ما شيڭرۇي اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابى ماجىلىسىندە بىلاي دەپ باسا دارىپتەدى
ىندەتتەن ساقتانۋ - تىزگىندەۋ شارالارىن زاڭ بويىنشا، عىلمي، دالمە - ءدال، جوعارى ءونىمدى تياناقتاندىرىپ، ىندەتكە توسقاۋىل قويۋدى، ەكونوميكانى ورنىقتىرۋدى، دامۋ حاۋىپسىز بولۋدى باتىل ورىنداۋ كەرەك
ەركىن تۇنياز، لي يفي ماجىلىسكە قاتىناستى
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 8 - ايدىڭ 5 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى ما شيڭرۇي 8 - ايدىڭ 4 - كۇنى كەشتە اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنا كەلىپ، بەينە ەكران ءماجىلىسىن باسقارىپ اشىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، رايونىمىزدىڭ ءىشىنارالىق ىندەت جاعدايىن اقىلداسىپ، ءبىر جايلى ەتىپ، كەزەكتەگى ىندەت جاعدايىنا تالداۋ جۇرگىزىپ، تۇجىرىم جاساپ، تۇتاس رايوننىڭ ىندەتتەن ساقتانۋ - تىزگىندەۋ قىزمەتىن اناعۇرلىم ويداعىداي ىستەۋ جونىندە ورنالاستىرۋ جاسادى.
اۆتونوميالى رايوننىڭ ءتوراعاسى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي ماجىلىسكە قاتىناستى.
ما شيڭرۇي، ەركىن تۇنياز قاتارلى اۆتونوميالى رايوننىڭ باسشىلارى كەزەكتەگى ءىشىنارالىق ىندەتتى ءبىر جاقتى ەتۋ جانە ساقتانۋ - تىزگىندەۋ قىزمەتى احۋالى جونىندەگى مالىمەتتى مۇقيات تىڭداپ، مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ شينجياڭعا كەلگەن قىزمەت گرۋپپاسىنداعى جاۋاپتى جولداستارمەن جانە قولباسشىلىق شتابىنداعى قاتىستى جاۋاپتى جولداستارمەن بىرگە جاعدايدى تۇجىرىمداپ، كەزەكتەگى ىندەتتەن ساقتانۋدىڭ ءتۇيىندى شارالارىن اقىلداستى.
ما شيڭرۇي بىلاي دەپ اتاپ كورسەتتى: رايونىمىزدا ءىشىنارالىق ىندەت تۋىلعاننان كەيىن، اۆتونوميالى رايوندىق پارتكوم وسكەلەڭ ءمان بەرىپ، جىلدام ورنالاستىرۋ جاساپ، ءبىر تۇتاس باسشىلىقتى، ءبىر تۇتاس قولباسشىلىقتى، ءبىر تۇتاس ارەكەتتەنۋدى كۇشەيتىپ، حىسۋان تەكسەرۋ، ەپيدەمولوگيالىق تەكسەرۋ جۇرگىزىپ، تەگىن تەكتەۋ، قوعامدىق جاقتان باسقارۋ - تىزگىندەۋ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ سياقتى قىزمەتتەردى جىلدام، جوعارى ءونىمدى ىلگەرىلەتتى، كەزەكتە ىندەتتەن ساقتانۋ - تىزگىندەۋ جاعدايى ورنىقتى دا مەڭگەرىلمەلى.
ما شيڭرۇي بىلاي دەپ باسا دارىپتەدى: كەزەكتە رايونىمىزدىڭ ءىشىنارالىق ىندەتى كەڭەيۋدەن ساقتانۋدىڭ، سىرتقا اعىلۋدان ساقتانۋدىڭ شەشۋشى كەزەڭىندە تۇر. جەر - جەر، تاراۋلار باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ تالابى بويىنشا، بەيعامدىققا سالىنۋ يدەياسىن، سالعىرتسۋ پيعىلىن باتىل جويىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ باس ستراتەگياسىنا، ”يكەمدى نولگە ءتۇسىرۋ“ باس باعىتىنا بۇلجىماي تاباندى بولىپ، بوساڭسىماي، ىندەتتىڭ تارالۋىن باتىل تەجەپ، ءىشىنارالىق ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، پارتيا 20 - قۇرىلتايىنىڭ جەڭىسپەن اشىلۋىنا تاماشا ورتا جاراتۋ كەرەك.
ءبىرىنشى، ءىشىنارالىق ىندەتتى باتىل، پارمەندى، جىلدام، ءونىمدى ءبىر جايلى ەتىپ، باتىل، پارمەندى شارا قولدانىپ، قوعامدىق جاقتان باسقارۋ - تىزگىندەۋ، بارلىق ادام حىسۋان تەكسەرتۋ، ەپيدەمولوگيالىق تەكسەرۋ جۇرگىزۋ، تەگىن تەكتەۋ سياقتى قىزمەتتەردى قاتاڭ دا دالمە - ءدال ورىستەتىپ، باسقارۋ - تىزگىندەۋ بىرلىگىن جىڭىشكەلەپ ايىرىپ، ءتۇيىندى ادامدار شوعىرىن قاداعالاۋدى قامتۋ اياسىن كەڭەيتىپ، بىردە - ءبىر ادامدى قالدىرماۋعا شىنايى كەپىلدىك ەتىپ، ىندەتتىڭ تارالۋ جولىن جىلدام كەسىپ، ەڭ قىسقا ۋاقىتتا ەڭ از بوداۋمەن قوعامدىق جاقتان نولگە ءتۇسىرۋدى جۇزەگە اسىرۋعا كۇش سالۋ كەرەك.
ەكىنشى، ءبىر تۇتاس، جوعارى ءونىمدى قولباسشىلىق جۇيەسىنىڭ رولىن اناعۇرلىم ويداعىداي ساۋلەلەندىرىپ، ىندەتتەن ساقتانۋ - تىزگىندەۋ قولباسشىلىق جۇيەسىنىڭ جوعارى ونىمدىلىگىن، يكەمدىلىگىن ساقتاپ، قولباسشىلىق شەشىمدەرى مەن سايكەستى ورنالاستىرۋ مەحانيزمدەرىن اقاۋسىزداندىرىپ، كەمەلدەندىرىپ، ساياسي جارلىقتىڭ ىركىلىسسىزدىگىن ساقتاپ، قىزمەت ءتارتىبىن ساپالىلاندىرىپ، اينالىم يقۋاتىن جوعارىلاتىپ، دەر كەزىندە ساڭلاۋلاردى بىتەپ، ولقىلىقتاردى تولىقتاپ، ءارجاقتىڭ بوگەتسىز ۇشتاسۋىن، تىعىز سايكەسۋىن، تەز ءارى جوعارى ءونىمدى بىرلەسىپ ارەكەتتەنۋىن جەبەپ، جوعارى ءونىمدى اينالىمعا، سايكەسۋى يكەمدى، ءبىر جايلى ەتۋى تەبىندى بولۋىنا شىنايى كەپىلدىك ەتۋ كەرەك.
ءۇشىنشى، ىندەتتەن ساقتانۋ - تىزگىندەۋدى ۇدايىلاندىرۋدى زاڭ بويىنشا، عىلمي، دالمە - ءدال، جوعارى ءونىمدى ويداعىداي ىستەپ، قىراعىلىقتى ساقتاپ، ساقتىقتى جوعارىلاتىپ، ”ءتورت ەرتە بولۋ“ شاراسىن تياناقتاندىرىپ، ىرىقتىلىقپەن ساقتانىپ، ەرتە بايقاپ، جىلدام ءبىر جايلى ەتىپ، ءتۇيىندى تاراۋلاردى، ءتۇيىندى ورىنداردى، ءتۇيىندى ادامدار شوعىرىن ءجىتى قاداعالاپ، ۇدايىلانعان حىسۋان تەكسەرۋدىڭ ساپا ونىمدىلىگىن جوعارىلاتىپ، شەكارانى قاتاڭ جابىق اينالىمدى باسقارىپ، ىندەتتەن ساقتانۋ - تىزگىندەۋ قالتقىسىن بەكەمدەپ، ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا ىندەتتى قاداعالاۋ سەزىمتالدىعىن جوعارىلاتىپ، قاداعالاۋدىڭ، الدىن سالا ساقتاندىرۋدىڭ سەزگىر، ءونىمدى بولۋىنا شىنايى كەپىلدىك ەتىپ، ساقتانۋ - تىزگىندەۋ ستراتەگياسىن، توتەپ بەرۋ شاراسىن، اتقارۋ كۇشەمەلىلىگىن يكەمدى رەتتەۋ؛ 9 - نۇسقالى ساقتانۋ - تىزگىندەۋ جوبا - شاراسىن قاتاڭ تياناقتاندىرىپ، قاراپايىمداستىرۋ، ءبىرشىبىقپەن ايداۋ، ساتىلار بويىنشا قىسىمدى ارتتىرۋدان قاتاڭ ساقتانىپ، عىلمي، دالمە - ءدال، جوعارى ءونىمدى ىستەۋگە، بۇقاراعا قولايلى بولۋعا تالپىنىپ، ىندەتتەن ساقتانۋ - تىزگىندەۋدىڭ عىلميلىعىن، باعىتتامالىلىعىن، ونىمدىلىگىن شىنايى كۇشەيتۋ كەرەك.
ءتورتىنشى، شۇعىل جاعدايعا توتەپ بەرۋ، ءبىر جايلى ەتۋ قابىلەتىن، دەڭگەيىن كۇش سالا جوعارىلاتىپ، ىندەتتەن ساقتانۋ - تىزگىندەۋدى ۇدايىلاندىرۋ جانە شۇعىل جاعدايعا توتەپ بەرۋ، ءبىر جايلى ەتۋ، اۋىستىرۋ مەحانيزمىن اقاۋسىزداندىرىپ، شۇعىل جاعدايعا توتەپ بەرۋ جوباسىن كەمەلدەندىرىپ، زور كولەمدى حىسۋان تەكسەرۋ، ىندەتتى قاداعالاۋ، الدىن سالا ساقتاندىرۋ، مەديتسينالىق زاتتىق ماتەريالداردى زاپاس ساقتاۋ، قىزمەتكەرلەردى باۋلۋ سياقتى توتەپ بەرۋ دايىندىعىن ويداعىداي ىستەپ، ءبىر تۇتاس جوسپارلاپ سايكەستىرۋدى، جوعارى ءونىمدى بىرلەسىپ ارەكەتتەنۋدى كۇشەيتىپ، شۇعىل جاعدايعا توتەپ بەرۋ دەڭگەيىن جوعارىلاتىپ، ىندەت بايقالعان زامان جىلدام اڭىس قايتارۋعا، بايلىق پەن كۇشتى ەڭ تەز شوعىرلاندىرىپ جىلدام جويۋعا شىنايى كەپىلدىك ەتۋ كەرەك.
بەسىنشى، جاۋاپكەرشىلىك ارقالاۋدى كۇشەيتىپ، بەلسەنە، ىرىقتىلىقپەن ىسكەرلىك كورسەتۋ كەرەك. ءار دارەجەلى باسشى كادرلار ”ءتورت جاق جاۋاپكەرشىلىگىن“ شىنايى ناقتىلاندىرىپ، بۇكىل شينجياڭ ءبىر تۇتاس جۇيە، بيڭتۋان مەن جەرگىلىكتى ورىن ءبىر تۇتاس جۇيە دەگەنگە تاباندى بولىپ، ”ءار كەز قام جەيتىن“ جاۋاپكەرشىلىك سەزىمىمەن ىندەتتەن ساقتانۋ - تىزگىندەۋ شارالارىنىڭ تياناقتانىپ، ونىمدىلىك كورسەتۋىن ىلگەرىلەتۋ؛ دۇرىس ناتيجە كوزقاراسىن بەرىك ورناتىپ، قىزمەت ءتاسىلىن جاقسارتىپ، ىشكەرىلەي تەكسەرۋ - زەرتتەۋ جۇرگىزىپ، ءجىتى قاداعالاپ وتىرعان ىستەرگە ىرىقتىلىقپەن جاۋاپ قايتارىپ، بوگەلىپ قالعان ساياحاتشىلارعا قىزمەت وتەۋ، قامتاماسىز ەتۋ قىزمەتىن بايىپتىلىقپەن، ىجداعاتتىلىقپەن ويداعىداي ىستەپ، زاۆودتاردىڭ، كاسىپورىنداردىڭ قالىپتى ءوندىرىسىن، جۇمىس جۇرگىزۋىن قۇلشىنا قامتاماسىز ەتىپ، بۇقارانىڭ قيىن ماسەلەلەرىن دەر كەزىندە يگەرىپ جانە شەشىپ، فورماشىلدىقتى، تورەشىلدىكتى باتىل تيىپ، زاڭمەن باسقارۋ، ۇدايىلانۋ، ماماندانۋ دەڭگەيىن ۇزدىكسىز جوعارىلاتۋ كەرەك.
التىنشى، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ءونىمدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، شۇعىل جاعدايعا توتەپ بەرۋ، ءبىر جايلى ەتۋ مەن ىندەتتەن ساقتانۋ - تىزگىندەۋدى ۇدايىلاندىرۋدىڭ قاتىناسىن عىلمي ويداعىداي ءبىر جاقتى ەتىپ، ىندەتتىڭ ەكونوميكالىق، قوعامدىق دامۋعا بولعان ىقپالىن ەڭ جوعارى شەكتە ازايتىپ، رەفورما، دامۋ، ورنىقتىلىق قىزمەتتەرىن تىڭعىلىقتى ىلگەرىلەتىپ، ىندەتكە توسقاۋىل قويۋدى، ەكونوميكانى ورنىقتىرۋدى، دامۋ حاۋىپسىز بولۋدى باتىل ورىنداپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
چىن ۋيجۇن، ياڭ فاسىن، قادەن كابەن، ليۋ سۋشى، شۋە بين، جياۋ شياۋپيڭ، لي شۇي، مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ شينجياڭعا كەلگەن قىزمەت گرۋپپاسىنداعى مۇشەلەر، ايماق، وبلىس، قالالارداعى، اۋدان، قالا، رايوندارداعى جاۋاپتى جولداستار، بيڭتۋان ورگانىنداعى قاتىستى جاۋاپتى جولداستار، ت. ب ماجىلىسكە قاتىناستى.
