ما شيڭرۇي، ەركىن تۇنياز ءىسلام مەملەكەتتەرىنىڭ جۇڭگوداعى ەلشىلەرى ۋاكىلدەر ۇيىرمەسىندەگىلەرمەن كەزدەستى
جاڭ چۇنلين كەزدەسۋگە قاتىناستى
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 8 - ايدىڭ 5 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 8 - ايدىڭ 4 - كۇنى كەشتە ۇرىمجىدە شينجياڭعا ەكسكۋرسيالاي، ساپارلاي كەلگەن ءىسلام مەملەكەتتەرىنىڭ جۇڭگوداعى ەلشىلەرى ۋاكىلدەر ۇيىرمەسىندەگىلەرمەن كەزدەستى.
اۆتونوميالى رايوندىق پارتكومنىڭ ورىنباسار شۋجيى، ۇگىت ءبولىمىنىڭ باستىعى جاڭ چۇنلين كەزدەسۋگە قاتىناستى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان ءىسلام مەملەكەتتەرىنىڭ جۇڭگوداعى ەلشىلەرى ۋاكىلدەر ۇيىرمەسىندەگىلەردىڭ كەلگەندىگىن قارسى الاتىندىعىن ءبىلدىردى. ول بىلاي دەدى: جۇڭگو كوممۋنيستىك پارتياسىنىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، شينجياڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعامنىڭ جاراسىمدىلىعى مەن ورنىقتىلىعىن بار كۇشپەن قورعادى، حالىق تۇرمىسىمەن تىعىز جاناسا جوعارى ساپالى دامۋدى ىلگەرىلەتتى، ۇلتتار ىنتىماعىن نىعايتىپ، دامىتتى، ءدىني سەنىم ەركىندىگىن قامتاماسىز ەتتى، ادامدىق ۇقىقتى قامتاماسىز ەتۋ ورەسىن جان - جاقتى جوعارىلاتتى، قوعامى ورنىقتى، حالقى تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى. ءارقانداي وسەك - اياڭ مەن كۇيە جاعۋ شينجياڭنىڭ ورنىقتىلىق، دامۋ، ادامدىق ۇقىقتى قورعاۋ قاتارلى جاقتارداعى تابىستارىن جوققا شىعارا المايدى، شينجياڭنىڭ كوركەيىپ - گۇلدەنۋ، دامۋ قادامى بارعان سايىن تەزدەي بەرەدى. ءبىز باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرۋدىڭ ۇتىمدى ءادىسىن قاراستىرىپ، جاڭا داۋىردەگى جاڭا جورىقتا كورىكتى شينجياڭ قۇرۋعا قايراتتانا قۇلشىنۋدامىز. ەلشىلەردىڭ وسى جولعى ساپارىندا شينجياڭ جونىندە اناعۇرلىم تەرەڭ، جان - جاقتى تانىم، تۇسىنىككە يە بولاتىندىعىنا سەنەمىن ءارى كوپشىلىكتىڭ كوپىرلىك، دانەكەرلىك رولدارىن ۇزدىكسىز ساۋلەلەندىرىپ، جۇڭگو شينجياڭىنىڭ حيكايالارىن ويداعىداي بايانداپ، جاراسىمدى، ورنىقتى، گۇلدەنگەن، باي، باقىتتى دا تاماشا جۇڭگونىڭ شينجياڭىن حالىقارالىق قوعامعا جان - جاقتى، وبيەكتيۆ، شىنايى تۇردە تانىستىرۋىن ءۇمىت ەتەمىن.
ما شيڭرۇي بىلاي دەپ باسا دارىپتەدى: جۇڭگو مەن ءىسلام مەملەكەتتەرىنىڭ قارىم - قاتىناسى ءداستۇرلى دوستىق قارىم - قاتىناس، دوستىعى تەرەڭ، سەلبەستىگى تىعىز، ”ءبىر بەلدەۋ، ءبىر جولدى“ بىرگە قۇرۋ تاراپتاردىڭ دامۋ، گۇلدەنۋگە بەتتەۋىندەگى كوپىرگە، دانەكەرگە اينالدى. جۇڭگو شينجياڭىنىڭ جىبەك جولى ەكونوميكالىق بەلدەۋىنىڭ وزەكتى رايونى رەتىندە، جاعراپيالىق ورنى، بايلىق ەرەكشەلىگى، مادەنيەت مايەگى قاتارلى باسىمدىعى كورنەكتى، ءىسلام مەملەكەتتەرىنىڭ جەرگىلىكتى ورىندارىمەن بولعان سەلبەستىك نەگىزى مىعىم، بولاشاعى كەڭ. ءبىز ”ءبىر بەلدەۋ، ءبىر جول“ قۇرىلىسىنا بەلسەنە قىزمەت وتەپ جانە ونىمەن توعىسىپ، رەفورمانى ۇزدىكسىز تەرەڭدەتىپ، ەسىكتى ايقارا اشىپ، ءىسلام مەملەكەتتەرىنىڭ جەرگىلىكتى ورىندارىمەن ەكونوميكا، مادەنيەت، ساياحات قاتارلى سالالارداعى اۋىس - كۇيىس پەن سەلبەستىكتى ىلگەرىلەتىپ، ەكى جاق حالقىن اناعۇرلىم تاماشا باقىتقا كەنەلتەمىز. ەلشىلەردى جانە ولاردىڭ مەملەكەتىنىڭ ۇكىمەتى مەن كاسىپورىن ۋاكىلدەرى قاتارلىلاردى 7 - كەزەكتى جۇڭگو − ازيا − ەۆروپا كورمەسىنە قاتىناسۋعا ىقىلاستى تۇردە ۇسىنىس ەتەمىز.
ۋاكىلدەر ۇيىرمەسىنىڭ باستىعى، الجيريانىڭ جۇڭگوداعى باس ەلشىسى رابەحي مىنالاردى ءبىلدىردى: وسى جولعى ەكسكۋرسيالاۋدا، ساپاردا جۇڭگو شينجياڭىنىڭ شىنايى جاعدايىن ءوز كوزىمىزبەن كوردىك، جۇڭگو كوممۋنيستىك پارتياسىنىڭ باسشىلىعىندا، شينجياڭ قول جەتكىزگەن تابىستارعا ءسۇيىندىم. ءدال جۇڭگو دارىپتەگەندەي، حالىقتىڭ باقىتتى تۇرمىسى ەڭ ۇلكەن ادامدىق ۇقىق. شينجياڭداعى ءار ۇلت حالقى تۇگەل تاماشا ادامدىق ۇقىق قامتاماسىزدىعىنان يگىلىكتەنىپ وتىر، شينجياڭنىڭ بولاشاعىنا سەنىمىمىز كامىل. ”ءبىر بەلدەۋ، ءبىر جول“ قۇرىلىسى ورايىنان بىرگە يگىلىكتەنىپ، نەگىزدىك قۇرىلعى، وسى زامانعى اۋىل شارۋاشىلىعى، وقۋ - اعارتۋ، عىلىم - تەحنيكا قاتارلى جاقتاردا ناقتى سەلبەستىك ورىستەتۋدى ءۇمىت ەتەمىز.
گۆينەيا - بيساۋدىڭ جۇڭگوداعى باس ەلشىسى ەمبالو مىنانى ءبىلدىردى: جۇڭگونىڭ شينجياڭىنداعى ءار ۇلت حالقى ورنىقتىلىق پەن دامۋدىڭ پايداسىنان يگىلىكتەنىپ، اناعۇرلىم باقىتتى تۇرمىس كەشىرىپ جاتىپتى، بۇل ادامدىق ۇقىقتى قورعاۋ مەن دامىتۋدىڭ شىنايى بەينەسى. شينجياڭدا رەفورما جاساۋ، ەسىك اشۋ قادامىنىڭ قارىشتاۋىنا ىلەسە، شىنايى دا كورىكتى شينجياڭدى دۇنيە ءجۇزى اناعۇرلىم جاقسى بىلەتىن بولادى.
ساۋد ارابياسىنىڭ جۇڭگوداعى باس ەلشىسى ءال - حاربي مىنانى ءبىلدىردى: جۇڭگو شينجياڭىنىڭ دامۋ تابىستارى جۇرتتى جالت قاراتتى، دۇنيە جۇزىمەن بايلانىسى دا كۇن سايىن قويۋلاي ءتۇستى. جۇڭگونىڭ شينجياڭىمەن سەلبەستىكتى ۇزدىكسىز كۇشەيتىپ، تەحنيكا، ءبىلىم قاتارلى سالالاردا اناعۇرلىم كوپ قارجى قوسۋدى قالايمىز.
برۋنەيدىڭ جۇڭگوداعى باس ەلشىسى راحماني مىنانى ءبىلدىردى: جۇڭگونىڭ شينجياڭىنداعى ءار ۇلت حالقى جاراسىمدى بىرگە تۇرمىس كەشىرىپ، ءدىني سەنىم ەركىندىگىنەن يگىلىكتەنىپ، حالىق تۇرمىسىنىڭ ىرىس - قۇتى ءۇرتىس ارتىپ، اسا زور دامۋ كومەسكى كۇشىن ايگىلەۋدە، شينجياڭنىڭ بولاشاعىنىڭ اناعۇرلىم تاماشا بولۋىن تىلەيمىن.
گۆيانانىڭ جۇڭگوداعى باس ەلشىسى جوۋ ياشين مىنانى ءبىلدىردى: ءبىز بارلىعىمىز ادامزاتتىڭ تاعدىرلاس ورتاق تۇلعاسىنىڭ مۇشەلەرىمىز. جۇڭگومەن بىرگە بىرلەسكەن مەملەكەتتەر ۇيىمىن ۇيتقى ەتكەن كوپ جاقتى جۇيەنى قورعاپ، بەيبىتشىلىك، دامۋ سىندى قۇن كوزقاراسىنان بۇلجىماي، جۇڭگونىڭ شينجياڭىمەن اۋىس - كۇيىستى، سەلبەستىكتى تەرەڭدەتىپ، اناعۇرلىم مول جەتىستىكتەرگە قول جەتكىزۋدى ىلگەرىلەتۋدى ءۇمىت ەتەمىن.
باحرەيننىڭ جۇڭگوداعى باس ەلشىسى شايكو مىنانى ءبىلدىردى: جۇڭگونىڭ شينجياڭىنىڭ دامۋ تابىستارى ەلدەن ەرەك باسقارۋ قابىلەتىن ايگىلەپ، جۇڭگوشا سوتسياليزم جولىنىڭ تابىسقا جەتۋى مەن جۇڭگونىڭ حالىق تۇرمىسىن جاقسارتۋ، دەموكراتيانى دامىتۋ، ادامدىق ۇقىقتى قامتاماسىزداندىرۋعا كۇش سالۋداعى بەلسەندى ونىمدىلىگىن دالەلدەدى.
سيريانىڭ جۇڭگوداعى باس ەلشىسى حاسسەنە مىنانى ءبىلدىردى: شينجياڭ − جۇڭگونىڭ دامۋىنىڭ جاندى دالەلى، ول دەموكراتيانىڭ ءبىر ءتۇرلى فورمادا عانا بولمايتىندىعىن، جۇڭگو دەموكراتياسىنىڭ دۇنيە ءجۇزىن اناعۇرلىم كوپ ۇلگىمەن قامداي الاتىندىعىن دالەلدەدى.
ماروككونىڭ كىشى ەلشىسى ەل - باككالي مىنانى ءبىلدىردى: جۇڭگونىڭ شينجياڭى مەن ءىسلام مەملەكەتتەرىنىڭ ءار سالاداعى سەلبەستىگىن تەرەڭدەتۋدى ىلگەرىلەتىپ، اناعۇرلىم زور دامۋدى جۇزەگە اسىرۋدى ءۇمىت ەتەمىن.
ماۆريتانيا، يراق، مالي، نيگەر، اۋعانستان، ازەربايجان، بۋركينا فاسو، گامبيا، گۆينەيا، سەنەگال، سومالي، سۋدان، سۋرينام، توگو، تۋنيس، يەمەن، نيگەريا، پاكيستان، ۋگاندا، جيبۋتي، تۇركمەنستان، پالەستين قاتارلى مەملەكەتتەردىڭ جۇڭگوداعى ەلشىلەرى، سىرتقى ىستەر مينيسترلىگىندەگى قاتىستى جاۋاپتى جولداستار، اۆتونوميالى رايون باسشىلارى چىن ۋيجۇن، ءزۇمىرات وبۇل، لي شۋەجۇن، سۇن حۇڭمەي، ابدۇرىقىپ ءتومۇرنياز، نۇرىم سىمايىلقان قاتارلىلار كەزدەسۋگە قاتىناستى.
