تيانشان تورى
تيانشان تورى   ›   ۇيرەنۋ   ›   شولۋ

قاشاندا حالىقپەن تىنىستاس، تاعدىرلاس، جۇرەكتەس بولايىق

  قاشاندا حالىقپەن تىنىستاس، تاعدىرلاس، جۇرەكتەس بولايىق

  − باس شۋجي شي جينپيڭنىڭ ولكە - مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

  □ حالىق گازەتىنىڭ شولۋشىسى

  ”ءبىز قول جەتكىزگەن بارلىق تابىس پارتيا مەن حالىقتىڭ بىرگە كۇرەس جۇرگىزۋىنەن كەلدى“. ولكە - مينيسترلىك دارەجەلى نەگىزگى باسشى كادرلاردىڭ ”باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنىپ، پارتيا 20 - قۇرىلتايىن قارسى الۋ“ ارناۋلى تاقىرىپتىق زەرتتەۋ - تالقى كۋرسىندا باس شۋجي شي جينپيڭ: ”العا باسۋ جولىندا بۇكىل پارتيا بۇكىل ىنتا - پەيىلىمەن حالىق ءۇشىن قىزمەت ىستەۋ سىندى ءتۇبىرلى ماقساتقا تاباندى بولىپ، بۇقارالىق كوزقاراستى مىقتاپ ورناتىپ، بۇقارالىق لۋشياندى دايەكتىلەندىرىپ، حالىقتىڭ ءتول جاسامپازدىق رۋحىنا قۇرمەت ەتىپ، بارلىعىن حالىق ءۇشىن ىستەۋگە، بارلىعىندا حالىققا ارقا سۇيەۋگە تاباندى بولىپ، بۇقارا اراسىنان كەلىپ، بۇقارا اراسىنا بارىپ، قاشاندا حالىق بۇقاراسىمەن ەتەنە بايلانىستى ساقتاپ، قاشاندا حالىقتىڭ سىنى مەن باقىلاۋىن قابىلداپ، قاشاندا حالىقپەن تىنىستاس، تاعدىرلاس، جۇرەكتەس بولۋ كەرەك“، - دەپ تەرەڭ اتاپ كورسەتتى.

  قانداي ادام ءۇشىن قىزمەت ەتۋ ماسەلەسى ءبىر ساياسي پارتيانىڭ، ءبىر بيلىكتىڭ سيپاتىن تەكسەرەتىن سىنتاس. جۇڭگو كوممۋنيستىك پارتياسى قالىڭ حالىقتىڭ باقىتىن كوزدەيتىن پارتيا، حالىقتىڭ تۇرعىسى پارتيانىڭ ءتۇبىرلى ساياسي تۇرعىسى. پارتيامىز قۇرىلعاننان باستاپ، حالىق ءۇشىن قىزمەت ىستەۋدى پارتيا تۋىنا جازدى. پارتيانىڭ نەگىزى حالىقتا، تامىرى حالىقتا، كۇشى دە حالىقتا. حالىق ءۇشىن تۋۋ، حالىق ءۇشىن كوركەيۋ، قاشاندا حالىقپەن بىرگە بولۋ، حالىقتىڭ مۇددەسى جولىندا كۇرەس جۇرگىزۋ پارتيامىزدىڭ پارتيا بولىپ تۇرۋىنداعى، پارتيانى كوركەيتۋىندەگى، پارتيانى كۇشەيتۋىندەگى ءتۇبىرلى نەگىزگە الار ءتۇيىنى مەن تابان تىرەر تياناعى. پارتيانىڭ حالىقتى ىنتىماقتاستىرا باستاپ توڭكەرىس جۇرگىزۋىنىڭ، قۇرىلىس جۇرگىزۋىنىڭ، رەفورما جاساۋىنىڭ ءتۇبىرلى ماقساتى − حالىقتىڭ جاقسى تۇرمىس كەشىرۋىنە مۇمكىندىك جاساۋ، مەيلى قانشا ۇلكەن سايىستار مەن قىسىمدارعا ءدوپ كەلسە دە، مەيلى قانشا زور قۇرباندىق پەن بوداۋ بەرسە دە، بۇدان ەشقاشان اينىمايدى، استە اۋىتقىمايدى. بيلىك دەگەنىمىز حالىق، حالىق دەگەنىمىز بيلىك، بيلىككە قول جەتكىزۋدە، بيلىكتى قورعاۋدا حالىقتىڭ تىلەگى قورعالادى. جۇرت تىلەگىن تىلەك ەتۋ، حالىقپەن تىنىستاس، تاعدىرلاس، جۇرەكتەس بولۋ − پارتيانىڭ اۋەلگى ماقساتى ءارى پارتيانىڭ بەرىك بايلامى.

  حالىق تاريحتى جاراتۋشى، پارتيا مەن مەملەكەتتىڭ بولاشاعىن، تاعدىرىن بەلگىلەيتىن ءتۇبىرلى كۇش. پارتيانىڭ 100 جىلدىق تاريحى پارتيانىڭ اۋەلگى ماقساتىن، بورىشىن امالياتتا ايگىلەۋ تاريحى، پارتيانىڭ حالىقپەن تىنىستاس، تاعدىرلاس، جۇرەكتەس بولۋ تاريحى. شىكۋمىننان تيان - انمىنگە، كىشكەنتاي قىزىل قايىقتان الىپ كەمەگە دەيىن، جۇڭگو كوممۋنيستىك پارتياسىنىڭ دامىپ زورايۋىنىڭ، جۇڭگوشا سوتسياليزمنىڭ ۇزدىكسىز العا ىلگەرىلەۋىنىڭ سەبەبى ءدال وسى حالىققا ارقا سۇيەۋىندە جاتىر. ءبىز ۇلى توڭكەرىس ساتسىزدىككە ۇشىراعاننان كەيىن، قۇربان بولعان 300 مىڭنان استام توڭكەرىسشىنىڭ باسىم كوبى پارتياعا ىلەسىپ توڭكەرىس جۇرگىزگەن حالىق بۇقاراسى ەكەندىگىن؛ قىزىل ارميا كەزىندە حالىق بۇقاراسى پارتيا مەن حالىق ارمياسىنىڭ قۇرىش قورعانى بولعاندىعىن؛ جاپون شاپقىنشىلارىنا قارسى سوعىس كەزىندە پارتيامىز بۇقارانى كەڭىنەن جۇمىلدىرىپ، جاپون شاپقىنشىلارىن حالىقتىق سوعىستىڭ تەلەگەي تەڭىزىنە باتىرعاندىعىن؛ حۋايحاي شايقاسىنىڭ جەڭىسىنە بۇقارانىڭ شاعىن قول اربالاردى سۇيرەۋىنە سۇيەنىپ قول جەتكەندىگىن، چاڭجياڭنان ءوتۋ شايقاسىنىڭ جەڭىسىنە بۇقارانىڭ شاعىن قايىقتاردى جۇرگىزۋىنە سۇيەنىپ قول جەتكەندىگىن؛ سوتسياليستىك توڭكەرىس پەن قۇرىلىستىڭ تابىستارىن حالىق بۇقاراسى ىستەۋ ارقىلى جارىققا شىعارعاندىعىن؛ رەفورما جاساۋ، ەسىك اشۋدىڭ ۇلى تاريحي تەاترىندا سان ميلليونداعان حالىق بۇقاراسى باس رول ويناعاندىعىن ۇمىتا المايمىز. بۇگىنگى تاڭدا جۇڭگو حالقى اناعۇرلىم وزىنە سەنىپ، ءوز كۇشىنە سۇيەنىپ، ءوزىن الۋەتتەندىرىپ، جىگەرىن، جالىنىن، ارىنىن بارىنشا كۇشەيتىپ، تاريحي ۇردىستە جيناعان قۋاتتى ەنەرگيانى تولىق ىسكە قوسىپ، بۇرىن بولماعان تاريحي ىرىقتىلىق رۋحتى، تاريحي جاسامپازدىق رۋحتى قاۋلاتىپ، پارتيانىڭ باسشىلىعىندا جاڭا داۋىردەگى جۇڭگونىڭ دامۋىنىڭ ۇلى تاريحىن اسا مىعىم سەنىممەن جازۋدا. اماليات حالىق پارتيامىزدىڭ بيلىك جۇرگىزۋدەگى ەڭ ۇلكەن كۇش - قايراتى، رەسپۋبليكامىزدىڭ مىعىم ءتۇبىرلى نەگىزى، پارتيانى قۇدىرەتتەندىرىپ، مەملەكەتتى گۇلدەندىرۋىمىزدىڭ ءتۇبىرلى تياناعى ەكەندىگىن تولىق دالەلدەدى.

  جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ بولاشاعى نۇرلى، جولى بۇراڭ، ءالى تالاي تار جول، تايعاق كەشۋلەرگە جولىعامىز. حالىقتىڭ سەنىمىنە بولەنگەندە، حالىقتىڭ قولداۋىنا يە بولعاندا، پارتيانىڭ ءارقانداي قيىنشىلىقتى جەڭىپ، العان بەتىنەن قايتپاي، بارلىق جەردە جەڭىسكە جەتەتىندىگىن، ءسوز جوق، جەتە تانۋىمىز كەرەك. جاڭا جورىقتا قوعامنىڭ دامۋ زاڭدىلىعىنا قۇرمەت ەتۋ مەن حالىقتىڭ تاريحي نەگىزگى تۇلعالىق ورنىنا قۇرمەت ەتۋدىڭ بىردەيلىگىنە، وسكەلەڭ مۇرات ءۇشىن كۇرەس جۇرگىزۋ مەن قالىڭ حالىق ءۇشىن پايدا كوزدەۋدىڭ بىردەيلىگىنە، پارتيانىڭ ءتۇرلى قىزمەتتەرىن ورىنداۋ مەن حالىقتىڭ مۇددەسىن جۇزەگە اسىرۋدىڭ بىردەيلىگىنە تاباندى بولىپ، بۇقارادان ماڭگى اجىراماي، بۇقارامەن زەينەتتى دە، بەينەتتى دە تەڭ كورۋىمىز، اششى مەن تۇششىنى بىرگە تاتۋىمىز كەرەك. پارتيانىڭ سيپاتىن، باس ماقساتىن جەتە تانىپ، حالىقتى وزەك ەتكەن دامۋ يدەياسىنا تاباندى بولىپ، قاشاندا حالىقتى كوڭىلدىڭ ەڭ بيىك تورىنە شىعارىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، رەفورما، دامۋ جەتىستىكتەرىنەن بارلىق حالىقتى اناعۇرلىم كوپ، اناعۇرلىم تەڭ يگىلىكتەندىرۋدى ىلگەرىلەتىپ، بىرگە بايۋدىڭ اناعۇرلىم كورنەكتى ماندىك ىلگەرىلەۋشىلىككە قول جەتكىزۋىن ىلگەرىلەتىپ، ءبىر ميلليارد 400 ميلليوننان استام جۇڭگو حالقىن جۇڭحۋا ۇلتىنىڭ ۇلى گۇلدەنۋىن ىلگەرىلەتەتىن تەلەگەي كۇش ەتىپ ۇيىستىرۋىمىز كەرەك. حالىقتى باقىتقا كەنەلتۋدى ەڭ ماڭىزدى ناتيجە ساناپ، حالىقتىڭ قولداۋ - قولداماۋىن، جاقتاۋ - جاقتاماۋىن، قۋانۋ - قۋانباۋىن، قوسىلۋ - قوسىلماۋىن بارلىق قىزمەتتىڭ تابىستارى مەن ساتسىزدىكتەرىن ولشەۋدىڭ ءتۇبىرلى ولشەمى ەتىپ، قاشاندا حالىقپەن بىرگە ويلاپ، حالىقپەن بىرگە ىستەۋىمىز كەرەك.

  دۇنيە جۇزىندەگى ەڭ ۇلكەن باقىت حالىقتىڭ باقىتى ءۇشىن كۇرەس جۇرگىزۋدەن ارتىق بولماس. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، قاشاندا حالىقتى كوكەيدە بەرىك ساقتاپ، حالىقپەن زەينەت پەن بەينەتتى بىرگە كورىپ، حالىقپەن ىنتىماقتاسا كۇرەس جۇرگىزىپ، ەڭ قالىڭ حالىقتىڭ ءتۇبىرلى مۇددەسىن ۇزدىكسىز ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، جۇڭحۋا ۇلتىنىڭ ۇلى گۇلدەنۋى سىندى تاريحي ۇلى ءىستى ۇزدىكسىز العا ىلگەرىلەتە بەرەيىك!

  (شينحۋا اگەنتتىگىنىڭ 8 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.