سىرتقى ىستەر مينيسترلىگىنىڭ مالىمدەمەشىسى:
امەريكا جاقتىڭ تايۋانعا ساياتىن قاتىستى پىكىرلەرى تيپتىك دۇرىس پەن بۇرىستى شاتاستىرىپ، ءوز قىلمىسىن بۇركەمەلەۋ ءۇشىن وزگەگە جالا جاپقاندىق
شينحۋا اگەنتتىگىنىڭ 8 - ايدىڭ 4 - كۇنى بەيجيڭنەن بەرگەن حابارى (ءتىلشى جۋ چاۋ). سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ 8 - ايدىڭ 4 - كۇنى بىلاي دەپ اتاپ كورسەتتى: امەريكا جاقتىڭ تايۋانعا ساياتىن قاتىستى پىكىرلەرى تيپتىك دۇرىس پەن بۇرىستى شاتاستىرىپ، ءوز قىلمىسىن بۇركەمەلەۋ ءۇشىن وزگەگە جالا جاپقاندىق. كەزەكتە تايۋان بۇعازى جاعدايىندا جارىققا شىققان ءارقانداي شيەلەنىستى كۇيدىڭ بارلىعىن امەريكا جاق ءوز قولىمەن تۋدىرعان. ەگەر امەريكا جاق تايۋان بۇعازىنىڭ بەيبىتشىلىگىن، ورنىقتىلىعىن شىن نيەتىمەن قورعاماقشى بولسا، ەڭ ماڭىزدىسى، ەڭ شەشۋشىسى، ءسوزى مەن ءىسىن تاباندا بىرلىككە كەلتىرىپ، ءبىر جۇڭگو پرينسيبىن بۇلجىتپاي اتقارىپ، جۇڭگو مەن امەريكانىڭ ءۇش بىرلەسكەن مازمۇنداماسىنا بويسۇنۋى كەرەك.
سول كۇنى تۇستەن كەيىنگى داعدىلى تىلشىلەر ماجىلىسىندە ءبىر ءتىلشى بىلاي دەپ سۇرادى: حابارعا قاراعاندا، امەريكا مەملەكەتتىك كەڭەسىنىڭ اتى - ءجونى بەلگىسىز جوعارى دارەجەلى ءبىر ءمانساپتىسى جۇڭگو جاق امەريكا پارلامەنتى قاۋىم پالاتاسىنىڭ باستىعى پەلوسيدىڭ تايۋانعا ساپارلاي بارعاندىعىن سىلتاۋ ەتىپ، تايۋانعا ساياتىن قازىرگى جاعدايدى وزگەرتۋدى ۇزدىكسىز قاراستىرماۋى كەرەك ەدى، ەگەر تايۋان بۇعازى جاعدايىندا وسى رەتكى ساپاردان كەيىن ءارقانداي ءورشۋ نەمەسە داعدارىس جارىققا شىعاتىن بولسا، مۇنىڭ جاۋاپكەرشىلىگى جۇڭگو جاقتا بولادى دەگەن. جۇڭگو جاق بۇعان قالاي قارايدى؟
حۋا چۇنيىڭ بىلاي دەدى: امەريكا جاقتىڭ قاتىستى پىكىرلەرى تيپتىك دۇرىس پەن بۇرىستى شاتاستىرىپ، ءوز قىلمىسىن بۇركەمەلەۋ ءۇشىن وزگەگە جالا جاپقاندىق، بۇل امەريكا جاقتىڭ كانىگى زورەكەرلىگىن، تۇرپايىلىعىن، جونسىزدىگىن بەينەلەيدى.
ءبىرىنشى، تايۋان ماسەلەسىنىڭ قازىرگى جاعدايى دەگەن نە؟ شىندىق بەسەنەدەن بەلگىلى، ايدان انىق. ول بولسا: ەكى جاعالاۋ ءبىر جۇڭگوعا ءتان، تايۋان جۇڭگو تەرريتورياسىنىڭ ءبىر بولىگى. ەكى جاعالاۋ ۇزاق ۋاقىت ساياسي قاراما - قارسىلىقتى بولعانىمەن، جۇڭگونىڭ مەملەكەت يەلىك ۇقىعى مەن تەرريتوريا تۇتاستىعى ەجەلدەن بولىنبەگەن. بۇل تايۋان بۇعازى ماسەلەسىنىڭ ناعىز قازىرگى جاعدايى.
ەكىنشى، تايۋان بۇعازى داعدارىسىن كىم تۋدىرىپ وتىر؟ امەريكا جاق پەن ”تايۋاندى دەربەستەندىرۋدى“ كوزدەۋشى كۇشتەردىڭ ءتىل بىرىكتىرگەن، ارانداتۋشىلىعى − تايۋان بۇعازى جاعدايىنىڭ شيەلەنىسۋىنىڭ ءتۇبىرلى سەبەبى. تاياۋ جىلداردان بەرى دەموكراتيانى ىلگەرىلەتۋ پارتياسىنىڭ بيلەۋشىلەرى ءبىر جۇڭگو پرينسيبىن ايگىلەيتىن ”92 - جىلعى ورتاق تانىمنان“ بەزىپ، امەريكاعا سۇيەنىپ، ”دەربەستىكتى“ كوزدەۋگە ۇرىندى. ال امەريكا جاق جۇڭگونىڭ دامۋى ۇردىسىنە كەدەرگىلىك جاساۋ، تەجەۋ ستراتەگيالىق ماقساتىندا بولا وتىرىپ، ءبىر جۇڭگو پرينسيبىن ۇزدىكسىز بۇرمالاپ، فورماعا اينالدىرىپ، ۇڭعىلاپ، ”تايۋان كوزىرىن“ ويناتۋعا ۇرىنىپ، تايۋان ارقىلى جۇڭگونى شاۋجايلاپ، امەريكا مەن تايۋاننىڭ بايلانىس جاساۋ دەڭگەيىن ۇزدىكسىز جوعارىلاتىپ، تايۋانعا اسكەري قارۋ - جاراق ساتۋدى ۇزدىكسىز ارتتىردى. پەلوسيدىڭ قالىڭ ەلدىڭ قارسىلىعىنا قاراماي، تايۋانعا تىمىسكىلەپ بارۋى امەريكا ۇكىمەتىنىڭ تايۋان ماسەلەسىندە جۇڭگو ۇكىمەتىنە بەرگەن ۋادەسىنە اۋىر دارەجەدە قايشىلىق جاساعاندىق، حالىقارالىق قارىم - قاتىناستىڭ نەگىزگى ولشەمىنە اۋىر دارەجەدە قايشىلىق جاساعاندىق، جۇڭگونىڭ يەلىك ۇقىعى مەن تەرريتوريا تۇتاستىعىنا اۋىر دارەجەدە سۇعاناقتىق جاساعاندىق.
ءۇشىنشى، تايۋان بۇعازىنىڭ ۋشىققان اۋقىمىنا كىم جاۋاپتى بولۋعا ءتيىستى؟ جۇڭگو جاق پەلوسيدىڭ تايۋانعا تىمىسكىلەپ بارۋىنىڭ سيپاتىنىڭ اۋىرلىعىن، زالالدىلىعىن قايتا - قايتا ايقىن كورسەتتى ءارى وسىدان تۋىنداعان بارلىق زارداپتى امەريكا جاقتىڭ ۇستىنە الۋعا جاۋاپتى بولاتىندىعىن ايقىن اتاپ كورسەتتى، ءبارى كۇنى بۇرىن ايتىلدى. الايدا امەريكا ۇكىمەتى مەن پەلوسي شۋاڭحۋاڭ ويىنىنا باسىپ، ءوز بەتىمەن ىستەدى. امەريكا جاقتىڭ جات نيەتتى ارانداتۋشىلىعى الدىمەن بولدى، جۇڭگو جاقتىڭ ورىندى قورعانۋى ارتىنان بولدى. جۇڭگو ۇكىمەتى بارلىق قاجەتتى ورىندى ارەكەتتى قولدانىپ، مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعاۋعا قاقىلى.
ءتورتىنشى، تايۋان بۇعازىنىڭ قازىرگى جاعدايىن كىم وزگەرتۋدە؟ امەريكا جاق 25 جىلدىڭ الدىنداعى قاتە ءىسىن سىلتاۋ ەتىپ، پەلوسيدىڭ تايۋانعا تىمىسكىلەپ بارعاندىعىنا شاڭ جۋىتپادى، جۇڭگو جاق بۇرىنعى قاتەلىكتى امەريكا جاقتىڭ قاتەلىكتىڭ ۇستىنە قاتەلىك جاماۋىنىڭ سىلتاۋىنا اينالدىرۋعا بولمايتىندىعىن ءاۋ باستا قاتاڭ اتاپ كورسەتكەن. جۇڭگو جاق امەريكا جاقتىڭ ”شۇجىق كەسۋ“ ءتاسىلى ارقىلى ءبىر جۇڭگو پرينسيبىن قادام سايىن جەمىرىپ، فورماعا اينالدىرىپ، ۇڭعۋىنا استە جول بەرمەيدى، امەريكا جاقتىڭ ءارقانداي سەبەپ جانە سىلتاۋمەن تايۋان بۇعازىنىڭ قازىرگى جاعدايىن بىرتىندەپ وزگەرتۋدى قاراستىرۋىنا استە جول بەرمەيدى.
”مەن مىنانى تاعى دا باسا دارىپتەيمىن: كەزەكتە تايۋان بۇعازى جاعدايىنداعى ءارقانداي شيەلەنىستى كۇيدى امەريكا جاق ءوز قولىمەن تۋدىردى، ونىڭ ءتۇپ توركىنى پەلوسيدىڭ ءوز جەكە مۇددەسىن كوزدەپ، ءوز بەتىمەن ىستەپ، قاسارىسا تايۋانعا تىمىسكىلەي بارىپ، ءبىر جۇڭگو پرينسيبىنە اۋىر دارەجەدە قايشى كەلۋىندە جاتىر. ەگەر پەلوسيدىڭ تايۋانعا تىمىسكىلەپ بارۋ وقيعاسى بولماسا، بۇگىنگى جاعداي تۋىلماس ەدى“. حۋا چۇنيىڭ بىلاي دەدى: بۇل جونىندە كوپتەگەن ەل مەن كوپتەگەن اقپارات قۇرالدارىنىڭ ەرەكشە ايقىن دۇرىس تانىمى بار ءارى بارلىعى تۇرلىشە تاسىلدەرمەن امەريكا جاققا ەسكەرتۋ جاسادى.
”ەگەر امەريكا جاق تايۋان بۇعازىنىڭ بەيبىتشىلىگىن، ورنىقتىلىعىن شىن نيەتىمەن قورعاماقشى بولسا، ەڭ ماڭىزدىسى، ەڭ شەشۋشىسى، ءسوزى مەن ءىسىن تاباندا بىرلىككە كەلتىرىپ، ءبىر جۇڭگو پرينسيبىن بۇلجىتپاي اتقارىپ، جۇڭگو مەن امەريكانىڭ ءۇش بىرلەسكەن مازمۇنداماسىنا بويسۇنۋى كەرەك “، - دەدى حۋا چۇنيىڭ.
