شينحۋا اگەنتتىگىنىڭ 8 - ايدىڭ 4 - كۇنى پنومپەننەن بەرگەن حابارى (ءتىلشى ۋ چاڭۋي). جەرگىلىكتى ۋاقىت 2022 - جىلى 8 - ايدىڭ 4 - كۇنى مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي پنومپەندە شىعىس ازيا سەلبەستىگى جەلىلەس سىرتقى ىستەر مينيسترلەرى ماجىلىسىنە قاتىناسقان كەزدە 7 ەل توبى سىرتقى ىستەر مينيسترلەرى جاريالاعان تايۋانعا ساياتىن مالىمدەمەسىنە باتىل تويتارىس بەردى.
ۋاڭ ي مىنالاردى ءبىلدىردى: تايۋان بۇعازىنىڭ شۇعىل جاعدايىنىڭ ءمان - جايى ايقىن، دۇرىس - بۇرىستىعى ايدان انىق. وقيعا تۋدىرۋشى امەريكا، داعدارىس تۋدىرۋشى امەريكا، شۇعىل جاعدايدى ۇزدىكسىز ۋشىقتىرعان تاعى سول امەريكا. امەريكا جاقتىڭ كوپە - كورنەۋ سوقتىعۋى ناشار جايت تۋدىردى، ەگەر ونى تۇزەتپەسەك، وعان قارسى شارا قولدانباساق، ىشكى ىستەرگە كيلىكپەۋ پرينسيبىنىڭ كەرەگى بار ما، جوق پا؟ حالىقارالىق زاڭدى قورعاۋ كەرەك پە، جوق پا؟ وڭىرلىك بەيبىتشىلىككە قالاي كەپىلدىك ەتۋگە بولادى؟
ۋاڭ ي 7 ەل توبىنداعى سىرتقى ىستەر مينيسترلەرىنىڭ مالىمدەمەسى اق پەن قارانى شاتاستىرىپ، دۇرىس پەن بۇرىستى بىلىقتىردى، جۇڭگونىڭ يەلىك ۇقىعى مەن تەرريتوريا تۇتاستىعىن قورعاۋداعى ۇيلەسىمدى، زاڭدى شارالارىن قيسىنسىز جازعىردى، مۇنداي ۇقىقتى ولارعا كىم بەردى؟ مۇنداي تولىمدىلىقتى ولارعا كىم بەردى؟ ۇقىققا قول سۇققان جاقتى قورعاشتاپ، ۇقىق قورعاۋشىنى جازعىرسا، اسقان سوراقىلىق بولماي نەمەنە!
ۋاڭ ي مىنالاردى ءبىلدىردى: 7 ەل توبىنىڭ قاتە قىلىعى جۇڭگو حالقىنىڭ قاتتى كەگىن قوزعادى. جۇڭگو مەن ءار ەلدىڭ يەلىك ۇقىعى مەن تاۋەلسىزدىگىنە حالىق قان كەشىپ شايقاس جاساۋ ارقىلى قول جەتكىزگەن، ەندىگى جەردە قيسىنسىز سۇعاناقتىققا ۇشىراۋعا استە جول بەرىلمەيدى. بۇگىنگى جۇڭگو ەندىگارى 19 - عاسىرداعى جۇڭگو ەمەس، تاريح قايتالانباۋعا ءتيىس ءارى استە قايتالانبايدى!
ۋاڭ ي مىنالاردى ءبىلدىردى: حالىقارالىق قوعام ءبىر جۇڭگو پرينسيبىنە سايىس جاريالايتىن ءارقانداي ارەكەتكە ايقىن قارسى تۇرۋى، ءار ەلدىڭ يەلىك ۇقىعىنا جانە تەرريتوريا تۇتاستىعىنا سۇعاناقتىق جاساۋ اتاۋلىنى تەجەۋى كەرەك. وڭىردەگى مەملەكەتتەر اناعۇرلىم ىنتىماقتاسا وتىرىپ، وزبىرلىق پەن زورەكەرلىكتىڭ ءوز وڭىرىندە لاڭ سالۋىن تەجەۋ كەرەك. وسىلاي ىستەگەندە عانا ءوز حاۋىپسىزدىگىن شىنايى قورعاي الادى، ءوڭىردىڭ بەيبىتشىلىگى مەن ورنىقتىلىعىن شىن مانىندە قورعاي الادى.
