− باس شۋجي شي جينپيڭنىڭ ولكە - مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”ءبىز جاڭا داۋىردەگى جاڭا جورىقتاعى پارتيانىڭ وزەكتى مىندەتىن مىقتاپ يگەرىپ، جاڭا وي جەلىلەرىن، جاڭا ستراتەگيالاردى، جاڭا شارالاردى العا قويىپ، ۇزدىكسىز تۇردە ’بەستى ءبىر تۇلعالاندىرۋ‘ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ’ءتورتتى جاپپاي ورىنداۋ‘ ستراتەگيالىق ورنالاستىرۋىن سايكەستى ىلگەرىلەتىپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، ىنتىماقتاسا كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋدىڭ شىت جاڭا تاراۋىن جازۋعا قۇلشىنۋىمىز كەرەك“. ولكە - مينيسترلىك دارەجەلى نەگىزگى باسشى كادرلاردىڭ ”باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنىپ، پارتيا 20 - قۇرىلتايىن قارسى الۋ“ ارناۋلى تاقىرىپتىق زەرتتەۋ - تالقى كۋرسىندا باس شۋجي شي جينپيڭ پارتيا مەن مەملەكەت ىستەرىنىڭ دامۋىنا ساياتىن ءبىر قىدىرۋ كەلەلى نازاريالىق جانە امالياتتىق ماسەلەلەردى تەرەڭ بايىمداپ، الداعى ءبىر مەزگىلدەگى پارتيا مەن مەملەكەت ىستەرى دامۋىنداعى كەلەلى باعىت - ساياساتتاردى جانە ارەكەت تۇعىرناماسىن تەرەڭ بايىمداپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن جۇڭگوشا سوتسياليزم جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، ءبىر نيەتپەن ىنتىماقتاسىپ العا ىلگەرىلەپ، جۇڭحۋا ۇلتىنىڭ ۇلى گۇلدەنۋ تاريحي ءۇردىسىن مىزعىماس تاباندىلىقپەن ىلگەرىلەتۋگە شابىتتاندىردى جانە ىنتالاندىردى.
كۇش − ىنتىماقتان، باقىت − كۇرەستەن كەلەدى؛ ىنتىماق بولعاندا عانا جەڭىسكە جەتۋگە بولادى، كۇرەس جاساعاندا عانا تابىسقا جەتۋگە بولادى. شىكۋمىننان تيان - انمىنگە دەيىن، كىشكەنە قىزىل قايىقتان ايباتتى الىپ پاراحودقا دەيىن جۇڭگو كوممۋنيستىك پارتياسى ميللياردتاعان حالىقتى ىنتىماقتاستىرىپ، باستاپ، سان ماشاقاتتى باستان كەشىرسە دە، قايىسپاس قايسارلىق كورسەتىپ، سانسىز قاتەردى باستان كەشىرسە دە، مۇراتتان اينىماي، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي داستاندى جازدى. پارتيا مەن حالىق قول جەتكىزگەن بارلىق تابىس ىنتىماقتاسا كۇرەس جاساۋدىڭ ناتيجەسى، ىنتىماقتاسا كۇرەس جاساۋ جۇڭگو كوممۋنيستىك پارتياسى مەن جۇڭگو حالقىنىڭ ەڭ كورنەكتى رۋحاني بەلگىسى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، قاتاڭ دا كۇردەلى حالىقارالىق جاعداي مەن تولاسسىز كەزدەسكەن وراسان زور حاۋىپ - قاتەرلەرگە، سىن - سايىستارعا ءونىمدى توتەپ بەرىپ، تالپىنا ىسكەرلىك كورسەتەتىن رۋحپەن جاڭا ءداۋىر جۇڭگوشا سوتسياليزمدى العا ىلگەرىلەتتى. كۇشتى شوعىرلاندىرىپ كەدەيلىكتەن ارىلتۋدان قامال الۋ شايقاسىن جۇرگىزىپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتتى؛ ىندەتكە قارسى تۇرۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن ورىستەتىپ، ەكونوميكالىق دامۋ مەن ىندەتتەن ساقتانۋ - تىزگىندەۋدى ءبىر تۇتاس جوسپارلاپ، دۇنيە جۇزىندەگى ەڭ تاماشا ناتيجەگە قول جەتكىزدى؛ كۇرەس بارىسىندا مەملەكەتتىڭ بەدەلى مەن وزەكتى مۇددەسىن قورعاپ، ەلىمىزدىڭ دامۋ جانە حاۋىپسىزدىك ىرىقتىلىق ۇقىعىن قولىندا بەرىك ۇستادى... 10 جىلدان بەرى ءبىز جولىققان حاۋىپ - قاتەرلەردىڭ، سىن - سايىستاردىڭ داۋىلى كۇشتى، تولقىنى قاتتى بولدى، كەيدە ءتىپتى، سۇراپىل تاسقىن، دۇلەي تولقىن كوتەرىلدى، پارتيا ورتالىق كوميتەتىنىڭ پارمەندى باسشىلىعىندا، ءبىز سەنىمدى بەكەمدەپ، قيىندىقتارعا قارسى اتتانىپ، قايراتتانا العا ۇمتىلىپ، بىرىنەن سوڭ ءبىرىن جالعاپ شايقاس جۇرگىزىپ، كوپ جاقتاعى سىنداردان وتتىك، پارتيا مەن مەملەكەت ىستەرى تاريحي تابىستارعا قول جەتكىزىپ، تاريحي وزگەرىستەر تۋىلدى. تاريح پەن اماليات مىنانى دالەلدەدى ءارى ۇزدىكسىز دالەلدەي بەرمەك: ىنتىماق دەگەنىمىز كۇش، كۇرەس جاساۋ بولاشاققا جول اشادى؛ ىنتىماقتاسىپ كۇرەس جاساي الاتىن ۇلتتىڭ عانا بولاشاعى جارقىن، ىنتىماقتاسىپ كۇرەس جاساي الاتىن ساياسي پارتيا عانا جەڭىلمەس ورىندا تۇرا الادى.
ايقىن كۇرەس نىساناسىن ارقاۋ ەتىپ قالىپتاسقان ىنتىماق قانا ەڭ بەرىك ىنتىماق، تىعىز ىنتىماقتاسۋعا سۇيەنىپ جۇرگىزگەن كۇرەس عانا ەڭ قۋاتتى كۇرەس. الدا اشىلاتىن پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋ جاڭا جورىعىنا وتكەن شەشۋشى ساتتە اشىلاتىن ءبىر رەتكى توتەنشە ماڭىزدى قۇرىلتاي، جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ەكى قادامعا ءبولىپ ءجۇرۋ ستراتەگيالىق ورنالاستىرۋىنا ماكرولىق كوز جىبەرىپ، الداعى 5 جىلداعى، ءتىپتى، ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىسانا - مىندەتتەرىن جانە كەلەلى باعىت - ساياساتتارىن عىلمي جوسپارلايدى. باس شۋجي شي جينپيڭ بىلاي دەپ باسا دارىپتەدى: ”پارتيانىڭ جاڭا جورىقتا قانداي تۋ ۇستايتىندىعىن، قانداي جولمەن جۇرەتىندىگىن، قانداي رۋحاني كۇيمەن قانداي نىساناعا قاراي ۇزدىكسىز العا تارتاتىندىعىن ايقىن جاريالايدى، بۇكىل ەلدەگى ءار ۇلت حالقىن جۇڭگوشا سوتسياليزمنىڭ تىڭ جەڭىسىنە قول جەتكىزۋ ءۇشىن كۇرەس جۇرگىزۋگە ىنتىماقتاستىرۋ جانە ىنتالاندىرۋ جونىنەن ايرىقشا ماڭىزدى مانگە يە“. الداعى 5 جىل جاپپاي سوتسياليستىك وسىزاماندانعان مەملەكەت قۇرۋدى باستاۋعا قادام تاستايتىن شەشۋشى مەزگىل، وسى 5 جىلداعى دامۋدى جاقسى ىستەۋ ەكىنشى 100 جىلدىق كۇرەس نىساناسىن جۇزەگە اسىرۋ جونىنەن ايرىقشا ماڭىزدى. ءبىز يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، جالپى حالىقتىڭ اقىل - پاراساتى مەن كۇش - قايراتىن ۇيىستىرىپ، بۇكىل قوعامنىڭ جاسامپاز ومىرشەڭدىك كۇشى مەن دامۋ قوزعاۋشى كۇشىن قاۋلاتىپ، جالپى جۇرت ءبىر نيەتتە بولىپ، ىنتىماقتاسا كۇرەس جاساپ، ءىس جۇزىندىك ارەكەتىمىز ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الىپ، تۇراقتاندىرىلعان كۇرەس نىساناسىنان جازباي، تاسقىنداعان جىگەرمەن بولاشاقتى بەتكە الۋىمىز كەرەك.
قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، جۇڭحۋا ۇلتىنىڭ ۇلى گۇلدەنۋى شەشۋشى مەزگىلگە ءوتتى. ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي مەزگىلدەگىدەن دە اناعۇرلىم جاقىنداي تۇستىك، بۇل نىسانانى جۇزەگە اسىرۋعا تاريحتاعى ءارقانداي كەزدەگىدەن دە سەنىمىمىز كامىل ءارى قابىلەتىمىز قاپتال جەتەدى. سونىمەن بىرگە ءبىز مىنانى سەرگەكتىكپەن تانۋىمىز كەرەك، جۇڭحۋا ۇلتىنىڭ ۇلى گۇلدەنۋى جەڭىل - جەلپى، ايعاي - سۇرەنمەن جۇزەگە اسا سالمايدى، ءسوز جوق، كوپتەگەن جاڭا تاريحي ەرەكشەلىكتەرگە يە ۇلى كۇرەستەردى جۇرەكتىلىكپەن جۇرگىزىپ، اناعۇرلىم ماشاقاتتى، اناعۇرلىم قاجىرلى قۇلشىنىس جاساۋعا دايىن بولۋ كەرەك. تاريح بىزگە مىنانى ءتۇسىندىردى: ىنتىماق − جۇڭگو حالقى مەن جۇڭحۋا ۇلتىنىڭ العا ىلگەرىلەۋ جولىنداعى بارلىق حاۋىپ - قاتەردى، سىن - سايىستى جەڭىپ، ۇزدىكسىز جەڭىستەن جاڭا جەڭىستى بەتكە الۋىنىڭ ماڭىزدى كەپىلى. كەمە اعىننىڭ ورتاسىنا بارعاندا، ادام تاۋدىڭ ورتان بەلىنە جەتكەندە ەل ءىشى - سىرتىنداعى بارلىق جۇڭحۋا پەرزەنتتەرىنىڭ ويدى ءبىر جەرگە شوعىرلاندىرىپ، كۇشتى ءبىر جەرگە جۇمساپ، جۇدىرىقتاي جۇمىلىپ، كۇش - قايرات توپتاپ، تىزە قوسا كۇرەس جاساۋ كۇشىن بارىنشا ۇيىستىرۋىن قاجەت ەتەدى. ءبىر ميلليارد 400 ميلليوننان استام جۇڭگو حالقى قاي - قاشان دا قول ۇستاسىپ بىرگە بولاشاقتى بەتكە السا بولعانى، 96 ميلليوننان استام جۇڭگو كوممۋنيستەرى قاي - قاشان دا حالىقپەن جۇرەكتەس بولىپ بىرگە بولاشاقتى بەتكە السا بولعانى، ءبىز، ءسوز جوق، جاڭا ەمتيحان تاپسىرۋ جولىندا جۇرتتى جالت قاراتاتىن كەرەمەتتەردى ۇزدىكسىز جارا الامىز.
ىنتىماقتاسا كۇرەس جاساۋ پارتيانىڭ حالىققا باسشىلىق ەتىپ تاريحي ۇلى ءىس جاراتۋىندا، ءسوزسىز، باسىپ وتەتىن جولى. ءبىز ىنتىماقتاسا كۇرەسۋگە سۇيەنىپ شۇعىلالى تاريح جاراتتىق، تاعى دا ىنتىماقتاسا كۇرەس جاساۋعا سۇيەنىپ تاماشا بولاشاققا جول اشامىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، ءوز ءىسىمىزدى بار كۇشپەن جاقسى ىستەپ، قاجىماي - تالماي كۇرەسىپ، ماڭگى كۇرەسىپ، جاڭا ۇلى جورىقتا جاڭا ءداۋىر شۇعىلاسىن جاراتىپ، جاڭا تاريحي ۇلى ءىس سومدايىق!
(شينحۋا اگەنتتىگىنىڭ 8 - ايدىڭ 5 - كۇنى بەيجيڭنەن بەرگەن حابارى)
