسەلەسىندەگى كەرەناۋ بەتالىسىنىڭ ورەسكەلدىكپەن ءورشۋى، ءبىر جۇڭگو پرينسيبىنە جانە جۇڭگو مەن امەريكانىڭ ءۇش بىرلەسكەن مازمۇنداماسىنىڭ بەلگىلەمەسىنە اۋىر دارەجەدە قايشىلىق جاساپ، جۇڭگو مەن امەريكا قارىم - قاتىناسىنىڭ ساياسي نەگىزىنە اۋىر دارەجەدە سوقتىعىپ، جۇڭگونىڭ يەلىك ۇقىعى مەن تەرريتوريا تۇتاستىعىنا اۋىر دارەجەدە سۇعاناقتىق جاساپ، تايۋان بۇعازىنىڭ بەيبىتشىلىگىن، ورنىقتىلىعىن اۋىر دارەجەدە ءبۇلدىرىپ، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەرگە اۋىر دارەجەدە قاتە سيگنال تاراتتى، سيپاتى ەرەكشە جيىركەنىشتى، زالالى ەرەكشە اۋىر، ىقپالى توتەنشە ناشار. جۇڭگو جاق مۇنى قاتاڭ جازعىرادى جانە بۇعان كۇشتى قارسىلىق بىلدىرەدى.
چين گاڭ بىلاي دەپ اتاپ كورسەتتى: ءبىر جۇڭگو پرينسيبى جۇڭگو مەن امەريكا قارىم - قاتىناسىنىڭ ساياسي نەگىزى جانە تايۋان ماسەلەسىن ءبىر جاقتى ەتۋدەگى ەڭ ءتۇبىرلى بويسۇنۋ ولشەمى. امەريكا پارلامەنتى امەريكا ۇكىمەتىنىڭ ءبىر جۇڭگو ساياساتىنا قاتاڭ بويسۇنۋى، جۇڭگونىڭ تايۋان وڭىرىمەن ەشقانداي رەسمي بارىس - كەلىس جاساماۋى كەرەك. امەريكا جاق ءبىر جۇڭگو ساياساتىن وزگەرتپەيتىندىكتەرى، ”تايۋاندى دەربەستەندىرۋدى“ كوزدەۋدى قولدامايتىندىقتارى سياقتى ۋادەلەرىن تالاي رەت قايتالاي دارىپتەگەن بولاتىن، قازىر امەريكا قاۋىم پالاتاسىنىڭ باستىعى تايۋانعا تىمىسكىلەپ بارىپ، جۇڭگو جاققا ارانداتۋشىلىق ىستەدى. امەريكا جاقتىڭ ءبىر جۇڭگو پرينسيبى جانە جۇڭگو مەن امەريكانىڭ ءۇش بىرلەسكەن مازمۇنداماسىنداعى بەلگىلەمەلەر جونىندەگى ۋادەسى قايدا قالدى؟ امەريكا جاقتىڭ ”تايۋاندى دەربەستەندىرۋدى“ كوزدەۋدى قولداماۋ جونىندە بەرگەن ۋادەسى قايدا قالدى؟ امەريكا جاقتىڭ حالىقارالىق بورىش جونىندەگى ۋادەسى قايدا قالدى؟ شىندىق مىنانى دالەلدەدى: ۋادەسىنەن تايعان، داعدارىس تۋدىرعان، تايۋان بۇعازىنىڭ بەيبىتشىلىگى مەن ورنىقتىلىعىن بۇلدىرگەن جاق باسقالار ەمەس، ءدال امەريكا جاقتىڭ ءوزى!
چين گاڭ مىنالاردى باسا دارىپتەدى: جۇڭگونىڭ مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعاۋى ءبىر ميلليارد 400 ميلليوننان استام جۇڭگو حالقىنىڭ بەرىك ەركى. حالىق قالاۋىنا قايشى كەلۋگە بولمايدى، وتپەن ويناعاندار ءوزى كۇيىپ ولەدى! جۇڭگونىڭ بۇكىلدەي بىرلىككە كەلۋى بوگەۋ بەرمەس تاريحي ۇلكەن اۋقىم، جۇڭگو حالقىن قالجاق قىلۋعا بولمايدى! جۇڭحۋا ۇلتىن باسىنۋعا بولمايدى! جۇڭگونىڭ بىرلىككە كەلۋىنە كەدەرگىلىك توسقىندىق جاساۋعا ۇرىنعان ءارقانداي قاسكۇنەمدىك، ءسوز جوق، جەڭىلىسپەن تىنادى! جۇڭگو جاق، ءسوز جوق، باتىل توتەپ بەرەدى جانە پارمەندى قارسى شارا قولدانادى، وسىدان تۋىلعان بارلىق اۋىر زارداپقا، ءسوز جوق، امەريكا جاق جانە ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەر جاۋاپتى بولادى.
چين گاڭ بىلاي دەپ باسا دارىپتەدى: جۇڭگو جاق قاتاڭ تۇردە امەريكا جاقتى ”تايۋان كوزىرىن“ كوتەرۋىن، ”تايۋان ارقىلى جۇڭگونى شاۋجايلاۋعا ۇرىنۋىن“ دوعارۋعا، قاتە ادىستەرىن دەرەۋ تۇزەتۋگە، پەلوسيدىڭ تايۋان وڭىرىنە تىمىسكىلەپ بارۋىنىڭ ناشار ىقپالىن تەجەۋگە جانە جويۋعا قاتاڭ قۋزايدى، قاتەرلى، ارانداتۋشىلىق ارەكەتتەردى ونان ارى قولدانىپ، جۇڭگونىڭ يەلىك ۇقىعى مەن حاۋىپسىزدىگىنە قول سۇعۋىنا بولمايدى، ءىس جۇزىندىك ارەكەتتەرى ارقىلى بايدەن زۇڭتۇڭنىڭ بەرگەن ”ءتورتتى قاراستىرماۋ، بىرگە نيەت ەتپەۋ“ ۋادەسىن ناقتاپ تياناقتاندىرۋى كەرەك.
چين گاڭ 8 - ايدىڭ 2 - كۇنى امەريكا سىمدى تەلەۆيزيا اقپارات تورابىنىڭ سۇحباتىن قابىلداعاندا بىلاي دەدى: 25 جىلدىڭ الدىندا امەريكا پارلامەنتى قاۋىم پالاتاسىنىڭ باستىعى بولىپ تۇرعان كينريچتىڭ تايۋان وڭىرىنە تىمىسكىلەپ بارۋى بۇكىلدەي قاتە، جۇڭگو جاق باستابىندا - اق باتىل قارسى تۇرعان بولاتىن. امەريكا جاق قايتا - قايتا قاتەلەسپەي، قاتەلىك ۇستىنە قاتەلىك جاماماي، قايتا وسىدان ساباق الۋى كەرەك ەدى.
چين گاڭ بىلاي دەدى: جۇڭگو جاق مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋعا ابدەن ۇقىقتى، بارلىق قاجەتتى شارالاردى قولدانۋعا ابدەن قاقىلى. قازىرگى جاعدايدى بۇكىلدەي امەريكا جاق تۋدىرىپ وتىر، ارينە امەريكا جاق جاۋاپكەرشىلىك ارقالاۋى كەرەك. ول بىلاي دەپ باسا دارىپتەدى: جۋىقتان بەرى جۇڭگو جاق جۇڭگو حالىق ازاتتىق ارمياسىنىڭ مۇنى استە ىرقىنا جىبەرمەيتىندىگىن، جۇڭگو ارمياسىنىڭ بورىشى مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعاۋ ەكەندىگىن، سونداي - اق وسى ءۇشىن بارلىق باتىل، پارمەندى شارالاردى قولداناتىندىعىن قايتا - قايتا ايقىن ءبىلدىردى.
