انار بۇلت \ شينجياڭ گازەتىنىڭ ءتىلشىسى چىن چياڭۋي 8 - ايدىڭ 4 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، الدىڭعى جارتى جىلدا شينجياڭدا سىرتقى ساۋدا كاسىپورىندارى سانىنىڭ ارتۋى كورنەكتى بولىپ، ءۇرىمجى كەدەنىندە جاڭادان كوبەيگەن تىركەلىپ ارحيۆكە الىنعان كاسىپورىن 1306عا جەتىپ، سايكەس مەزگىلدەگىدەن ％83.68 ارتىپ، تاريحتاعى سول تۇستاعىدان ارتۋ شاماسى ەڭ جوعارى بولعان.
ءۇرىمجى قالاسىندا اۆتوموبيل ساتۋ جۇمىسىمەن اينالىساتىن پىڭ يۋە بيىل 5 - ايدا ءبىر سىرتقى ساۋدا سەرىكتەستىگىن تىركەۋگە الدىردى، الدا اۆتوموبيل ساتۋ جۇمىسىن حالىقارالىق بازارلارعا دەيىن كەڭەيتپەكشى. ”جۇڭگو − ەۆروپا كەزەكشى پويەزىنىڭ قاتىناۋ سانى ۇزدىكسىز ارتىپ كەلەدى، ەلىمىزدە وندىرىلگەن اۆتوموبيلدەردىڭ ورتا ازياداعى ەلدەرگە ەكسپورت ەتىلۋى دە ارتا ءتۇستى، سونىمەن حالىقارالىق ساۋدامەن اينالىسسام دەگەن ويعا كەلدىم“، - دەدى پىڭ يۋە. ول تىركەلىپ ارحيۆكە الدىرۋدان ءتۇرلى راسمياتتاردى بىتىرۋگە دەيىن، قاتىستى تاراۋلاردىڭ جۇمىستى ەرەكشە تەز بىتىرگەندىگىن، قازىر سەرىكتەستىكتىڭ حالىقارالىق ساۋدامەن اينالىسۋ تولىمدىلىعىن ازىرلەپ بولعاندىعىن، ساۋداگەرلەرمەن كەڭەسۋ جۇمىسىنىڭ باستالىپ كەتكەندىگىن ايتتى.
شارۋاشىلىق ساۋدا ورتاسىن ساپالىلاندىرىپ، كاسىپورىندارعا قولايلىلىق جاساۋ ءۇشىن، ءۇرىمجى كەدەنى ارحيۆكە الۋ ءتارتىبىن اناعۇرلىم قاراپايىمداستىرىپ، ارحيۆكە الۋ ۋاقىتىن قىسقارتىپ، كەدەنگە مالىمدەلگەن ورىنداردى ارحيۆكە الۋ تۇتاس بارىسىن ينتەرنەتتە ءبىتىرۋ دەڭگەيىن جوعارىلاتىپ، كەدەنگە مالىمدەلگەن ورىنداردى ارحيۆكە الۋ بارىسىن ساپالىلاندىردى، قاراپايىمداستىردى.
الدىڭعى جارتى جىلدا شينجياڭ كوپ كۋالىكتى بىرىكتىرۋ تاسىلىمەن 287 سىرتقى ساۋدا كاسىپورنىن ارحيۆكە الدى، بۇل الدىڭعى جارتى جىلدا جاڭادان كوبەيگەن سىرتقى ساۋدا كاسىپورىندار سانىنىڭ ％96. 21ىن يەلەپ، بىلتىرعى سول تۇستاعىدان 56 ەسە ارتقان. 6 - ايدىڭ سوڭىنا دەيىن ءۇرىمجى كەدەنىندە تىركەلىپ ارحيۆكە الىنعان كاسىپورىنداردىڭ سانى تۇڭعىش رەت 15 مىڭنان اسىپ، 15 مىڭ 132 گە جەتتى.
الدىڭعى جارتى جىلدا شينجياڭداعى حالىق باسقارۋىنداعى كاسىپورىنداردىڭ يمپورت - ەكسپورت قۇنى سايكەس مەزگىلدەگىدەن ％6. 49 ارتىپ، شينجياڭ سىرتقى ساۋداسىنىڭ تۇلعالىق ارتۋ قارقىنىنان 10.5 پايىز جوعارى بولىپ، سول تۇستاعى شينجياڭ سىرتقى ساۋدا يمپورت - ەكسپورت جالپى قۇنىنىڭ ％6. 88ىن يەلەپ، شينجياڭ سىرتقى ساۋداسىنىڭ 8. 40 پايىز ارتۋىنا تۇرتكى بولعان.
