تيانشان تورى
تيانشان تورى   ›   جاڭالىقتار   ›   ەل ءىشى حابارى

ساۋ شيڭچىڭنىڭ ءسوزى، ءىس - ارەكەتى تايۋاننىڭ ونەركاسىپ - ساۋدا سالاسىنداعىلارعا ۋاكىلدىك ەتە المايدى، قالىڭ تايۋان حالقىنا تىپتەن ۋاكىلدىك ەتە المايدى

  مەملەكەتتىك كەڭەستىڭ تايۋان ىستەرى كەڭسەسى:

  ساۋ شيڭچىڭنىڭ ءسوزى، ءىس - ارەكەتى تايۋاننىڭ ونەركاسىپ - ساۋدا سالاسىنداعىلارعا ۋاكىلدىك ەتە المايدى، قالىڭ تايۋان حالقىنا تىپتەن ۋاكىلدىك ەتە المايدى

  شينحۋا اگەنتتىگىنىڭ 8 - ايدىڭ 5 - كۇنى بەيجيڭنەن بەرگەن حابارى. ساۋ شيڭچىڭنىڭ پەلوسيدىڭ تايۋانعا تىمىسكىلەپ بارعاندىعىنان پايدالانىپ، ۇلى قۇرلىققا جانە تايۋانداعى بىرلىككە كەلۋدى جاقتاۋشى كۇشتەرگە سوقتىعىپ، كۇيە جاققاندىعىنا مەڭزەس، مەملەكەتتىك كەڭەس تايۋان ىستەرى كەڭسەسىنىڭ مالىمدەمەشىسى ما شياۋگۋاڭ 8 - ايدىڭ 5 - كۇنى تىلشىلەردىڭ سۇراۋىنا جاۋاپ بەرگەندە مىنالاردى ءبىلدىردى: ساۋ شيڭچىڭنىڭ ءسوزى، ءىس - ارەكەتى نەگىزگى شىندىقتى بۇرمالاعاندىق، ۇلى قۇرلىققا قۇتىرىنا سوقتىققاندىق، كۇيە جاققاندىق، ”تايۋاندى دەربەستەندىرۋدى“ كوزدەيتىن كۇشتەر مەن سىرتقى كۇشتەردىڭ جىرتىسىن جىرتقاندىق، ول تايۋاننىڭ ونەركاسىپ - ساۋدا سالاسىنداعىلارعا ۋاكىلدىك ەتە المايدى، قالىڭ تايۋان حالقىنا تىپتەن ۋاكىلدىك ەتە المايدى، بوسقا ارامتەر بولعاندىق ەكەندىگى داۋسىز. ءبىز باسىم كوپ تايۋاننىڭ ونەركاسىپ - ساۋدا سالاسىنداعى قايراتكەرلەر مەن تايۋاندىق باۋىرلاستاردىڭ دۇرىس پەن بۇرىستى ايقىن پارىقتاپ، ”تايۋاندى دەربەستەندىرۋدى“ كوزدەۋشىلەردىڭ تايۋانعا تەك اۋىر زوبالاڭ عانا اكەلەتىندىگىن جەتە تانىپ، امەريكانىڭ ”تايۋان ارقىلى جۇڭگونى شاۋجايلاۋ“ سۇرقيا نيەتىن جەتە تانىپ، ەكى جاعالاۋ قارىم - قاتىناسىنىڭ بەيبىت دامۋىن ءىس جۇزىندىك ارەكەتىمەن قورعايتىندىعىنا جانە ىلگەرىلەتەتىندىگىنە سەنەمىز.

  ءبىر ءتىلشىنىڭ ”ساۋ شيڭچىڭ پەلوسيدىڭ تايۋانعا تىمىسكىلەپ بارعاندىعىنان پايدالانىپ، ۇلى قۇرلىققا جانە تايۋانداعى بىرلىككە كەلۋدى جاقتاۋشى كۇشتەرگە سوقتىعىپ، كۇيە جاقتى ءارى جىلۋ اتاپ، ايتىلمىس ’تايۋان حاۋىپسىزدىگىن‘ كۇشەيتۋگە كومەكتەسەتىندىگىن جاريالادى. بۇعان قالاي قارايسىز؟“ دەگەن سۇراۋىنا ما شياۋگۋاڭ جوعارىداعىداي جاۋاپ بەردى.

  ما شياۋگۋاڭ مىنالاردى ءبىلدىردى: جۇرتقا بەلگىلى، دەموكراتيانى ىلگەرىلەتۋ پارتياسى بيلەۋشىلەرىنىڭ سىرتقى كۇشتەرمەن استاسىپ، ”دەربەستىكتى“ كوزدەپ ارانداتۋشىلىق جۇرگىزۋى قازىرگى تايۋان بۇعازى جاعدايىنىڭ شيەلەنىسۋىنىڭ، قيىنداسۋىنىڭ ءتۇبىرلى سەبەبى. پەلوسيدىڭ تايۋانعا تىمىسكىلەپ بارۋى جۇڭگونىڭ يەلىك ۇقىعىنا جانە تەرريتوريا تۇتاستىعىنا اۋىر زيان جەتكىزدى، تايۋان بۇعازى ءوڭىرىنىڭ بەيبىتشىلىگىنە، ورنىقتىلىعىنا جانە ەكى جاعالاۋداعى باۋىرلاستاردىڭ مۇددەسىنە اۋىر زالال جەتكىزدى. جان نيەتپەن ارانداتۋشىلىققا ءبىزدىڭ قاجەتتى شارا قولدانىپ، قارسى تۇرۋىمىز بۇكىلدەي ادىلەتتى ارەكەت، ورىندى ارەكەت.

  ما شياۋگۋاڭ بىلاي دەدى: باسا دارىپتەۋگە ءتيىستىسى، ءبىزدىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ ءۇشىن قولدانعان قاجەتتى ارەكەتتەرىمىزدىڭ ءبارى ”تايۋاندى دەربەستەندىرۋدى“ كوزدەيتىن بولشەكتەۋشىلىك قيمىلدارىنا جانە سىرتقى كۇشتەردىڭ كيلىگۋىنە باعىتتالعان، استە تايۋاندىق باۋىرلاستارعا باعىتتالماعان، ونىڭ ماقساتى ەكى جاعالاۋداعى باۋىرلاستاردىڭ ءتول مۇددەسى مەن جۇڭحۋا ۇلتىنىڭ جالپى تۇلعالىق مۇددەسىن تۇبىرىنەن قورعاۋ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.