تيانشان تورى - شينجياڭ گازەتىنىڭ ءتىلشىسى جاڭ رۇيلين
8 - ايدىڭ 4 - كۇنى، تۇرپان قالاسى گاۋچاڭ رايونى يار قالاشىعى شينچىڭ شيمىن قىستاعىنىڭ قىزىل انار مادەنيەت الاڭىندا بىرنەشە بالاقاي قۋالاسپاق ويناپ ءجۇر، ويىننان شارشاعان بالالار كوگالدى بەلدەۋدەن كەسىپ ءوتىپ، مىندۇڭ دۇكەنىنەن سۋسىندىق ساتىپ الىپ، قايتىپ كەلىپ ويىندارىن جالعاستىردى.
”قازىرگى قىستاق بەينەسىن جاس كەزىمىزدە ويىمىزدا ەلەستەتىپ تە كورمەگەن ەدىك، داۋالداعى كوركەم سۋرەتتەر، داڭعىل جولدار، كوركەم اۋلالار، دۋماندى وزگەشە كوشەلەر، كەڭ قىزىل انار مادەنيەت الاڭى، مۇنىڭ ءبارى ’قىزىل اناردىڭ‘ ارقاسى. حۋنان شينجياڭعا كومەكتەسىپ نەشە مىڭ شاقىرىم شالعايداعى ءبىزدى ىنتىماقتاستىرىپ، وسى كورىكتى اۋىل - قىستاقتى بىرگە قۇردى.“ قىستاقتاعى ساقا پارتيا مۇشەسى مامەتيمىن عازى سايالى سالقىن جەردە بالالاردان كوز الماي قاراپ تۇردى، مىندۇڭ دۇكەنىنىڭ سىرتقى تامىنداعى ۇلكەن قىزىل انار سۋرەتىنە قاراپ ريزاشىلىقپەن بىلاي دەدى: ”7 - ايدىڭ 28 - كۇنى، حۋناننان شينجاڭعا كومەكتەسۋگە كەلگەن ماماندار ەمدەۋ اترەتى ءبىزدىڭ قىستاققا كەلىپ، تەگىن ەمدەۋ جۇرگىزدى. ساپالى مەديتسينالىق قىزمەت وتەۋدى ءۇيدىڭ ماڭىنا جەتكىزدى. قازىر، بالالاردان تارتىپ قارتتارعا دەيىن، ءبارى ’قىزىل اناردى‘ تىلگە تيەك ەتەدى“.
”قىزىل انار“ حۋنان ولكەسىنىڭ شينجياڭعا كومەكتەسۋ العى شەپ قولباسشىلىق شتابى قۇرعان شينجياڭعا كومەكتەسۋ ماركاسى، حۋناننىڭ شينجياڭعا كومەكتەسۋى وسىنىڭ جەتەكشىلىگىندە، شينجياڭعا كومەكتەسۋ بويىنشا ءتۇرلى قىزمەتتەردى ورىستەتتى.
7 - ايدىڭ 14 - كۇنى تۇستەن بۇرىن، ”قىزىل انار سۇيىسپەنشىلىگى ءجۇزىم قالاسىن مەيىرگە بولەدى“ نەگىزگى تاقىرىبىنداعى حۋنان ولكەسىنىڭ شينجياڭعا باعىتتامالى كومەكتەسۋ تاريحى كورمەسى تۇرپان قالاسىندا تۇڭعىش وتكىزىلدى. سۋرەتتى دۋ حۋ تۇسىرگەن
شينچىڭ شيمىن قىستاعى حۋنان ولكەسىنىڭ شينجياڭعا كومەكتەسۋ العى شەپ قولباسشىلىق شتابى ءتۇيىندى تۇلعالاعان اۋىل - قىستاقتى گۇلدەندىرۋدەن ۇلگى كورسەتەتىن قىستاق، سونداي - اق، ”قىزىل انار“ قىستاقتار جۇپ قۇراۋى بويىنشا جۇپ قۇراعان قىستاقتاردىڭ ءبىر مۇشەسى. 2020 - جىلى 9 - ايدا، تۇرپان قالاسىنىڭ 5 اۋىل - قىستاقتى گۇلدەندىرۋدەن ۇلگى كورسەتەتىن قىستاعى (ليان - دۇي)، جەكە - جەكە حۋنان ولكەسىندەگى 5 قىزىل ءداستۇرلى قىستاقپەن، ۇلتتار ىنتىماعى، العا باسارلىعى قىستاعىمەن، ەكونوميكاسى قۋاتتى قىستاقپەن جۇپ قۇراپ، ۇلتتار ىنتىماعىنان، اۋىل - قىستاقتى گۇلدەندىرۋدەن ۇلگى كورسەتەتىن قىستاقتى بىرگە قۇردى. وسىدان كەيىن، ەكى جەردىڭ اۋىس - ءتۇيىسى ءتىپتى دە جيىلەپ، نەگىزگى ساتى پارتيا قۇرىلىسى، كاسىپ سالاسىن دامىتۋ، اۋىل - قىستاقتى كوركەيتۋ، قوعامدى جونگە سالۋ جانە دارىندىلاردى باۋلۋ تاراپتارىن ارقاۋ ەتە وتىرىپ، ارالاسۋدى، ىشتەسۋدى، ءوزارا كومەكتەسىپ، بىرگە قۇرۋدى كەڭىنەن ورىستەتتى.
قىستاقتار ارا جۇپ قۇراۋى حۋنان ولكەسىنىڭ شينجياڭعا كومەكتەسۋدە قول جەتكىزگەن قىرۋار سۇبەلى ناتيجەلەرىنىڭ ءبىرى.
”قىزىل انار“ ماركاسى قۇرىلعاننان بەرى، حۋنان ولكەسى ەمدەۋ جاعىندا ”ۇيىرمە قۇراۋ فورماسىندا“ شينجياڭعا كومەكتەسۋ نەگىزىندە، قىزىل انار ”حۋنان − تۇرپان سۇيىسپەنشىلىگى“ شيپاگەرلەر بىرلەستىگىن قۇرىپ، قىزىل انار ”سىرقات ەمدەپ، جۇرەكتەردى مەيىرگە بولەۋ“ بويىنشا نەگىزگى ساتىدا مەديتسينا قىزمەتىن ارالاپ ورىستەتتى. شيپاگەرلەر بىرلەستىگى مۇشەلەرىنىڭ قاتارىندا، تۇرپاندا تۇراتىن حۋناننان شينجياڭعا كومەكتەسۋگە كەلگەن شيپاگەرلەر، ءارى بۇرىنعى كەزەكتەردە شينجياڭعا كومەكتەسۋگە كەلگەن شيپاگەرلەر مەن كومەك قابىلداعان جەردىڭ ۇزدىك كاسىپتىك تەحنيكالىق قىزمەتكەرلەرى بار.
وقۋ - اعارتۋ جاعىندا، تۇرپان قالاسى 21 ”قىزىل انار“ حۋناننىڭ شينجياڭعا كومەكتەسەتىن كلاسىن اشىپ، حۋنان، تۇرپان ەكى جەردىڭ كوشەلى ۇستازدارىن سارالاپ، ساباق بەرۋگە ۇسىنىس ەتتى. بيىل الدىڭعى جارىم جىلدا، حۋناننىڭ شينجياڭعا كومەكتەسەتىن قىزمەت اترەتى كومەك قابىلداعان جەردىڭ وقۋ - اعارتۋ ءبىرىنشى شەبىنە ىشكەرىلەي بارىپ، اۋجاي ءتۇيىپ، جاڭا توپتا شينجياڭعا كومەكتەسۋگە جىبەرەتىن وقىتۋشىلاردى تاڭداۋ قاجەتىن ءبىلىپ، ەكىنشى توپتاعى ”قىزىل انار“ · ”1+1“ بويىنشا حۋنان، تۇرپان ەكى جەر ءبىر نيەتپەن بىرگە قۇراتىن مەكتەپتەردى سارالاپ شىعىپ، وقۋ - اعارتۋ ماماندارىنىڭ ”ۇيىرمە قۇراۋ فورماسىندا“ شينجياڭعا كومەكتەسۋىن ونان ارى تەرەڭدەي دامۋىن اناعۇرلىم ىلگەرىلەتتى.
”قىزىل انار“ جاس دارىندىلار جاتاقحانا نىسانى، دارىندىلاردى ەنگىزگەننەن كەيىن، ولاردىڭ باسپانا شارت - جاعدايىن قامتاماسىز ەتۋ جانە جاقسارتۋ ارقىلى دارىندىلاردى باۋراۋدى، يلاندىرىپ الىپ قالۋدى جۇزەگە اسىردى... ”قىزىل انار“ تۇرپانداعى ءار ۇلت حالىق بۇقاراسىنىڭ تۇرمىستارىنا جان - جاقتى توعىستى.
تۇرپان قالالىق يحاۋ قىزىل انار اۋىل شارۋاشىلىق ماشينالارى كاسىپتىك سەلبەستىك كووپەراتيۆىنىڭ القا باستىعى وسمان ابىلا: ”حۋناننىڭ شينجياڭعا كومەكتەسىپ، دەمەۋىندە، ءبىز ۇزدىكسىز دامىپ، ىرگەمىز كەڭەيىپ، كوپتەگەن قىستاق تۇرعىندارىنا اناعۇرلىم كاسىپتىك قىزمەت وتەي الاتىن بولدىق“،- دەدى، بۇل كووپەراتيۆ تۇرپانداعى تۇڭعىش ”قىزىل انار“ دەپ ات قويىلعان اۋىل شارۋاشىلىق ماشينالارى سەلبەستىك كووپەراتيۆى، دامىپ بۇگىنگە جەتكەندە، تراكتور، ءجۇزىم سورەلەگىش ماشيناسى، ساباقتى جەرگە كومۋ ماشيناسى سىندى ءتۇرلى اۋىل شارۋاشىلىق ماشيناسى 21گە جەتتى، قازىر، سەلبەستىك كووپەراتيۆ ءجۇزىم شارۋاشىلىعىن ماشينالاندىرىپ، 11 مىڭ مۋدان استام جەردىڭ جۇمىسىن ورىنداپ بولدى. قازىر، وسىنداي ”قىزىل انار“ اۋىل شارۋاشىلىق ماشينالارى سەلبەستىك كووپەراتيۆىنەن بەسەۋ بار.
تۇرپان قالالىق پارتكومنىڭ ورىنباسار شۋجيى، حۋنان ولكەسىنىڭ شينجياڭعا باعىتتامالى كومەكتەسۋ العى شەپ قولباسشىلىق شتابىنىڭ قولباسشىسى ليۋ جيە بىلاي دەدى: ”’قىزىل انار‘ العاش قۇرىلعاندا، اقىل - وي، كاسىپ سالاسى، حالىق تۇرمىسى، مادەنيەت سىندى جاقتاردا باعىتتامالى، ۇزدىكسىز، دالمە - ءدال كۇش شىعارىپ، كوزبەن كورىپ، قولمەن ۇستاۋعا بولاتىن قىزمەت ىستەلدى، ءارى قىرۋار ”ىجداعاتتىلىقپەن نارلەندىرەتىن“ ءىس تىندىرىلدى، مۇنداعى ماقسات ’قىزىل انار‘ ارقىلى حۋنان حالقى مەن تۇرپانداعى ءار ۇلت اعا - باۋىر، اپەكە - سىڭلىلەرىنىڭ تىعىز ۇيىسۋىن جەبەپ، تامىرلاس ءبىر وتباسىنىڭ ادامدارىنا اينالدىرۋ ەدى“، ”2022 - جىلى، شينجياڭعا كومەكتەسۋدىڭ 100 نىسانى ىركەس - تىركەس ىرگە تەۋىپ، 368 ميلليون يۋان قارجى قوسۋ جوسپارلاندى، مۇندا 77 نىساننىڭ قۇرىلىس جۇمىسى باستالدى، شينجياڭعا كومەكتەسۋدىڭ ءتۇرلى نىساندارى ورنىقتى، تارتىپپەن ىلگەرىلەتىلدى، جاڭادان جۇمىس باستاعان جانە قۇرىلىسىن جالعاستىرعان نىسانداردىڭ جىل سوڭىنان بۇرىن تۇگەلدەي ورىندالىپ بولۋىنان ءۇمىت بار. ’قىزىل انار‘ تۇرپاندا قاۋلاي ءوستى، بولاشاقتا، ءسوز جوق، ءتىپتى دە ءمان - ماعىنالى، كەرەمەت تۇلعالانىپ، بەدەلى ارتىپ، كەڭىنەن تارالادى“.
