تيانشان تورى
تيانشان تورى   ›   جاڭالىقتار   ›   شينجياڭ حابارلارى

رايونىمىزدا جەر - جەر كورمەگە قاتىناسۋعا بەلسەنە دايىندالدى

  انار بۇلت \ شينجياڭ گازەتىنىڭ ءتىلشىسى حي حۇڭۋي 8 - ايدىڭ 4 - كۇنى ۇرىمجىدەن حابارلايدى. 7 - كەزەكتى جۇڭگو − ازيا − ەۆروپا كورمەسى شەشۋشى مەزگىلگە ءوتتى، رايونىمىزدا جەر - جەر كورمەگە قاتىناسۋ قىزمەتىنە قاۋىرت دايىندالىپ، وسى كەزەكتى كورمەدە تىڭ ناتيجە، تىڭ كەرەمەت جاراتىپ، تولىق تابىسقا جەتۋگە قۇلشىندى.

  8 - ايدىڭ 4 - كۇنى اقسۋ جىجياڭ جەمىس شارۋاشىلىعى شەكتى سەرىكتەستىگىنىڭ ءوندىرىس سەحى قاربالاستىققا ءتۇستى، سەرىكتەستىكتىڭ جاڭادان زەرتتەپ اشقان جاڭعاق پراندىگى سياقتى ونىمدەرى وسى كەزەكتى كورمەگە قاتىناستىرىلادى. ”ءبىز 10 نەشە ءتۇرلى ءونىم دايىندادىق، وسى كەزەكتى كورمە تەكشەسىنەن پايدالانىپ ەل ءىشى - سىرتى بازارلارىن اناعۇرلىم ويداعىداي اشىپ، اناعۇرلىم كوپ ساۋداگەرلەرمەن تانىسساق دەيمىز“، - دەدى سەرىكتەستىكتىڭ باس ديرەكتورى جاۋ ۋىنگى.

  كورمەگە قاتىناسۋ قىزمەتىن جوعارى دەڭگەيدە، جوعارى ولشەمدە، جوعارى ساپالى جاقسى ىستەۋ ءۇشىن، اقسۋ ايماعى دايىندىق قىزمەتى جونىندە ەگجەي - تەگجەيلى ورنالاستىرۋ جاسادى، قازىر 37 كاسىپورىن تاۋار ساۋدا كورمە اۋماعىنا تىزىمدەلۋ جۇمىسىن ورىنداپ بولدى، كورمەگە قاتىناساتىن كاسىپورىنداردىڭ سانى وتكەن كەزەكتەگىلەردەن كورنەكتى ارتتى، ەرەكشە ورنالاستىرىلعان كورمە ورىندارىنىڭ جەر اۋماعى 552 شارشى مەتر بولىپ، وتكەن كەزەكتەگىلەردىڭ ىشىندە ەڭ جوعارى دەڭگەيگە جەتتى.

  ”كورمە ارقىلى اقسۋدىڭ بايلىق قاسيەتىن، ابزال كاسىپ سالالارىن ايگىلەۋدى، اقسۋدىڭ ساۋداگەرلەرگە باسا ءمان بەرەتىن، ساۋداگەرلەردى جاقىن سانايتىن، ساۋداگەرلەردى ايالايتىن، ساۋداگەرلەردى الاڭسىز ەتەتىن، ساۋداگەرلەردى بايىتاتىن تاماشا وبرازىن ايگىلەپ، ساۋداگەر شاقىرىپ، قارجى ەنگىزۋ ونىمدىلىگىن شىن مانىندە ارتتىرۋدى ءۇمىت ەتەمىز“، - دەدى اقسۋ ايماقتىق ساۋدا ىستەرى مەكەمەسى پارتيا باسشىلىق گرۋپپاسىنىڭ شۋجيى حوۋ ميڭپيڭ.

  بۇراتالا موڭعۇل اۆتونوميالى وبلىسىنداعى قاتىستى تاراۋلار توقتام جاساسۋ نىساندارىن جابال رەتتەپ، كورمەگە قاتىناساتىن كاسىپورىندارمەن سايكەستى. قازىرگە دەيىن بۇل وبلىس 26 توقتام جاساسۋ نىسانىن توپتادى، جاڭاشا قۇرىلىس ماتەريالدارى، مادەنيەت، ساياحات قوناق ۇيلەرى، اۋىل شارۋاشىلىق قوسىمشا ونىمدەرىن مانەرلەۋ، زات اينالىم، قامبادا ساقتاۋ، ەلەكتروندى، زەردەلى جاساۋ سياقتى سالالارعا سايادى.

  ”ءبىز قىزمەت ءتارتىبىن اناعۇرلىم ەگجەي - تەگجەيلىلەندىرىپ، كورمە ورنالاستىرۋ قىزمەتىن جوعارى ساپالى ىلگەرىلەتەمىز. ساۋداگەر شاقىرۋ قىزمەتىن دە ۇزدىكسىز جاقسى ىستەپ، اناعۇرلىم كوپ ايتۋلى كاسىپورىندار مەن ساۋدا قوعامدارىنىڭ كورمەگە قاتىناسىپ، كەڭەس وتكىزۋىنە كۇش سالامىز. سونىمەن بىرگە توقتام جاساسۋ نىساندارىن توپتاۋ، رەتتەۋ، تەكسەرىپ تۇراقتاندىرۋ قىزمەتىن ويداعىداي ىستەيمىز“، - دەپ تانىستىردى بۇراتالا وبلىستىق ساۋدا ىستەرى مەكەمەسىنىڭ باستىعى ۋاڭ لۋجيان.

  قىزىلسۋ قىرعىز اۆتونوميالى وبلىسىنان وسى كەزەكتى كورمەنىڭ تاۋار ساۋدا جارمەنكەسىنە قاتىناسۋدى وتىنگەن كاسىپورىن 23 بولعان. وبلىستىق ساۋدا ىستەرى مەكەمەسىنىڭ قاتىستى جاۋاپتىسى قىزىلسۋ وبلىسىنىڭ كورمەگە قاتىناسۋعا، كورمەگە قويۋعا قاجەتتى ۇگىت ماتەريالدارىن الدىن الا دايىنداعاندىعىن، سونداي - اق الدىڭعى كەزەڭدە كەڭەس وتكىزۋگە سايكەستىرگەن كاسىپورىنداردى جارمەڭكەگە قاتىناسۋعا بەلسەنە ۇسىنىس ەتىپ، الدىڭعى كەزەڭدەگى كەڭەسۋ نىساندارىن سايكەستىرۋ جانە ساۋداگەر شاقىرۋ، ۇگىتتەۋ، تانىستىرۋ قىزمەتىن ويداعىداي ىستەگەندىگىن تانىستىردى.

  ”الدىڭعى كەزەكتەگىمەن سالىستىرعاندا، وسى كەزەكتى جۇڭگو − ازيا − ەۆروپا كورمەسىندە ايماقتاردىڭ (وبلىس، قالا) كورمەگە قاتىناسۋ جەر اۋماعى كورنەكتى ارتىپ، كورمە ورىندارىنىڭ سانى 1000 نەشەگە جەتتى، ەرەكشە ورنالاستىرىلعان كورمە ورىندارىنىڭ جەر اۋماعى 6000 شارشى مەتردەن استى؛ كورمەگە قاتىناساتىن كاسىپورىندار كورنەكتى كوبەيىپ، ساپاسى كورنەكتى جوعارىلادى“، - دەپ تانىستىردى شينجياڭ حالىقارالىق كورمە ىستەرى مەكەمەسى ساۋداگەر شاقىرۋ، كورمەگە شاقىرۋ ءبولىمىنىڭ باستىعى جۋ ديچياڭ.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.