”ەمتيحان تاپسىراتىن“ سەرگەكتىك پەن تاباندىلىقتى ماڭگى ساقتايىق
− باس شۋجي شي جينپيڭنىڭ ولكە - مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
”جاپپاي سوتسياليستىك وسىزاماندانعان مەملەكەت قۇرۋدىڭ، جاڭا داۋىردەگى جاڭا جورىقتىڭ ءتۇرلى نىسانا - مىندەتتەرىن جۇزەگە اسىرۋدىڭ تەتىگى − پارتيادا“. ولكە - مينيسترلىك دارەجەلى نەگىزگى باسشى كادرلاردىڭ ”باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنىپ، پارتيا 20 - قۇرىلتايىن قارسى الۋ“ ارناۋلى تاقىرىپتىق زەرتتەۋ - تالقى كۋرسىندا باس شۋجي شي جينپيڭ پارتيا مەن مەملەكەت ىستەرىنىڭ دامۋىنا ساياتىن ءبىر قىدىرۋ كەلەلى نازاريالىق جانە امالياتتىق ماسەلەلەردى تەرەڭدەي ءتۇسىندىرىپ، ”پارتيامىز دۇنيە ءجۇزى بويىنشا ەڭ ۇلكەن ماركسيزمدىك بيلىك باسىنداعى پارتيا، ۇزاق ۋاقىت بيلىك جۇرگىزۋ ورنىن بەكەمدەپ، قاشاندا حالىق بۇقاراسىنىڭ شىن جۇرەكتەن قولداپ - قۋاتتاۋىنا يە بولىپ، ءسوز جوق، ’ەمتيحان تاپسىراتىن‘ سەرگەكتىك پەن تاباندىلىقتى ماڭگى ساقتاۋ كەرەك“ دەپ باسا دارىپتەدى.
وزىنە - ءوزى توڭكەرىس جاساۋعا باتىل بولۋ − پارتيامىزدىڭ ەڭ ايقىن قاسيەتى، سونداي - اق پارتيامىزدىڭ ەڭ زور ارتىقشىلىعى، وزىنە - ءوزى توڭكەرىس جاساۋ رۋحى پارتيامىزدىڭ جاستىق ومىرشەڭدىك كۇشىن ماڭگى ساقتاۋىنىڭ قۇدىرەتتى تىرەگى. 100 جىلدىق كۇرەس بەلەسىندە پارتيانىڭ حالىققا باسشىلىق ەتىپ تالاي - تالاي ۇلى تابىستارعا قول جەتكىزىپ، تالاي - تالاي جاپا - ماشاقاتتاردى، قيىنشىلىقتاردى، حاۋىپ - قاتەرلەردى، كەدەرگىلەردى جەڭىپ، سانسىز شىڭدالۋدى باستان كەشىرسە دە، جالىندى دا جىگەرلى بولىپ، حالىق بۇقاراسىنىڭ قولداۋى مەن قورعاۋىنا يە بولۋىنداعى سەبەپ − پارتيانىڭ ءوز بويىندا ءومىر ءسۇرىپ وتىرعان ماسەلەلەرگە تۋرا قاراۋعا باتىل بولىپ، وزىنە - ءوزى توڭكەرىس جاساۋعا باتىل بولىپ، قاشاندا العاباسارلىق پەن كىرشىكسىزدىكتى ساقتاپ، جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن ۇزدىكسىز كۇشەيتىپ، ماركسيزمدىك ساياسي پارتيا قاسيەتىن ماڭگى ساقتاعاندىعىندا. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ باسقارۋدى ”ءتورتتى جاپپاي ورىنداۋ“ ستراتەگيالىق ورنالاستىرۋىنا كىرگىزىپ، بۇرىن بولماعان باتىلدىق پەن تاباندىلىق ارقىلى پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىلگەرىلەتىپ، تالاي جىل تەجەلمەي كەلگەن ءىشىنارا بۇرىس ستيل مەن تەرىس پيعىلداردى اۋىزدىقتاپ، ۇزاق ۋاقىت شەشىلمەگەن كوپتەگەن قاساڭ دەرتتەر مەن ءسىڭىستى كىناراتتاردى شەشىپ، پارتيانىڭ، مەملەكەتتىڭ، ارميانىڭ ىشكى بولىگىندە ورىن تەپكەن اۋىر كومەسكى كىناراتتاردى الاستاپ، پارتيانى باسقارۋداعى، پارتيانى جونگە سالۋداعى كەڭ بولۋ، بوس بولۋ، ءالسىز بولۋ جاعدايىندا ءتۇبىرلى بۇرىلىس جاسادى، پارتيا توڭكەرىستىك شىڭدالۋ بارىسىندا اناعۇرلىم قايسار بولا ءتۇستى. 10 جىلدان بەرى پارتيامىز وزىنە - ءوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە باسشىلىق ەتىپ، ۇلى قوعامدىق توڭكەرىس ارقىلى وزىنە - ءوزى ۇلى توڭكەرىس جاساۋدى جەبەپ، ميلليارد حالىقتى ىنتىماقتاستىرىپ، باستاپ، بوران - شاشىنعا بوگەلمەي، قايراتتانا العا ىلگەرىلەپ، جاڭا ءداۋىر جۇڭگوشا سوتسياليزمىنىڭ ۇلى تابىستارىن جاراتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىلدىك، اناعۇرلىم بەرىك زاتتىق نەگىز، اناعۇرلىم ىرىقتى رۋحاني كۇش ازىرلەپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى قايتارۋعا كەلمەيتىن تاريحي ۇردىسكە كىردى.
پارتيانى جاپپاي قاتاڭ باسقارۋ ماڭگى جالعاسادى، پارتيانىڭ وزىنە - ءوزى توڭكەرىس جاساۋى ماڭگى جالعاسادى. قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر، پارتيامىز حالىقتى باستاپ كوپتەگەن جاڭا تاريحي ەرەكشەلىككە يە ۇلى كۇرەستى جۇرگىزۋدە، جاعدايدىڭ، ورتانىڭ وزگەرۋىنىڭ تەزدىگى، رەفورما، دامۋ، ورنىقتىلىق مىندەتتەرىنىڭ اۋىرلىعى، قايشىلىق، حاۋىپ - قاتەر، سىن - سايىستىڭ كوپتىگى، پارتيامىزدىڭ ەل باسقارۋىنا دەگەن سىناقتىڭ زورلىعى بۇرىن بولىپ كورمەگەن دارەجەدە بولدى. جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىندا بۇكىل پارتيا، ءسوز جوق، مىنانى تەرەڭ تانۋى كەرەك: پارتيا ءدوپ كەلگەن بيلىك جۇرگىزۋ سىناعى، رەفورما جاساۋ، ەسىك اشۋ سىناعى، بازار شارۋاشىلىعى سىناعى، سىرتقى ورتا سىناعى ۇزاق ۋاقىت ءومىر سۇرەدى، رۋحاني ەنجارلىق قاتەرى، قابىلەت تاپشىلىعى قاتەرى، بۇقارادان ءبولىنىپ قالۋ قاتەرى، كەرەناۋلىق، شىرىكتەسۋ قاتەرى ۇزاق ۋاقىت ءومىر سۇرەدى. اماليات مىنانى تولىق دالەلدەدى: پارتيانى جاپپاي قاتاڭ باسقارۋ − پارتيانىڭ جالىندى ومىرشەڭدىك كۇشىن ماڭگى ساقتاۋدا، جاڭا ەمتيحان تاپسىرۋ جولىن جاقسى باسۋدا، ءسوزسىز، باسىپ وتەتىن جول. جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ سىندى ۇلى قوعامدىق توڭكەرىستى ويداعىداي جۇرگىزۋدە پارتيامىز، ءسوز جوق، وزىنە - ءوزى توڭكەرىس جاساۋعا باتىل بولىپ، پارتيانىڭ ماڭگى تاسقىنداعان ومىرشەڭدىك كۇشىن جانە قۇدىرەتتى جاۋىنگەرلىك قۋاتىن ساقتاۋعا شىنايى كەپىلدىك ەتۋ كەرەك. العا ىلگەرىلەۋ جولىندا پارتيا قۇرۋ ۇلى رۋحىن زور كۇشپەن اسقاقتاتىپ، اۋەلگى ماقساتتى، بورىشتى ۇمىتپاي، ءوز - وزىمىزگە توڭكەرىس جاساۋعا باتىل بولىپ، پارتيانىڭ العاباسارلىعى مەن كىرشىكسىزدىگىنە زيان جەتكىزەتىن بارلىق فاكتورلاردى ۇزدىكسىز الاستاساق، پارتيانىڭ اقاۋسىزدىعىن بۇلدىرەتىن بارلىق اۋرۋ قوزدىرعىشتاردى ۇزدىكسىز الاستاساق بولعانى، ءبىز، ءسوز جوق، پارتيانىڭ ساپاسىنىڭ وزگەرمەۋىنە، سيپاتىنىڭ وزگەرمەۋىنە، قاسيەتىنىڭ وزگەرمەۋىنە شىنايى كەپىلدىك ەتە الامىز، پارتيانىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ تاريحي ۇردىسىندە قاشاندا پارمەندى باسشىلىق ۇيتقى بولۋىنا شىنايى كەپىلدىك ەتە الامىز.
باس شۋجي شي جينپيڭ بىلاي دەپ باسا دارىپتەدى: ” اماليات بىزگە مىنانى قايتالاپ ەسكەرتۋمەن كەلەدى: پارتيانى باسقارۋدى، پارتيانى جونگە سالۋدى ءبىر ساتكە دە بوساڭسىتۋعا بولمايدى، ءسوز جوق، قاجىماي - تالماي ۇدايى يگەرىپ، جىبەرمەي مىقتى يگەرىپ، استە بوساڭسىپ، دامىلدايتىن، قالجىراپ، شايقاستان جالىعاتىن كوڭىل كۇيدە بولماي، پارتيانى جاپپاي قاتاڭ باسقارۋدى، ءسوز جوق، العان بەتتەن جازباي ىلگەرىلەتىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋ كەرەك“. جاڭا تاريحي شارت - جاعدايدا پارتيانىڭ ماركسيزمدىك ساياسي پارتيا قاسيەتىن ماڭگى ساقتاۋدا شەشۋشى ءتۇيىن تاعى دا پارتيامىزدىڭ وزىنە سۇيەنۋىندە. بۇكىل پارتيا تەمىر سوقساڭ، ءسوز جوق، قۇرىش بول دەگەن قاعيدانى ەستە بەرىك ساقتاپ، وزىنە - ءوزى توڭكەرىس جاساۋ رۋحىن ماڭگى ساقتاپ، پارتيانى جاپپاي قاتاڭ باسقارۋدىڭ ماڭگى جالعاساتىندىعى جونىندەگى ساياسي سانالىلىقتى كۇشەيتىپ، قاتاڭ بولۋ نەگىزگى ارناسىنا مىزعىماي تاباندى بولىپ، شەگە قاعۋ رۋحىن ساۋلەلەندىرىپ، پارتيا ستيلى قۇرىلىسىن كۇشەيتۋگە تاباندى بولىپ، شىرىكتەسۋدى مۇلدە راقىم ەتپەۋ پوزيتسياسىمەن جازالاۋعا تاباندى بولىپ، پارتيانى جاپپاي قاتاڭ باسقارۋدى قاجىماس تاباندىلىقپەن ىشكەرىلەي ىلگەرىلەتىپ، پارتيانىڭ ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭارتۋ، ءوزىن - ءوزى جوعارىلاتۋ قابىلەتىن ۇزدىكسىز كۇشەيتۋ كەرەك. ءسوز جوق، ۋايىم مەن تارشىلىق ادامدى ءومىر سۇرۋگە جەتەلەيدى، جايلى، راحات تىرشىلىك زاۋالعا قاراي يتەرمەلەيدى دەگەندى ەستە بەرىك ساقتاپ، قاشاندا ۇزاق بولاشاقتى كوزدەپ، امانشىلىقتا جامانشىلىقتىڭ بولارىن ويلاپ، ”4 ۇلكەن سىناققا“ تۋرا قاراۋعا باتىل بولىپ، ”4 ءتۇرلى قاتەردى“ باتىلدىقپەن جەڭىپ، پارتيا قۇرىلىسىنىڭ ساپاسىن ۇزدىكسىز جوعارىلاتىپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدىق ۇندەۋ قابىلەتىن ۇزدىكسىز كۇشەيتىپ، پارتيانى قاشاندا ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولداپ - قۋاتتايتىن، وزىنە - ءوزى توڭكەرىس جاساۋعا باتىل، ءتۇرلى داۋىلدى تولقىنداردىڭ سىناعىنان وتە الاتىن، جالىندى دا جىگەرلى ماركسيزمدىك بيلىك باسىنداعى ساياسي پارتيا ەتىپ قۇرىپ شىعىپ، كەدەرگىلەردەن جاسقانبايتىن، قيىنشىلىقتاردان تايسالمايتىن بولىپ، جۇڭگوشا سوتسياليزم ىستەرى كەمەسىنىڭ تولقىن جارىپ، العان بەتتەن قايتپاي العا ىلگەرىلەۋىنە جەتەكشىلىك ەتۋ كەرەك.
وتكەنگە قايىرىلا قاراساق، پارتيانىڭ حالىقتى ىنتىماقتاستىرىپ، باستاپ، توڭكەرىس، قۇرىلىس، رەفورما جۇرگىزگەن امالياتى پارتيامىز ءوزى قاشان پارمەندى دە قۋاتتى بولسا، پارتيا مەن حالىق ىستەرى سوندا العان بەتتەن قايتپاي جەڭىسكە جەتەتىندىگىن دالەلدەدى. جاڭا ۇلى جورىقتا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىندە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسى دەگەن نە، نە ىستەيدى دەگەن ءتۇبىرلى ماسەلەنى ەستە بەرىك ساقتاپ، قاشاندا قايراتتانىپ ىسكەرلىك كورسەتەتىن قۇلشىنۋ رۋحىن ساقتاپ، ”ەمتيحان تاپسىراتىن“ سەرگەكتىك پەن تاباندىلىق ارقىلى جاڭا ءداۋىردىڭ ەمتيحان سۇراۋىنا ويداعىداي جاۋاپ بەرسەك، ءبىزدىڭ 100 جىلدىق ءىرى پارتيامىز، ءسوز جوق، العاباسارلىعى مەن كىرشىكسىزدىگىن ماڭگى ساقتاپ، جاستىق ومىرشەڭدىك كۇشىن ماڭگى ساقتاپ، قاشاندا جۇڭگو حالقىنىڭ ەڭ سەنىمدى، ەڭ بەرىك تىرەگى بولىپ، جاڭا ەمتيحان تاپسىرۋ جولىندا جالت قاراتارلىق جاڭا كەرەمەتتەردى ۇزدىكسىز جارىققا شىعاراتىن بولادى.
(شينحۋا اگەنتتىگىنىڭ 8 - ايدىڭ 3 - كۇنى بەيجيڭنەن بەرگەن حابارى)
